Read Sirach 35 side by side with translations · The Final Bible
1 ⲉϣⲱⲡⲉ ⲉⲁⲩⲁⲁⲕ ⲛⲛⲟϭ ⲉⲩⲙⲏⲏϣⲉ ⲙⲡⲣϫⲓⲥⲉ ⲙⲙⲟⲕ ⲉϫⲱϥ: ⲁⲣⲓⲑⲉ ⲛⲟⲩⲁ ⲙⲙⲟⲟⲩ ⲛϩⲏⲧⲟⲩ ⲛⲅϥⲓⲡⲉⲩⲣⲟⲟⲩϣ ⲛⲅϩⲙⲟⲟⲥ
2 ⲛⲅⲣⲧⲉⲭⲣⲉⲓⲁ ⲧⲏⲣⲥ ⲛⲅⲛⲟϫⲕ ϫⲉⲉⲕⲉⲉⲩⲫⲣⲁⲛⲉ ⲉⲧⲃⲏⲧⲟⲩ ⲁⲩⲱ ⲛⲅϫⲓⲟⲩⲕⲗⲟⲙ ⲉⲧⲃⲉⲡⲉⲩⲧⲥⲁⲛⲟ
3 ϣⲁϫⲉ ⲡϩⲗⲗⲟ ϫⲉⲥⲡⲣⲉⲡⲉⲓ ⲅⲁⲣ ⲛⲁⲕ ϩⲛⲟⲩⲱⲣϫ ⲛⲥⲃⲱ ⲛⲅⲧⲙϫⲱⲱⲣⲉ ⲉⲃⲟⲗ ⲛϩⲛⲙⲟⲩⲥⲓⲕⲟⲛ
4 ⲙⲡⲣϣⲁϫⲉ ϩⲙⲡⲙⲁ ⲛⲥⲱⲧⲙ ⲁⲩⲱ ⲙⲡⲣⲁⲁⲕ ⲛϩⲉⲛⲥⲁⲃⲉ ϩⲛⲟⲩⲙⲛⲧⲁⲧⲟⲩⲟⲉⲓϣ
5 ⲁⲣⲓⲑⲉ ⲛⲟⲩⲥⲫⲣⲁⲅⲓⲥ ⲛⲁⲛⲑⲣⲁⲝ ϩⲓⲟⲩⲕⲟⲥⲙⲟⲥ ⲛⲛⲟⲩⲃ ⲁⲩⲱ ⲟⲩⲥⲩⲅⲕⲣⲓⲙⲁ ⲙⲙⲟⲩⲥⲓⲕⲟⲛ ϩⲛⲟⲩⲥⲩⲙⲡⲟⲥⲓⲟⲛ ⲛⲏⲣⲡ
6 ⲁⲩⲱ ⲟⲩⲥⲫⲣⲁⲅⲓⲥ ⲛⲥⲙⲁⲣⲁⲅⲇⲟⲥ ϩⲓⲟⲩⲧⲁⲙⲓⲟ ⲛⲛⲟⲩⲃ ⲁⲩⲱ ⲛⲧϩⲉ ⲛⲟⲩⲗⲗⲉ ⲙⲙⲟⲩⲥⲓⲕⲟⲛ ϩⲛⲟⲩⲏⲣⲡ ⲉⲛⲁⲛⲟⲩϥ
7 ϣⲁϫⲉ ⲡϩⲣϣⲓⲣⲉ ⲉϣϫⲉ ⲥⲉⲣⲭⲣⲉⲓⲁ ⲙⲙⲟⲕ ⲙⲟⲅⲓⲥ ⲉⲩϣⲁⲛϫⲛⲟⲩⲕ ⲛⲥⲉⲡⲥⲛⲁⲩ
8 ⲁⲣⲓϩⲁϩ ⲛϣⲁϫⲉ ⲛⲟⲩⲁ ϣⲱⲡⲉ ⲛⲧϩⲉ ⲛⲛⲉⲧⲥⲟⲟⲩⲛ ⲉⲧⲕⲱ ⲛⲣⲱⲟⲩ
9 ⲁⲩⲱ ⲙⲡⲣϣⲟϣⲕ ⲙⲛⲛⲛⲟϭ ϩⲛⲧⲉⲩⲙⲏⲧⲉ ⲁⲩⲱ ⲙⲡⲣϣⲁϫⲉ ⲉⲙⲁⲧⲉ ϩⲙⲡⲙⲁ ⲛⲛϩⲗⲗⲟ
10 ϣⲁⲣⲉⲛⲉⲃⲣⲏϭⲉ ϥⲱϭⲉ ϩⲁⲧϩⲏ ⲛⲛⲉϩⲣⲟⲩⲃⲃⲁⲉⲓ ⲁⲩⲱ ⲧⲉⲭⲁⲣⲓⲥ ⲛⲁⲙⲟⲟϣⲉ ϩⲁⲧϩⲏ ⲙⲡⲉϫⲡⲓⲏⲧ
11 ⲧⲱⲟⲩⲛ ⲉⲟⲩⲛⲛⲁⲩ ⲁⲩⲱ ⲛⲅⲧⲙⲣϩⲁⲉ ⲃⲱⲕ ⲉⲡⲉⲕⲏⲓ ⲛⲅⲧⲙⲱⲥⲕ
12 ⲛⲅⲥⲱⲃⲉ ⲙⲙⲁⲩ ⲛⲅⲣⲡⲉⲧⲕⲟⲩⲁϣϥ ϣⲁⲧⲛⲛⲟⲃⲉ ϩⲓϣⲁϫⲉ ⲙⲙⲛⲧϫⲁⲥⲓϩⲏⲧ
13 ⲁⲩⲱ ⲉϫⲛⲛⲁⲓ ⲥⲙⲟⲩ ⲉⲡⲉⲛⲧⲁϥⲧⲁⲙⲓⲟⲕ ⲁⲩⲱ ⲡⲉⲧⲧⲥⲓⲟ ⲙⲙⲟⲕ ⲉⲃⲟⲗ ϩⲛⲛⲉϥⲁⲅⲁⲑⲟⲛ
14 ⲡⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ϣⲁϥϣⲱⲡ ⲉⲣⲟϥ ⲛⲧⲉⲥⲃⲱ ⲁⲩⲱ ⲛⲉⲧϣⲟⲣⲡ ⲙⲙⲟⲟⲩ ⲉⲣⲟϥ ⲥⲉⲛⲁϭⲓⲛⲉ ⲙⲡⲉϥⲟⲩⲱϣ
15 ⲡⲉⲧϣⲓⲛⲉ ⲛⲥⲁⲡⲛⲟⲙⲟⲥ ⲛⲁⲥⲓ ⲙⲙⲟϥ ⲁⲩⲱ ⲡⲉⲧϩⲩⲡⲟⲕⲣⲓⲛⲉ ⲛϩⲏⲧϥ ϥⲛⲁⲥⲕⲁⲛⲇⲁⲗⲓⲍⲉ ⲛϩⲏⲧϥ
16 ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲛⲁϩⲉ ⲉⲡϩⲁⲡ ⲁⲩⲱ ⲥⲉⲛⲁϫⲉⲣⲟ ⲛⲛⲇⲓⲕⲁⲓⲱⲙⲁ ⲛⲧϩⲉ ⲙⲡⲟⲩⲟⲉⲓⲛ
17 ϣⲁⲣⲉⲟⲩⲣⲱⲙⲉ ⲛⲣⲉϥⲣⲛⲟⲃⲉ ⲣⲓⲕⲉ ⲉⲃⲟⲗ ⲛⲟⲩϫⲡⲓⲟ ⲁⲩⲱ ϥⲛⲁϩⲉ ⲉⲡϣⲱϣ ⲙⲡⲉϥⲟⲩⲱϣ
18 ⲟⲩⲣⲱⲙⲉ ⲛϣⲟϫⲛⲉ ⲛⲛⲉϥⲟⲃϣϥ ⲉⲩⲙⲟⲕⲙⲉⲕ ⲟⲩϣⲙⲙⲟ ⲛϫⲁⲥⲓϩⲏⲧ ⲛⲉϥϣⲡⲟⲩϩⲟⲧⲉ ⲁⲩⲱ ⲙⲛⲛⲥⲁⲧⲣⲉϥⲁⲁⲥ ⲛⲉⲙⲁϥ ⲁϫⲛϣⲟϫⲛⲉ
19 ⲙⲡⲣⲣⲗⲁⲁⲩ ⲁϫⲛϣⲟϫⲛⲉ ⲁⲩⲱ ⲉⲕϣⲁⲛⲁⲁⲩ ⲙⲡⲣⲣϩⲧⲏⲕ
20 ⲙⲡⲣⲙⲟⲟϣⲉ ϩⲓⲟⲩϩⲓⲏ ⲛϩⲧⲟⲡ ⲁⲩⲱ ⲙⲡⲣϫⲓϫⲣⲟⲡ ϩⲓⲟⲩⲙⲁ ⲛⲱⲛⲉ
21 ⲙⲡⲣⲧⲁⲛϩⲟⲩⲧⲕ ϩⲓⲟⲩϩⲓⲏ ⲛⲁⲧϫⲣⲟⲡ
22 ⲁⲩⲱ ϩⲁⲣⲉϩ ⲉⲣⲟⲕ ⲉⲛⲉⲕϣⲏⲣⲉ
23 ⲧⲁⲛϩⲉⲧⲡⲉⲕϩⲏⲧ ϩⲛϩⲱⲃ ⲛⲓⲙ ⲕⲁⲓⲅⲁⲣ ⲡⲁⲓ ⲡⲉ ⲡⲁⲣⲉϩ ⲉⲛⲉⲛⲧⲟⲗⲏ
24 ⲡⲉⲧⲡⲓⲥⲧⲉⲩⲉ ⲉⲡⲛⲟⲙⲟⲥ ϥⲛⲁϯϩⲧⲏϥ ⲉⲛⲉⲛⲧⲟⲗⲏ ⲁⲩⲱ ⲡⲉⲧⲛⲁϩⲧⲉ ⲉⲡϫⲟⲉⲓⲥ ⲛⲛⲉϥⲣ...
Sirach 34 · Sirach 36 · Greek (Septuagint / SBLGNT) · Aramaic (Peshitta) · Latin (Vulgate)