Read Zephaniah 2 side by side with translations · The Final Bible
1 ⲥⲱⲟⲩϩ ⲉϩⲟⲩⲛ ⲛⲧⲉⲧⲛⲥⲟⲡⲥ ϩⲓⲟⲩⲥⲟⲡ ⲡϩⲉⲑⲛⲟⲥ ⲛⲁⲧⲥⲃⲱ
2 ⲙⲡⲁⲧⲉⲧⲛϣⲱⲡⲉ ⲛⲧϩⲉ ⲛⲟⲩϩⲣⲏⲣⲉ ⲉϣⲁϥⲧⲁⲕⲟ ⲙⲡⲁⲧⲥⲉⲓ ⲉϫⲛⲧⲏⲩⲧⲛ ⲛϭⲓⲧⲟⲣⲅⲏ ⲙⲡϫⲟⲉⲓⲥ ⲉⲙⲡⲁⲧⲉϥⲓ ⲉϫⲛⲧⲏⲩⲧⲛ ⲛϭⲓⲡⲉϩⲟⲟⲩ ⲙⲡϭⲱⲛⲧ ⲙⲡϫⲟⲉⲓⲥ
3 ⲕⲱⲧⲉ ⲛⲥⲁⲡϫⲟⲉⲓⲥ ⲛⲉⲧⲑⲃⲃⲓⲏⲩ ⲧⲏⲣⲟⲩ ⲛⲧⲉⲡⲕⲁϩ ⲁⲣⲓϩⲱⲃ ⲉⲡϩⲁⲡ ⲛⲧⲉⲧⲛⲡⲱⲧ ⲛⲥⲁⲧⲇⲓⲕⲁⲓⲟⲥⲩⲛⲏ ⲛⲧⲉⲧⲛϩⲁⲣⲉϩ ϫⲉⲕⲁⲥ ⲉⲧⲉⲧⲛⲁⲛⲟⲩϩⲙ ⲉⲧⲟⲣⲅⲏ ⲙⲡϫⲟⲉⲓⲥ ⲉⲙⲡⲁⲧⲉϥⲓ ⲉϫⲛⲧⲏⲩⲧⲛ ⲛϭⲓⲡⲉϩⲟⲟⲩ ⲙⲡϭⲱⲛⲧ ⲙⲡϫⲟⲉⲓⲥ
4 ⲉⲃⲟⲗ ϫⲉⲅⲁⲍⲁ ⲥⲉⲛⲁⲧⲟⲣⲡⲥ ⲁⲩⲱ ⲁⲥⲕⲁⲗⲱⲛ ⲥⲉⲛⲁⲧⲁⲕⲟⲥ ⲧⲁⲍⲱⲧⲟⲥ ⲥⲉⲛⲁⲛⲟϫ ⲉⲃⲟⲗ ⲙⲡⲛⲟⲩ ⲙⲙⲉⲉⲣⲉ ⲁⲩⲱ ⲁⲕⲕⲁⲣⲱⲛ ⲥⲉⲛⲁⲡⲟⲣⲕⲥ
5 ⲟⲩⲟⲓ ⲛⲛⲉⲧⲟⲩⲏϩ ϩⲙⲡⲧⲟϣ ⲛⲧⲉⲑⲁⲗⲁⲥⲥⲁ ⲛⲣⲙⲛϭⲟⲓⲗⲉ ⲛⲡⲉⲕⲣⲓⲧⲏⲥ ⲟⲩϩⲉⲑⲛⲟⲥ ⲉϥϩⲟⲟⲩ ⲡϣⲁϫⲉ ⲙⲡϫⲟⲉⲓⲥ ⲉϥϣⲟⲟⲡ ⲉϫⲛⲧⲏⲩⲧⲛ ⲭⲁⲛⲁⲛ ⲡⲕⲁϩ ⲛⲛⲁⲗⲗⲟⲫⲩⲗⲟⲥ ⲁⲩⲱ ϯⲛⲁⲧⲁⲕⲉⲧⲏⲩⲧⲛ ⲉⲃⲟⲗ ϩⲙⲡⲉⲧⲛⲙⲁ ⲛϣⲱⲡⲉ
6 ⲁⲩⲱ ⲧⲉⲕⲣⲏⲧⲏⲥ ⲛⲁϣⲱⲡⲉ ⲙⲙⲁ ⲙⲙⲟⲟⲛⲉ ⲛⲛⲉϣⲟⲟⲥ ⲁⲩⲱ ⲛϣⲁⲓⲣⲉ ⲛⲛⲉⲥⲟⲟⲩ
7 ⲁⲩⲱ ⲡⲧⲟϣ ⲛⲧⲑⲁⲗⲁⲥⲥⲁ ϥⲛⲁϣⲱⲡⲉ ⲛⲥⲉⲉⲡⲉ ⲙⲡⲏⲓ ⲛⲓⲟⲩⲇⲁ ⲥⲉⲛⲁⲙⲟⲟⲛⲉ ϩⲓϫⲱⲟⲩ ϩⲛⲛⲏⲓ ⲛⲁⲥⲕⲁⲗⲱⲛ ⲥⲉⲛⲁϯⲟⲩⲱ ⲙⲡⲛⲟⲩ ⲛⲣⲟⲩϩⲉ ⲙⲡⲉⲙⲧⲟ ⲉⲃⲟⲗ ⲛⲛϣⲏⲣⲉ ⲛⲓⲟⲩⲇⲁ ⲉⲃⲟⲗ ϫⲉⲁⲡϫⲟⲉⲓⲥ ⲡⲉⲩⲛⲟⲩⲧⲉ ϭⲙⲡⲉⲩϣⲓⲛⲉ ⲁⲩⲱ ⲁϥⲕⲧⲟ ⲛⲧⲉⲩⲁⲓⲭⲙⲁⲗⲱⲥⲓⲁ
8 ⲁⲓⲥⲱⲧⲙ ⲉⲡⲛⲟϭⲛⲉϭ ⲙⲙⲱⲁⲃ ⲁⲩⲱ ⲉⲙⲙⲛⲧϩⲣⲟⲩⲟ ⲛⲛϣⲏⲣⲉ ⲛⲁⲙⲙⲱⲛ ⲉⲁⲩⲛⲟϭⲛⲉϭ ⲛϩⲏⲧⲟⲩ ⲙⲡⲁⲗⲁⲟⲥ ⲁⲩⲱ ⲁⲩϫⲓⲥⲉ ⲙⲙⲟⲟⲩ ⲉϫⲛⲛⲁⲧⲟϣ
9 ⲉⲧⲃⲉⲡⲁⲓ ϯⲟⲛϩ ⲁⲛⲟⲕ ⲡⲉϫⲉⲡϫⲟⲉⲓⲥ ⲡⲛⲟⲩⲧⲉ ⲙⲡⲓⲥⲣⲁⲏⲗ ϫⲉⲙⲱⲁⲃ ⲥⲉⲛⲁⲣⲧϩⲉ ⲛⲥⲟⲇⲟⲙⲁ ⲁⲩⲱ ⲛϣⲏⲣⲉ ⲛⲁⲙⲙⲱⲛ ⲥⲉⲛⲁⲣⲧϩⲉ ⲅⲟⲙⲟⲣⲣⲁ ⲁⲩⲱ ⲇⲁⲙⲁⲥⲕⲟⲥ ⲧⲉⲛ...
Zephaniah 1 · Zephaniah 3 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)