Read Sirach 1 side by side with translations · The Final Bible
1 ⲧⲥⲟⲫⲓⲁ ⲧⲏⲣⲥ ⲟⲩⲉⲃⲟⲗ ϩⲓⲧⲙⲡϫⲟⲉⲓⲥ ⲧⲉ ⲁⲩⲱ ⲥϣⲟⲟⲡ ⲛⲙⲙⲁϥ ϣⲁⲉⲛⲉϩ
2 ⲛⲓⲙ ⲡⲉⲧⲛⲁϣϣⲉⲡⲡϣⲟ ⲛⲧⲑⲁⲗⲁⲥⲥⲁ ⲙⲛⲛⲧⲗϯⲗⲉ ⲙⲫⲱⲟⲩ ⲙⲛⲛⲉϩⲟⲟⲩ
3 ⲛⲓⲙ ⲡⲉⲧⲛⲁϣϩⲉⲧϩⲧⲡϫⲓⲥⲉ ⲛⲧⲡⲉ ⲙⲛⲡⲡⲱϫⲕ ⲙⲡⲕⲁϩ ⲙⲛⲡϣⲓⲕⲉ ⲙ... ⲙⲛⲡⲛⲟⲩⲛ ⲙⲛⲧⲥⲟⲫⲓⲁ
4 ϩⲁⲧϩⲏ ⲛⲛⲕⲁ ⲛⲓⲙ ⲁⲩⲥⲛⲧⲧⲥⲟⲫⲓⲁ ⲁⲩⲱ ⲧⲙⲛⲧⲥⲁⲃⲉ ⲙⲛⲧⲙⲛⲧⲣⲙⲛϩⲏⲧ ϫⲓⲛⲉⲛⲉϩ
5 ⲧⲡⲏⲅⲏ ⲛⲧⲥⲟⲫⲓⲁ ⲡⲉ ⲡϣⲁϫⲉ ⲙⲡⲛⲟⲩⲧⲉ ϩⲛⲛⲉⲧϫⲟⲥⲉ ⲁⲩⲱ ⲛⲉⲥϩⲓⲟⲟⲩⲉ ϩⲛⲉⲛⲧⲟⲗⲏ ⲛⲉ ⲛϣⲁ ⲉⲛⲉϩ
6 ⲧⲛⲟⲩⲛⲉ ⲛⲧⲥⲟⲫⲓⲁ ⲛⲧⲁⲥϭⲱⲗⲡ ⲉⲛⲓⲙ ⲁⲩⲱ ⲛⲓⲙ ⲡⲉⲛⲧⲁϥⲉⲓⲙⲉ ⲉⲛⲉⲥⲕⲟⲧⲥ
7 ⲧⲉⲡⲓⲥⲧⲏⲙⲏ ⲛⲧⲥⲟⲫⲓⲁ ⲛⲧⲁⲥⲟⲩⲱⲛϩ ⲉⲛⲓⲙ ⲁⲩⲱ ⲡⲉⲥⲥⲟⲟⲩⲛ ⲧⲏⲣϥ ⲛⲓⲙ ⲡⲉⲛⲧⲁϥⲥⲟⲩⲱⲛϥ
8 ⲟⲩⲁ ⲡⲉ ⲡⲥⲟⲫⲟⲥ ⲉϥϯϩⲟⲧⲉ ⲉⲙⲁⲧⲉ ⲉϥϩⲙⲟⲟⲥ ϩⲓϫⲙⲡⲉϥⲑⲣⲟⲛⲟⲥ
9 ⲡϫⲟⲉⲓⲥ ⲛⲧⲟϥ ⲡⲉⲛⲧⲁϥⲥⲟⲛⲧⲥ ⲁⲩⲱ ⲁϥⲛⲁⲩ ⲉⲣⲟⲥ ⲁϥⲟⲡⲥ ⲁϥⲡⲁϩⲧⲥ ⲉϩⲣⲁⲓ ⲉϫⲛⲛⲉϥϩⲃⲏⲩⲉ ⲧⲏⲣⲟⲩ
10 ⲥϣⲟⲟⲡ ⲙⲛⲥⲁⲣⲝ ⲛⲓⲙ ⲕⲁⲧⲁⲧϩⲉ ⲉⲧϥϯ ⲙⲙⲟⲥ ⲁⲩⲱ ⲁϥⲧⲁⲁⲥ ⲛⲛⲉⲧⲙⲉ ⲙⲙⲟϥ
11 ⲧϩⲟⲧⲉ ⲙⲡϫⲟⲉⲓⲥ ⲟⲩⲉⲟⲟⲩ ⲧⲉ ⲙⲛⲟⲩϣⲟⲩϣⲟⲩ ⲁⲩⲱ ⲟⲩⲟⲩⲛⲟϥ ⲧⲉ ⲙⲛⲟⲩⲕⲗⲟⲙ ⲛⲧⲉⲗⲏⲗ
12 ϣⲁⲣⲉⲧϩⲟⲧⲉ ⲙⲡϫⲟⲉⲓⲥ ϯⲟⲩⲣⲟⲧ ⲙⲡϩⲏⲧ ϣⲁⲥϯ ⲛⲟⲩⲟⲩⲛⲟϥ ⲙⲛⲟⲩⲣⲁϣⲉ ⲙⲛⲟⲩⲁϣⲏ ⲛⲉϩⲟⲟⲩ
13 ⲙⲡⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲡⲡⲉⲧⲛⲁⲛⲟⲩϥ ⲛⲁϣⲱⲡⲉ ⲙⲙⲟϥ ϩⲛⲧⲉϥϩⲁⲏ ⲁⲩⲱ ϩⲛⲛⲉϩⲟⲟⲩ
14 ⲧⲁⲣⲭⲏ ⲛⲧⲥⲟⲫⲓⲁ ⲡⲉ ⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲁⲩⲱ ⲁϥ... ⲙⲛⲙⲡⲓⲥⲧⲟⲥ ϩⲛⲧⲟⲟⲧⲉ
15 ⲁⲥⲥⲙⲛⲥⲛⲧⲉ ⲛϣⲁⲉⲛⲉϩ ⲙⲛⲛⲣⲱⲙⲉ ⲁⲩⲱ ⲥⲛⲁⲧⲁⲛϩⲟⲩⲧⲥ ⲙⲛⲡⲉⲩⲥⲡⲉⲣⲙⲁ
16 ⲡⲥⲉⲓ ⲛⲧⲥⲟⲫⲓⲁ ⲡⲉ ⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲁⲩⲱ ⲟⲩⲟⲩⲛⲟϥ ⲡⲉ ⲉⲃⲟⲗ ϩⲛⲛⲉⲥⲕⲁⲣⲡⲟⲥ
17 ϣⲁⲥⲙⲉϩⲡⲉⲥⲏⲓ ⲧⲏⲣϥ ⲁⲩⲱ ⲛⲉⲥ... ⲉⲃⲟⲗ ϩⲛ
18 ⲡⲉⲕⲗⲟⲙ ⲛⲧⲥⲟⲫⲓⲁ ⲉⲥϯⲟⲩⲱ ⲛⲟⲩⲉⲓⲣⲏⲛⲏ
19 ⲁϥⲃⲉⲉⲃⲉ ⲁϥϫⲓⲥⲉ
20 ⲧⲛⲟⲩⲛⲉ ⲛⲧⲥⲟⲫⲓⲁ ⲡⲉ ⲣϩⲟⲧⲉ ϩⲏⲧϥ ⲙⲡϫⲟⲉⲓⲥ
21 ...
22 ...
23 ... ϣⲁⲉⲟⲩⲟⲉⲓϣ ⲁⲩⲱ ⲙⲛⲛⲥⲱⲥ ⲛⲁϥ ⲛⲟⲩⲟⲩⲛⲟϥ
24 ... ⲉⲛⲉⲕϣⲁϫⲉ ϣⲁⲉⲟⲩⲟⲉⲓϣ ⲁⲩⲱ ϣⲁⲣⲉⲛⲉⲥⲡⲟⲧⲟⲩ ⲛϩⲁϩ ϣⲁϫⲉ ⲉⲧⲉϥⲙⲛⲧⲥⲁⲃⲉ
25 ⲟⲩⲛϩⲉⲛⲡⲁⲣⲁⲃⲟⲗⲏ ... ⲛⲧⲥⲟⲫⲓⲁ ⲟⲩⲃⲟⲧⲉ ⲡⲉ ⲙⲡⲣⲉϥⲣⲛⲟⲃⲉ ⲧⲙⲛⲧϣⲙϣⲉⲛⲟⲩⲧⲉ
26 ⲉⲕϣⲁⲛⲉⲡⲓⲑⲩⲙⲉⲓ ⲉⲧⲥⲟⲫⲓⲁ ⲉⲉⲛⲧⲟⲗⲏ ⲁⲩⲱ ⲡϫⲟⲉⲓⲥ ⲛⲁⲧⲁⲁⲥ ⲛⲁⲕ
27 ⲧⲥⲟⲫⲓⲁ ⲅⲁⲣ ⲙⲛⲧⲉⲥⲃⲱ ⲡⲉ ⲧϩⲟⲧⲉ ⲙⲡϫⲟⲉⲓⲥ ⲁⲩⲱ ⲡⲉⲧⲉϩⲛⲁϥ ⲡⲉ ⲧⲡⲓⲥⲧⲓⲥ ⲙⲛⲧⲙⲛⲧⲣⲙⲣⲁϣ
28 ... ⲙⲡϫⲟⲉⲓⲥ ⲁⲩⲱ ⲙⲡⲣϯ ⲙⲡⲉⲕⲟⲩⲟⲓ ⲉⲣⲟϥ ϩⲛⲟⲩⲙⲛⲧϩⲏⲧⲥⲛⲁⲩ
29 ⲙⲡⲉⲙⲧⲟ ⲉⲃⲟⲗ ⲛⲛⲣⲱⲙⲉ ...
Sirach 2 · Greek (Septuagint / SBLGNT) · Aramaic (Peshitta) · Latin (Vulgate)