Psalms 97 — Aramaic (Peshitta)

1 ܡܪܝܐ ܐܡܠܟ ܬܕܘܨ ܐܪܥܐ ܢܚ̈ܕܝܢ ܓܙܪ̈ܬܐ ܣ̈ܓܝܐܬܐ

2 ܥܢ̈ܢܐ ܘܥܪ̈ܦܠܐ ܚܕܪ̈ܘܗܝ ܒܙܕܝܩܘܬܐ ܘܒܕܝܢܐ ܡܬܩܢ ܟܘܪܣܝܗ

3 ܢܘܪܐ ܬܐܟܘܠ ܩܕܡܘܗܝ ܘܬܘܩܕ ܠܒ̈ܥܠܕܒܒܘܗܝ

4 ܐܢܗܪܘ ܒܪ̈ܩܘܗܝ ܠܬܒܝܠ ܚܙܬ ܘܐܬܕܠܚܬ ܐܪܥܐ

5 ܘܛܘܪ̈ܐ ܐܝܟ ܫܥܘܬܐ ܐܬܦܫܪܘ ܡܢ ܩܕܡ ܡܪܝܐ ܡܪܐ ܕܟܠܗ̇ ܐܪܥܐ

6 ܚܘܝܘ ܫܡܝܐ ܙܕܝܩܘܬܗ ܘܚܙܘ ܟܠܗܘܢ ܥܡ̈ܡܐ ܐܝܩܪܗ

7 ܢܒܗܬܘܢ ܟܠ ܕܥܒܕܝܢ ܦܬܟܪ̈ܐ ܘܡܫܬܒܗܪܝܢ ܒ̈ܓܠܝܦܐ ܣܓܘܕܘ ܠܗ ܟܘܠܗܘܢ ܡܠܐ̈ܟܘܗܝ

8 ܬܫܡܥ ܘܬܚܕܐ ܨܗܝܘܢ ܘܢܕܘ̈ܨܢ ܒܢ̈ܬ ܝܗܘܕܐ ܡܛܠ ܕܝܢ̈ܝܟ ܡܪܝܐ

9 ܡܛܠ ܕܐܢܬ ܗܘ ܡܪܝܐ ܡܪܝܡܐ ܥܠ ܟܠܗ̇ ܐܪܥܐ ܘܛܒ ܐܬܬܪܝܡܬ ܥܠ ܟܠܗܘܢ ܐ̈ܠܗܐ

10 ܪ̈ܚܡܘܗܝ ܕܡܪܝܐ ܣܢܝܢ ܠܒܝܫ̈ܬܐ ܘܢܛܪ ܢܦܫ̈ܬܐ ܕܙܕܝܩ̈ܘܗܝ ܘܡܢ ܐܝܕܐ ܕܪ̈ܫܝܥܐ ܢܦܨܐ ܐܢܘܢ

11 ܢܘܗܪܐ ܕܕܢܚ ܠܙܕܝ̈ܩܐ ܘܠܬܪ̈ܝܨܝ ܠܒܐ ܚܕܘܬܐ

12 ܚܕܘ ܙܕܝܩ̈ܐ ܒܡܪܝܐ ܘܐܘܕܘ ܠܕܘܟܪܢܐ ܕܩܘܕܫܗ