Wisdom 19 — Coptic (Sahidic)

1 ⲛⲁⲥⲉⲃⲏⲥ ⲇⲉ ... ⲛⲁⲉⲓ ⲉϩⲣⲁⲓ ...ⲩ ⲛϣⲁⲃⲟⲗ ⲛⲉϥⲥⲟⲟⲩⲛ ⲅⲁⲣ ⲛⲛⲉⲧⲟⲩⲛⲁⲁⲁⲩ

2 ϫⲉⲙⲛⲛⲥⲁⲧ...ⲁⲩ ⲉⲃⲟⲗ ⲉⲃⲱⲕ ⲁⲩⲱ ⲛⲥⲉ... ⲉⲃⲟⲗ ϩⲛⲟⲩϭⲉⲡⲏ ⲥⲉⲛⲁⲣ... ⲛⲥⲉⲡⲱⲧ ⲛⲥⲱⲟⲩ

3 ⲉⲧⲓ ⲅⲁⲣ ⲉⲣⲉⲡϩⲏⲃⲉ ϩⲛⲧⲉⲩⲙⲏⲧⲉ ⲉⲩⲧⲟⲉⲓⲧ ϩⲓⲣⲛ ⲛⲧⲁⲫⲟⲥ ⲛⲛⲕⲱⲱⲥ ⲁⲩϫⲡⲟ ⲛⲁⲩ ⲛⲕⲉⲙⲉⲉⲩⲉ ⲛⲁⲧϩⲏⲧ ⲁⲩⲱ ⲛⲏⲛⲧⲁⲩⲛⲟϫⲟⲩ ⲉⲃⲟⲗ ⲉⲩⲥⲟⲡⲥ ⲙⲙⲟⲟⲩ ⲛⲁⲓ ⲇⲉ ⲁⲩⲡⲱⲧ ⲛⲥⲱⲟⲩ ⲛⲧϩⲉ ⲛⲛⲉⲧⲡⲏⲧ ⲛϫⲓⲟⲩⲉ

4 ⲛⲉⲣⲉⲧⲁⲛⲁⲅⲕⲏ ⲥⲱⲕ ⲙⲙⲟⲟⲩ ⲛⲧⲉⲉⲓ ϩⲁⲏ ⲉⲧⲟⲩⲙⲡϣⲁ ⲙⲙⲟⲥ ⲉⲁⲥⲧⲣⲉⲩⲣⲡⲱⲃϣ ⲛⲛⲉⲛⲧⲁⲩϣⲱⲡⲉ ⲙⲙⲟⲟⲩ ϫⲉⲕⲁⲥ ⲉⲩⲉϫⲱⲕ ⲉⲃⲟⲗ ⲛⲧⲕⲟⲗⲁⲥⲓⲥ ⲛⲧⲃⲁⲥⲁⲛⲟⲥ ⲉⲧⲟⲩⲙⲡϣⲁ ⲙⲙⲟⲥ

5 ⲛⲧⲉⲡⲉⲕⲗⲁⲟⲥ ϫⲓⲟⲟⲣ ϩⲛⲟⲩϩⲓⲏ ⲛϣⲡⲏⲣⲉ ⲛⲏⲇⲉ ⲛⲧⲟⲟⲩ ⲛⲥⲉⲃⲱⲕ ϩⲛⲟⲩⲙⲟⲟⲩ ⲉϥϣⲟⲃⲉ

6 ⲧⲉⲕⲧⲓⲥⲓⲥ ⲅⲁⲣ ⲧⲏⲣⲥ ϩⲙⲡⲉⲥⲥⲙⲟⲧ ⲁⲥϣⲃⲧⲡⲉⲥⲥⲱⲛⲧ ⲉⲥϣⲙϣⲉ ⲙⲡⲉⲕⲟⲩⲉϩⲥⲁϩⲛⲉ ϫⲉⲕⲁⲥ ⲉⲥⲉⲁⲣⲉϩ ⲉⲛⲉⲕϣⲏⲣⲉ ⲁϫⲛⲙⲕⲁϩ

7 ⲧⲉⲕⲗⲟⲟⲗⲉ ⲅⲁⲣ ⲁⲥⲣϩⲁⲓⲃⲉⲥ ⲉⲧⲡⲁⲣⲉⲙⲃⲟⲗⲏ ⲁⲩⲱ ⲟⲩⲕⲁϩ ⲉϥϣⲟⲩϣⲟⲩ ⲁϥⲟⲩⲱⲛϩ ⲉⲃⲟⲗ ϩⲛⲟⲩⲙⲟⲟⲩ ⲉⲛⲁϣⲱϥ ⲙⲛⲟⲩϩⲓⲏ ⲉⲥⲥⲟⲩⲧⲱⲛ ⲉⲃⲟⲗ ϩⲛⲧⲉⲣⲩⲑⲣⲁ ⲑⲁⲗⲁⲥⲥⲁ ⲙⲛⲟⲩⲥⲱϣⲉ ⲉϣⲁϥϯⲟⲩⲱ ⲉⲃⲟⲗ ϩⲛⲛϩⲟⲉⲓⲙ ⲉⲩⲛⲁϣⲧ

8 ⲧⲁⲓ ⲛⲧⲁⲩⲉⲓ ⲉⲃⲟⲗ ϩⲓⲧⲟⲟⲧⲥ ϩⲓⲧⲛϩⲉⲑⲛⲟⲥ ⲛⲓⲙ ⲉⲣⲉⲧⲉⲕϭⲓϫ ⲣϩⲁⲓⲃⲉⲥ ⲉⲣⲟⲟⲩ ⲉⲁⲩⲛⲁⲩ ⲉϩⲉⲛⲙⲁⲉⲓⲛ ⲙⲛϩⲉⲛϣⲡⲏⲣⲉ

9 ⲁⲩⲙⲟⲟⲛⲉ ⲅⲁⲣ ⲙⲙⲟⲟⲩ ⲛⲧϩⲉ ⲛϩⲉⲛϩⲧⲱⲣ ⲁⲩⲱ ⲛⲉⲩⲥⲛⲁⲉⲓⲛ ⲛⲧϩⲉ ⲛϩⲉⲛⲟⲉⲓⲗⲉ ⲉⲩⲥⲙⲟⲩ ⲧⲏⲣⲟⲩ ⲉⲣⲟⲕ ⲡϫⲟⲉⲓⲥ ⲡⲉⲧⲛⲟⲩϩⲙ ⲙⲙⲟⲟⲩ

10 ⲛⲉⲩⲣⲡⲙⲉⲉⲩⲉ ⲅⲁⲣ ⲛⲛⲉⲛⲧⲁⲩϣⲱⲡⲉ ϩⲙⲡⲉⲩⲙⲁ ⲛϭⲟⲓⲗⲉ ⲛⲧϩⲉ ⲛⲧⲁⲡⲕⲁϩ ⲧⲁⲟⲩⲟ ⲉⲃⲟⲗ ⲛϩⲉⲛϫⲉⲕϫⲓⲕ ⲉⲡⲙⲑ ⲛϩⲛⲧⲃⲛⲟⲟⲩⲉ ⲁⲩⲱ ⲡⲓⲉⲣⲟ ⲁϥⲧⲁⲟⲩⲟ ⲉϩⲣⲁⲓ ⲛϩⲉⲛⲁϣⲏ ⲛⲕⲣⲟⲩⲣ ⲉⲡⲙⲁ ⲛϩⲉⲛⲧⲃⲧ

11 ⲙⲛⲛⲥⲱⲥ ⲇⲉ ⲟⲛ ⲁⲩⲛⲁⲩ ⲉⲕⲉϫⲡⲟ ⲛϩⲁⲗⲏⲧ ⲉϥϣⲟⲃⲉ ⲛⲧⲉⲣⲟⲩⲉⲡⲓⲑⲩⲙⲉⲓ ⲁⲩⲁⲓⲧⲉⲓ ⲛϩⲉⲛϭⲓⲛⲟⲩⲟⲟⲙ ⲛⲧⲣⲩⲫⲏ

12 ⲉⲃⲟⲗ ⲅⲁⲣ ϩⲛⲧⲉⲣⲩⲑⲣⲁ ⲑⲁⲗⲁⲥⲥⲁ ⲁⲥⲉⲓ ⲛⲁⲩ ⲛϭⲓⲟⲩϩⲏ ⲙⲡⲏⲣⲁ ⲉⲧⲥⲓⲟⲟⲩ ...ⲉⲓ ⲉϩⲣⲁⲓ ⲉ... ⲁϫⲛⲙⲙⲁⲉⲓⲛ ... ⲁⲛ ⲉⲱⲛ... ⲛⲁϣⲧ ⲛⲉⲩⲙⲡϣⲁ ⲅⲁⲣ ⲛϣⲉⲡⲛⲁⲓ ⲉⲧⲃⲉⲛⲉⲩⲡⲟⲛⲏⲣⲓⲁ

13 ⲕⲁⲓ ⲅⲁⲣ ⲁⲩ...ⲩ ϩⲱⲟⲩ ⲟⲛ ⲉⲩⲙⲛⲧⲁⲥⲧ ϣⲙⲙⲟ ⲉⲥϩⲟⲟⲩ ⲛϩⲟⲩⲟ ⲛⲏⲙⲉⲛ ⲅⲁⲣ ⲙⲡⲟⲩϣⲱⲡ ⲉⲣⲟⲟⲩ ⲛⲛⲉⲧⲛⲏⲩ ⲉⲣⲁⲧⲟⲩ ϩⲛⲟⲩⲙⲛⲧⲁⲧⲥⲟⲟⲩⲛ ⲛⲁⲓ ⲇⲉ ⲛⲧⲟⲟⲩ ϩⲉⲛϣⲙⲙⲟ ⲛⲣⲉϥⲣⲡⲉⲧⲛⲁⲛⲟⲩϥ ⲁⲩⲁⲁⲩ ⲛⲁⲩ ⲛϩⲙϩⲁⲗ

14 ⲛⲁⲓ ⲇⲉ ⲙⲙⲁⲧⲉ ⲁⲛ ⲁⲗⲗⲁ ⲛⲕⲉϭⲙⲡϣⲓⲛⲉ ⲉϥⲛⲁϣⲱⲡⲉ ⲛⲁⲩ ϫⲉⲁⲩⲭⲣⲁⲥⲑⲁⲓ ⲕⲁⲕⲱⲥ ⲛⲛϣⲙⲙⲟ

15 ⲛⲁⲓ ⲇⲉ ⲛⲧⲟⲟⲩ ⲁⲩϣⲱⲡ ⲉⲣⲟⲟⲩ ϩⲛⲟⲩⲣⲁϣⲉ ⲛⲁⲓ ⲉⲧⲉⲩⲛⲧⲟⲩ ⲡⲓϩⲁⲡ ⲛⲟⲩⲱⲧ ⲁⲩⲑⲙⲕⲟⲟⲩ ϩⲛⲛϩⲓⲥⲉ ⲉⲩⲛⲁϣⲧ

16 ⲁⲩⲡⲁⲧⲁⲥⲥⲉⲓ ϩⲱⲟⲩ ⲟⲛ ⲙⲙⲟⲟⲩ ⲛⲧϩⲉ ⲛⲛⲏ ϩⲛⲟⲩⲕⲁⲕⲉ ϩⲓⲣⲛ ⲛⲣⲟ ⲙⲡⲇⲓⲕⲁⲓⲟⲥ ⲉⲁⲩϩⲟⲃⲥⲟⲩ ϩⲓⲧⲛⲟⲩⲕⲁⲕⲉ ⲉϥⲛⲁϣⲧ ⲁⲡⲟⲩⲁ ⲡⲟⲩⲁ ϭⲟⲙϭⲙ ⲛⲥⲁⲧⲉϩⲓⲏ ⲙⲡⲉϥⲣⲟ

17 ⲛⲉⲥⲧⲟⲓⲭⲓⲟⲛ ⲅⲁⲣ ⲥⲉϣⲓⲃⲉ ϩⲁⲣⲓ ϩⲁⲣⲟⲟⲩ ⲛⲧϩⲉ ⲛⲟⲩⲕⲓⲑⲁⲣⲁ ⲉⲥϣⲓⲃⲉ ⲙⲡⲉⲥϩⲣⲟⲟⲩ ϩⲛⲟⲩⲗⲗⲉ ⲛⲕⲱⲃϩ ...

18 ...ⲧⲟⲩⲉ ⲛⲉⲧϩⲙ... ⲁⲩⲱ ⲛⲉⲧϩⲙⲡⲙⲟⲟⲩ ⲉⲩⲕⲟⲧⲟⲩ ⲉⲛⲉⲧϩⲓⲡⲉⲕⲣⲟ

19 ⲡⲕⲱϩⲧ ⲇⲉ ⲁϥϭⲙϭⲟⲙ ϩⲙⲡⲙⲟⲟⲩ ⲧϭⲟⲙ ⲉϣⲁⲥⲟⲙⲉϥ ⲁⲩⲱ ⲡⲙⲟⲟⲩ ⲁϥⲡⲱⲃϣ ⲛⲧⲉϥⲫⲩⲥⲓⲥ ⲛⲣⲉϥⲱϣⲙ

20 ⲡϣⲁϩ ⲛⲧⲥⲁⲧⲉ ⲙⲡϥ... ⲛⲛⲥⲁⲣⲝ ⲛⲛⲍⲱⲟⲛ ⲉⲩⲙⲟⲟϣⲉ ⲉⲩⲙⲟⲧⲛ ⲛⲧⲁⲕⲟⲟⲩ ⲟⲩⲧⲉ ⲧⲉϩⲣⲉ ⲉⲃⲟⲗ ϩⲓⲧⲙⲡⲛⲟⲩⲧⲉ ⲉⲧⲉⲓⲛⲉ ⲙⲡⲉⲕⲣⲩⲥⲧⲁⲗⲗⲟⲥ ⲛⲃⲟⲗϥ ⲉⲃⲟⲗ

21 ϩⲛϩⲱⲃ ⲅⲁⲣ ⲛⲓⲙ ⲡϫⲟⲉⲓⲥ ⲁⲕϫⲓⲥⲉ ⲁⲩⲱ ⲁⲕϯⲉⲟⲟⲩ ⲙⲡⲉⲕⲣⲁⲛ ⲙⲡⲉⲕⲟⲃϣⲕ ⲉⲣⲟⲟⲩ ⲛⲟⲩⲟⲉⲓϣ ⲛⲓⲙ ⲉⲕⲙⲟⲟϣⲉ ⲛⲙⲙⲁⲩ ϩⲙⲙⲁ ⲛⲓⲙ