Read Sirach 17 side by side with translations · The Final Bible
1 ⲡϫⲟⲉⲓⲥ ⲁϥⲥⲛⲧⲡⲣⲱⲙⲉ ⲉⲃⲟⲗ ϩⲛⲟⲩⲕⲁϩ ⲁⲩⲱ ⲟⲛ ⲉϥⲛⲁⲕⲧⲟϥ ⲉⲣⲟϥ
2 ⲟⲩⲏⲡⲉ ⲛϩⲟⲟⲩ ⲙⲛⲟⲩⲟⲩⲟⲉⲓϣ ⲡⲉⲛⲧⲁϥⲧⲁⲁⲩ ⲛⲁϥ ⲁⲩⲱ ⲁϥϯ ⲛⲁⲩ ⲛⲧⲉⲝⲟⲩⲥⲓⲁ ⲉⲛⲉⲧϩⲓϫⲱϥ
3 ⲁϥϯ ϩⲓⲱⲟⲩ ⲛⲟⲩϭⲟⲙ ⲕⲁⲧⲁⲣⲟⲟⲩ ⲁϥⲧⲁⲙⲓⲟⲟⲩ ⲕⲁⲧⲁⲧⲉϥϩⲓⲕⲱⲛ
4 ⲁϥⲕⲁⲧⲉⲩϩⲟⲧⲉ ϩⲓϫⲛⲥⲁⲣⲝ ⲛⲓⲙ ⲉⲧⲣⲉⲩⲣϫⲟⲉⲓⲥ ⲉϫⲛⲛⲉⲑⲏⲣⲓⲟⲛ ⲙⲛⲛϩⲁⲗⲁⲧⲉ
6 ⲟⲩϣⲟϫⲛⲉ ⲙⲛⲟⲩⲥⲃⲱ ⲙⲛⲟⲩⲗⲁⲥ ⲙⲛϩⲛⲃⲁⲗ ⲙⲛϩⲛⲙⲁⲁϫⲉ ⲁϥϯ ⲛⲁⲩ ⲛⲟⲩϩⲛⲧ ⲉⲙⲉⲉⲩⲉ
7 ⲁϥⲙⲁϩⲟⲩ ⲛⲥⲃⲱ ⲙⲙⲛⲧⲣⲙⲛⲧϩⲏⲧ ⲁϥⲧⲟⲩⲟⲟⲩ ⲉⲛⲁⲅⲁⲑⲟⲛ ⲙⲛⲙⲡⲉⲧϩⲟⲟⲩ
8 ⲁϥⲕⲁⲛⲉⲩⲃⲁⲗ ϩⲓϫⲛⲛⲉⲩϩⲏⲧ ⲉⲧⲥⲁⲃⲟⲟⲩ ⲉⲙⲙⲛⲧⲛⲟϭ ⲛⲛⲉϥϩⲃⲏⲩⲉ
9 ⲁⲩⲱ ⲉϣⲟⲩϣⲟⲩ ⲙⲙⲟⲟⲩ ϩⲛⲛⲉϥϣⲡⲏⲣⲉ
10 ⲁⲩⲱ ⲥⲉⲛⲁⲥⲙⲟⲩ ⲉⲡⲣⲁⲛ ⲙⲡⲧⲃⲃⲟ ϫⲉⲉⲩⲉϫⲱ ⲛⲧⲙⲛⲧⲛⲟϭ ⲛⲛⲉϥϩⲃⲏⲩⲉ
11 ⲁϥⲧ ⲛⲟⲙⲟⲥ
12 ⲁϥⲛⲙⲙⲁⲩ ⲛⲧⲇⲓⲁⲑⲏⲕⲏ ⲁⲩⲱ ⲁϥⲧⲥⲁⲃⲟⲟⲩ ⲉⲛⲉϥϩⲁⲡ
13 ⲁⲛⲉⲩⲃⲁⲗ ⲛⲁⲩ ⲉⲧⲙⲛⲧⲛⲟϭ ⲙⲡⲉϥⲉⲟⲟⲩ ⲁⲩⲱ ⲁⲛⲉⲩⲙⲁⲁϫⲉ ⲥⲱⲧⲙ ⲉⲡⲉⲟⲟⲩ ⲛⲧⲉϥⲥⲙⲏ
14 ⲁϥϫⲟⲟⲥ ⲛⲁⲩ ϫⲉⲁⲣⲉϩ ⲉⲣⲱⲧⲛ ⲉⲡⲉⲧϩⲟⲟⲩ ⲛⲓⲙ ⲁϥϩⲱⲛ ⲉⲧⲟⲟⲧϥ ⲙⲡⲟⲩⲁ ⲡⲟⲩⲁ ⲉⲧⲃⲉⲡⲉⲧϩⲓⲧⲟⲩⲱϥ
15 ⲛⲉⲩϩⲓⲟⲟⲩⲉ ⲙⲡⲉϥⲙⲧⲟ ⲉⲃⲟⲗ ⲛⲟⲩⲟⲉⲓϣ ⲛⲓⲙ ⲥⲉⲛⲁϩⲱⲡ ⲁⲛ ⲉⲛⲉϥⲃⲁⲗ
17 ⲁϥⲕⲁⲑⲓⲥⲧⲁ ⲛⲟⲩⲛⲟϭ ⲉϫⲛⲡϩⲉⲑⲛⲟⲥ ⲡϩⲉⲑⲛⲟⲥ ⲧⲙⲉⲣⲓⲥ ϩⲱⲱϥ ⲙⲡϫⲟⲉⲓⲥ ⲡⲉ ⲡⲓⲥⲣⲁⲏⲗ
19 ⲛⲉⲩϩⲃⲏⲩⲉ ⲧⲏⲣⲟⲩ ⲟ ⲛⲧϩⲉ ⲙⲡⲣⲏ ⲙⲡⲉϥⲙⲧⲟ ⲉⲃⲟⲗ ⲁⲩⲱ ⲛⲉϥⲃⲁⲗ ϭⲱϣⲧ ⲉϫⲛⲛⲉⲩϩⲓⲟⲟⲩⲉ ⲛⲟⲩⲟⲉⲓϣ ⲛⲓⲙ
20 ⲙⲡⲉⲛⲉⲩϫⲓⲛϭⲟⲛⲥ ϩⲱⲡ ⲉⲣⲟϥ ⲁⲩⲱ ⲛⲉⲩⲛⲟⲃⲉ ⲧⲏⲣⲟⲩ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ
22 ⲙⲙⲛⲧⲛⲁ ⲙⲡⲣⲱⲙⲉ ⲉⲩⲟ ⲛⲧϩⲉ ⲛⲟⲩⲥⲫⲣⲁⲅⲓⲥ ⲛⲉⲙⲁϥ ⲁⲩⲱ ⲡⲉϩⲙⲟⲧ ⲙⲡⲣⲱⲙⲉ ⲉϥⲛⲁⲁⲣⲉϩ ⲉⲣⲟϥ ⲛⲧϩⲉ ⲛⲟⲩⲕⲁⲕⲉ ⲛⲃⲁⲗ ⲁⲛ ⲧⲃⲃⲟ ⲙⲙⲛⲧⲛⲟϭ ⲛⲛⲉϥϩⲃⲏⲩⲉ
23 ⲙⲛⲛⲥⲁⲛⲁⲓ ϥⲛⲁⲧⲱⲟⲩⲛ ⲛϥⲧⲱⲱⲃⲉ ⲛⲁⲩ ⲛϥϯ ⲛⲁⲩ ⲧⲟⲩⲉⲓⲟ ⲉϫⲛⲧⲉⲩⲁⲡⲉ
24 ϣⲁⲧⲛ ⲛⲉⲧⲛⲁⲣϩⲧⲏⲩ ⲛⲧⲁϥϯ ⲛⲁⲩ ⲛⲧⲉϩⲓⲏ ⲛⲕⲟⲧⲟⲩ ⲁⲩⲱ ⲁϥⲥⲉⲡⲥ ⲛⲉⲛⲧⲁⲩⲕⲱ ⲛⲥⲱⲟⲩ ⲛⲧϩⲩⲡⲟⲙⲟⲛⲏ
25 ⲕⲟⲧⲕ ⲉⲡϫⲟⲉⲓⲥ ⲛⲅⲕⲱ ⲛⲥⲱⲕ ⲙⲡⲛⲟⲃⲉ ⲛⲅⲥⲟⲡⲥ ⲙⲡⲉϥⲙⲧⲟ ⲉⲃⲟⲗ ⲛⲅⲧⲥⲃⲕⲉⲛⲉⲕϫⲣⲟⲡ
26 ⲕⲟⲧⲕ ⲉⲡϫⲟⲉⲓⲥ ⲛⲅⲗⲟ ϩⲁⲡϫⲓⲛϭⲟⲛⲥ ⲛⲅⲙⲉⲥⲧⲉⲛⲃⲟⲧⲉ ⲉⲙⲁⲧⲉ
27 ⲛⲓⲙ ⲡⲉⲧⲛⲁⲥⲙⲟⲩ ⲉⲡⲉⲧϫⲟⲥⲉ ϩⲛⲁⲙⲛⲧⲉ ⲉⲡⲙⲁ ⲛⲛⲉⲧⲟⲛϩ ⲉⲧϯ ⲛⲟⲩⲙⲛⲧⲣϩⲧⲏϥ
28 ⲛⲧⲙⲛⲧⲣⲙⲛϩⲏⲧ ϣⲟⲟⲡ ⲁⲛ ϩⲙⲡⲉⲧⲙⲟⲟⲩⲧ ⲛⲧϩⲉ ⲟⲛ ⲉⲧⲉⲛϥϣⲟⲟⲡ ⲁⲛ ⲡⲉⲧⲟⲛϩ ⲙⲛⲡⲉⲧⲙⲟⲧⲛ ⲡⲉⲧⲛⲁⲥⲙⲟⲩ ⲉⲡϫⲟⲉⲓⲥ
29 ϫⲉⲟⲩⲛⲟϭ ⲧⲉ ⲧⲙⲛⲧⲛⲁ ⲙⲡϫⲟⲉⲓⲥ ⲁⲩⲱ ⲛⲉϥⲕⲱ ⲉⲃⲟⲗ ⲛⲛⲉⲧⲕⲧⲟ ⲙⲙⲟⲟⲩ ⲉⲣⲟϥ
30 ⲙⲛϣϭⲟⲙ ⲅⲁⲣ ⲉⲧⲣⲉϩⲱⲃ ⲛⲓⲙ ϣⲱⲡⲉ ⲛⲛⲣⲱⲙⲉ ϫⲉⲟⲩϣⲁⲉⲛⲉϩ ⲁⲛ ⲡⲉ ⲡϣⲏⲣⲉ ⲛⲛⲣⲱⲙⲉ
31 ⲟⲩ ⲡⲉⲧⲟ ⲛⲟⲩⲟⲉⲓⲛ ⲉⲡⲣⲏ ϣⲁⲣⲉⲡⲉⲓ ⲕⲉϩⲱ ⲁⲩⲱ ⲥⲁⲣⲝ ϩⲓⲥⲛⲟϥ ϣⲁⲩⲙⲉⲉⲩⲉ ⲉ
32 ⲧϭⲟⲙ ⲙⲡϫⲓⲥⲉ ⲛⲧⲡⲉ ⲛⲧⲟϥ ⲡⲉⲧϭⲓⲛⲉ ⲉⲡⲉⲥϣⲓⲛⲉ ⲁⲩⲱ ⲛⲣⲱⲙⲉ ⲧⲏⲣⲟⲩ ϩⲛⲕⲁϩ ⲛⲉ ϩⲓⲕⲣⲙⲉⲥ
Sirach 16 · Sirach 18 · Greek (Septuagint / SBLGNT) · Aramaic (Peshitta) · Latin (Vulgate)