Read Wisdom 4 side by side with translations · The Final Bible
1 ⲛⲁⲛⲟⲩ ⲟⲩⲙⲛⲧⲁⲧϣⲏⲣⲉ ϩⲛⲟⲩⲁⲣⲉⲧⲏ ⲟⲩⲱⲛϩ ⲅⲁⲣ ⲡⲉⲧϣⲟⲟⲡ ϩⲙⲡⲉⲥⲣⲡⲙⲉⲉⲩⲉ ϫⲉⲥⲟⲩⲟⲛϩ ⲉⲃⲟⲗ ϩⲁⲧⲙ ⲡⲛⲟⲩⲧⲉ ⲙⲛⲛⲣⲱⲙⲉ
2 ϣⲁⲩⲧⲛⲧⲱⲛⲟⲩ ⲉⲣⲟⲥ ⲉⲥⲙⲡⲉⲉⲓ ⲙⲁ ⲁⲩⲱ ϣⲁⲩϣⲓⲛⲉ ⲛⲥⲱⲥ ⲉⲥϣⲁⲛⲃⲱⲕ ⲁⲩⲱ ϩⲙⲡⲕⲉⲁⲓⲱⲛ ⲥⲛⲁⲡⲟⲙⲡⲉⲩⲉ ⲉⲣⲉⲡⲉⲕⲗⲟⲙ ϩⲓϫⲱⲥ ⲉⲁⲥⲧⲁϫⲣⲟ ⲙⲡⲁⲅⲱⲛ ⲛⲁⲧϩⲗⲟⲛ ⲉⲧⲉⲙⲉⲩⲉϣϫⲣⲟ ⲉⲣⲟϥ
3 ⲡⲙⲏⲏϣⲉ ⲅⲁⲣ ⲛϫⲡⲟ ⲛⲁⲥⲉⲃⲏⲥ ⲛⲁⲣϣⲁⲩ ⲁⲛ ⲁⲩⲱ ⲛⲧⲱϭⲉ ⲛⲟⲩϫ ⲛⲁϫⲉ ⲛⲟⲩⲛⲉ ⲁⲛ ⲉⲡϣⲓⲕⲉ ⲟⲩⲇⲉ ⲛⲥⲉⲛⲁⲧⲁϫⲣⲟ ⲁⲛ ⲛⲟⲩⲥⲛⲧⲉ ⲉⲥⲟⲣϫ
4 ⲕⲁⲛ ⲉⲩϣⲁⲛϯⲟⲩⲱ ⲅⲁⲣ ⲛϩⲉⲛⲕⲗⲁⲇⲟⲥ ⲡⲣⲟⲥ ⲟⲩⲟⲉⲓϣ ⲉⲁⲩⲉⲓ ⲉϩⲣⲁⲓ ⲉⲩⲗⲟⲟⲃⲉ ⲥⲉⲛⲁⲕⲓⲙ ⲉⲣⲟⲟⲩ ϩⲓⲧⲛⲟⲩⲧⲏⲟⲩ ⲛⲥⲉⲡⲟⲣⲕⲟⲩ ϩⲓⲧⲛϩⲉⲛⲧⲏⲩ ⲉⲩⲛⲁϣⲧ
5 ⲥⲉⲛⲁϩⲱⲣⲃ ⲛϭⲓⲛⲉⲕⲗⲁⲇⲟⲥ ⲉⲧⲉⲙⲡⲟⲩϫⲱⲕ ⲁⲩⲱ ⲡⲉⲩⲕⲁⲣⲡⲟⲥ ⲟⲩⲁⲧϣⲁⲩ ⲡⲉ ⲉⲙⲡϥⲡ... ⲉⲩⲟⲙϥ ⲁⲩⲱ ⲛϥⲣϣⲁⲩ ⲁⲛ ⲉⲗⲁⲁⲩ
6 ⲛϣⲏⲣⲉ ⲅⲁⲣ ⲛⲧⲟⲩϫⲡⲟⲟⲩ ⲉⲃⲟⲗ ϩⲛϩⲉⲛⲙⲁ ⲛⲛⲕⲟⲧⲕ ⲙⲡⲁⲣⲁⲛⲟⲙⲟⲛ ⲥⲉⲛⲁϣⲱⲡⲉ ⲙⲙⲛⲧⲣⲉⲛⲧⲡⲟⲛⲏⲣⲓⲁ ⲛⲛⲉⲩⲉⲓⲟⲧⲉ ϩⲙⲡⲉⲩϭⲙⲡϣⲓⲛⲉ
7 ⲡⲇⲓⲕⲁⲓⲟⲥ ⲇⲉ ⲉϥϣⲁⲛⲙⲟⲩ ⲉϥⲛⲁϣⲱⲡⲉ ϩⲛⲟⲩⲙⲧⲟⲛ
8 ⲛⲧⲙⲛⲧϩⲗⲗⲟ ⲅⲁⲣ ⲁⲛ ⲉⲧⲧⲁⲉⲓⲏⲩ ⲡⲉ ⲟⲩⲛⲟϭ ⲛⲁϩⲉ ⲟⲩⲇⲉ ⲛⲟⲩⲁϣⲏ ⲁⲛ ⲛⲣⲟⲙⲡⲉ ⲧⲉ
9 ⲁⲗⲗⲁ ⲧⲙⲛⲧⲣⲙⲛϩⲏⲧ ⲡⲉ ⲡⲉⲥⲕⲓⲙ ⲛⲛⲣⲱⲙⲉ ⲁⲩⲱ ⲧⲙⲛⲧϩⲗⲗⲟ ⲡⲉ ⲟⲩⲁϩⲉ ⲛⲁⲧⲛⲟⲃⲉ
10 ⲉⲁϥⲣⲁⲛⲁϥ ⲙⲡⲛⲟⲩⲧⲉ ⲁϥⲟⲩⲁϣϥ ⲁⲩⲱ ⲉϥⲟⲛϩ ⲛⲧⲙⲏⲧⲉ ⲛⲛⲣⲉϥⲣⲛⲟⲃⲉ ⲁⲩⲡⲟⲟⲛⲉϥ ⲉⲃⲟⲗ
11 ⲁⲩⲧⲟⲣⲡϥ ϫⲉⲛⲛⲉⲧⲕⲁⲕⲓⲁ ϣⲓⲃⲉ ⲛⲧⲉϥⲙⲛⲧⲣⲙⲛϩⲏⲧ ⲏ ⲛⲧⲉⲡⲉⲕⲣⲟϥ ⲁⲡⲁⲧⲁ ⲛⲧⲉϥⲯⲩⲭⲏ
12 ⲧⲙⲛⲧⲉⲓⲉⲣⲃⲟⲟⲛⲉ ⲅⲁⲣ ⲛⲛⲉⲧϩⲟⲟⲩ ϣⲁⲥϣⲓⲃⲉ ⲛⲛⲉⲧⲛⲁⲛⲟⲩⲟⲩ ⲁⲩⲱ ⲧⲉⲡⲓⲑⲩⲙⲓⲁ ⲛⲛⲣⲉϥⲥⲱⲣⲙ ϣⲁⲥ...ⲡ ⲉⲡϩⲏⲧ ⲛⲛⲁ...
13 ⲉⲁϥⲣⲧⲉⲗⲉⲓⲟⲥ ϩⲛⲟⲩⲕⲟⲩⲓ ϣⲁϥϫⲱⲕ ⲉⲃⲟⲗ ϩⲉⲛⲟⲩⲟⲉⲓϣ ⲉⲛⲁϣⲱⲟⲩ
14 ⲛⲉⲥⲣⲁⲛⲁϥ ⲅⲁⲣ ⲙⲡϫⲟⲉⲓⲥ ⲛϭⲓⲧⲉϥⲯⲩⲭⲏ ⲉⲧⲃⲉⲡⲁⲓ ⲁϥⲡⲱⲧ ⲉⲃⲟⲗ ⲛⲧⲙⲏⲧⲉ ⲛⲧⲡⲟⲛⲏⲣⲓⲁ ⲛⲗⲁⲟⲥ ⲇⲉ ⲛⲧⲉⲣⲟⲩⲛⲁⲩ ⲙⲡⲟⲩⲛⲟⲉⲓ ⲟⲩⲇⲉ ⲙⲡⲟⲩⲕⲁⲡⲁⲓ ϩⲙⲡⲉⲩϩⲏⲧ
15 ϫⲉⲟⲩⲛⲟⲩⲭⲁⲣⲓⲥ ⲙⲛⲟⲩⲛⲁ ⲛⲁϣⲱⲡⲉ ⲛⲛⲉϥⲥⲱⲧⲡ ⲁⲩⲱ ⲟⲩϭⲙⲡϣⲓⲛⲉ ⲛⲛⲉϥⲡⲉⲧⲟⲩⲁⲁⲃ
16 ⲡⲇⲓⲕⲁⲓⲟⲥ ⲇⲉ ⲉⲧⲁϥⲙⲟⲩ ϥⲛⲁⲧϭⲁⲓⲉ ⲛⲁⲥⲉⲃⲏⲥ ⲉⲧⲟⲛϩ ⲁⲩⲱ ⲟⲩϣⲏⲣⲉ ϣⲏⲙ ⲉⲁϥϫⲱⲕ ⲉⲃⲟⲗ ϩⲛⲟⲩϭⲉⲡⲏ ϥⲛⲁⲧϭⲁⲓⲉ ⲧⲙⲛⲧϩⲗⲗⲟ ⲙⲡⲣⲉϥϫⲓⲛϭⲟⲛⲥ
17 ⲥⲉⲛⲁⲛⲁⲩ ⲅⲁⲣ ⲉⲡⲙⲟⲩ ⲛⲛⲥⲟⲫⲟⲥ ⲛⲥⲉⲧⲙⲛⲟⲉⲓ ⲇⲉ ⲛⲧⲁϥⲙⲉⲉⲩⲉ ⲉⲣⲟϥ ⲉⲟⲩⲁⲩⲱ ⲉⲧⲃⲉⲟⲩ ⲁⲡϫⲟⲉⲓⲥ ⲟⲣϫϥ
18 ⲥⲉⲛⲁⲛⲁⲩ ⲛⲥⲉⲥⲱϣϥ ⲛⲧⲟⲟⲩ ⲇⲉ ⲡϫⲟⲉⲓⲥ ⲛⲁⲥⲱⲃⲉ ⲛⲥⲱⲟⲩ
19 ⲙⲛⲛⲥⲁⲡⲁⲓ ⲥⲉⲛⲁϣⲱⲡⲉ ⲉⲩϩⲧⲟⲡ ⲉϥⲥⲏϣ ⲁⲩⲱ ⲉⲩⲥⲱϣϥ ϩⲛⲛⲉⲧⲙⲟⲟⲩⲧ ϣⲁⲉⲛⲉϩ ϫⲉϥⲛⲁⲣⲁϩⲧⲟⲩ ⲉϫⲙⲡⲉⲩϩⲟ ⲉⲛⲥⲉϣϣⲁϫⲉ ⲁⲛ ⲛϥⲕⲓⲙ ⲉⲣⲟⲟⲩ ϫⲓⲛⲛⲉⲩⲥⲛⲧⲉ ⲁⲩⲱ ⲥⲉⲛⲁⲥⲱϣϥ ϣⲁⲧϩⲁⲏ ⲛⲥⲉϣⲱⲡⲉ ϩⲛⲟⲩⲙⲕⲁϩ ⲛⲧⲉⲡⲉⲩⲣⲡⲙⲉⲉⲩⲉ ⲧⲁⲕⲟ
20 ⲥⲉⲛⲁⲃⲱⲕ ⲉⲩⲟ ⲛϭⲁⲃϩⲏⲧ ϩⲙⲡⲣⲡⲙⲉⲉⲩⲉ ⲛⲛⲉⲩⲛⲟⲃⲉ ⲛⲧⲉⲛⲉⲩⲁⲛⲟⲙⲓⲁ ϫⲡⲓⲟⲟⲩ ⲙⲡⲉⲩⲙⲧⲟ ⲉⲃⲟⲗ
Wisdom 3 · Wisdom 5 · Greek (Septuagint / SBLGNT) · Aramaic (Peshitta) · Latin (Vulgate)