Read Sirach 34 side by side with translations · The Final Bible
1 ϣⲁⲣⲉⲧⲟⲩϣⲏ ⲛⲣⲟⲉⲓⲥ ⲙⲡⲣⲙⲙⲁⲟ ⲃⲱⲗ ⲉⲃⲟⲗ ⲛⲛⲉϥⲥⲁⲣⲝ ⲁⲩⲱ ϣⲁⲣⲉⲡⲉϥⲣⲟⲟⲩϣ ⲥⲁϩⲉⲫⲓⲛⲏⲃ ⲉⲃⲟⲗ ⲙⲙⲟϥ
2 ϣⲁⲣⲉⲡⲣⲟⲟⲩϣ ⲛⲟⲩⲟⲩϣⲏ ⲛⲣⲟⲉⲓⲥ ⲁⲡⲁⲓⲧⲉⲓ ⲛⲟⲩⲣⲉⲕⲣⲓⲕⲉ ⲁⲩⲱ ϣⲁⲣⲉⲟⲩϩⲓⲛⲏⲃ ⲧⲁⲗϭⲉⲟⲩϣⲱⲛⲉ ⲉϥⲛⲁϣⲧ
3 ϣⲁⲣⲉⲡⲣⲙⲙⲁⲟ ϩⲓⲥⲉ ⲉϥⲥⲱⲟⲩϩ ⲉϩⲟⲩⲛ ⲛⲛⲉϥⲭⲣⲏⲙⲁ ⲁⲩⲱ ϣⲁϥⲥⲉⲓ ⲛⲛⲉϥⲧⲣⲩⲫⲏ ϩⲛⲟⲩⲙⲟⲧⲛⲉⲥ
4 ⲁⲩⲱ ϣⲁⲣⲉⲡϩⲏⲕⲉ ϩⲓⲥⲉ ϩⲙⲡϣⲱⲱⲧ ⲙⲡⲉϥⲁϩⲉ ⲁⲩⲱ ϣⲁϥⲣϭⲣⲱϩ ϩⲛⲧⲙⲟⲧⲛⲉⲥ
5 ⲡⲉⲧⲙⲉ ⲛⲟⲩⲛⲟⲩⲃ ⲛϥⲛⲁⲧⲙⲁⲓⲟ ⲁⲛ ⲁⲩⲱ ⲡⲉⲧⲡⲏⲧ ⲛⲥⲱϥ ⲛⲁⲙⲟⲩϩ ... ⲉⲩⲧⲁⲕⲟ ⲛⲁϥ
6 ⲁϩⲁϩ ⲅⲁⲣ ϩⲉ ⲉⲧⲃⲉⲡⲛⲟⲩⲃ ⲁⲩⲱ ⲁⲡⲉⲩⲧⲁⲕⲟ ϣⲱⲡⲉ ⲙⲡⲉⲩⲙⲧⲟ ⲉⲃⲟⲗ
7 ⲟⲩϣⲉ ⲛϫⲣⲡ ⲡⲉ ⲛⲟⲩⲟⲛ ⲛⲓⲙ ⲉⲧϣⲙϣⲉ ⲛⲁϥ ⲁⲩⲱ ⲉⲣⲉⲁⲧϩⲏⲧ ⲛⲓⲙ ⲛⲁⲧⲁⲕⲟ ⲛϩⲏⲧϥ
8 ⲛⲁⲓⲁⲧϥ ⲙⲡⲣⲙⲙⲁⲟ ⲉⲛⲧⲁⲩϩⲉ ⲉⲣⲟϥ ⲉϥⲟⲩⲁⲁⲃ ⲁⲩⲱ ⲡⲉⲧⲉⲙⲡϥⲟⲩⲁϩϥ ⲛⲥⲁⲟⲩⲛⲟⲩⲃ
9 ⲛⲓⲙ ⲡⲉ ⲧⲁⲣⲛⲙⲁⲕⲁⲣⲓⲍⲉ ⲙⲙⲟϥ ⲁϥⲣϩⲛϣⲡⲏⲣⲉ ⲅⲁⲣ ϩⲙⲡⲉϥⲗⲁⲟⲥ
10 ⲛⲓⲙ ⲡⲉⲛⲧⲁⲩⲇⲟⲕⲓⲙⲁⲍⲉ ⲙⲙⲟϥ ⲛϩⲏⲧϥ ⲁϥϫⲱⲕ ⲉⲃⲟⲗ ⲧⲁⲣⲉϥϣⲱⲡⲉ ⲉⲩϣⲟⲩϣⲟⲩ ⲛⲓⲙ ⲡⲉⲧⲉⲟⲩⲛϣϭⲟⲙ ⲙⲙⲟϥ ⲉⲡⲁⲣⲁⲃⲁ ⲉⲙⲡϥⲡⲁⲣⲁⲃⲁ ⲁⲩⲱ ⲉⲣⲡⲉⲧϩⲟⲟⲩ ⲉⲙⲡϥⲉⲓⲣⲉ
11 ⲛⲉϥⲁⲅⲁⲑⲟⲛ ⲛⲁⲧⲁϫⲣⲟ ⲡⲉ ⲁⲩⲱ ⲟⲩⲛⲟⲩⲉⲕⲕⲗⲏⲥⲓⲁ ⲛⲁϫⲱ ⲛⲧⲉϥⲙⲛⲧⲛⲁ
12 ⲉϣⲱⲡⲉ ⲉⲕϣⲁⲛϩⲙⲟⲟⲥ ϩⲓⲟⲩⲛⲟϭ ⲛⲧⲣⲁⲡⲉⲍⲁ ⲙⲡⲣⲟⲩⲏⲛ ⲛⲣⲱⲕ ⲉⲣⲟⲥ ⲁⲩⲱ ⲙⲡⲣϫⲟⲟⲥ ϫⲉⲟⲩⲛϩⲁϩ ϩⲓⲱⲱⲥ
13 ⲁⲣⲓⲡⲙⲉⲉⲩⲉ ϫⲉⲡⲃⲁⲗ ⲙⲡⲡⲟⲛⲏⲣⲟⲥ ϩⲟⲟⲩ ⲁⲩⲱ ⲟⲩ ⲡⲉⲧⲥⲟⲛⲧ ⲉϥϩⲟⲟⲩ ⲉⲡⲃⲁⲗ ⲉⲧⲃⲉⲡⲁⲓ ϥϯⲣⲙⲉⲓⲏ ⲛⲛⲁϩⲣⲛϩⲟ ⲛⲓⲙ
14 ...ⲛⲁⲛⲁⲩ ⲉⲣⲟϥ ⲙⲡⲣⲥⲟⲩⲧⲛⲧⲟⲟⲧⲕ ⲉⲣⲟϥ ⲁⲩⲱ ⲙⲡⲣϩⲉϫϫⲧⲉⲕϭⲓϫ ⲛⲙⲙⲁϥ ϩⲛⲧϫⲏ
15 ⲉⲓⲙⲉ ⲉⲛⲁⲡⲉⲧϩⲓⲧⲟⲩⲱⲕ ⲉⲃⲟⲗ ⲙⲙⲟⲕ ⲁⲩⲱ ⲙⲉⲕⲙⲟⲩⲕⲕ ⲉϫⲛϩⲱⲃ ⲛⲓⲙ
16 ⲟⲩⲱⲙ ⲛⲧϩⲉ ⲛⲟⲩⲣⲱⲙⲉ ⲛⲛⲉⲧϩⲁⲣⲱⲕ ⲁⲩⲱ ⲙⲡⲣⲧⲁⲡⲧ ⲛⲣⲱⲕ ⲙⲏⲡⲟⲧⲉ ⲛⲥⲉⲙⲉⲥⲧⲱⲕ
17 ⲉⲧⲃⲉⲧⲉⲥⲃⲱ ⲕⲁⲧⲟⲟⲧⲕ ⲉⲃⲟⲗ ⲛϣⲟⲣⲡ ⲁⲩⲱ ⲙⲡⲣⲣⲁⲧⲥⲉⲓ ⲙⲏⲡⲟⲧⲉ ⲛⲅϫⲱⲣⲡ
18 ⲉⲕϣⲁⲛϩⲙⲟⲟⲥ ϩⲛⲧⲙⲏⲧⲉ ⲛϩⲛⲙⲏⲏϣⲉ ⲙⲡⲣⲥⲟⲩⲧⲛⲧⲟⲟⲧⲕ ⲉⲃⲟⲗ ϩⲁⲧⲉⲩϩⲏ
19 ⲉϣϫⲉ ⲛⲁⲛⲟⲩⲡⲣⲱϣⲉ ⲛⲟⲩⲣⲱⲙⲉ ⲉϥⲧⲥⲁⲃⲏⲩ ⲁⲩⲱ ⲙⲉϥϫⲗϩⲏⲥ ⲡⲉ ϩⲓⲡⲉϥϭⲗⲟϭ
20 ϣⲁⲕⲱⲃϣ ⲉⲕⲙⲟⲧⲛ ⲉⲕϣⲁⲛⲣⲡⲣⲱϣⲉ ϣⲁⲕⲧⲱⲟⲩⲛ ⲉϩⲧⲟⲟⲩⲉ ⲉⲣⲉⲡⲉⲕϩⲏⲧ ⲙⲙⲟⲕ ⲉⲣⲉⲟⲩⲙⲕⲁϩ ⲛⲟⲩϣⲏ ⲛⲣⲟⲉⲓⲥ ⲙⲛⲟⲩⲭⲟⲗⲏ ⲙⲛⲟⲩⲟⲣⲅⲏ ⲛⲟⲩⲣⲱⲙⲉ ⲛⲁⲧⲥⲉⲓ
21 ⲉϣⲱⲡⲉ ⲇⲉ ⲁϥϫⲓⲧⲕ ⲛϭⲟⲛⲥ ϩⲛϩⲉⲛϭⲓⲛⲟⲩⲱⲙ ⲧⲱⲟⲩⲛ ⲛⲅⲕⲁⲃⲟⲗ ⲛⲅⲙⲧⲟⲛ
22 ⲥⲱⲧⲙ ⲉⲣⲟⲓ ⲡⲁϣⲏⲣⲉ ⲛⲅⲧⲙⲥⲟϣϥⲧ ⲁⲩⲱ ⲕⲛⲁϩⲉ ⲉⲛⲁϣⲁϫⲉ ϩⲛⲧϩⲁⲏ ⲡⲉ ϣⲱⲡⲉ ⲉⲕⲛⲁϣⲧ ϩⲛⲛⲉⲕϣⲁϫⲉ ⲧⲏⲣⲟⲩ ⲁⲩⲱ ⲙⲛⲗⲁⲁⲩ ⲛϣⲱⲡⲉ ⲛⲁⲧⲱⲙⲛⲧ ⲉⲣⲟⲕ ⲡⲉ
23 ϣⲁⲣⲉⲛⲉⲥⲡⲟⲧⲟⲩ ⲥⲙⲟⲩ ⲉⲡⲉⲧⲣⲟⲟⲩⲧ ⲉϫⲛⲡⲟⲉⲓⲕ ⲁⲩⲱ ⲧⲙⲛⲧⲙⲛⲧⲣⲉ ⲙⲡⲉϥⲁⲛⲁⲓ ⲛϩⲟⲧ
24 ϣⲁⲣⲉⲟⲩⲡⲟⲗⲓⲥ ⲕⲣⲙⲣⲙ ⲉⲩⲡⲟⲛⲏⲣⲟⲥ ⲉϫⲛⲡⲟⲉⲓⲕ ⲁⲩⲱ ⲧⲙⲛⲧⲙⲛⲧⲣⲉ ⲛⲧⲉϥⲡⲟⲛⲏⲣⲓⲁ ⲟⲣϫ
25 ⲙⲡⲣⲣⲥⲁⲩⲏⲣⲡ ⲁⲡⲏⲣⲡ ⲅⲁⲣ ⲧⲁⲕⲉϩⲁϩ
26 ⲡⲁϣ ⲡⲉϣⲁϥⲇⲟⲕⲓⲙⲁⲍⲉ ⲙⲡⲗⲁⲓⲛ ϩⲛⲡⲟϣⲙⲉϥ ⲧⲁⲓ ⲧⲉ ⲧϩⲉ ⲙⲡⲏⲣⲡ ⲉϣⲁϥⲇⲟⲕⲓⲙⲁⲍⲉ ⲙⲡϩⲏⲧ ⲙⲡϫⲁⲥⲓϩⲏⲧ ϩⲛⲡⲙⲓϣⲉ
27 ⲟⲩⲙⲧⲟⲛ ⲡⲉ ⲡⲏⲣⲡ ϩⲛⲡⲁϩⲉ ⲙⲡⲣⲱⲙⲉ ⲉⲕϣⲁⲛⲥⲟⲟϥ ϩⲛⲟⲩⲣⲱϣⲉ ⲁϣ ⲧⲉ ⲧⲙⲟⲧⲛⲉⲥ ⲙⲡⲉⲧⲉⲛϥⲥⲉⲏⲣⲡ ⲁⲛ ϫⲉⲛⲧⲟϥ ⲡⲉⲛⲧⲁⲩⲥⲟⲛⲧϥ ⲉⲩⲟⲩⲛⲟϥ ⲛⲛⲣⲱⲙⲉ
28 ⲟⲩⲧⲉⲗⲏⲗ ⲛϩⲏⲧ ⲙⲛⲟⲩⲟⲩⲛⲟϥ ⲙⲯⲩⲭⲏ ⲡⲉ ⲡⲏⲣⲡ ⲉⲕϣⲁⲛⲥⲟⲟϥ ϩⲛⲟⲩⲣⲱϣⲉ ⲛⲡⲉⲟⲩⲟⲉⲓϣ
29 ⲟⲩⲥⲓϣⲉ ⲛⲟⲩⲯⲩⲭⲏ ⲡⲉ ⲥⲉⲟⲩⲏⲣⲡ ⲉⲛⲁϣⲱϥ
30 ϣⲁⲣⲉⲡϯϩⲉ ⲧⲁϣⲉⲡϭⲱⲛⲧ ⲙⲡⲁⲧϩⲏⲧ ⲟⲩϫⲣⲟⲡ ⲛⲁϥ ⲙⲛⲟⲩϫⲟⲕϫⲕ ⲙⲛⲟⲩϩⲧⲟⲡ ⲉϥⲧⲥⲃⲕⲟ ⲛⲧϭⲟⲙ ⲉϥⲉⲓⲣⲉ ⲙⲡⲡⲱⲗϩ
31 ⲙⲡⲣϫⲡⲓⲉ ⲡ ⲉⲧ ϩⲓⲧⲟⲩⲱⲕ ϩⲛⲟⲩⲙⲁ ⲛⲥⲉⲏⲣⲡ ⲁⲩⲱ ⲙⲡⲣⲥⲟϣϥϥ ϩⲙⲡⲉϥⲟⲩⲛⲟϥ
35 ⲙⲡⲣϫⲓ ⲟⲩϣⲁϫⲉ ⲛⲁϥ ⲛⲛⲟϭⲛⲉϭ ⲁⲩⲱ ⲙⲡⲣⲑⲗⲓⲃⲉ ⲙⲙⲟϥ ⲉϣⲁⲧϥ
Sirach 33 · Sirach 35 · Greek (Septuagint / SBLGNT) · Aramaic (Peshitta) · Latin (Vulgate)