Read Sirach 12 side by side with translations · The Final Bible
1 ܐܢ ܡܛܐܒ ܐܢܬ ܠܒܝܫܐ ܠܐ ܗܘܐ ܡܕܡ ܥ̇ܒܕ ܐܢܬ ܐܦܠܐ ܐܝܬ ܛܝܒܘ ܠܛܝܒܘܬܟ
2 ܐܛܐܒ ܠܙܕܝܩܐ ܘܬܫܟܚ ܦܘܪܥܢܐ ܐܠܐ ܡܢܗ ܡܢ ܩܕܡ ܡܪܗ
3 ܠܝܬ ܛܝܒܘܬܐ ܠܡ̇ܢ ܕܡܝܩܪ ܠܒܝܫܐ ܘܡ̇ܢ ܕܥܒ̇ܕ ܠܙܕܝܩܐ ܠܐ ܡܘܒܕ
5 ܚܕ ܬܪ̈ܝܢ ܒܝܫܐ ܡܫܟܚ ܠܟ ܒܥܕܢܐ ܕܨܪܝܟܘܬܟ ܡܐ̈ܢܝ ܙܝܢܟ ܠܐ ܬܬܠ ܠܗ ܕܠܡܐ ܒܗܘܢ ܢܬܟܬܫ ܥܡܟ
6 ܘܐܦ ܐܠܗܐ ܣ̇ܢܐ ܠܒܝܫ̈ܐ ܘܥܠ ܥ̈ܘܠܐ ܡܝܬܐ ܦܘܪܥܢܗ
7 ܐܛܐܒ ܠܛܒܐ ܘܟܠܝ ܡܢ ܒܝܫܐ ܗܒ ܠܡܟܝܟܐ ܘܟܠܝ ܡܢ ܡܪܚܐ
8 ܠܐ ܢܬܚܟܡ ܒܛ̈ܒܬܗ ܪܚܡܐ ܘܠܐ ܢܬܛܫܐ ܒܒܝ̈ܫܬܗ ܣܢܐܐ
9 ܒܛܒ̈ܬܗ ܓܝܪ ܕܓܒܪܐ ܒܥܠܕܒ̈ܒܘܗܝ ܒܟܪܝܘܬܐ ܗܘܝܢ ܘܒܒ̈ܝܫܬܗ ܐܬܦܪܫ ܪܚܡܐ
10 ܠܐ ܬܗܝܡܢ ܒܣܢܐܐ ܠܥܠܡ ܡܛܠ ܕܐܝܟ ܢܚܫܐ ܗܘ ܕܡܛܢܦ ܚܒܪܗ
11 ܐܦܢ ܡܫܬܡܥ ܠܟ ܘܡܗܠܟ ܩܕܡܝܟ ܟܦܝܦ ܗܒ ܠܒܟ ܠܡܕܚܠ ܡܢܗ ܗܘܝ ܠܗ ܐܝܟ ܓ̇ܠܐ ܪܐܙܐ ܘܠܐ ܢܫܟܚ ܠܡܚܒܠܘܬܟ ܘܬܕܥ ܚܪܬܐ ܕܩܢܐܬܗ
12 ܠܐ ܬܩܝܡܝܘܗܝ ܠܘܬܟ ܕܠܐ ܢܬܗܦܟ ܢܩܘܡ ܒܕܘܟܬܟ ܠܐ ܬܘܬܒܝܘܗܝ ܡܢ ܝܡܝܢܟ ܕܠܡܐ ܢܒܥܐ ܟܘܪܣܝܟ ܘܒܚܪܬܐ ܬܕܥ ܡ̈ܠܝ ܘܒܡܐܡܪܝ ܬܬܕܡܪ
13 ܡܢܘ ܓܝܪ ܢܪܚܡ ܥܠ ܐܫܘܦܐ ܕܢܟ̇ܬ ܠܗ ܚܘܝܐ ܗܟܢܐ ܐܦ ܟܠ ܡ̇ܢ ܕܩ̇ܪܒ ܠܚܝܘܬ ܫܢܐ
14 ܗܟܢܐ ܐܦ ܟܠ ܕܡܫܬܘܬܦ ܠܓܒܪܐ ܥܘܠܐ ܠܐ ܢܥܒܪ ܥܕܡܐ ܕܬܐܩܕ ܒܗ ܢܘܪܐ
15 ܟܡܐ ܕܥܐܠ ܥܡܟ ܠܐ ܡܬܓܠܐ ܠܟ ܘܐܢ ܬܦܠ ܠܐ ܡܨܐ ܐܢܬ ܚܝܠܗ
16 ܒܣܦ̈ܘܬܗ ܪܡ̇ܙ ܣܢܐܐ ܘܒܠܒܗ ܡܬܪܥܐ ܬܪܥܝܬܐ ܥܡܝܩܬܐ ܐܦܢ ܡܢ ܥܝܢܘ̈ܗܝ ܡܚܬ ܕܡܥ̈ܐ ܐܢ ܢܫܟܚ ܠܗ ܐܬܪܐ ܠܐ ܢܣܒܥ ܡܢ ܕܡܟ
17 ܐܢ ܬܐܪܥܟ ܒܝܫܬܐ ܬܫܟܚܝܘܗܝ ܬܡܢ ܐܝܟ ܓܒܪܐ ܡܥܕܪܢܐ ܘܢܒܥܐ ܠܡܥܩܪܘ ܥܩ̈ܒܝܟ
18 ܒܪܝܫܗ ܡܢܝܕ ܘܡܢܝܦ ܒܐܝܕܗ ܘܣܓܝ ܡܠܚܫ ܘܡܣܢܐ ܐܦܘ̈ܗܝ
Sirach 11 · Sirach 13 · Greek (Septuagint / SBLGNT) · Latin (Vulgate) · Coptic (Sahidic)