Wisdom 18 — Coptic (Sahidic)

1 ⲛⲉⲕⲡⲉⲧⲟⲩⲁⲁⲃ ⲇⲉ ⲛⲧⲟⲟⲩ ⲛⲉⲣⲉⲟⲩⲛⲟϭ ⲛⲟⲩⲟⲉⲓⲛ ⲡⲉ ϣⲟⲟⲡ ⲛⲁⲩ ⲉⲣⲉⲛⲏⲙⲉⲛ ⲥⲱⲧⲙ ⲉⲩⲥⲙⲏ ⲉⲛⲥⲉⲛⲁⲩ ⲇⲉ ⲉⲣⲟⲟⲩ ⲁⲛ ⲛⲉⲩⲙⲁⲕⲁⲣⲓⲍⲉ ⲙⲙⲟⲟⲩ ϫⲉⲙⲡⲟⲩⲃⲱⲕ ϩⲛⲛⲉⲓϩⲓⲥⲉ

2 ⲁⲩⲱ ⲛⲉⲩϣⲡϩⲙⲟⲧ ⲛⲧⲟⲟⲧⲟⲩ ϫⲉⲛⲥⲉⲧⲱⲱⲃⲉ ⲛⲁⲩ ⲁⲛ ⲛⲛϫⲓⲛϭⲟⲛⲥ ⲛⲧⲁⲩⲁⲁⲩ ... ⲁⲩⲱ ⲛⲉⲩ...ⲙⲟⲟⲩ ⲉⲧⲃⲉⲧϩⲉ ⲛⲧⲁⲩ...ⲩ ⲛϫⲁϫⲉ

3 ⲉⲡⲙⲁ ⲛⲛⲁⲓ ⲁⲕⲧⲛⲛⲟⲟⲩ ⲛⲁⲩ ⲛⲟⲩⲥⲧⲩⲗⲟⲥ ⲛⲕⲱϩⲧ ⲉⲧⲥⲁⲃⲟ ⲙⲙⲟⲟⲩ ⲉⲧⲉϩⲓⲏ ⲉⲧⲉⲛⲥⲉⲥⲟⲟⲩⲛ ⲙⲙⲟⲥ ⲁⲛ ⲙⲛⲟⲩⲣⲏ ⲉⲙⲉϥⲣⲱⲕϩ ⲁⲛ ⲉϥϫⲓⲙⲟⲉⲓⲧ ϩⲏⲧⲟⲩ ⲙⲡⲉϩⲟⲟⲩ

4 ⲛⲏⲅⲁⲣ ⲙⲡϣⲁ ⲉⲧⲣⲉⲩϥⲓⲡⲟⲩⲟⲉⲓⲛ ⲛⲧⲟⲟⲧⲟⲩ ⲛⲥⲉⲟⲧⲡⲟⲩ ⲉϩⲟⲩⲛ ⲉⲡⲕⲁⲕⲉ ⲛⲉⲛⲧⲁⲩϩⲁⲣⲉϩ ⲉⲛⲉⲕϣⲏⲣⲉ ⲉⲩⲟⲧⲡ ⲉϩⲟⲩⲛ ⲛⲁⲓ ⲉⲩⲛⲁϯ ⲙⲡⲟⲩⲟⲉⲓⲛ ⲛⲁⲧⲧⲁⲕⲟ ⲙⲡⲕⲟⲥⲙⲟⲥ ⲉⲃⲟⲗ ϩⲓⲧⲟⲟⲧⲟⲩ

5 ⲛⲧⲉⲣⲟⲩϫⲓϣⲟϫⲛⲉ ⲅⲁⲣ ⲉⲙⲟⲩⲟⲩⲧ ⲛⲛϣⲏⲣⲉ ⲛⲛⲉⲕⲡⲉⲧⲟⲩⲁⲁⲃ ⲉⲁⲩⲛⲟⲩϫⲉ ⲉⲃⲟⲗ ⲛⲟⲩϣⲏⲣⲉ ⲉϥⲟⲩⲁⲁⲃ ⲁⲩⲱ ⲁϥⲟⲩϫⲁⲓ ⲉⲡⲉⲩϫⲡⲓⲟ ⲇⲉ ⲁⲕϥⲓⲡⲙⲏⲏϣⲉ ⲛⲛⲉⲩϣⲏⲣⲉ ⲁⲩⲱ ⲁⲕϥⲟⲧⲟⲩ ⲉⲃⲟⲗ ϩⲓⲟⲩⲥⲟⲡ ϩⲛⲟⲩⲙⲟⲟⲩ ⲉⲛⲁϣⲱϥ

6 ⲧⲉⲩϣⲏ ⲉⲧⲙⲙⲁⲩ ⲁⲕⲧⲁⲙⲉⲛⲉⲛⲉⲓⲟⲧⲉ ⲉⲣⲟⲥ ϫⲉⲕⲁⲥ ⲉⲩⲉⲉⲓⲙⲉ ⲉⲛⲁⲛⲁⲩϣ ⲛⲥⲉⲛⲁⲩ ϫⲉⲛⲧⲁⲩⲛⲁϩⲧⲉ ⲉⲣⲟⲕ ⲛⲥⲉⲧⲱⲕ ⲛϩⲏⲧ

7 ⲛⲧⲉⲟⲩⲟⲩϫⲁⲓ ⲙⲉⲛϣⲱⲡⲉ ⲙⲡⲉⲕⲗⲁⲟⲥ ϩⲙⲡⲕⲟⲥⲙⲟⲥ ⲛⲛⲇⲓⲕⲁⲓⲟⲥ ⲙⲡⲉⲕⲗⲁⲟⲥ ⲟⲩⲧⲁⲕⲟ ⲇⲉ ⲛⲛⲉⲛϫⲁϫⲉ

8 ϩⲙⲡⲁⲓ ⲁ... ⲛⲓϫⲁϫⲉ ⲅⲁⲣ ϩⲣⲁⲓ ⲛϩⲏⲧϥ ⲁⲕϯⲉⲟⲟⲩ ⲛⲁⲛ

9 ⲛϣⲏⲣⲉ ⲅⲁⲣ ⲉⲧⲟⲩⲁⲁⲃ ⲛⲛⲣⲱⲙⲉ ⲛⲁⲅⲁⲑⲟⲥ ⲛⲉⲩⲧⲁⲗⲉⲑⲩⲥⲓⲁ ⲉϩⲣⲁⲓ ϩⲙⲫⲱⲡ ⲉⲩⲥⲙⲓⲛⲉ ϩⲓⲟⲩⲥⲟⲡ ⲙⲡⲛⲟⲙⲟⲥ ⲙⲡⲧⲃⲃⲟ ⲉⲧⲣⲉⲛⲉⲧⲟⲩⲁⲁⲃ ⲙⲉⲧⲉⲭⲉ ⲙⲛⲛⲉⲩⲉⲣⲏⲩ ⲉⲛⲓⲁⲅⲁⲑⲟⲛ ⲙⲛⲛⲓ...ⲟⲩⲱⲧ ⲁⲩⲱ ⲛⲉⲩϫⲟⲟⲩ ⲉϩⲣⲁⲓ ⲛϩⲉⲛⲥⲙⲟⲩ ⲙⲡⲉⲓⲱⲧ

10 ⲡⲉϩⲣⲟⲟⲩ ϩⲱⲟⲩ ⲛⲛϫⲁϫⲉ ⲛⲉϥⲱϣ ⲉⲃⲟⲗ ⲉϥϣⲟⲃⲉ ⲁⲩⲱ ⲟⲩⲥⲙⲏ ⲛⲣⲓⲙⲉ ⲉⲩⲧⲟⲉⲓⲧ ⲉⲛⲉⲩϣⲏⲣⲉ

11 ⲟⲩϩⲙϩⲁⲗ ⲇⲉ ⲙⲛⲡⲉϥϫⲟⲉⲓⲥ ⲉⲩⲕⲟⲗⲁⲍⲉ ⲙⲙⲟⲟⲩ ϩⲙⲡⲓϩⲁⲡ ⲛⲟⲩⲱⲧ ⲟⲩϩⲏⲕⲉ ⲙⲛⲟⲩⲣⲣⲟ ⲉⲩϣⲱⲡ ⲛⲛⲓϩⲓⲥⲉ ⲟⲩⲱⲧ

12 ⲛⲧⲟⲟⲩ ⲧⲏⲣⲟⲩ ϩⲓⲟⲩⲥⲟⲡ ⲉⲩϩⲙⲡⲓⲙⲟⲩ ⲛⲟⲩⲱⲧ ⲛⲉ ⲙⲛⲏⲡⲉ ⲛⲛⲉⲩⲣⲉϥⲙⲟⲟⲩⲧ ⲛⲉⲧⲟⲛϩ ⲅⲁⲣ ⲛⲉⲩⲣⲱϣⲉ ⲁⲛ ⲡⲉ ⲉⲧⲱⲙⲥ ⲛⲛⲉⲧⲙⲟⲟⲩⲧ ⲉⲧⲃⲉϫⲉⲡⲉⲩϫⲡⲟ ⲉⲧⲧⲁⲉⲓⲏⲩ ⲁϥⲧⲁⲕⲟ ϩⲛⲟⲩϣⲡⲛϣⲱⲡ

13 ⲉⲩⲟ ⲅⲁⲣ ⲛⲁⲧⲛⲁϩⲧⲉ ⲉϩⲱⲃ ⲛⲓⲙ ⲉⲧⲃⲉⲛⲉⲩⲙⲛⲧⲣⲉϥⲣⲡⲁϩⲣⲉ ϩⲙⲡⲧⲣⲉⲛⲉⲩϣⲣⲡⲙⲙⲓⲥⲉ ⲧⲁⲕⲟ ⲁⲩϩⲟⲙⲟⲗⲟⲅⲉⲓ ϫⲉⲟⲩϣⲏⲣⲉ ⲛⲧⲉⲡⲛⲟⲩⲧⲉ ⲡⲉ ⲡⲉⲓⲗⲁⲟⲥ

14 ⲉⲣⲉⲟⲩⲛⲟϭ ⲅⲁⲣ ⲛⲥϭⲣⲁϩⲧ ...ⲙⲁ ⲛⲓⲙ ⲥⲙⲟⲛⲧ ϩⲣⲁⲓ ϩⲛ...

15 ⲡⲉⲕϣⲁϫⲉ ⲉⲧϭⲙϭⲟⲙ ⲉϩⲱⲃ ⲛⲓⲙ ⲁϥⲉⲓ ⲉⲃⲟⲗ ϩⲛⲙⲡⲏⲩⲉ ϩⲓⲧⲛⲛⲉⲑⲣⲟⲛⲟⲥ ⲛⲧⲉⲕⲙⲛⲧⲣⲣⲟ ⲛⲧϩⲉ ⲛⲟⲩⲣⲉϥⲙⲓϣⲉ ⲉϥϣⲱⲱⲧ ⲉⲃⲟⲗ ⲁϥϥⲱϭⲉ ⲉϩⲣⲁⲓ ⲉⲧⲙⲏⲧⲉ ⲙⲡⲕⲁϩ ⲛⲛϫⲁϫⲉ

16 ⲉⲩⲛⲟⲩϣⲏϥⲉ ⲛⲧⲟⲟⲧϥ ⲉⲥⲧⲏⲙ ϩⲙⲡⲉⲕⲟⲩⲉϩⲥⲁϩⲛⲉ ⲁϫⲛϩⲩⲡⲟⲕⲣⲓⲛⲉ ⲁϩⲁⲣⲉⲣⲁⲧϥ ⲁϥⲙⲉϩⲙⲁ ⲛⲓⲙ ⲙⲙⲟⲩ ⲉϥϫⲱϩ ⲉⲧⲡⲉ ⲉⲣⲉⲣⲁⲧϥ ϩⲓϫⲙⲡⲕⲁϩ

17 ⲛⲧⲉⲩⲛⲟⲩ ⲇⲉ ⲁⲩϣⲧⲣⲧⲱⲣⲟⲩ ⲛϭⲓϩⲉⲛⲫⲁⲛⲧⲁⲥⲓⲁ ⲛⲣⲁⲥⲟⲩ ⲉⲩⲛⲁϣⲧ ⲙⲛϩⲉⲛϩⲟⲧⲉ ⲉⲩⲛⲏⲩ ⲉϩⲣⲁⲓ ⲉϫⲱⲟⲩ ⲉⲛⲥⲉⲙⲉⲉⲩⲉ ⲉⲣⲟⲟⲩ ⲁⲛ

18 ⲉⲣⲉⲡⲟⲩⲁ ⲡⲟⲩⲁ ⲛⲏϫ ⲛⲥⲁⲟⲩⲥⲁ ⲉϥⲟ ⲙⲡϣⲙⲟⲩ ⲉⲩⲧⲁⲙⲟ ⲙⲙⲟⲟⲩ ⲉⲧⲗⲟⲉⲓϭⲉ ⲉⲧⲟⲩⲙⲟⲩ ⲉⲧⲃⲏⲏⲧⲥ

19 ⲣⲣⲁⲥⲟⲩ ⲅⲁⲣ ⲉⲧϣⲧⲟⲣⲧⲣ ⲙⲙⲟⲟⲩ ⲛⲉⲩⲟⲩⲱⲛϩ ⲛⲁⲩ ⲉⲃⲟⲗ ⲙⲡⲁⲓ ϫⲉⲛⲉⲩⲣⲁⲧⲥⲟⲟⲩⲛ ⲙⲡⲉⲧⲟⲩϣⲱⲡ ⲛⲛⲉⲓⲡⲉⲧϩⲟⲟⲩ ⲉⲧⲃⲏⲏⲧϥ ⲛⲥⲉϥⲱⲧⲉ ⲉⲃⲟⲗ ⲧⲏⲣⲟⲩ

20 ⲁⲩϫⲛⲧⲛⲇⲓⲕⲁⲓⲟⲥ ϩⲱⲟⲩ ⲟⲛ ⲙⲡⲙⲟⲩ ⲛⲟⲩⲟⲉⲓϣ ⲁⲩⲱ ⲁⲟⲩⲙⲏⲏϣⲉ ϩⲉ ⲉⲃⲟⲗ ϩⲙⲡϫⲁⲓⲉ ...

21 ... ⲟⲩⲣⲱⲙⲉ ⲛⲥⲱⲧⲡ ⲁϥⲙⲓϣⲉ ⲉϫⲱⲟⲩ ... ⲁϥϫⲓ ⲙⲡϩⲟⲡⲗⲟⲛ ⲙⲡⲉϥϣⲙϣⲉ ⲉϥⲧⲱⲃϩ ϩⲓⲧⲛⲟⲩϣⲗⲏⲗ ⲙⲛⲟⲩϣⲟⲩϩⲏⲛⲉ ⲉϥⲁϩⲉⲣⲁⲧϥ ⲟⲩⲃⲉ ⲡϭⲱⲛⲧ ⲁⲩⲱ ⲁϥⲧⲁⲗϭⲉⲧⲉ... ⲉϥⲟⲩⲱⲛϩ ⲙⲙⲟϥ ⲉⲃⲟⲗ ϫⲉⲡⲉⲕϩⲙϩⲁⲗ ⲡⲉ

22 ⲁϥϫⲣⲟ ⲉⲡⲙⲏⲏϣⲉ ϩⲛⲟⲩϭⲟⲙ ⲁⲛ ⲛⲥⲱⲙⲁ ⲟⲩⲇⲉ ϩⲛⲟⲩⲛⲁϣⲧⲉ ⲁⲛ ⲛϩⲟⲡⲗⲟⲛ ⲁⲗⲗⲁ ϩⲙⲡⲉϥϣⲁϫⲉ ⲁϥⲥⲉⲡⲥⲡⲉⲧⲕⲟⲗⲁⲍⲉ ⲙⲙⲟⲟⲩ ⲉⲁϥⲧⲣⲉϥⲣⲡⲙⲉⲉⲩⲉ ⲛⲁⲛⲁⲩϣ ⲛⲛⲉⲓⲟⲧⲉ ⲙⲛⲧⲇⲓⲁⲑⲏⲕⲏ

23 ⲛⲧⲉⲣⲟⲩϣⲱⲡⲉ ⲅⲁⲣ ⲛϭⲓⲛⲣⲉϥⲙⲟⲩⲧⲉ ⲉⲩϩⲏⲩ ⲉϩⲣⲁⲓ ⲉϫⲛⲛⲉⲩⲉⲣⲏⲩ ⲁϥⲁϩⲉⲣⲁⲧϥ ϩⲛⲧⲉⲩⲙⲏⲧⲉ ⲁϥⲧⲁⲗϭⲉ ⲧⲟⲣⲅⲏ ⲁϥⲡⲣϫⲧⲉϩⲓⲏ ⲟⲩⲧⲱⲟⲩ ⲙⲛⲛⲉⲧⲟⲛϩ

24 ⲛⲉⲣⲉⲡⲕⲟⲥⲙⲟⲥ ⲅⲁⲣ ⲧⲏⲣϥ ⲡⲟϩⲧ ϩⲓⲧⲡⲟⲇⲏⲣⲏ ⲛⲧⲉϥϩⲃⲥⲱ ⲁⲩⲱ ⲡⲉⲟⲟⲩ ⲛⲛⲉⲓⲟⲧⲉ ⲛϥⲧⲟⲟⲩ ⲛⲥⲧⲉⲓⲭⲟⲥ ⲉϥϣⲉⲧϣⲱⲧ ϩⲛϩⲉⲛⲱⲛⲉ ⲁⲩⲱ ⲧⲉⲕⲙⲛⲧⲛⲟϭ ϩⲓϫⲛⲧⲉϭⲣⲏⲡⲉ ⲛⲧⲉϥⲁⲡⲉ

25 ⲛⲁⲓ ⲛⲉⲛⲧⲁϥϣⲓⲡⲉ ϩⲏⲧⲟⲩ ⲛϭⲓⲡⲉⲧⲧⲁⲕⲟ ⲛⲁⲓ ⲛⲉ ⲛⲧⲁϥⲣϩⲟⲧⲉ ϩⲏⲧⲟⲩ ... ⲣⲱϣⲉ ...ⲙⲁⲧⲉ ⲛⲧ...