Read Sirach 13 side by side with translations · The Final Bible
1 ⲡⲉⲧϫⲱϩ ⲉⲩⲗⲁⲙϫⲁⲧⲡ ϥⲛⲁⲧⲱⲗⲙ ⲁⲩⲱ ⲡⲉⲧⲙⲟⲟϣⲉ ⲙⲛⲟⲩϫⲁⲥⲓϩⲏⲧ ϥⲛⲁⲉⲓⲛⲉ ⲙⲙⲟϥ
2 ⲙⲡⲣϥⲓϩⲣⲏϣⲉ ⲡⲁⲣⲁⲧⲉⲕϭⲟⲙ ⲁⲩⲱ ⲙⲡⲣⲕⲟⲓⲛⲱⲛⲓ ⲙⲛⲟⲩϫⲱⲱⲣⲉ ⲁⲩⲱ ⲟⲩⲣⲙⲙⲁⲟ ⲉϩⲟⲩⲟ ⲉⲣⲟⲕ ⲟⲩ ⲧⲉ ⲧⲕⲟⲓⲛⲱⲛⲓⲁ ⲛⲟⲩϭⲁⲗⲁϩⲧ ⲙⲛⲟⲩⲭⲁⲗⲕⲓⲟⲛ ⲉϥϣⲁⲛϫⲱⲣⲡ ⲉⲣⲟⲥ ⲥⲛⲁⲟⲩⲱϭⲡ
3 ⲡⲣⲙⲙⲁⲟ ⲉϥϫⲓ ⲛϭⲟⲛⲥ ⲛⲧⲟϥ ⲟⲛ ⲡⲉϣⲁϥⲣⲡⲕⲉⲛⲟⲩϭⲥ ⲡϩⲏⲕⲉ ⲁⲩϫⲓⲧϥ ⲛϭⲟⲛⲥ ⲁⲩⲱ ⲛⲧⲟϥ ⲡⲉϣⲁϥⲣⲡⲕⲉⲥⲟⲡⲥ
4 ⲉϣⲱⲡⲉ ⲉⲕⲣϣⲁⲩ ⲛⲁϥ ϣⲁϥⲣϩⲱⲃ ⲛϩⲏⲧⲕ ⲁⲩⲱ ⲉⲕϣⲁⲛⲣϭⲣⲱϩ ϥⲛⲁⲕⲁⲁⲕ ⲛⲥⲱϥ
5 ⲉϣⲱⲡⲉ ⲟⲩⲛⲧⲁⲕ ϥⲛⲁⲙⲟⲟϣⲉ ⲛⲙⲙⲁⲕ ⲁⲩⲱ ϥⲛⲁⲡⲁϩⲧⲕ ⲛϥⲧⲙⲙⲕⲁϩ ⲛⲧⲟϥ
6 ⲉϥⲁϩⲉ ⲛⲁⲕ ⲉⲉⲓⲉ ϥⲛⲁⲧⲣⲉⲕⲕⲱⲧⲉ ⲛϥⲥⲱⲃⲉ ⲛⲉⲙⲁⲕ ⲛϥϯ ⲛⲁⲕ ⲛⲟⲩϩⲉⲗⲡⲓⲥ ⲛⲁⲛⲟⲩ ⲛϥϫⲟⲟⲥ ϫⲉⲡⲉⲕⲁϩⲉ ⲛⲟⲩ
7 ⲁⲩⲱ ϥⲛⲁϯϣⲓⲡⲉ ⲛⲁⲕ ϩⲛⲛⲉϥϫⲓⲛⲟⲩⲱⲙ ϣⲁⲛⲧϥⲡⲁϩⲧⲕ ⲛⲥⲟⲡ ⲥⲛⲁⲩ ⲓⲉ ϣⲟⲙⲛⲧ ⲁⲩⲱ ⲧϩⲁⲏ ⲛϥⲥⲱⲃⲉ ⲛⲙⲙⲁⲕ ⲛⲁⲩ ⲉⲣⲟⲕ ⲛϥⲟⲃϣϥ ⲛϥⲕⲓⲙ ⲛⲧⲉϥⲁⲡⲉ ⲉϫⲱⲕ
8 ϯϩⲧⲏⲕ ⲉⲣⲟⲕ ⲙⲡⲣⲡⲗⲁⲛⲁ ⲛⲅⲑⲃⲃⲓⲟ ϩⲛⲧⲉⲕⲙⲛⲧⲁⲧϩⲏⲧ
9 ⲉⲣϣⲁⲛⲟⲩϫⲱⲱⲣⲉⲙⲟⲩⲧⲉ ⲟⲩⲃⲏⲕ ⲥⲁϩⲧⲕ ⲙⲙⲟϥ ⲁⲩⲱ ϥⲛⲁⲙⲟⲩⲧⲉ ⲉⲣⲟⲕ ⲛϩⲟⲩⲟ
10 ⲙⲡⲣⲉⲓ ⲉⲧⲟⲟⲧϥ ⲙⲏⲡⲟⲧⲉ ⲛϥⲙⲉⲥⲧⲱⲕ
11 ⲙⲡⲣⲟⲩⲱϣ ⲉⲙⲟⲩⲧⲉ ⲉⲃⲟⲗ ϩⲏⲧⲕ ⲛⲉⲙⲁϥ ⲁⲩⲱ ⲙⲡⲣⲧⲁⲛϩⲉⲧ ⲡⲉϥⲙⲏⲏϣⲉ ⲛϣⲁϫⲉ ⲉⲃⲟⲗ ⲅⲁⲣ ϩⲛϩⲁϩ ⲛϣⲁϫⲉ ϥⲛⲁⲡⲉⲓⲣⲁⲍⲉ ⲙⲙⲟⲕ ⲁⲩⲱ ϥⲛⲁⲣⲧϩⲉ ⲛⲛⲉⲧⲥⲱⲃⲉ ⲛϥϫⲛⲟⲩⲕ
12 ⲟⲩⲁⲧⲛⲁ ⲡⲉ ⲡⲉⲧⲉⲛϥϩⲁⲣⲉϩ ⲁⲛ ⲉⲛⲁϣⲁϫⲉ ⲁⲩⲱ ⲛⲉϥϯⲥⲟ ϩⲛϩⲉⲛⲙⲕⲁϩ ⲙⲛϩⲉⲛⲙⲣⲣⲉ
13 ϯϩⲧⲏⲕ ⲉⲙⲁⲧⲉ ϫⲉⲉⲕⲙⲟⲟϣⲉ ⲙⲛⲡⲉⲕϩⲉ
15 ⲉⲣⲉⲍⲱⲟⲛ ⲛⲓⲙ ⲙⲉ ⲙⲡⲉⲧⲉⲓⲛⲉ ⲙⲙⲟϥ ⲁⲩⲱ ⲣⲱⲙⲉ ⲛⲓⲙ ⲙⲡⲉⲧϩⲓⲧⲟⲩⲱϥ
16 ⲉϣⲁⲣⲉ ⲧ ⲁⲩⲱ ⲡⲣⲱⲙⲉⲧⲟϭ
17 ⲟⲩ ⲧⲉ ⲧⲕⲟⲓⲛⲱⲛⲓⲁ ⲛⲟⲩⲱⲛϣ ⲙⲛⲟⲩϩⲓⲉⲓⲃ ⲧⲁⲓ ⲧⲉ ⲧϩⲉ ⲛⲟⲩⲣⲉϥⲣⲛⲟⲃⲉ ⲙⲛⲟⲩⲣⲉϥϣⲙϣⲉⲛⲟⲩⲧⲉ
18 ⲁϣ ⲧⲉ ⲧ ⲛⲟⲩϩⲟⲉⲓⲧⲉ ⲙⲛⲟⲩⲟⲩϩⲟⲣ ⲁⲩⲱ ⲁϣ ⲧⲉ ⲧ ⲛⲟⲩⲣⲙⲙⲁⲟ ⲙⲛⲡϩⲏⲕⲉ
19 ⲛϭⲟⲣϭⲥ ⲛⲙⲙⲟⲩⲓ ⲛⲉ ⲛⲉⲓⲁⲛⲧⲟⲟⲩ ⲙⲡϫⲁⲓⲉ ⲧⲁⲓ ⲧⲉ ⲧϩⲉ ⲙⲙⲁ ⲙⲙⲟⲟⲛⲉ ⲛⲛⲣⲙⲙⲁⲟ ⲛⲉ ⲛϩⲏⲕⲉ
20 ⲧⲃⲟⲧⲉ ⲙⲡϫⲁⲥⲓϩⲏⲧ ⲡⲉⲑⲃⲃⲓⲟ
21 ⲉⲣϣⲁⲛⲟⲩⲣⲙⲙⲁⲟⲕⲓⲙ ϣⲁⲩⲧⲁϫⲣⲟϥ ϩⲓⲧⲛⲛⲉϥϣⲃⲉⲉⲣ ⲡϩⲏⲕⲉ ⲇⲉ ⲉϥϣⲁⲛϩⲉ ϣⲁⲩⲕⲁⲁϥ ϩⲓⲧⲛⲛⲉϥϣⲃⲉⲉⲣ
22 ⲉⲣϣⲁⲛⲟⲩⲣⲙⲙⲁⲟⲕⲓⲙ ϣⲁⲣⲉⲟⲩⲙⲏⲏϣⲉϣⲟⲡϥ ⲉⲣⲟⲟⲩ ϣⲁϥϫⲱ ⲛⲛⲉⲧⲉⲙⲉϣϣⲉ ⲁⲩⲱ ϣⲁⲩⲧⲙⲁⲓⲟϥ ⲧⲏⲣⲟⲩ ⲡϩⲏⲕⲉ ⲉϥϣⲁⲛⲕⲓⲙ ϣⲁⲩⲉⲡⲓⲧⲓⲙⲁ ⲛⲁϥ ϣⲁϥϫⲱ ⲛⲧⲙⲛⲧⲥⲁⲃⲉ ⲛⲥⲉⲧⲙⲧⲛ ⲛⲁϥ ⲙⲁ
23 ⲡⲣⲙⲙⲁⲟ ⲁϥϣⲁϫⲉ ⲁⲩⲕⲁⲣⲱⲟⲩ ⲧⲏⲣⲟⲩ ⲉϥϣⲁⲛϫⲓϫⲣⲟⲡ
24 ⲛⲁⲛⲟⲩ ⲧⲙⲛⲧⲣⲙⲙⲁⲟ ⲛⲟⲃⲉ ⲁⲩⲱ ⲧⲙⲛⲧϩⲏⲕⲉ ϩⲟⲟⲩ ⲙⲡⲁⲥⲉⲃⲏⲥ
25 ϣⲁⲣⲉⲫⲏⲧ ⲙⲡⲣⲱⲙⲉ ϣⲓⲃⲉ ⲙⲡⲉϥϩⲟ ⲏ ⲉϩⲛ ⲡⲉⲧⲛⲁⲛⲟⲩⲟⲩ ⲏ ϩⲛⲡⲉⲧϩⲟⲟⲩ
26 ⲡⲟⲩⲱⲛϩ ⲉⲃⲟⲗ ⲙⲡϩⲏⲧ ⲉϥϩⲛ ⲡⲉⲧⲛⲁⲛⲟⲩϥ ⲡⲉ ⲡϩⲟ ⲉⲧⲣⲟⲟⲩⲧ ⲁⲩⲱ ⲡϭⲓⲛⲉ ⲛⲟⲩⲡⲁⲣⲁⲃⲟⲗⲏ ⲡⲉ ⲟⲩⲙⲉⲉⲩⲉ ⲛϩⲓⲥⲉ
Sirach 12 · Sirach 14 · Greek (Septuagint / SBLGNT) · Aramaic (Peshitta) · Latin (Vulgate)