Read Sirach 16 side by side with translations · The Final Bible
1 ⲙⲡⲣⲉⲡⲓⲑⲩⲙⲓ ⲛⲥⲩⲙⲏⲏϣⲉ ⲛ ⲁⲩⲱ ⲙⲡⲣⲉⲩⲫⲣⲁⲛⲉ ⲉϫⲛϩⲛϣⲏⲣⲉ ⲛⲁⲥⲉⲃⲏⲥ
2 ⲉⲩϣⲁⲛⲙⲡⲣⲟⲩⲛⲟϥ ⲉϫⲱⲟⲩ ⲉϣⲱⲡⲉ ⲛⲧϩⲟⲧⲉ ⲙⲡϫⲟⲉⲓⲥ ⲛⲙⲙⲁⲩ ⲁⲛ
3 ⲙⲡⲣⲧⲁⲛϩⲟⲩⲧⲕ ⲙⲛⲡⲉⲩⲱⲛϩ ⲁⲩⲱ ⲙⲡⲣⲕⲁϩⲧⲏⲕ ⲉⲡⲉⲩⲁϣⲁⲓ ⲛⲁⲛⲟⲩ ⲟⲩⲁ ⲅⲁⲣ ⲉϩⲟⲩⲟ ⲉϣⲟ ⲁⲩⲱ ⲉⲧⲣⲉⲡⲣⲱⲙⲉ ⲙⲟⲩ ⲉϥⲟ ⲛⲁⲧϣⲏⲣⲉ ⲛϩⲟⲩⲟ ⲉⲧⲣⲉϥ ⲕⲱ ⲛϩⲉⲛϣⲏⲣⲉ ⲛⲁⲥⲉⲃⲏⲥ
4 ϣⲁⲣⲉⲟⲩⲡⲟⲗⲓⲥ ϭⲱⲣϭⲥ ⲉⲧⲃⲉⲟⲩⲣⲙⲛϩⲏⲧ ⲛⲟⲩⲱⲧ ⲧⲉⲫⲩⲗⲏ ⲛⲛⲁⲛⲟⲙⲟⲥ ⲛⲁϣⲱϥ
5 ⲁⲡⲁⲃⲁⲗ ⲛⲁⲩ ⲉϩⲁϩ ⲛⲧⲉⲓϩⲉ ⲁⲩⲱ ⲁⲡⲁⲙⲁⲁϫⲉ ⲥⲱⲧⲙ ⲉⲡⲉⲧϫⲟⲟⲣ ⲉⲛⲁⲓ
6 ⲟⲩⲛ ⲟⲩⲕⲱϩⲧ ⲛⲁⲙⲟⲩϩ ϩⲛⲧⲥⲟⲟⲩϩⲥ ⲛⲛⲣⲉϥⲣⲛⲟⲃⲉ ⲁⲩⲱ ⲁⲟⲩⲟⲣⲅⲏ ⲙⲟⲩϩ ϩⲛⲟⲩϩⲉⲑⲛⲟⲥ ⲛⲁⲧⲁⲙⲁϩⲧⲉ
7 ⲙⲡϥⲕⲱ ⲉⲃⲟⲗ ⲛⲛⲅⲓⲅⲁⲥ ⲛϣⲟⲣⲡ ⲛⲁⲓ ⲉⲛⲧⲁⲩⲡⲱϣⲥ ⲉⲧⲃⲉⲧⲉⲩϭⲟⲙ
8 ⲙⲡϥϯⲥⲟ ⲉⲡⲙⲁ ⲛϣⲱⲡⲉ ⲛⲗⲱⲧ ⲛⲁⲓ ⲉⲛⲧⲁⲩϥⲟⲧⲟⲩ ⲉⲧⲃⲉⲧⲉⲩⲙⲛⲧϫⲁⲥⲓϩⲏⲧ
9 ...ⲁⲛⲁ ⲁⲛ ⲛⲁⲓ ⲉⲛⲧⲁⲩϫⲓⲥⲉ ϩⲛⲛⲉⲩⲛⲟⲃⲉ
10 ⲉⲩⲙⲉϩⲥⲉ ⲛⲧⲃⲁ ⲛⲁⲓ ⲉⲛⲧⲁⲩⲥⲱⲟⲩϩ ⲉⲧⲉⲩⲙⲛⲧⲛⲁϣⲧϩⲏ
11 ⲕⲁⲛ ⲉϣⲱⲡⲉ ⲟⲩⲛⲁϣⲧⲛⲁϩⲃⲉϥ ⲡⲉ ⲟⲩⲁ ⲟⲩϣⲡⲏⲣⲉ ⲡⲉ ϫⲉϥⲛⲁⲟⲩⲟⲡ ⲉⲣⲉⲡⲛⲁ ⲅⲁⲣ ⲙⲛⲧⲟⲣⲅⲏ ⲛⲧⲟⲟⲧϥ ⲟⲩⲛϭⲟⲙ ⲙⲙⲟϥ ⲉⲕⲱ ⲉⲃⲟⲗ ⲁⲩⲱ ϣⲁϥⲡⲱϩⲧ ⲛⲧⲉϥⲟⲣⲅⲏ
12 ⲕⲁⲧⲁⲡⲁϣⲁⲓ ⲙⲡⲉϥⲛⲁ ⲧⲁⲓ ⲟⲛ ⲧⲉ ⲧϩⲉ ⲙⲡⲉϥϫⲡⲓⲟ ϥⲛⲁⲕⲣⲓⲛⲉ ⲙⲡⲣⲱⲙⲉ ⲕⲁⲧⲁⲛⲉϥϩⲃⲏⲩⲉ
13 ⲡⲣⲉϥⲣⲛⲟⲃⲉ ⲛⲁⲣⲃⲟⲗ ⲁⲛ ϩⲛⲛⲉϥⲧⲱⲣⲡ ⲁⲩⲱ ⲧϩⲩⲡⲟⲙⲟⲛⲏ ⲙⲡⲉⲩⲥⲉⲃⲏⲥ ⲛⲁⲱϫⲛ ⲁⲛ
14 ϣⲁϥⲕⲁⲙⲁ ⲙⲙⲛⲧⲛⲁ ⲛⲓⲙ ⲉⲣⲉⲡⲟⲩⲁ ⲡⲟⲩⲁ ϭⲓⲛⲉ ⲕⲁⲧⲁⲛⲉϥϩⲃⲏⲩⲉ
17 ⲙⲡⲣϫⲟⲟⲥ ϫⲉϯⲛⲁϩⲟⲡⲧ ⲉⲡϫⲟⲉⲓⲥ ⲁⲩⲱ ϫⲉⲛⲓⲙ ⲡⲉⲧⲛⲁⲣⲡⲁⲙⲉⲉⲩⲉ ϩⲙⲡϫⲓⲥⲉ ⲥⲉⲛⲁⲥⲟⲩⲱⲛⲧ ⲁⲛ ϩⲛⲟⲩⲗⲁⲟⲥ ⲉϥⲟϣ ⲛⲓⲙ ⲅⲁⲣ ⲡⲉ ⲧⲁⲯⲩⲭⲏ ϩⲙⲡⲉⲓⲥⲱⲛⲧ ⲉⲧⲉⲙⲛⲧⲉϥⲏⲡⲉ
18 ⲉⲓⲥ ϩⲏⲏⲧⲉ ⲉⲓⲥ ⲧⲡⲉ ⲙⲛⲧⲡⲉ ⲛⲧⲡⲉ ⲡⲛⲟⲩⲛ ⲙⲛⲡⲕⲁϩ ⲉϥϣⲁⲛϭⲙⲡⲉⲩϣⲓⲛⲉ ϣⲁⲩⲕⲓⲙ
19 ⲙⲛⲛⲧⲟⲟⲩ ϩⲙⲡⲧⲣⲉϥ ϣⲣ ⲉϩⲣⲁⲓ ⲉϫⲱⲟⲩ ⲥⲧⲱⲧ
20 ⲁⲩⲱ ⲛⲛⲉϥⲙⲉⲕⲙⲟⲩⲕϥ ⲉϩⲣⲁⲓ ⲉϫⲱⲟⲩ ⲛⲓⲙ ⲡⲉⲛⲧⲁϥⲣⲡⲙⲉⲉⲩⲉ ⲉⲛⲉϥϩⲓⲟⲟⲩⲉ
21 ⲙⲛⲧϩⲁⲧⲏⲩ ⲉⲧⲉⲙⲡⲣⲱⲙⲉ ⲛⲁⲩ ⲉⲣⲟⲥ ⲁⲛ ⲡⲉϩⲟⲩⲟ ⲛⲛⲉϥϩⲃⲏⲩⲉ ⲉⲩϩⲛ ⲛⲉϥⲡⲉⲧϩⲏⲡ
22 ⲛⲓⲙ ⲡⲉⲧⲛⲁϣϫⲱ ⲛⲛⲉϩⲃⲏⲩⲉ ⲛⲧⲇⲓⲕⲁⲓⲟⲥⲩⲛⲏ; ⲛⲓⲙ ⲡⲉⲧⲛⲁϭⲱ ⲧⲇⲓⲁⲑⲏⲕⲏ ⲅⲁⲣ ⲟⲩⲏⲩ
23 ⲟⲩⲁⲧϩⲏⲧ ⲡⲉ ⲡⲉⲧⲛⲁⲙⲉⲉⲩⲉ ⲉⲛⲁⲓ ⲁⲩⲱ ⲡⲣⲱⲙⲉ ⲛⲁⲧⲥⲃⲱ ⲉⲧⲡⲗⲁⲛⲁ ϣⲁϥⲙⲉⲉⲩⲉ ⲉⲛⲓⲙⲛⲧⲥⲟϭ
24 ⲥⲱⲧⲙ ⲉⲣⲟⲓ ⲡⲁϣⲏⲣⲉ ⲛⲅϫⲓⲥⲃⲱ ⲉⲧⲁⲥⲃⲱ ⲛⲅϯϩⲧⲏⲕ ϩⲙⲡⲉⲕϩⲏⲧ ⲉⲡⲁϣⲁϫⲉ
25 ϯⲛⲁⲟⲩⲛϩⲧⲉⲥⲃⲱ ⲉⲃⲟⲗ ϩⲛⲟⲩϣⲓ ϯⲛⲁⲟⲩⲛϩⲧⲙⲛⲧⲣⲙⲛϩⲏⲧ ϩⲛⲟⲩⲱⲣϫ
26 ⲉⲣⲉⲛⲉϩⲃⲏⲩⲉ ⲙⲡϫⲟⲉⲓⲥ ϩⲙⲡⲉϥⲧⲱϣ ϫⲓⲛⲛϣⲟⲣⲡ ⲁⲩⲱ ϫⲓⲛⲡⲉⲩⲧⲙⲁⲓⲟ ⲁϥⲡⲣϫⲛⲉⲩⲙⲉⲣⲓⲥ
27 ⲁϥⲕⲟⲥⲙⲉⲓ ⲛⲛⲉϥϩⲃⲏⲩⲉ ⲛϣⲁⲉⲛⲉϩ ⲁⲩⲱ ⲛⲉⲩⲁⲣⲭⲏ ϣⲁⲛⲉⲩϫⲱⲙ ⲟⲩⲇⲉ ⲙⲡⲟⲩϩⲕⲟ ⲟⲩⲇⲉ ⲙⲡⲟⲩϩⲓⲥⲉ ⲁⲩⲱ ⲙⲡⲟⲩⲱϫⲛ ϩⲛⲛⲉⲩϩⲃⲏⲩⲉ
28 ⲙⲡⲉⲡⲟⲩⲁ ⲡⲟⲩⲁ ⲑⲗⲓⲃⲉ ⲙⲡⲉⲧϩⲓⲧⲟⲩⲱϥ ⲁⲩⲱ ⲛⲥⲉⲛⲁⲣⲁⲧⲥⲱⲧⲙ ⲁⲛ ⲉⲡⲉϥϣⲁϫⲉ ⲛϣⲁⲉⲛⲉϩ
29 ⲙⲙⲟⲥ ⲛⲉϥⲁⲅⲁⲑⲟⲛ
30 ⲛⲉⲯⲩⲭⲏ ⲛⲛⲉⲧⲟⲛϩ ⲡⲉϥϩⲟ ⲁⲩⲱ ⲧⲟⲟⲩ
Sirach 15 · Sirach 17 · Greek (Septuagint / SBLGNT) · Aramaic (Peshitta) · Latin (Vulgate)