Read Sirach 4 side by side with translations · The Final Bible
1 ⲡⲁϣⲏⲣⲉ ⲙⲡⲣϩⲟⲩⲣⲱⲟⲩ ⲙⲡⲉϥⲱⲛϩ ⲁⲩⲱ ⲙⲡⲣⲕⲧⲉⲛⲉⲕⲃⲁⲗ ⲉⲃⲟⲗ ⲛⲛⲉⲧϣⲁⲁⲧ
2 ⲙⲡⲣⲗⲩⲡⲉⲓ ⲛⲟⲩⲯⲩⲭⲏ ⲉⲥϩⲕⲁⲉⲓⲧ ⲙⲡⲣϯⲛⲟⲩϭⲥ ⲛⲟⲩⲣⲱⲙⲉ ϩⲙⲡⲉϥϩⲃⲁ
3 ⲙⲡⲣϣⲧⲣⲧⲣⲟⲩϩⲏⲧ ⲉϥⲛⲟϭⲥ ⲙⲡⲣⲟⲃϣⲕ ⲉⲡϯ ⲙⲡⲉⲧⲣϭⲣⲱϩ
4 ⲙⲡⲣⲕⲱ ⲛⲥⲱⲕ ⲙⲡⲉⲧⲥⲟⲡⲥ ⲙⲙⲟⲕ ⲉϥⲑⲗⲓⲃⲉ ⲙⲡⲣⲕⲧⲉⲡⲉⲕϩⲟ ⲉⲃⲟⲗ ⲛⲟⲩϩⲏⲕⲉ
5 ⲙⲡⲣⲕⲧⲉⲛⲉⲕⲃⲁⲗ ⲉⲃⲟⲗ ⲙⲡⲉⲧϣⲁⲁⲧ ⲙⲡⲣϯⲧϩⲉ ⲛⲟⲩⲣⲱⲙⲉ ⲉⲧⲣⲉϥⲥϩⲟⲩⲱⲣⲕ
6 ⲉϥϣⲁⲛⲥϩⲟⲩⲱⲣⲕ ⲅⲁⲣ ϩⲙⲡⲉⲛⲟⲩϭⲥ ⲛⲧⲉϥⲯⲩⲭⲏ ⲡⲉⲛⲧⲁϥⲧⲁⲙⲓⲟϥⲛⲁⲥⲱⲧⲙ ⲉⲡⲉϥⲥⲟⲡⲥ
7 ⲁⲁⲕ ⲛϣⲟⲩⲙⲉⲣⲓⲧ ⲛⲧⲉⲕⲥⲩⲛⲁⲅⲱⲅⲏ ⲛⲅⲧϩⲃⲃⲓⲉⲧⲉⲕⲁⲡⲉ ⲙⲡⲉ
8 ⲣⲓⲕⲉⲡⲉⲕⲙⲁⲁϫⲉ ⲉⲩϩⲏⲕⲉ ⲁⲩⲱ ⲛⲅⲟⲩⲱϣⲃ ⲛⲁϥ ϩⲛϩⲉⲛϣⲁϫⲉ ⲛⲉⲓⲣⲏⲛⲏ ϩⲛⲟⲩⲙⲛⲧⲣⲙⲣⲁϣ
9 ⲛⲉϩⲙⲡⲉⲧϫⲏⲩ ⲛϭⲟⲛⲥ ⲉⲧϭⲓϫ ⲙⲡⲉⲧϫⲓ ⲙⲙⲟϥ ⲛϭⲟⲛⲥ ⲙⲡⲣⲣⲕⲟⲩⲉⲓ ⲛϩⲏⲧ ϩⲛⲧⲉⲕⲯⲩⲭⲏ ⲉⲕⲛⲁϯϩⲁⲡ
10 ϣⲱⲡⲉ ⲉⲕⲟ ⲛⲧϩⲉ ⲛⲉⲓⲱⲧ ⲛⲛⲓⲟⲣⲫⲁⲛⲟⲥ ⲛⲅⲣⲡⲙⲁ ⲛⲟⲩϩⲁⲓ ⲛⲧⲉⲩⲙⲁⲁⲩ ⲧⲁⲣⲉⲕϣⲱⲡⲉ ⲛϣⲏⲣⲉ ⲙⲡⲉⲧϫⲟⲥⲉ ⲛⲧⲉⲧⲉⲕⲙⲁⲁⲩⲙⲉⲣⲓⲧⲕ ⲛϩⲟⲩⲟ
11 ⲧⲥⲟⲫⲓⲁ ⲁⲥϫⲓⲥⲉ ⲛⲛⲉⲥϣⲏⲣⲉ ⲁⲩⲱ ϣⲁⲥϣⲱⲡ ⲉⲣⲟⲥ ⲛⲛⲉⲧϣⲓⲛⲉ ⲛⲥⲱⲥ
12 ⲡⲉⲧⲙⲉ ⲙⲙⲟⲥ ⲉϥⲙⲉ ⲙⲡⲱⲛϩ ⲁⲩⲱ ⲛⲉⲧϣⲱⲣⲡ ⲙⲙⲟⲟⲩ ⲉⲣⲟⲥ ⲥⲉⲛⲁⲥⲓ ⲛⲟⲩⲟⲩⲛⲟϥ
13 ⲡⲉⲧⲁⲙⲁϩⲧⲉ ⲙⲙⲟⲥ ⲛⲁⲕⲗⲏⲣⲟⲛⲟⲙⲉⲓ ⲛⲟⲩⲉⲟⲟⲩ ⲁⲩⲱ ⲡⲙⲁ ⲉⲧⲥⲛⲁⲃⲱⲕ ⲉϩⲟⲩⲛ ⲉⲣⲟϥ ϣⲁⲣⲉⲡϫⲟⲉⲓⲥⲥⲙⲁ
14 ⲛⲉⲧϣⲙϣⲉ ⲛⲁⲥ ⲉⲩⲉϣⲙϣⲉ ⲙⲡⲉⲧⲟⲩⲁⲁⲃ ⲁⲩⲱ ⲛⲉⲧⲙⲉ ⲙⲙⲟⲥ ⲡϫⲟⲉⲓⲥ ⲙⲉ ⲙⲙⲟⲟⲩ
15 ⲡⲉⲧⲥⲱⲧⲙ ⲛⲥⲱⲥ ⲛⲁⲕⲣⲓⲛⲉ ⲛⲛϩⲉⲑⲛⲟⲥ ⲡⲉⲧⲕⲱ ⲛϩⲏⲧϥ ⲉⲣⲟⲥ ⲛⲁⲟⲩⲱϩ ⲉϥⲧⲁϫⲣⲏⲩ
16 ⲉϣⲱⲡⲉ ⲉⲕϣⲁⲛⲡⲓⲥⲧⲉⲩⲉ ⲕⲛⲁⲕⲗⲏⲣⲟⲛⲟⲙⲉⲓ ⲙⲙⲟⲥ ⲁⲩⲱ ⲛⲉϥⲅⲉⲛⲉⲁⲛⲁϣⲱⲡⲉ ϩⲛⲟⲩⲙⲁ ⲛⲁⲙⲁϩⲧⲉ
17 ⲥⲛⲁⲥⲟⲧⲡϥ ⲛϣⲟⲣⲡ ϩⲛⲟⲩϭⲱⲱⲙⲉ ⲥⲛⲁⲧⲟⲩⲛⲥ ⲛⲟⲩϩⲟⲧⲉ ⲙⲛⲟⲩⲙⲛⲧϭⲱⲃ ⲉϩⲣⲁⲓ ⲉϫⲱϥ ⲛⲥⲃⲁⲥⲁⲛⲓⲍⲉ ⲙⲙⲟϥ ϩⲛⲧⲉⲥⲥⲃⲱ ϣⲁⲛⲧⲥⲧⲁⲛϩⲟⲩⲧⲥ ⲙⲛⲧⲉϥⲯⲩⲭⲏ ⲁⲩⲱ ⲥⲛⲁⲡⲉⲓⲣⲁⲍⲉ ⲙⲙⲟϥ ϩⲛⲛⲉⲥⲇⲓⲕⲁⲓⲱⲙⲁ
18 ⲁⲩⲱ ⲥⲛⲁⲕⲟⲧⲥ ⲟⲛ ⲉⲣⲟϥ ϩⲛⲟⲩⲥⲟⲟⲩⲧⲛ ⲛⲥⲉⲩⲫⲣⲁⲛⲉ ⲙⲙⲟϥ ⲛⲥϭⲱⲗⲡ ⲛⲁϥ ⲉⲃⲟⲗ ⲛⲉⲥⲡⲉⲧϩⲏⲡ
19 ⲉϣⲱⲡⲉ ⲉϥϣⲁⲛⲥⲱⲣⲙ ⲥⲛⲁⲕⲁⲁϥ ⲛⲥⲱⲥ ⲛⲥⲧⲁⲁϥ ⲛ ⲙⲡⲉϥϩⲉ
20 ϯϩⲧⲏⲕ ⲉⲡⲉⲟⲩⲟⲉⲓϣ ⲛⲅⲁⲣⲉϩ ⲉⲣⲟⲕ ⲉⲡⲡⲉⲧϩⲟⲟⲩ ⲁⲩⲱ ⲙⲡⲣϫⲓϣⲓⲡⲉ ⲉⲧⲃⲉⲧⲉⲕⲙⲛⲧⲁⲧⲥⲃⲱ
21 ⲟⲩⲛⲟⲩϣⲓⲡⲉ ⲅⲁⲣ ⲉϣⲁϥⲉⲓⲛⲉ ⲙⲡⲛⲟⲃⲉ ⲁⲩⲱ ⲟⲩⲛⲟⲩϣⲓⲡⲉ ⲉⲩⲉⲟⲟⲩ ⲡⲉ ⲙⲛⲟⲩⲭⲁⲣⲓⲥ
22 ⲙⲡⲣϫⲓϩⲟ ⲉⲩⲡⲉⲧϩⲟⲟⲩ ⲛⲧⲉⲕⲯⲩⲭⲏ ⲁⲩⲱ ⲙⲡⲣϣⲓⲡⲉ ϩⲙⲡⲉⲕϩⲉ
23 ⲙⲡⲣⲁⲙⲁϩⲧⲉ ⲛⲟⲩϣⲁϫⲉ ⲛⲟⲩⲟⲉⲓϣ ⲛⲟⲩϫⲁⲓ
24 ⲉϣⲁⲩⲥⲟⲩⲛⲧⲥⲟⲫⲓⲁ ⲅⲁⲣ ϩⲙⲡϣⲁϫⲉ ⲁⲩⲱ ⲧⲉⲥⲃⲱ ϩⲙⲡϣⲁϫⲉ ⲙⲡⲗⲁⲥ
25 ⲙⲡⲣϯ ⲟⲩⲃⲉ ⲧⲙⲉ ⲁⲩⲱ ⲛⲅϫⲓϣⲓⲡⲉ ⲉⲧⲃⲉⲧⲉⲕⲙⲛⲧⲁⲧⲥⲃⲱ
26 ⲙⲡⲣϣⲓⲡⲉ ⲉϩⲟⲙⲟⲗⲟⲅⲉⲓ ⲛⲛⲉⲕⲛⲟⲃⲉ ⲙⲡⲣⲁⲙⲁϩⲧⲉ ⲛⲟⲩⲓⲉⲣⲟ ⲉϥⲥⲱⲕ
27 ⲙⲡⲣⲡⲟⲣϣⲕ ⲉⲃⲟⲗ ϩⲁⲧⲛⲟⲩⲣⲱⲙⲉ ⲛⲥⲟϭ ⲙⲡⲣϫⲓⲫⲟ ⲛⲟⲩϫⲱⲱⲣⲉ
28 ⲙⲓϣⲉ ⲉϫⲛⲧⲙⲉ ϣⲁϩⲣⲁⲓ ⲉⲡⲙⲟⲩ ϫⲉⲉⲣⲉⲡϫⲟⲉⲓⲥ ⲡⲛⲟⲩⲧⲉ ⲙⲓϣⲉ ⲉϩⲣⲁⲓ ⲉϫⲱⲕ
29 ⲙⲡⲣⲣⲣⲉϥϭⲉⲡⲏ ⲉϣⲁϫⲉ ⲉⲕⲟⲩⲟϣϥ ⲉⲕⲃⲏⲗ ⲉⲃⲟⲗ ϩⲛⲛⲉⲕϩⲃⲏⲩⲉ
30 ⲙⲡⲣⲣⲧϩⲉ ⲛⲛⲓⲙⲟⲩⲉⲓ ϩⲙⲡⲉⲕⲏⲓ ⲉⲕⲟ ⲛⲧⲣⲁϩ ϩⲛⲛⲉⲕϩⲙϩⲁⲗ
31 ⲙⲡⲣⲧⲣⲉⲧⲉⲕϭⲓϫϣⲱⲡⲉ ⲉⲥⲥⲟⲩⲧⲱⲛ ⲉⲃⲟⲗ ⲉϫⲓ ⲛⲅⲉⲓ ⲉⲕⲛⲁϯ ⲛⲅⲛⲧⲥ ⲉⲣⲟⲕ
Sirach 3 · Sirach 5 · Greek (Septuagint / SBLGNT) · Aramaic (Peshitta) · Latin (Vulgate)