Sirach 15 — Coptic (Sahidic)

1 ⲡⲉⲧⲛⲁⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲡⲉⲧⲛⲁⲁⲁⲥ ⲁⲩⲱ ⲡⲉⲧⲁⲙⲁϩⲧⲉ ⲙⲡⲛⲟⲙⲟⲥ ϥⲛⲁⲧⲁϩⲟⲥ

2 ⲥⲛⲁⲧⲱⲙⲛⲧ ⲉⲣⲟϥ ⲛⲧϩⲉ ⲛⲟⲩⲙⲁⲁⲩ ⲛⲥϣⲟⲡϥ ⲉⲣⲟⲥ ⲛⲧϩⲉ ⲛⲟⲩⲥϩⲓⲙⲉ ⲉⲥⲟⲩⲁⲁⲃ

3 ⲁⲩⲱ ⲥⲛⲁⲧⲥⲉϥ ⲟⲩⲙⲟⲟⲩ ⲛⲥⲟⲫⲓⲁ ⲥⲛⲁⲧⲙⲉϥ ⲟⲉⲓⲕ ⲙⲙⲛⲧⲥⲁⲃⲉ

4 ⲥⲛⲁⲧⲁϫⲣⲟϥ ⲉϫⲱⲥ ⲛϥⲧⲙⲣⲓⲕⲉ ⲁⲩⲱ ϥⲛⲁⲕⲁϩⲧⲏϥ ⲉⲣⲟⲥ ⲛϥⲧⲙϫⲓϣⲓⲡⲉ

5 ⲥⲛⲁϫⲓⲥⲉ ⲙⲙⲟϥ ⲡⲁⲣⲁⲛⲉⲧϩⲓⲧⲟⲩⲱϥ ⲁⲩⲱ ⲥⲛⲁⲟⲩⲱⲛ ⲛⲣⲱϥ ϩⲛⲧⲙⲏⲧⲉ ⲛⲟⲩⲙⲏⲏϣⲉ

6 ϥⲛⲁⲕⲗⲏⲣⲟⲛⲟⲙⲉⲓ ⲛⲟⲩⲟⲩⲛⲟϥ ⲙⲛⲟⲩⲕⲗⲟⲙ ⲛⲧⲉⲗⲏⲗ ⲙⲛⲟⲩⲣⲁϣⲉ ⲛϣⲁⲉⲛⲉϩ

7 ⲙⲛⲣⲱⲙⲉ ⲛⲁⲧⲥⲃⲱ ⲛⲁⲧⲁϩⲟⲥ ⲁⲩⲱ ⲛⲉⲣⲱⲙⲉ ⲛⲣⲉϥⲣⲛⲟⲃⲉ ⲛⲁⲩ ⲉⲣⲟⲥ

8 ⲥⲟⲩⲏⲩ ⲉⲃⲟⲗ ⲛⲧⲙⲛⲧϫⲁⲥⲓϩⲏⲧ ⲛⲛⲉⲣⲱⲙⲉ ⲛⲣⲉϥϫⲓϭⲟⲗ ⲣⲡⲉⲥⲙⲉⲉⲩⲉ

9 ⲛⲉⲥⲉ ⲡⲉⲥⲙⲟⲩ ⲁⲛ ϩⲛⲣⲱϥ ⲙⲡⲣⲉϥⲣⲛⲟⲃⲉ ϫⲉⲛⲧⲁⲩⲧⲛⲛⲟⲟⲩϥ ⲁⲛ ϩⲓⲧⲛⲡϫⲟⲉⲓⲥ

10 ⲥⲟⲫⲓⲁ

11 ⲙⲡⲣϫⲟⲟⲥ ϫⲉⲛⲧⲁⲓ ⲡϫⲟⲉⲓⲥ ⲛⲛⲉⲕⲉⲓⲣⲉ ⲙⲡⲉⲛⲧ...

12 ⲙⲡⲣϫⲟⲟⲥ ϫⲉⲛⲧⲟϥ ⲡⲉ ⲛⲧⲁϥⲡⲗⲁⲛⲁ ⲙⲙⲟⲓ ⲛϥⲣⲭⲣⲉⲓⲁ ⲅⲁⲣ ⲁⲛ ⲛⲟⲩⲣⲱⲙⲉ ⲛⲣⲉϥⲣⲛⲟⲃⲉ

13 ⲁⲡϫⲟⲉⲓⲥⲙⲉⲥⲧⲉⲃⲟⲧⲉ ⲛⲓⲙ ⲁⲩⲱ ⲛⲉⲧⲣϩⲟⲧⲉ ϩⲏⲧϥ ⲙⲁⲩⲙⲉⲣⲓⲧⲟⲩ

14 ⲛⲧⲟϥ ϫⲓⲛⲛϣⲟⲣⲡ ⲡⲉⲛⲧⲁϥⲧⲁⲙⲓⲉⲡⲣⲱⲙⲉ ⲁⲩⲱ ⲁϥⲕⲁⲁϥ ϩⲛⲧϭⲓϫ ⲙⲡⲉϥϣⲟϫⲛⲉ

15 ⲉⲕϣⲁⲛⲟⲩⲱϣ ⲕⲛⲁϩⲁⲣⲉϩ ⲉⲛⲉⲛⲧⲟⲗⲏ ⲁⲩⲱ ⲕⲛⲁⲣⲧⲡⲓⲥⲧⲓⲥ ⲉⲧⲥⲟⲧⲡ

16 ⲁϥⲕⲱ ϩⲁⲧⲏⲕ ⲙⲡⲕⲱϩⲧ ⲙⲛⲡⲙⲟⲟⲩ ⲡⲉⲧⲕⲟⲩⲁϣϥ ⲕⲛⲁⲥⲟⲩⲧⲛⲧⲟⲟⲧⲕ ⲉⲣⲟϥ

17 ⲡⲱⲛϩ ⲙⲛⲡⲙⲟⲩ ⲙⲡⲉⲙⲧⲟ ⲉⲃⲟⲗ ⲛⲛⲣⲱⲙⲉ ⲁⲩⲱ ⲡⲉⲧⲕⲟⲩⲁϣϥ ⲥⲉⲛⲁⲧⲁⲁϥ ⲛⲁⲕ

18 ϫⲉⲟⲩⲛⲟϭ ⲧⲉ ⲧⲥⲟⲫⲓⲁ ⲙⲡϫⲟⲉⲓⲥ ϥⲧⲏⲕ ϩⲛⲧⲉϥϭⲟⲙ ⲁⲩⲱ ϥϭⲱϣⲧ ⲉϫⲱⲟⲩ ⲧⲏⲣⲟⲩ

19 ⲉⲣⲉⲛⲉϥⲃⲁⲗϭⲱϣⲧ ⲉϫⲛⲛⲉⲧⲣϩⲟⲧⲉ ϩⲏⲧϥ ⲁⲩⲱ ⲛⲧⲟϥ ⲡⲉⲧⲛⲁⲉⲓⲙⲉ ⲉⲛⲉϩⲃⲏⲩⲉ ⲧⲏⲣⲟⲩ ⲛⲛⲣⲱⲙⲉ

20 ⲙⲡϥϩⲱⲛ ⲉⲧⲟⲟⲧϥ ⲛⲗⲁⲁⲩ ⲉⲣϣⲁⲛⲧⲉ ⲁⲩⲱ ⲙⲡϥ...