Read Sirach 36 side by side with translations · The Final Bible
1 ⲙⲛⲡⲉⲧϩⲟⲟⲩ ⲛⲁⲧⲱⲙⲛⲧ ⲉⲡⲉⲧⲣϩⲟ ϩⲏⲧϥ ⲙⲡϫⲟⲉⲓⲥ ⲁⲗⲗⲁ ϥⲛⲁⲣⲡⲕⲉⲧⲟⲩϫⲟϥ ϩⲛⲡⲉϥⲡⲓ
2 ⲛⲛⲉⲟⲩⲣⲱⲙⲉ ⲛⲥⲟⲫⲟⲥ ⲙⲉⲥⲧⲉⲡⲛⲟⲙⲟⲥ ⲡⲉⲧϩⲩⲡⲟⲕⲣⲓⲛⲉ ⲇⲉ ⲛϩⲏⲧϥ ⲉϥⲟ ⲛⲧϩⲉ ⲛⲟⲩϫⲟⲉⲓ ϩⲛⲟⲩϩⲁⲧⲏⲩ
3 ϣⲁⲣⲉⲟⲩⲣⲱⲙⲉ ⲛⲥⲁⲃⲉ ⲡⲓⲥⲧⲉⲩⲉ ⲉⲡⲛⲟⲙⲟⲥ ⲁⲩⲱ ⲡⲛⲟⲙⲟⲥ ⲛϩⲟⲧ ⲛⲁϥ ⲛⲧϩⲉ ⲙⲡⲉⲧⲟⲩϣⲓⲛⲉ ⲙⲙⲟϥ ⲉϥϫⲱ ⲙⲙⲟϥ
4 ⲥⲃⲧⲉⲡⲉⲕϣⲁϫⲉ ⲧⲁⲣⲟⲩⲥⲟⲧⲙⲉϥ ⲙⲣⲧⲉⲕⲥⲃⲱ ⲧⲟⲧⲉ ⲛⲅϣⲁϫⲉ
5 ⲛⲧϩⲉ ⲛⲟⲩⲕⲟⲧ ⲛⲁϭⲟⲗⲧⲉ ⲡⲉ ⲡⲥⲁ ⲛϩⲟⲩⲛ ⲛⲟⲩⲥⲟϭ ⲁⲩⲱ ⲉⲣⲉⲡⲉϥⲙⲉⲉⲩⲉ ⲟ ⲛⲧϩⲉ ⲛⲟⲩⲁⲝⲱⲛ ⲉϥⲕⲱⲧⲉ
6 ⲛⲧϩⲉ ⲛⲟⲩϩⲧⲟ ⲉϥϩⲁ ⲟⲩⲕⲁⲣⲟⲩⲭⲓⲟⲛ ⲉϣⲁϥϩⲙϩⲙ ϩⲁⲡⲉⲧϩⲙⲟⲟⲥ ϩⲓϫⲱϥ ⲧⲏⲣϥ ⲧⲁⲓ ⲧⲉ ⲧϩⲉ ⲛⲟⲩϣⲃⲏⲣ ⲛⲣⲉϥⲥⲱⲃⲉ
7 ⲉⲧⲃⲉⲟⲩ ⲟⲩⲛϩⲟⲟⲩ ϫⲟⲥⲉ ⲉϩⲟⲟⲩ ⲉⲡⲓⲣⲏ ⲛⲟⲩⲱⲧ ⲡⲉⲧⲣⲟⲩⲟⲉⲓⲛ ⲉϩⲟⲟⲩ ⲛⲓⲙ ⲛⲧⲉⲣⲟⲙⲡⲉ
8 ⲁⲩⲡ ⲉⲃⲟⲗ ϩⲙⲡⲥⲟⲟⲩⲛ ⲙⲡϫⲟⲉⲓⲥ ⲁϥϣⲓⲃⲉ ⲛⲛⲉⲟⲩⲟⲉⲓϣ ⲙⲛⲛϣⲁ
9 ⲁ ⲉⲃⲟⲗ ⲛϩⲏⲧⲟⲩ ⲁⲩⲱ ⲁϥⲧⲃⲃⲟⲟⲩ ⲁϥⲕⲱ ⲉⲃⲟⲗ ⲛϩⲏⲧⲟⲩ ⲉϩⲛⲏⲡⲉ ⲛϩⲟⲟⲩ
10 ⲛⲣⲱⲙⲉ ϩⲱⲟⲩ ⲧⲏⲣⲟⲩ ϩⲛⲉⲃⲟⲗ ϩⲙⲡⲕⲁϩ ⲛⲉ ⲁⲩⲱ ⲛⲧⲁⲩⲥⲛⲧⲁⲇⲁⲙ ⲉⲃⲟⲗ ϩⲙⲡⲕⲁϩ
11 ⲁⲡϫⲟⲉⲓⲥ ⲡⲟⲣϫⲟⲩ ⲉⲃⲟⲗ ϩⲙⲡⲁϣⲁⲓ ⲛⲧⲉϥⲥⲃⲱ ⲁⲩⲱ ⲁϥϣⲓⲃⲉ ⲛⲛⲉⲩϩⲓⲟⲟⲩⲉ
12 ⲁϥⲥⲙⲟⲩ ⲉϩⲟⲓⲛⲉ ⲛϩⲏⲧⲟⲩ ⲁⲩⲱ ⲁϥϫⲁⲥⲧⲟⲩ ⲁϥⲧⲃⲃⲟ ⲉⲃⲟⲗ ⲛϩⲏⲧⲟⲩ ⲁϥϩⲟⲛⲟⲩ ⲉⲣⲟϥ ⲁϥⲥϩⲟⲩⲣϩⲟⲓⲛⲉ ⲛϩⲏⲧⲟⲩ ⲁⲩⲱ ⲁϥⲑⲃⲃⲓⲟⲟⲩ ⲁⲩⲱ ⲁϥⲧⲁⲩⲟⲟⲩ ⲉϩⲣⲁⲓ ϩⲓⲛⲉⲩⲙⲁ ⲛⲁϩⲉⲣⲁⲧⲟⲩ
13 ⲉⲩⲟ ⲛⲧϩⲉ ⲛⲟⲩⲟⲙⲉ ⲛⲕⲉⲣⲁⲙⲉⲩⲥ ϩⲛⲧⲉϥϭⲓϫ ⲉⲣⲉⲛⲉϥϩⲓⲟⲟⲩⲉ ⲧⲏⲣⲟⲩ ϣⲟⲟⲡ ⲕⲁⲧⲁⲡⲉϥⲟⲩⲱϣ ⲧⲁⲓ ⲧⲉ ⲧϩⲉ ⲉⲧⲉⲣⲉⲛⲣⲱⲙⲉ ϩⲛⲧϭⲓϫ ⲙⲡⲉⲛⲧⲁϥⲧⲁⲙⲓⲟⲟⲩ ⲉⲧⲱⲱⲃⲉ ⲛⲁⲩ ⲕⲁⲧⲁⲡⲉϥⲟⲩⲱϣ
14 ⲡⲁⲅⲁⲑⲟⲛ ⲙⲡⲉⲙⲧⲟ ⲉⲃⲟⲗ ⲙⲡⲡⲉⲧϩⲟⲟⲩ ⲁⲩⲱ ⲡⲱⲛϩ ⲙⲡⲉⲙⲧⲟ ⲉⲃⲟⲗ ⲙ ⲧⲁⲓ ⲧⲉ ⲧϩⲉ ⲙⲡⲣⲉϥⲣⲛⲟⲃⲉ ⲙⲡⲉⲙⲧⲟ ⲉⲃⲟⲗ ⲙⲡⲣⲙⲛⲛⲟⲩⲧⲉ
15 ⲁⲩⲱ ϥϭⲱϣⲧ ⲛⲧⲉⲓϩⲉ ⲉⲛⲉϩⲃⲏⲩⲉ ⲧⲏⲣⲟⲩ ⲙⲡⲉⲧϫⲟⲥⲉ ⲥⲛⲁⲩ ⲥⲛⲁⲩ ⲟⲩⲁ ⲙⲡⲉⲙⲧⲟ ⲉⲃⲟⲗ ⲛⲟⲩⲁ
16 ⲁⲛⲟⲕ ϩⲱ ⲁⲓⲣⲟⲩϣⲏ ⲛⲣⲟⲉⲓⲥ ⲉⲡϩⲁⲉ ⲁⲩⲱ ⲁⲓⲕⲗⲏⲣⲟⲛⲟⲙⲉⲓ ⲙⲙⲟⲟⲩ ⲛⲧϩⲉ ⲛϣⲟⲣⲡ
17 ⲛⲁⲙⲡⲗⲁⲟⲥ ⲛⲧⲁⲩⲧⲁϩⲙⲉϥ ϩⲙⲡⲉⲕⲣⲁⲛ ⲁⲩⲱ ⲡⲓⲥⲣⲁⲏⲗ ⲉⲛⲧⲁⲕⲧⲛⲧⲱⲛϥ ⲉⲡⲉⲕϣⲣⲡ ⲙⲙⲓⲥⲉ
18 ϣⲛϩⲧⲏⲕ ϩⲁⲧⲡⲟⲗⲓⲥ ⲙⲛⲡⲉⲕⲙⲁ ⲉⲧⲟⲩⲁⲁⲃ ⲧϩⲓⲉⲣⲟⲩⲥⲁⲗⲏⲙ ⲡⲉⲕⲙⲁ ⲛϣⲱⲡⲉ
19 ⲙⲟⲩϩ ⲛⲥⲓⲱⲛ ⲛⲁⲣⲉⲧⲏ ⲛⲛⲉⲕϣⲡⲏⲣⲉ ⲁⲩⲱ ⲡⲉⲕⲗⲁⲟⲥ ⲛⲡⲉⲕⲉⲟⲟⲩ
20 ϯⲟⲩⲙⲛⲧⲣⲉ ⲛⲛⲉⲕⲥⲱⲛⲧ ⲛϣⲟⲣⲡ ⲛⲅⲧⲟⲩⲛⲉⲥⲛⲉⲡⲣⲟⲫⲏⲧⲓⲁ ⲛⲁⲓ ⲉⲩϩⲓ ⲡⲉⲕⲣⲁⲛ
21 ϯⲟⲩⲃⲉⲕⲉ ⲛⲛⲉⲧϩⲩⲡⲟⲙⲓⲛⲉ ⲉⲣⲟⲕ ⲡϫⲟⲉⲓⲥ ⲁⲩⲱ ⲙⲁⲣⲟⲩⲧⲁⲛϩⲉⲧⲛⲉⲕⲡⲣⲟⲫⲏⲧⲏⲥ
22 ⲡϫⲟⲉⲓⲥ ⲥⲱⲧⲙ ⲉⲡⲥⲟⲡⲥ ⲛⲛⲉⲕϩⲙϩⲁⲗ ⲕⲁⲧⲁⲡⲉⲥⲙⲟⲩ ⲛⲁⲁⲣⲱⲛ ⲉⲧⲃⲉⲡⲉⲕⲗⲁⲟⲥ ⲁⲩⲱ ⲛϭⲓⲟⲩⲟⲛ ⲛⲓⲙ ⲉⲧϩⲓϫⲛ ⲡⲕⲁϩ ϫⲉⲛⲡⲉ ⲡϫⲟⲉⲓⲥ ⲡⲛⲟⲩⲧⲉ ⲛϣⲁⲉⲛⲉϩ
23 ⲉⲥⲟⲩⲉⲙϭⲓⲛⲟⲩⲱⲙ ⲛⲓⲙ ⲟⲩⲛϭⲓⲛ ⲇⲉ ⲉϥⲥⲟⲧⲡ ⲉϭⲓⲛⲟⲩⲱⲙ
24 ⲧ ⲧⲉϣⲁⲥⲧⲱⲡⲉ ⲛϩⲛⲁϥ ⲧⲁⲓ ⲧⲉ ⲧϩⲉ ⲉϣⲁⲣⲉⲡϩⲏⲧ ⲛⲛⲥⲁⲃⲉ ⲧⲉⲡϩⲛϣⲁϫⲉ ⲛϭⲟⲗ
25 ϣⲁⲣⲉⲟⲩϩⲏⲧ ⲉϥϭⲟⲟⲙⲉ ϯⲟⲩⲗⲩⲡⲏ ⲁⲩⲱ ϣⲁⲣⲉⲟⲩⲣⲱⲙⲉ ⲛⲥⲁⲃⲉ ⲧⲟⲟⲃⲉⲥ ⲛⲁϥ
26 ϣⲁⲣⲉⲧⲉⲥϩⲓⲙⲉ ϫⲓϩⲟⲟⲩⲧ ⲛⲓⲙ ⲟⲩⲛⲥϩⲓⲙⲉ ⲇⲉ ⲉⲛⲁⲛⲟⲩϥ ⲉⲥϩⲓⲙⲉ
27 ϣⲁⲣⲉⲡⲥⲁ ⲛⲟⲩⲥϩⲓⲙⲉ ϯⲟⲩⲣⲟⲧ ⲙⲡⲉⲥϩⲟ ⲁⲩⲱ ⲥⲥⲟⲧⲡ ⲉⲉⲡⲓⲑⲩⲙⲓⲁ ⲛⲓⲙ
28 ⲉϣⲱⲡⲉ ⲟⲩⲛⲛⲁ ϩⲓⲙⲛⲧⲣⲙⲣⲁϣ ϩⲓⲛⲉⲥⲡⲟⲧⲟⲩ ⲉⲉⲓⲉ ⲡⲉⲥϩⲁⲓ ⲛⲟⲩⲕⲁⲧⲁ ⲛϣⲏⲣⲉ ⲛⲛⲣⲱⲙⲉ ⲁⲛ ⲡⲉ
29 ⲡⲉⲧⲛⲁⲕⲱ ⲛⲁϥ ⲛⲟⲩⲥϩⲓⲙⲉ ⲁϥⲁⲣⲭⲉⲓ ⲛⲕⲱ ⲛⲁϥ ⲛⲟⲩⲃⲟⲏⲑⲟⲥ ⲕⲁⲧⲁⲣⲟϥ ⲁⲩⲱ ⲟⲩⲥⲧⲩⲗⲟⲥ ⲛⲙⲧⲟⲛ
30 ⲡϭⲱⲙ ⲉⲧⲉⲙⲛϫⲟⲗϫⲗ ⲙⲙⲟϥ ϣⲁⲩⲧⲟⲣⲡϥ ⲁⲩⲱ ⲡⲉⲧⲉⲙⲛⲧϥⲥϩⲓⲙⲉ ϥⲛⲁⲁϣⲁϩⲟⲙ ⲉϥⲕⲱⲧⲉ
31 ⲛⲓⲙ ⲡⲉⲧⲛⲁⲧⲁⲛϩⲟⲩⲧϥ ⲙⲛⲟⲩⲥⲟⲟⲛⲉ ⲉϥϩⲏⲕ ⲉϥϥⲱϭⲉ ⲉⲃⲟⲗ ϩⲛⲟⲩⲡⲟⲗⲓⲥ ⲉⲟⲩⲡⲟⲗⲓⲥ ⲧⲁⲓ ⲧⲉ ⲧϩⲉ ⲛⲟⲩⲣⲱⲙⲉ ⲉⲙⲛⲧϥⲙⲁ ⲛϣⲱⲡⲉ ⲉϣⲁϥϭⲟⲉⲓⲗⲉ ⲉⲡⲙⲁ ⲉⲧϥⲛⲁϫⲓⲣⲟⲩϩⲉ ⲛϩⲏⲧϥ
Sirach 35 · Sirach 37 · Greek (Septuagint / SBLGNT) · Aramaic (Peshitta) · Latin (Vulgate)