Read Zephaniah 1 side by side with translations · The Final Bible
1 ...
14 ⲉⲓⲥ ϩⲏⲏⲧⲉ ⲁϥϩⲱⲛ ⲉϩⲟⲩⲛ ⲛϭⲓⲡⲛⲟϭ ⲛϩⲟⲟⲩ ⲙⲡϫⲟⲉⲓⲥ ⲉϥϩⲏⲛ ⲉϩⲟⲩⲛ ⲁⲩⲱ ϥⲛⲁⲉⲓ ⲛⲧⲉⲩⲛⲟⲩ ⲡⲉϩⲣⲟⲟⲩ ⲙⲡⲉϩⲟⲟⲩ ⲙⲡϫⲟⲉⲓⲥ ⲁϥⲧⲟϣϥ ϥⲥⲁϣⲉ ⲉϥⲛⲁϣⲧ ⲉϥϭⲙϭⲟⲙ
15 ⲟⲩϩⲟⲟⲩ ⲛⲟⲣⲅⲏ ⲡⲉ ⲡⲉϩⲟⲟⲩ ⲉⲧⲙⲙⲁⲩ ⲟⲩϩⲟⲟⲩ ⲡⲉ ⲛⲑⲗⲓⲯⲓⲥ ϩⲓⲁⲛⲁⲅⲕⲏ ⲟⲩϩⲟⲟⲩ ⲡⲉ ⲛⲕⲣⲙⲉⲥ ϩⲓⲧⲁⲕⲟ ⲟⲩϩⲟⲟⲩ ⲛⲕⲁⲕⲉ ⲡⲉ ϩⲓϭⲟⲥⲙ ⲟⲩϩⲟⲟⲩ ⲛⲕⲗⲟⲟⲗⲉ ⲡⲉ ϩⲓϩⲧⲟⲙⲧⲙ
16 ⲟⲩϩⲟⲟⲩ ⲛⲥⲁⲗⲡⲓⲅⲝ ϩⲓⲁϣϣⲕⲁⲕ ⲡⲉ ⲉϫⲛⲛⲛⲟϭ ⲙⲡⲟⲗⲓⲥ ⲁⲩⲱ ⲉϫⲛⲛⲧⲟϣ ⲉⲧϫⲟⲥⲉ
17 ⲁⲩⲱ ϯⲛⲁϩϫϩϫⲛⲣⲱⲙⲉ ⲛⲥⲉⲙⲟⲟϣⲉ ⲛⲧϩⲉ ⲛϩⲉⲛⲃⲉⲗⲗⲉⲩ ϫⲉⲁⲩⲣⲛⲟⲃⲉ ⲉⲡϫⲟⲉⲓⲥ ⲁⲩⲱ ϥⲛⲁⲡⲱϩⲧ ⲉⲃⲟⲗ ⲙⲡⲉⲩⲥⲛⲟϥ ⲛⲧϩⲉ ⲛⲟⲩⲕⲁϩ ⲁⲩⲱ ⲛⲉⲩⲥⲁⲣⲝ ⲛⲧϩⲉ ⲛϩⲉⲛϩⲟⲓⲣⲉ
18 ⲁⲩⲱ ⲡⲉⲩⲕⲉϩⲁⲧ ⲙⲛⲡⲉⲩⲛⲟⲩⲃ ⲛϥⲛⲁϣⲛⲁϩⲙⲟⲩ ⲁⲛ ϩⲙⲡⲉϩⲟⲟⲩ ⲛⲧⲟⲣⲅⲏ ⲙⲡϫⲟⲉⲓⲥ ⲉⲃⲟⲗ ϫⲉⲡⲕⲁϩ ⲧⲏⲣϥ ⲛⲁⲱϫⲛ ϩⲛⲧⲥⲁⲧⲉ ⲙⲡⲉϥϭⲱⲛⲧ ⲙⲛⲡⲉϥⲕⲱϩⲧ ⲉⲓⲥ ⲡϫⲟⲉⲓⲥ ⲛⲁⲉⲓⲣⲉ ⲛⲟⲩⲥⲩⲛⲧⲉⲗⲁⲓⲁ ⲙⲛⲟⲩϣⲧⲟⲣⲧⲣ ⲉϫⲛⲟⲩⲟⲛ ⲛⲓⲙ ⲉⲧⲟⲩⲏϩ ϩⲙⲡⲕⲁϩ
Zephaniah 2 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)