1 ܡܪܝܐ ܦ̣̇ܨܗ̇ ܠܢ̣̇ܦܫܝ ܡ̣ܢ ܓܒܪܐ ܗܦܝ̣ܟܐ ܘܥܘ̇ܠܐ ܘܡ̣ܢ ܠܫ̣ܢܐ ܡܠܚܫܢܐ ܘܥ̇ܒܪ ܢ̇ܡܘ̇ܣܐ ܕܡ̣̇ܠܠ ܕܓܠܘܬܐ ܘܢܟ̣ܠܐ
2 ܒܗܘ̣ܦܟܐ ܓܝܪ ܕܡ̣̈ܠܐ ܐܝܬܘܗܝ ܠܫ̣ܢܗ ܕܓܒܪܐ ܥ̇ܒܪ ܢ̇ܡܘ̇ܣܐ ܡܚ̣̇ܘܐ ܓܝܪ ܕܐܝܟ ܗ̇ܘ ܕܫܦܝ̣ܪ ܥ̇ܒܕ ܘܡ̣̇ܘܚܕ ܢܘ̣ܪܐ ܒܥܡ̣ܐ
3 ܡܥ̣̇ܡܪܗ ܓܝܪ ܠܡܡ̣ܠܐ ܒ̈ܬܐ ܒܡ̣̇ܡܠܠܐ ܕܓܠܐ ܩ̇ܛܥ ܐܝ̣ܠ̈ܢܐ ܕܒܘ̣ܣܡܗ ܒܝܩܕܢܐ ܕܥ̇ܒܪ ܢ̇ܡܘܣܐ
4 ܐܘܒ̣ܕ ܒ̈ܬܐ ܕܥ̇ܒܪ̈ܳܝ ܥܠ ܢ̇ܡܘ̇ܣܐ ܒܩܪܒܐ ܘܣ̣ܦ̈ܘܬܐ ܡܠ̈ܚܫܬܐ ܐܪܚ̣ܩ ܐܠܗܐ ܡ̣ܢ ܬܡܝ̈ܡܐ ܣܦ̣̈ܘܬܐ ܕܥ̇ܒܪ̈ܝ ܢ̇ܡܘ̇ܣܐ ܘܢܬ̣ܒܕܪܘܢ ܓܪ̈ܡܐ ܕܡܠ̈ܚܫܢܐ ܡ̣ܢ ܐܝܠܝܢ ܕܕܚ̇ܠܝܢ ܡ̣ܢ ܡܪܝܐ
5 ܒܢܘ̣ܪܐ ܕܡܫܬܠܗܒܐ ܢܐܒܕ ܠܫ̣ܢܐ ܠܚܘܫܬܐܢܐ ܡ̣ܢ ܬܪ̈ܝ̣ܨܐ ܘܒܬܝ̈ܗܘܢ
6 ܘܢܢܛܪ ܡܪܝܐ ܠܢܦܫܐ ܕܙܕܝ̈ܩܐ ܕܣ̇ܢܝܐ ܠܥ̈ܘ̇ܠܐ ܘܢܬܩܢ ܡܪܝܐ ܠܓܒܪܐ ܥ̇ܒܕ ܫܠܡܐ ܒܒܝܬ ܡܪܝܐ
7 ܕܡܪܝܐ ܗ̇ܘ ܦܘܪܩܢܐ ܥܠ ܝܣܪܐܝܠ ܥܒ̣ܕܗ ܠܥ̇ܠܡ
8 ܘܢܐܒܕܘܢ ܚ̈ܛܝܐ ܐܟܚܕܐ ܡ̣ܢ ܩܕܡ ܐܦ̈ܘܗܝ ܕܡܪܝܐ ܘܚܣ̈ܘܗܝ ܕܡܪܝܐ ܢܐܪܬܘܢ ܡܘ̈ܠܟܢܘܗܝ ܕܡܪܝܐ
Psalms of Solomon 11 · Psalms of Solomon 13 · Greek (Septuagint / SBLGNT)