Psalms of Solomon 10 — Aramaic (Peshitta)

1 ܛܘ̣ܒܘܗܝ ܠܓܒܪܐ ܕܐܬܕܟܪܗ ܐܠܗܐ ܒܡܟܣܢܘܬܐ ܘܟܠܝ̣ܗܝ ܡ̣ܢ ܐܘ̣ܪܚܐ ܕܒܝ̣ܫܬܐ ܒܢܓ̣̈ܕܐ ܠܡ̣ܬܕܟܝܘ ܡ̣ܢ ܚܛܝ̣ܬܗ ܕܠܐ ܬܣܓܐ

2 ܗ̇ܘ ܓܝܪ ܕܡ̣̇ܬܩܢ ܚ̣̇ܨܗ ܠܢܓ̈ܕܐ ܐܦ ܢܬ̣ܕܟܐ ܛܒ ܗ̣ܘ ܓܝܪ ܠܐܝܠܝܢ ܕܡܩܒܠܝܢ ܡ̣̇ܪܕܘܬܐ

3 ܬܪܝ̣ܨܐ ܗ̇ܝ ܓܝܪ ܐܘܪܚܗ ܕܙܕܝܩܐ ܘܠܐ ܡܦ̣̇ܬܠܐ ܠܗ ܡܪܕܘܬܐ

4 ܚܙܬܗ ܓܝܪ ܕܡܪܝܐ ܥܠ ܗ̇ܢܘܢ̇ ܕܡ̣̇ܚܒܝܢ ܠܗ ܒܫܪܪܐ ܘܢܬܕܟܪ ܡܪܝܐ ܠܥܒ̣̈ܕܘܗܝ ܒܪ̈ܚܡ̣ܐ

5 ܣܗܕܘܬܐ ܓܝܪ ܒܢ̇ܡܘܣܐ ܕܩܝ̇ܡܐ ܕܠܥ̇ܠܡ ܣ̇ܗܕܘܬܗ ܕܡܪܝܐ ܒܐܘܪ̈ܚܬܐ ܕܒܢ̈ܝ ܐܢܫܐ ܒܣܘ̣ܥܪ̈ܢܐ

6 ܙܕܝܩ ܗ̣ܘ ܘܬܪܝ̣ܨ ܐܠܗܢ ܒܟ̇ܠܗܘܢ̇ ܕܝ̣ܢ̈ܘܗܝ ܘܝܣܪܐܝܠ ܢܫ̣̇ܒܚ ܠܫܡܗ ܕܡܪܝܐ ܒܚ̣̇ܕܘܬܐ

7 ܘܚ̈ܣܝܐ ܢ̇ܘܕܘܢ ܒܥܕܬܐ ܕܥܡ̣ܐ ܘܥܠ ܡܣܟ̈ܢܐ ܢܪܚܡ ܡܪܝܐ ܒܒܘ̣ܣܡܗ ܕܝ̣ܣܪܐܝܠ

8 ܡܛܠ ܕܒܣܝܡ ܗ̣ܘ ܘܡܪܚܡܢ ܐܠܗܐ ܠܥܠܡ ܘܟܢܘ̈ܫܬܐ ܕܝ̣ܣܪܐܝܠ ܢܫ̈ܒܚܢ ܠܫܡܗ ܕܡܪܝܐ

9 ܕܡܪܝܐ ܗ̇ܘ ܓܝܪ ܦܘܪܩܢܐ ܥܠ ܒ̣̇ܝܬܐ ܕܝ̣ܣܪܐܝܠ ܠܡܠܟܘ̣ܬܐ ܕܠܥ̇ܠܡ