Read Sirach 2 side by side with translations · The Final Bible
1 ... ⲙⲡϫⲟⲉⲓⲥ ⲥⲃⲧⲉⲧⲉⲕⲯⲩⲭⲏ ⲉⲩⲡⲉⲓⲣⲁⲥⲙⲟⲥ
2 ⲥⲟⲩⲧⲛⲡⲉⲕϩⲏⲧ ⲁⲩⲱ ⲛⲅϥⲓ ⲉⲣⲟⲕ ⲛⲅⲧⲙϭⲉⲡϭⲡ ϩⲙⲡⲉⲟⲩⲟⲉⲓϣ ⲙⲡⲉⲕϩⲓⲥⲉ
3 ⲧⲟϭⲕ ⲉⲣⲟϥ ⲛⲅⲧⲙⲥⲁϩⲱⲕ ⲉⲃⲟⲗ ⲙⲙⲟϥ ϫⲉⲉⲕⲉⲁⲩⲝⲁⲛⲉ ϩⲛⲧⲉⲕϩⲁⲏ
4 ϩⲱⲃ ⲛⲓⲙ ⲉⲧⲛⲛⲏⲩ ⲉϫⲱⲕ ϣⲟⲡϥ ⲉⲣⲟⲕ ⲛⲅⲣϩⲁⲣϣϩⲏⲧ ϩⲙⲡⲉⲙⲕⲁϩ ⲙⲡⲉⲕⲑⲃⲃⲓⲟ
5 ϫⲉⲉϣⲁⲩⲇⲟⲕⲓⲙⲁⲍⲉ ⲙⲡⲛⲟⲩⲃ ϩⲙⲡⲕⲱϩⲧ ⲛⲥⲱⲧⲡ ϩⲱⲟⲩ ⲛⲣⲱⲙⲉ ϩⲛⲟⲩϩⲣⲱ ⲛⲑⲃⲃⲓⲟ
6 ⲡⲓⲥⲧⲉⲩⲉ ⲉⲣⲟϥ ⲁⲩⲱ ϥⲛⲁϣⲟⲡⲕ ⲉⲣⲟϥ ⲛⲅⲥⲟⲟⲩⲧⲛ ⲛⲛⲉⲕϩⲓⲟⲟⲩⲉ ⲛⲅϩⲉⲗⲡⲓⲍⲉ ⲉⲣⲟϥ
7 ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ϭⲱϣⲧ ⲉⲃⲟⲗ ϩⲏⲧϥ ⲙⲡⲉϥⲛⲁ ⲙⲡⲣⲣⲓⲕⲉ ϫⲛⲛⲉⲕϩⲉ
8 ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲡⲓⲥⲧⲉⲩⲉ ⲉⲣⲟϥ ⲁⲩⲱ ⲛⲉⲡⲉⲧⲛⲃⲉⲕⲉ ϩⲉ ⲉⲃⲟⲗ
9 ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ϩⲉⲗⲡⲓⲍⲉ ⲉⲛⲉⲡⲁⲅⲁⲑⲟⲛ ⲁⲩⲱ ⲟⲩⲟⲩⲛⲟϥ ϣⲁⲉⲛⲉϩ ⲙⲛⲟⲩⲛⲁ
10 ϭⲱϣⲧ ⲛⲁⲩ ⲛⲓⲙ ... ⲏ ⲛⲓ ⲡⲉⲛⲧⲁϥ ϩⲛⲛⲉϥⲉⲛⲧⲟⲗⲏ ⲁϥⲕⲁⲁϥ ⲛⲥⲱϥ ⲏ ⲛⲓⲙ ⲡⲉⲛⲧⲁϥⲱϣ ⲉϩⲣⲁⲓ ⲉⲣⲟϥ ⲁϥⲟⲃϣϥ ⲉⲣⲟϥ
11 ϫⲉⲟⲩϣⲁⲛⲧϩⲧⲏϥ ⲛⲛⲁⲏⲧ ⲡⲉ ⲡϫⲟⲉⲓⲥ ⲁⲩⲱ ϣⲁϥⲕⲁⲛⲟⲃⲉ ⲉⲃⲟⲗ ⲛϥⲧⲟⲩϫⲟ ϩⲛⲛⲉⲟⲩⲟⲉⲓϣ ⲛⲧⲉⲑⲗⲓⲯⲓⲥ
12 ⲟ ⲛⲟⲩϩⲏⲧ ⲛϭⲱⲃ ⲙⲛϩⲉⲛϭⲓϫ ⲉⲩⲕⲏ ⲁ ⲟⲩⲣⲉϥⲣⲛⲟⲃⲉ ⲉϥⲙⲟⲟϣⲉ ϩⲓϩⲓⲏ ⲥⲛⲁⲩ
13 ⲟⲩⲟⲓ ⲛⲟⲩϩⲏⲧ ⲛϭⲱⲃ ϫⲉⲛϥⲡⲓⲥⲧⲉⲩⲉ ⲁⲛ ⲉⲧⲃⲉⲛⲁⲓ ⲛⲥⲉⲛⲁⲥⲕⲉⲡⲁⲍⲉ ⲙⲙⲟϥ ⲁⲛ
14 ⲟⲩⲟⲓ ⲛⲏⲧⲛ ⲛⲉⲛⲧⲁⲩⲕⲁⲧⲟⲟⲧⲟⲩ ⲉⲃⲟⲗ ⲛⲑⲩⲡ ⲁⲩ ⲉⲣⲉⲧⲛⲁⲣⲟⲩ ⲉⲣϣⲁⲛⲡϫⲟⲉⲓⲥ ϭⲙⲡⲉⲧⲛϣⲓⲛⲉ
15 ⲛⲉ ϩⲏⲧϥ ⲙⲡϫⲟⲉⲓⲥ ⲙⲉⲩⲣⲁⲧⲥⲱⲧⲙ ⲛⲥⲁⲛⲉϥϣⲁϫⲉ ⲁ ⲛⲉⲧⲙⲉ ⲙⲙⲟϥ ϣⲁⲩϩⲁⲣⲉϩ ⲉⲛⲉϥϩⲓⲟⲟⲩⲉ
16 ⲛ ϩⲏⲧϥ ⲙⲡϫⲟⲉⲓⲥ ϣⲁⲩϣⲓⲛⲉ ⲛⲥⲁⲡⲉⲧⲉϩⲛⲁϥ ⲁⲩ ⲛⲉⲧⲙⲉ ⲙⲙⲟϥ ϣⲁⲩϣⲓⲛⲉ ⲛⲥⲁⲡⲉϥⲛⲟⲙⲟⲥ
17 ⲛⲉⲧϩⲏⲧϥ ⲙⲡϫⲟⲉⲓⲥ ⲥⲉⲛⲁⲛⲛⲉⲩϩⲏⲧ ⲁⲩⲱ ϣⲁⲩⲑⲃⲃⲓⲟ ⲛⲛⲉⲩⲯⲩⲭⲏ ⲙⲡⲉϥⲙⲧⲟ ⲉⲃⲟⲗ
18 ⲉⲛⲛⲁϩⲉ ϩ ⲛϭⲓϫ ⲙⲡϫⲟⲉⲓⲥ ⲛϩⲛⲛϭⲓϫ ⲛⲣⲱⲙ ⲁⲛ ⲛⲉ ⲛⲧϩⲉ ⲅⲁⲣ ⲛⲧⲟϭ ⲧⲁⲓ ⲧⲉ ⲧⲉⲛⲧⲛⲁ
Sirach 1 · Sirach 3 · Greek (Septuagint / SBLGNT) · Aramaic (Peshitta) · Latin (Vulgate)