Psalms 98 — Aramaic (Peshitta)

1 ܫܒܚܘ ܠܡܪܝܐ ܬܫܒܘܚܬܐ ܚܕܬܐ ܡܛܘܠ ܕܬܕܡܘܪܬܐ ܥܒܕ ܦܪܩܬܗ ܝܡܝܢܗ ܘܕܪܥܗ ܩܕܝܫܐ

2 ܚܘܝ ܡܪܝܐ ܦܘܪܩܢܗ ܘܠܥܝܢ ܥܡ̈ܡܐ ܓܠܐ ܙܕܝܩܘܬܗ

3 ܐܬܕܟܪ ܛܝܒܘܬܗ ܘܗܝܡܢܘܬܗ ܠܕܒܝܬ ܐܝܣܪܝܠ ܘܚܙܘ ܟܠܗܘܢ ܥܒܪ̈ܝܗ̇ ܕܐܪܥܐ ܦܘܪܩܢܗ ܕܐܠܗܢ

4 ܫܒܚܘ ܠܡܪܝܐ ܟܠܗ̇ ܐܪܥܐ ܐܬܦܨܚܘ ܘܙܡܪܘ ܘܫܒܚܘ

5 ܙܡܪܘ ܠܡܪܝܐ ܒܟܢܪ̈ܐ ܘܒܩܠܐ ܕܙܡܪܐ

6 ܘܒܩܠܐ ܕܩܪ̈ܢܬܐ ܫܒܚܘ ܩܕܡ ܡܠܟܐ ܡܪܝܐ

7 ܢܙܘܥ ܝܡܐ ܒܡܠܐܗ ܬܒܝܠ ܘܥܡܘܪ̈ܝܗ̇

8 ܢܗܪ̈ܘܬܐ ܢܩܫܘܢ ܟܦܐ ܐܟܚܕܐ ܘܛܘܪ̈ܐ ܢܫܒܚܘܢ

9 ܩܕܡ ܡܪܝܐ ܕܐܬܐ ܠܡܕܢܗ̇ ܠܐܪܥܐ ܕܐܢ ܬܒܝܠ ܒܙܕܝܩܘܬܐ ܘܠܥܡ̈ܡܐ ܒܬܪܝܨܘܬܐ