Psalms of Solomon 11 — Aramaic (Peshitta)

1 ܩ̣ܪܘ ܒܨ̣ܗܝܘܢ ܒܩ̣ܪܢܐ ܝ̣ܕܝ̣ܥܬܐ ܕܩܕ̈ܝܫܐ

2 ܐܟ̣ܪܙܘ ܒܐܘ̇ܪܫܠܡ ܩܠܐ ܕܡܣܒܪ̈ܢܐ ܡܛܠ ܕܪܚ̣̇ܡ ܐܠܗܐ ܥܠ ܐܝ̣ܣܪܐܝܠ ܒܣܘܥܪܢܗ

3 ܩܘ̣ܡܝ ܐܘ̇ܪܫܠܡ ܒܪܘܡܐ ܘܚܙ̣̇ܝ ܠܒܢܝ̈ܟܝ ܕܡ̣ܢ ܡܕܢܚܐ ܘܡ̣ܢ ܡ̣̇ܥܪܒܐ ܡܟܢܫܝܢ ܟ̇ܠܗܘܢ̇ ܡ̣ܢ ܡܪܝܐ

4 ܘܡ̣ܢ ܓܪܒܝܐ ܐܬܝ̇ܢ ܠܚܕܘܬܗ ܕܐܠܗܗܘܢ ܘܡ̣ܢ ܓܙܪ̈ܬܐ ܪ̈ܚܝ̣ܩܬܐ ܟܢܫ ܐܢܘܢ̇ ܐܠܗܐ

5 ܛܘܪ̈ܐ ܪ̈ܡܐ ܡܟܟ ܘܫܦܠ ܠܗܘܢ̇

6 ܘܪ̈ܡܬܐ ܥܪ̈ܩܝ ܡ̣ܢ ܡ̣̇ܥܠܢܗܘܢ̇ ܐܪ̈ܙܐ ܛܠܠ ܥܠܝܗܘܢ̇ ܟܕ ܥ̇ܒܪܝܢ ܗ̣ܘܘ

7 ܘܟ̇ܠ ܩܝܣܐ ܕܪܝܚܐ ܒܣܝ̣ܡܐ ܐܪܝܚ ܠܗܘܢ̇ ܐܠܗܐ ܡܛܠ ܕܢܥ̣ܒܪ ܝ̣ܣܪܐܝܠ ܒܣܘܥܪܢܐ ܕܬܫܒܘ̇ܚܬܗ ܕܐܠܗܗܘܢ

8 ܐܬܠܒܫܝ ܐܘ̇ܪܫܠܡ ܡܐ̈ܢܐ ܕܬܫܒܘܚܬܟܝ ܘܛܝܒܝ ܐܣܛܠܐ ܕܩܕܝܫܘܬܟܝ ܡܛܠ ܕܐܠܗܐ ܡܠܠ ܛܒ̈ܬܐ ܠܝ̣ܣܪܐܝܠ ܗܫܐ ܘܠܥ̇ܠܡ

9 ܢܥ̣ܒܕ ܡܪܝܐ ܡܕܡ ܕܡ̣̇ܠܠ ܥܠ ܝ̣ܣܪܐܝܠ ܘܥܠ ܐܘ̇ܪܫܠܡ ܢܩܝ̣ܡ ܡܪܝܐ ܠܝ̣ܣܪܐܝܠ ܒܫܡܐ ܕܬܫܒܘ̇ܚܬܗ ܪ̈ܚ̣ܡܘܗܝ ܕܡܪܝܐ ܥܠ ܝ̣ܣܪܐܝܠ ܗܫܐ ܘܠܥ̇ܠܡ