Read Sirach 27 side by side with translations · The Final Bible
1 ⲉⲧⲃⲉⲡϣⲃϣⲓ ⲅⲁⲣ ⲁϩⲁϩ ⲣⲛⲟⲃⲉ ⲁⲩⲱ ⲡⲉⲧϣⲓⲛⲉ ⲛⲥⲁϫⲡⲉϩⲁϩ ⲛⲁⲕⲧⲟ ⲉⲃⲟⲗ ⲛⲛⲉϥⲃⲁⲗ
2 ϣⲁⲩⲟⲩⲉϣⲧⲱⲕⲥ ⲛⲟⲩϣⲙⲟⲩ ⲉⲟⲩⲧⲁⲡⲟⲩⲱϣ ⲛⲟⲩⲱⲛⲉ ϣⲁⲣⲉⲡⲛⲟⲃⲉ ϩⲱⲱϥ ⲉⲓ ϩⲛⲧⲙⲏⲧⲉ ⲛϯⲉⲃⲟⲗ ϩⲓϣⲱⲡ
3 ⲉϥϣⲁⲛⲧⲙⲁⲙⲁϩⲧⲉ ⲛⲧϩⲟⲧⲉ ⲙⲡϫⲟⲉⲓⲥ ϩⲛⲟⲩϭⲉⲡⲏ ⲡⲉϥⲏⲓ ⲛⲁⲧⲁⲕⲟ ⲛⲧⲉⲩⲛⲟⲩ
4 ⲛⲧϩⲉ ⲉϣⲁⲣⲉϩⲛⲉⲓⲧⲛ ϣⲱϫⲡ ϩⲙⲡϣⲟⲗϣⲗ ⲛⲟⲩⲥⲟⲗϥ ⲧⲁⲓ ⲧⲉ ⲧϩⲉ ⲉⲣⲉⲙⲡⲉⲧϩⲟⲟⲩ ⲙⲡⲣⲱⲙⲉ ϩⲙⲡⲉϥϩⲏⲧ
5 ⲧⲉϩⲣⲱ ⲇⲉ ⲧⲉϣⲁⲥⲇⲟⲕⲓⲙⲁⲍⲉ ⲛⲛⲥⲕⲉⲩⲏ ⲙⲡⲕⲉⲣⲁⲙⲉⲩⲥ ⲁⲩⲱ ⲉⲣⲉⲡⲡⲉⲓⲣⲁⲥⲙⲟⲥ ⲙⲡⲣⲱⲙⲉ ...
6 ⲛⲧϩⲉ ⲉⲧⲉϣⲁⲣⲉⲡⲉⲧⲣϩⲱⲃ ⲉⲩϣⲏⲛ ⲟⲩⲉⲛϩⲡⲉϥⲕⲁⲣⲡⲟⲥ ⲉⲃⲟⲗ ⲧⲁⲓ ⲧⲉ ⲧϩⲉ ⲉⲧⲉϣⲁⲣⲉⲡϣⲁϫⲉ ⲙⲛⲡ... ⲟⲩⲉⲛϩⲫⲏⲧ ⲙⲡⲣⲱⲙⲉ ⲉⲃⲟⲗ
7 ⲙⲡⲣⲧⲁⲓⲉⲟⲩⲣⲱⲙⲉ ⲙⲡⲁⲧⲕⲉⲓⲙⲉ ⲡⲁⲓ ⲅⲁⲣ ⲡⲉ ⲡⲡⲉⲓⲣⲁⲥⲙⲟⲥ ⲙⲡⲣⲱⲙⲉ
8 ⲉⲕϣⲁⲛⲡⲱⲧ ⲛⲥⲁⲧⲙⲛⲧⲙⲉ ... ⲁⲩⲱ ⲕⲛⲁⲧⲁⲁⲥ ϩⲓⲱⲱⲕ ⲛⲧϩⲉ ⲛⲧϣⲛⲧⲱ ⲛⲉⲟⲟⲩ
9 ⲛⲧϩⲉ ⲉϣⲁⲣⲉⲛϩⲁⲗⲁⲧⲉ ⲟⲩⲱϩ ϩⲁⲧⲛⲛⲉϯⲛⲉ ⲙⲙⲟⲟⲩ ⲧⲁⲓ ⲧⲉ ⲧϩⲉ ⲉϣⲁⲣⲉⲧⲙⲉ ⲕⲟⲧⲥ ⲉⲛⲉⲧⲉⲓⲣⲉ ⲙⲙⲟⲥ
10 ϣⲁⲣⲉⲟⲩⲙⲟⲩⲓ ϭⲱⲣϭ ⲉⲩⲡⲁϩⲥ ⲧⲁⲓ ⲧⲉ ⲧϩⲉ ⲉϣⲁⲣⲉⲡⲛⲟⲃⲉ ϭⲱⲣϭ ⲉⲛⲉϯⲣⲉ ⲙⲡϫⲓⲛϭⲟⲛⲥ
11 ⲧⲥⲟⲫⲓⲁ ⲡⲉ ⲡϣⲁϫⲉ ⲙⲡⲣⲙⲛⲛⲟⲩⲧⲉ ⲛⲟⲩⲟⲉⲓϣ ⲛⲓⲙ ⲡⲁⲧϩⲏⲧ ⲇⲉ ⲛⲧⲟϥ ϣⲁϥϣⲓⲃⲉ ⲛⲧϩⲉ ⲙⲡⲟⲟϩ
12 ϫⲓⲟⲩⲟⲉⲓϣ ⲛⲧⲙⲏⲧⲉ ⲛⲛⲁⲧϩⲏⲧ ⲧⲁϣⲟⲕ ⲇⲉ ϩⲛⲧⲙⲏⲧⲉ ⲛⲛⲥⲁⲃⲉ
13 ⲟⲩⲙⲉⲥⲧⲉ ⲡⲉ ⲡϣⲁϫⲉ ⲛⲛⲥⲟϭ ⲁⲩⲱ ⲉⲣⲉⲡⲉⲩⲥⲱⲃⲉ ϩⲛⲟⲩⲥⲡⲁⲧⲁⲗⲁ ⲛⲛⲟⲃⲉ
14 ϣⲁⲣⲉⲧϭⲓⲛϣⲁϫⲉ ⲛⲟⲩⲣⲉϥⲧⲁϣⲉⲱⲣⲕ ⲛⲉϩϣⲗϩϥ ⲉⲡⲉⲕϣⲁϥ ⲁⲩⲱ ⲟⲩϩⲱϫⲡ ⲙⲙⲁⲁϫⲉ ⲡⲉ ⲡⲉϥⲙⲓϣⲉ
15 ⲟⲩⲡⲉϩⲧⲥⲛⲟϥ ⲉⲃⲟⲗ ⲡⲉ ⲡⲙⲓϣⲉ ⲛⲛϫⲁⲥⲓϩⲏⲧ ⲁⲩⲱ ⲟⲩⲥⲱⲧⲙ ⲉϥϩⲟⲟⲩ ⲡⲉ ⲡⲉⲩⲥⲁϩⲟⲩ
16 ⲡⲉⲧⲛⲁϭⲱⲗⲡ ⲉⲃⲟⲗ ⲛϩⲛⲙⲩⲥⲧⲏⲣⲓⲟⲛ ⲁϥⲕⲱ ⲛⲥⲱϥ ⲙⲡⲛⲁϩⲧⲉ ⲁⲩⲱ ⲛⲉϥϭⲛⲛϣⲃⲏⲣ ⲛⲛⲁϩⲣⲛⲡⲉϥϩⲏⲧ
17 ⲙⲉⲣⲉⲡⲉⲕϣⲃⲏⲣ ⲛⲅⲧⲁⲛϩⲟⲩⲧⲕ ⲛⲉⲙⲁϥ ⲉϣⲱⲡⲉ ⲇⲉ ⲉⲕϣⲁⲛϭⲱⲗⲡ ⲉⲃⲟⲗ ⲙⲡⲉϥⲙⲩⲥⲧⲏⲣⲓⲟⲛ ⲙⲡⲣⲡⲱⲧ ⲛⲥⲱϥ
18 ⲛⲧϩⲉ ⲅⲁⲣ ⲛⲟⲩⲣⲱⲙⲉ ⲉⲁϥⲕⲱ ⲛⲥⲱϥ ⲙⲡⲉϥϫⲁϫⲉ ⲧⲁⲓ ⲧⲉ ⲧϩⲉ ⲛⲧⲁⲕⲕⲱ ⲛⲥⲱⲕ ⲛⲧⲙⲛⲧϣⲃⲏⲣ ⲙⲡⲉⲧϩⲓⲧⲟⲩⲱⲕ
19 ⲁⲩⲱ ⲛⲧϩⲉ ⲛⲟⲩϩⲁⲗⲏⲧ ⲉⲁⲕⲕⲁⲁϥ ⲉⲃⲟⲗ ϩⲛⲧⲉⲕϭⲓϫ ⲧⲁⲓ ⲧⲉ ⲧϩⲉ ⲉⲛⲧⲁⲕⲕⲱ ⲛⲥⲱⲕ ⲙⲡⲉⲧϩⲓⲧⲟⲩⲱⲕ ⲁⲩⲱ ⲛⲛⲉⲕϣⲧⲁϩⲟϥ
20 ⲙⲡⲣⲡⲱⲧ ⲛⲥⲱϥ ϫⲉⲁϥⲟⲩⲉ ⲁⲩⲱ ⲁϥⲡⲱⲧ ⲛⲧϩⲉ ⲛⲟⲩϭϩⲟⲥ ⲉⲃⲟⲗ ϩⲛⲟⲩⲡⲁϣ
21 ⲉϣϫⲉ ⲟⲩⲛⲧϩⲉ ⲙⲙⲣⲟⲩⲥⲁϣ ⲁⲩⲱ ⲟⲩⲛⲧϩⲉ ⲛϩⲱⲧⲡ ϩⲛⲟⲩⲙⲓϣⲉ ⲡⲉⲧⲛⲁϭⲱⲗⲡ ⲉⲃⲟⲗ ⲛϩⲛⲙⲩⲥⲧⲏⲣⲓⲟⲛ ...ⲉⲗⲡⲓⲍⲉ
22 ⲡⲉⲧϫⲱⲣⲙ ϩⲛⲛⲉϥⲃⲁⲗ ⲉϥⲙⲉⲉⲩⲉ ⲉϩⲉⲛⲡⲉⲧϩⲟⲟⲩ ⲙⲛⲗⲁⲁⲩ ⲛⲁⲧⲟϭϥ ⲉⲣⲟϥ
23 ...... ⲣⲱϥ ϩⲗⲟϭ ⲙⲡⲉϥⲙⲧⲟ ⲉⲃⲟⲗ ⲛϥⲣϣⲡⲏⲣⲉ ⲛⲛⲉⲕϣⲁϫⲉ ⲙⲛⲛⲥⲱⲥ ϥⲛⲁⲕⲧⲉⲣⲱϥ ⲛϥϯ ⲛⲟⲩϫⲣⲟⲡ ϩⲛⲛⲉⲕϣⲁϫⲉ
24 ⲁⲓⲙⲉⲥⲧⲉϩⲁϩ ⲙⲡⲓⲧⲛⲧⲱⲛⲟⲩ ⲉⲣⲟϥ ⲡϫⲟⲉⲓⲥ ⲛⲁⲙⲉⲥⲧⲱϥ
25 ⲡⲉⲧⲛⲁⲛⲉϫⲟⲩⲱⲛⲉ ⲉⲧⲡⲉ ϥⲛⲁϩⲉ ⲉϫⲱϥ ⲟⲩⲡⲗⲏⲅⲏ ⲛⲕⲣⲟϥ ϣⲁⲥⲉⲓⲣⲉ ⲛϩⲛⲡⲱⲗϩ
26 ⲡⲉⲧϣⲓⲕⲉ ⲛⲟⲩϩⲓⲉⲓⲧ ϥⲛⲁϩⲉ ⲉⲣⲟϥ ⲁⲩⲱ ⲡⲉⲧⲧⲁϩⲟ ⲉⲣⲁⲧϥ ⲛⲟⲩⲡⲁϣ ϥⲛⲁϩⲉ ⲛϩⲏⲧϥ
27 ⲡⲉϯⲣⲉ ⲛϩⲛⲡⲉⲧϩⲟⲟⲩ ⲉⲩⲛⲏⲩ ⲉϩⲣⲁⲓ ⲉϫⲱϥ ⲁⲩⲱ ⲛⲉϥⲉⲓⲙⲉ ϫⲉⲛⲧⲁⲩⲉⲓ ⲛⲁϥ ⲧⲱⲛ
28 ⲟⲩⲥⲱϣϥ ⲙⲛⲟⲩⲛⲟϭⲛⲉϭ ⲛⲛϫⲁⲥⲓϩⲏⲧ ⲁⲩⲱ ⲡϫⲓⲕⲃⲁ ⲛⲁϭⲱⲣϭ ⲉⲣⲟϥ ⲛⲧϩⲉ ⲛⲛⲓⲙⲟⲩⲓ
29 ⲛⲉⲧⲉⲩⲫⲣⲁⲛⲉ ⲉϫⲛⲡⲧⲁⲕⲟ ⲛⲛⲣⲙⲛⲛⲟⲩⲧⲉ ⲛⲁⲧⲁⲕⲟ ϩⲛⲟⲩⲡⲁϣ ⲁⲩⲱ ⲡⲉⲙⲕⲁϩ ⲛϩⲏⲧ ⲛⲁⲧⲁⲕⲟⲟⲩ ϩⲁⲧϩⲏ ⲙⲡⲉⲩⲙⲟⲩ
30 ϩⲛϥⲟⲧⲉ ⲛⲉ ⲟⲩⲛⲟϭⲥ ⲉϥⲙⲏⲛ ⲉⲃⲟⲗ ⲙⲛⲟⲩⲟⲣⲅⲏ ⲁⲩⲱ ⲟⲩⲣⲱⲙⲉ ⲛⲣⲉϥⲣⲛⲟⲃⲉ ϥⲛⲁⲁⲙⲁϩⲧⲉ ⲙⲙⲟⲟⲩ
Sirach 26 · Sirach 28 · Greek (Septuagint / SBLGNT) · Aramaic (Peshitta) · Latin (Vulgate)