Read Sirach 5 side by side with translations · The Final Bible
1 ⲙⲡⲣⲕⲁϩⲧⲏⲕ ⲉⲛⲉⲕⲭⲣⲏⲙⲁ ⲙⲡⲣϫⲟⲟⲥ ϫⲉⲥⲉⲣⲱϣⲉ ⲉⲣⲟⲓ ϩⲙⲡⲁⲱⲛϩ
2 ⲙⲡⲣⲟⲩⲁϩⲕ ⲛⲥⲁⲡⲉⲕϩⲏⲧ ⲁⲩⲱ ⲧⲉⲕϭⲟⲙ <ⲉⲧⲣⲉⲕⲙⲟⲟϣⲉ ϩⲛⲛⲟⲩⲱϣ ⲙⲡⲉⲕϩⲏⲧ>
3 ⲙⲡⲣϫⲟⲟⲥ ϫⲉⲛⲓⲙ ⲡⲉⲧⲛⲁϭⲙϭⲟⲙ ⲉⲣⲟⲓ {ⲉⲧⲣⲉⲕⲙⲟⲟϣⲉ ϩⲛⲛⲟⲩⲱϣ ⲙⲡⲉⲕϩⲏⲧ} ⲡϫⲟⲉⲓⲥ ⲅⲁⲣ ϩⲛⲟⲩϫⲓⲕⲃⲁ ϥⲛⲁϫⲓⲕⲃⲁ ⲛϩⲏⲧⲕ
4 ⲙⲡⲣϫⲟⲟⲥ ϫⲉⲛⲧⲉⲣⲓⲣⲛⲟⲃⲉ ⲛⲧⲁⲟⲩ ϣⲱⲡⲉ ⲛⲁⲓ ⲡϫⲟⲉⲓⲥ ⲅⲁⲣ ⲟⲩϩⲁⲣϣϩⲏⲧ ⲡⲉ
5 ⲙⲡⲣⲣⲁⲑⲟⲧⲉ ϫⲉⲉⲥⲛⲁⲕⲱ ⲉⲃⲟⲗ ⲁⲩⲱ ⲛⲅⲟⲩⲉϩⲛⲟⲃⲉ ⲉϫⲛⲛⲉⲕⲛⲟⲃⲉ
6 ⲙⲡⲣϫⲟⲟⲥ ϫⲉⲛⲁϣⲉⲧⲉϥⲙⲛⲧϣⲁⲛϩⲧⲏϥ ⲁⲩⲱ ϥⲛⲁⲕⲱ ⲉⲃⲟⲗ ⲙⲡⲁϣⲁⲓ ⲛⲛⲁⲛⲟⲃⲉ ⲉⲣⲉⲡⲛⲁ ⲅⲁⲣ ⲙⲛⲧⲟⲣⲅⲏ ⲛⲧⲟⲟⲧϥ ⲁⲩⲱ ⲡⲉϥϭⲱⲛⲧ ⲛⲛⲏⲩ ⲉϫⲛϩⲉⲛⲣⲉϥⲣⲛⲟⲃⲉ
7 ⲙⲡⲣⲱⲥⲕ ⲉⲕⲉⲧⲕ ⲉⲡϫⲟⲉⲓⲥ ⲙⲡⲣϯⲟⲩϩⲟⲟⲩ ⲛⲥⲁⲟⲩϩⲟⲟⲩ ⲧⲟⲣⲅⲏ ⲅⲁⲣ ⲙⲡϫⲟⲉⲓⲥ ⲛⲛⲏⲩ ϩⲛⲟⲩϣⲥⲛⲉ ⲛⲅⲧⲁⲕⲟ ϩⲙⲡⲉⲟⲩⲟⲉⲓϣ ⲙⲡϫⲓⲕⲃⲁ
8 ⲙⲡⲣⲕⲁϩⲧⲏⲕ ⲉϩⲉⲛⲭⲣⲏⲙⲁ ⲛϫⲓⲛϭⲟⲛⲥ ⲛⲥⲉⲛⲁϯϩⲏⲩ ⲅⲁⲣ ⲁⲛ ⲙⲙⲟⲕ ⲛⲗⲁⲁⲩ ϩⲙⲡⲉϩⲟⲟⲩ ⲙⲫⲓⲥⲉ
9 ⲙⲡⲣϣⲱϣ ⲙⲛⲧⲏⲩ ⲛⲓⲙ ⲙⲡⲣⲙⲟⲟϣⲉ ϩⲓϩⲓⲏ ⲛⲓⲙ
10 ϣⲱⲡⲉ ⲉⲕⲧⲁϫⲣⲏⲩ ϩⲛⲧⲉⲕⲙⲛⲧⲣⲙⲛϩⲏⲧ ⲁⲩⲱ ⲡⲉⲕϣⲁϫⲉ ⲙⲁⲣⲉϥϣⲱⲡⲉ ⲉⲟⲩⲁⲁ ⲡⲉ
11 ϣⲱⲡⲉ ⲉⲕϭⲉⲡⲏ ⲉⲥⲱⲧⲙ ⲁⲩⲱ ⲛⲅϫⲉⲛⲉⲕϣⲁϫⲉ ϩⲛⲟⲩⲙⲛⲧϩⲁⲣϣϩⲏⲧ
12 ⲉϣϫⲉ ⲛⲧⲕⲟⲩⲙⲛⲧⲣⲙⲛϩⲏⲧ ⲁϫⲓⲥ ⲙⲡⲉⲧϩⲓⲧⲟⲩⲱⲕ ⲉϣⲱⲡⲉ ⲙⲙⲟⲛ ⲕⲁⲧⲉⲕϭⲓϫ ⲉⲣⲛ ⲣⲱⲕ
13 ⲉⲣⲉⲡⲉⲟⲟⲩ ⲅⲁⲣ ⲙⲛⲡⲉⲥⲱϣ ϩⲛⲧϭⲓⲛϣⲁϫⲉ ⲁⲩⲱ ⲡⲗⲁⲥ ⲙⲡⲣⲱⲙⲉ ⲡⲉ ⲡⲉϥϩⲉ
14 ⲙⲡⲣⲧⲣⲉⲩⲙⲟⲩⲧⲉ ⲉⲣⲟⲕ ϫⲉⲡⲣⲉϥⲕⲁⲥⲕⲥ ⲁⲩⲱ ⲙⲡⲣⲧⲣⲉⲩϭⲱⲣϭ ⲉⲣⲟⲕ ϩⲙⲡⲉⲕⲗⲁⲥ ⲟⲩⲛⲧⲉⲡⲣⲉϥϫⲓⲟⲩⲉ ⲅⲁⲣ ⲟⲩϣⲓⲡⲉ ⲁⲩⲱ ⲟⲩⲛⲟⲩⲁⲣⲓⲕⲉ ⲉϥϩⲟⲟⲩ ϩⲙⲡⲉⲧⲟ ⲛⲗⲁⲥ ⲥⲛⲁⲩ
15 ⲙⲡⲣⲣⲁⲧⲥⲟⲟⲩⲛ ϩⲛⲟⲩⲛⲟϭ ⲙⲛⲟⲩⲕⲟⲩⲓ (cap 6 v 1) ⲉⲡⲙⲁ ⲛⲧⲣⲉⲕⲣϣⲃⲏⲣ ⲙⲡⲣⲣϫⲁϫⲉ ⲡⲣⲁⲛ ⲅⲁⲣ ⲉⲧϩⲟⲟⲩ ⲉϥⲛⲁⲕⲗⲏⲣⲟⲛⲟⲙⲉⲓ ⲙⲡϣⲓⲡⲉ ⲛⲙⲡⲛⲟϭⲛⲉϭ ⲧⲁⲓ ⲧⲉ ⲧϩⲉ ⲙⲡⲣⲉϥⲣⲛⲟⲃⲉ ⲛⲗⲁⲥ ⲥⲛⲁⲩ
Sirach 4 · Sirach 6 · Greek (Septuagint / SBLGNT) · Aramaic (Peshitta) · Latin (Vulgate)