Read Sirach 18 side by side with translations · The Final Bible
1 ⲡⲉⲧⲟⲛϩ ⲛϣⲁⲉⲛⲉϩ ⲡⲉⲛⲧⲁϥⲥⲛⲧ ⲛⲕⲁ ⲛⲓⲙ ϩⲓⲟⲩⲥⲟⲡ
2 ⲡϫⲟⲉⲓⲥ ⲙⲁⲩⲁⲁϥ ⲡⲉⲧⲛⲁⲧⲙⲁⲉⲓⲟ
4 ⲙⲡϥϯ ⲛⲗⲁⲁⲩ ⲉϫⲉⲛⲉϥϩⲃⲏⲩⲉ ⲁⲩⲱ ⲛⲓⲙ ⲡⲉⲧⲛⲁϣϩⲟⲧϩⲧ ⲛⲧⲉϥⲙⲛⲧⲥⲁⲃⲉ
5 ⲏ ⲛⲓⲙ ⲡⲉⲧⲛⲁϣⲉⲡⲡⲁⲙⲁϩⲧⲉ ⲛⲧⲉϥⲙⲛⲧⲛⲟϭ ⲁⲩⲱ ⲛⲓⲙ ⲡⲉⲧⲛⲁϣⲟⲩⲱϩ ⲉⲧⲟⲟⲧϥ ⲉϫⲱ ⲛⲛⲉϥⲛⲁ
6 ⲛⲛⲉⲕϣϥⲓ ⲛϩⲏⲧⲟⲩ ⲛⲛⲉⲕϣⲟⲩⲱϩ ⲉⲣⲟⲟⲩ ⲛⲛⲉⲕⲉϣϩⲟⲧϩⲧ ⲛⲛⲉϩⲃⲏⲩⲉ ⲙⲡϫⲟⲉⲓⲥ
7 ⲉⲣϣⲁⲛⲡⲣⲱⲙⲉ ϫⲱⲕ ⲉⲃⲟⲗ ⲛⲧⲁϥⲉⲓ ⲣⲱ ⲉϩⲟⲩⲛ ⲁⲩⲱ ⲉϥϣⲁⲛⲕⲟⲧϥ ⲉⲃⲟⲗ ⲧⲟⲧⲉ ϥⲛⲁⲁⲡⲟⲣⲓ
8 ⲟⲩ ⲡⲉ ⲡⲣⲱⲙⲉ ⲁⲩⲱ ⲟⲩ ⲡⲉ ⲡⲉϥϣⲁⲩ ⲟⲩ ⲡⲉ ⲡⲉϥⲁⲅⲁⲑⲟⲛ ⲁⲩⲱ ⲟⲩ ⲡⲉ ⲡⲉϥⲡⲉⲧϩⲟⲟⲩ
9 ⲧⲏⲡⲉ ⲛⲛⲉϩⲟⲟⲩ ⲙⲡⲣⲱⲙⲉ ⲉⲥϣⲁⲛⲁϣⲁⲓ ϣⲉ ⲛⲣⲟⲙⲡⲉ ⲛⲉ
10 ⲉⲩⲟ ⲛⲧϩⲉ ⲛⲟⲩⲧⲗϯⲗⲉ ⲙⲙⲟⲟⲩ ⲉⲃⲟⲗ ϩⲛⲧϩⲁⲗⲁⲥⲥⲁ ⲁⲩⲱ ⲛⲧϩⲉ ⲛⲟⲩⲃⲗⲃⲓⲗⲉ ⲛϣⲱ ϩⲙⲡϣⲱ ⲧⲁⲓ ⲧⲉ ⲧϩⲉ ⲛⲛⲣⲙⲡⲟⲟⲩⲉ ⲛϣⲁⲉⲛⲉϩ
11 ⲉϩⲣⲁⲓ ⲉϫⲱⲟⲩ ⲙⲡⲉϥⲛⲁ
12 ⲁϥⲛⲁⲩ ⲁⲩⲱ ⲁϥⲉⲓⲙⲉ ⲉⲡⲉⲩⲧⲁⲕⲟ ϫⲉⲉⲧⲃⲉⲡⲁⲓ ⲁϥⲧⲁϣⲉⲡϥ ...
13 ⲡⲛⲉⲩⲙⲁ ⲙⲡⲣⲱⲙⲉ ⲉϣⲁϥⲉⲓ ⲉϫⲛⲡⲉⲧϩⲓⲧⲟⲩⲱϥ ⲡⲛⲉⲩⲙⲁ ⲛⲧⲟϥ ⲙⲡϫⲟⲉⲓⲥ ⲉϣⲁϥⲉⲓ ⲉϫⲛⲥⲁⲣⲝ ⲛⲓⲙ ⲉϥϫⲡⲓⲟ ⲉϥⲡⲁⲓⲇⲉⲩⲉ ⲉϥϯⲥⲃⲱ ⲉϥⲕⲧⲟ ⲙⲡⲉϥⲟϩⲉ ⲛⲧϩⲉ ⲛⲟⲩϣⲱⲥ
14 ϣⲁϥⲛⲁ ⲛⲛⲉⲧϭⲱϣⲧ ϩⲏⲧⲥ ⲛⲧⲉϥⲥⲃⲱ ⲁⲩⲱ ⲛⲉⲧϭⲉⲡⲏ ⲉⲣⲁⲧⲟⲩ ⲛⲛⲉϥϩⲁⲡ
15 ⲡⲁϣⲏⲣⲉ ⲙⲡⲣϯⲧⲱⲗⲙ ⲛⲛⲉⲕⲡⲉⲧⲛⲁⲛⲟⲩⲟⲩ ⲁⲩⲱ ⲟⲩⲗⲩⲡⲏ ⲛϣⲁϫⲉ ϩⲙⲡⲉⲧⲕⲛⲁⲧⲁⲁϥ ⲧⲏⲣϥ
16 ⲙⲏ ⲙⲉⲣⲉⲟⲩⲉⲓⲱⲧⲉ ϯⲙⲧⲟⲛ ⲛⲟⲩϩⲙⲟⲙ ⲧⲁⲓ ⲧⲉ ⲧϩⲉ ⲉⲧⲉⲣⲉⲡϣⲁϫⲉ ⲥⲟⲧⲡ ⲡⲁⲣⲁϯ
17 ⲙⲏ ⲛⲁⲛⲟⲩ ⲡϣⲁϫⲉ ⲁⲛ ⲉϩⲟⲩⲟ ⲉϯ ⲁⲩⲱ ⲡⲣⲱⲙⲉ ⲛϩⲙⲟⲧ ⲟⲩⲛⲧⲁϥⲥⲉ ⲙⲡⲉⲥⲛⲁⲩ
18 ⲡⲥⲟϭ ϣⲁϥⲛⲟϭⲛⲉϭ ⲁϫⲛϣⲡϩⲙⲟⲧ ⲁⲩⲱ ϣⲁⲣⲉⲡϯ ⲛⲟⲩⲉⲓⲉⲣⲃⲟⲟⲛⲉ ⲃⲱⲗ ⲉⲃⲟⲗ ⲛⲛⲉϥⲃⲁⲗ
19 ⲉⲓⲙⲉ ⲉⲙⲡⲁⲧⲕϣⲁϫⲉ ϫⲓⲡⲁϩⲣⲉ ⲉⲙⲡⲁⲧⲕϣⲱⲡⲉ
20 ⲥⲃⲧⲱⲧⲕ ϩⲁⲧϩⲏ ⲛⲧⲉⲕⲣⲓⲥⲓⲥ ⲁⲩⲱ ⲕⲛⲁϩⲉ ⲉⲩⲕⲱ ⲉⲃⲟⲗ ⲛⲧⲉⲩⲛⲟⲩ ⲙⲡϭⲙⲡϣⲓⲛⲉ
21 ⲑⲃⲃⲓⲟⲕ ⲉⲙⲡⲁⲧⲕϣⲱⲛⲉ ⲛⲅⲟⲩⲱⲛϩ ⲉⲃⲟⲗ ⲙⲡⲉⲕⲕⲧⲟ ϩⲙⲡⲉⲟⲩⲟⲉⲉⲓϣ ⲛⲛⲉⲕⲛⲟⲃⲉ
22 ⲙⲡⲣϯϫⲣⲟⲡ ⲉϯ ⲛⲛⲉⲕⲉⲣⲏⲧ ⲙⲡⲉⲟⲩⲟⲉⲓϣ ⲁⲩⲱ ⲙⲡⲣϭⲱ ⲉⲙⲡⲕⲧⲙⲁⲓⲟ ϣⲁⲡⲉⲕⲙⲟⲩ
23 ⲥⲃⲧⲉⲧⲉⲕⲯⲩⲭⲏ ⲉⲙⲡⲁⲧⲕⲉⲣⲏⲧ ⲛⲅⲧⲙϣⲱⲡⲉ ⲛⲧϩⲉ ⲛⲟⲩⲣⲱⲙⲉ ⲉϥⲡⲉⲓⲣⲁⲍⲉ ⲙⲡϫⲟⲉⲓⲥ
24 ⲁⲣⲓⲡⲙⲉⲉⲩⲉ ⲙⲡϭⲱⲛⲧ ϩⲛⲛⲉϩⲟⲟⲩ ⲛⲧϩⲁⲏ ⲁⲩⲱ ⲡⲉⲟⲩⲟⲉⲓϣ ⲙⲡⲉⲕⲃⲁ ϩⲙⲡⲉϩⲟⲟⲩ ⲙⲫⲁⲡ
25 ⲁⲣⲓⲡⲙⲉⲉⲩⲉ ⲙⲡⲉⲟⲩⲟⲉⲓϣ ⲙⲫⲉⲃⲱⲱⲛ ϩⲙⲡⲉϩⲟⲟⲩ ⲙⲡⲥⲉⲓ ⲧⲙⲛⲧϩⲏⲕⲉ ⲙⲛⲡⲉϭⲣⲱϩ ϩⲙⲡⲉϩⲟⲟⲩ ⲛⲧⲙⲛⲧⲣⲙⲙⲁⲟ
26 ϫⲓⲛϩⲧⲟⲟⲩⲉ ⲅⲁⲣ ϣⲁⲣⲟⲩϩⲉ ⲡⲉⲟⲩⲟⲉⲓϣ ⲡⲱⲱⲛⲉ ⲁⲩⲱ ϩⲛⲗⲁⲁⲩ ⲧⲏⲣⲟⲩ ⲛⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ
27 ⲟⲩⲣⲱⲙⲉ ⲛⲥⲟⲫⲟⲥ ϣⲁϥⲣϩⲟⲧⲉ ϩⲛϩⲱⲃ ⲛⲓⲙ ⲁⲩⲱ ⲡⲉϩⲟⲟⲩ ⲙⲡⲛⲟⲃⲉ ϣⲁϥⲥⲁϩⲱϥ ⲉⲃⲟⲗ ⲙⲙⲟϥ
28 ⲁⲣⲙⲛϩⲏⲧ ⲛⲓⲙ ⲉⲓⲙⲉ ⲉⲧⲥⲟⲫⲓⲁ ⲁⲩⲱ ϣⲁⲥⲟⲩⲱⲛϩ ⲉⲃⲟⲗ ⲙⲡⲉⲛⲧⲁϥϩⲉ ⲉⲣⲟⲥ
29 ⲁⲩⲣⲥⲁⲃⲉ ⲁⲩⲱ ϣⲁⲩⲃⲉⲉⲃⲉ ⲛϩⲉⲛⲡⲁⲣϩⲟⲓⲙⲓⲁ ⲉⲩⲟⲣϫ
30 ⲙⲡⲣⲟⲩⲁϩⲕ ⲛⲥⲁⲡⲉⲕⲟⲩⲱϣ ⲁⲩⲱ ⲁⲙⲁϩⲧⲉ ⲙⲙⲟⲕ ⲉⲛⲉⲧⲕⲟⲩⲁϣⲟⲩ
31 ⲉⲕϣⲁⲛϯ ⲅⲁⲣ ⲛⲧⲉⲯⲩⲭⲏ ⲙⲡⲟⲩⲱϣ ⲉⲧⲉϩⲛⲁⲥ ϣⲁⲥⲧⲣⲉⲛⲉⲕϫⲁϫⲉ ⲣⲁϣⲉ ⲙⲙⲟⲕ
32 ⲙⲡⲣⲉⲩⲫⲣⲁⲛⲉ ⲉϫⲛϩⲁϩ ⲛⲧⲣⲩⲫⲏ ⲁⲩⲱ ⲙⲡⲣⲙⲟⲣⲕ ⲉⲧⲉⲥⲥⲩⲙⲃⲟⲗⲏ
33 ⲙⲡⲣϣⲱⲡⲉ ⲉⲕϯⲥⲩⲙⲃⲟⲗⲏ ⲉⲕϫⲓ ⲉϫⲱⲕ ⲉⲛⲧⲕ ⲟⲩϩⲏⲕⲉ ⲁⲩⲱ ⲉⲙⲛⲗⲁⲁⲩ ϣⲟⲟⲡ ⲛⲁⲕ ϩⲛⲧⲉⲕⲧⲱⲱⲙⲉ
Sirach 17 · Sirach 19 · Greek (Septuagint / SBLGNT) · Aramaic (Peshitta) · Latin (Vulgate)