Read Sirach 12 side by side with translations · The Final Bible
1 ⲉⲕϣⲁⲛⲣⲡⲉⲧⲛⲁⲛⲟⲩϥ ⲧⲁⲣⲉ...ϣⲱⲡⲉ ϩⲛⲛⲉⲕⲁⲅⲁⲑⲟⲛ
2 ⲁⲣⲓⲡⲉⲧⲛⲁⲛⲟⲩϥ ⲙⲡⲣⲙⲛⲛⲟⲩⲧⲉ ⲧⲁⲣⲉⲕ ⲛⲟⲩⲧⲁⲉⲓⲟ ⲕⲁⲛ ⲉϣⲱⲡⲉ ⲉⲃⲟⲗ ϩⲓⲧⲟⲟⲧϥ ⲁⲛ ⲁⲗⲗⲁ ⲉⲃⲟⲗ ϩⲓⲧⲛⲡⲉⲧϫⲟⲥⲉ
3 ⲙⲛⲁⲅⲁⲑⲟⲛ ⲛⲁϣⲱⲡⲉ ⲙⲡⲉⲧⲧⲁϣⲉⲡⲉⲧϩⲟⲟⲩ ⲁⲩⲱ ⲡⲉⲧⲉⲛϥϯⲙⲛⲧⲛⲁ ⲁⲛ
4 ϯ ⲙⲡⲣⲙⲛⲛⲟⲩⲧⲉ ⲛⲅⲧⲙϣⲱⲡ ⲉⲣⲟⲕ ⲙⲡⲣⲉϥⲣⲛⲟⲃⲉ
5 ⲁⲣⲓⲡⲉⲧⲛⲁⲛⲟⲩϥ ⲙⲡⲉⲧⲑⲃⲃⲓⲏⲩ ⲛⲅⲧⲙϯ ⲙⲡⲁⲥⲉⲃⲏⲥ ϫⲉⲣⲉⲛⲉⲕⲟⲉⲓⲕ ⲉⲃⲟⲗ ⲛⲅⲧⲙⲧⲁⲁⲩ ⲙⲡⲁⲥⲉⲃⲏⲥ ϫⲉⲕⲁⲥ ⲉⲛⲛⲉϥϭⲙϭⲟⲙ ⲉⲣⲟⲕ ⲛϩⲏⲧⲟⲩ ⲕⲛⲁϭⲛϩⲛⲡⲉⲧϩⲟⲟⲩ ⲅⲁⲣ ⲉⲩⲕⲏⲃ ϩⲛⲡⲉⲧⲛⲁⲛⲟⲩϥ ⲛⲓⲙ ⲉⲧⲕⲛⲁⲁⲩ ⲛⲁϥ
6 ϫⲉⲡⲉⲧϫⲟⲥⲉ ϩⲱⲱϥ ⲁϥⲙⲉⲥⲧⲉⲛⲣⲉϥⲣⲛⲟⲃⲉ ⲁⲩⲱ ϥⲛⲁⲧⲱⲱⲃⲉ ⲛⲟⲩⲕⲃⲁ ⲛⲛⲁⲥⲉⲃⲏⲥ
8 ⲡⲉⲕϣⲃⲏⲣⲛⲁⲟⲩⲱⲛϩ ⲉⲣⲟⲕ ϩⲛⲛⲉⲕⲁⲅⲁⲑⲟⲛ ⲁⲩⲱ ⲛⲉⲕϫⲁϫⲉⲛⲁⲟⲩⲱⲛϩ ⲉⲣⲟⲕ ϩⲛⲛⲉⲕⲡⲉⲧϩⲟⲟⲩ
9 ϣⲁⲣⲉⲛϫⲁϫⲉ ⲙⲡⲣⲱⲙⲉ ⲗⲩⲡⲉⲓ ⲉϥϩⲛ ⲛⲉϥⲡⲉⲧⲛⲁⲛⲟⲩⲟⲩ ⲁⲩⲱ ϣⲁⲣⲉⲡⲉϥϣⲃⲏⲣⲕⲁⲁϥ ϩⲛⲡⲉϥⲉⲧϩⲟⲟⲩ
10 ⲡⲟⲛⲏⲣⲓⲁ ⲅⲁⲣ ϣⲁϥⲣϣⲏⲃⲉ
11 ⲉϣⲱⲡⲉ ⲅⲁⲣ ⲉϥϣⲁⲛⲉⲣⲉϫⲱϥⲃⲏϩ ⲉⲡⲉⲥⲏⲧ ⲙⲁϯϩⲧⲏⲕ ⲉⲣⲟⲕ ⲉⲣⲟϥ ⲁⲩⲱ ϥⲛⲁϣⲱⲡⲉ ⲛⲧϩⲉ ⲙⲡⲉⲧϥⲱⲧⲉ ⲛⲟⲩⲉⲓⲁⲗ ⲛⲅⲉⲓⲙⲉ ϫⲉⲙⲡϥⲣϣⲏⲃⲉ ϣⲁⲃⲟⲗ
12 ⲙⲡⲣⲧⲁϩⲟϥ ⲉⲣⲁⲧϥ ϩⲁⲧⲏⲕ ⲙⲏⲡⲟⲧⲉ ⲛϥⲧⲁϭⲛⲉⲕ ⲛϥⲁϩⲉⲣⲁⲧϥ ⲉϫⲛⲡⲉⲕⲙⲁ ⲙⲡⲣⲑⲙⲟⲟϥ ϩⲓⲟⲩⲛⲁⲙ ⲙⲙⲟⲕ ⲙⲏⲡⲟⲧⲉ ⲛϥϣⲓⲛⲉ ⲛⲥⲁⲡⲉⲕⲙⲁ ⲛϩⲙⲟⲟⲥ ⲁⲩⲱ ⲕⲛⲁⲉⲓⲙⲉ ⲉⲛⲁϣⲁϫⲉ ⲉⲧϩⲁⲏ ⲛⲅⲙⲕⲁϩ ⲛϩⲏⲧ ⲉϫⲛⲛⲁϣⲁϫⲉ
13 ⲛⲓⲙ ⲡⲉⲧⲛⲁⲛⲁ ⲛⲟⲩⲣⲉϥⲙⲟⲩⲧⲉ ⲉⲣϣⲁⲛⲫⲟϥⲗⲟⲕⲥϥ ⲙⲛⲟⲩⲟⲛ ⲛⲓⲙ ⲉⲧⲙⲟⲟϣⲉ ⲉϩⲟⲩⲛ ⲉⲛⲉⲑⲏⲣⲓⲟⲛ
14 ⲧⲁⲓ ⲧⲉ ⲧϩⲉ ⲙⲡⲉⲧⲙⲟⲟϣⲉ ⲙⲛⲟⲩⲣⲱⲙⲉ ⲛⲣⲉϥⲣⲛⲟⲃⲉ ⲁⲩⲱ ⲉϥⲧⲏϩ ⲉⲛⲉϥⲛⲟⲃⲉ
15 ϥⲛⲁϭⲱ ⲛⲟⲩⲟⲩⲛⲟⲩ ⲛⲉⲙⲁⲕ ⲉϣⲱⲡⲉ ⲇⲉ ⲉⲕϣⲁⲛⲣⲓⲕⲉ ⲛⲛⲉϥϭⲱ
16 ϣⲁⲣⲉⲡϫⲁϫⲉⲕⲱⲣϣ ϩⲛⲛⲉϥⲥⲡⲟⲧⲟⲩ ⲁⲩⲱ ⲛϥⲙⲉⲉⲩⲉ ϩⲛⲡⲉϥϩⲏⲧ ⲉⲧⲟϭⲛⲉⲕ ⲉⲩϩⲓⲉⲓⲧ ϣⲁⲣⲉⲡϫⲁϫⲉⲣⲓⲙⲉ ϩⲛⲛⲉϥⲃⲁⲗ ⲉⲣϣⲁⲛ
17 ⲉⲣϣⲁⲛ...
18 ϥⲛⲁⲕⲓⲙ ϭⲓϫ ⲛϥⲉϣϣⲙϣⲏϭⲉ ⲉⲙⲁⲧⲉ ⲛϥⲉⲕⲙⲡⲉϥϩⲟ
Sirach 11 · Sirach 13 · Greek (Septuagint / SBLGNT) · Aramaic (Peshitta) · Latin (Vulgate)