Read Psalms 83 side by side with translations · The Final Bible
1 ⲉⲡϫⲱⲕ ⲉⲃⲟⲗ ϩⲁⲛⲉϩⲣⲱⲧ ⲡⲉⲯⲁⲗⲙⲟⲥ ⲛⲛϣⲏⲣⲉ ⲛⲕⲟⲣⲉ
2 ⲉϣϫⲉ ϩⲉⲛⲙⲉⲣⲓⲧ ⲛⲉ ⲛⲉⲕⲙⲁ ⲛϣⲱⲡⲉ ⲡϫⲟⲉⲓⲥ ⲛⲛϭⲟⲙ
3 ⲁⲧⲁⲯⲩⲭⲏ ⲟⲩⲁϣⲟⲩ ⲁⲩⲱ ⲁⲥϣⲱⲥⲙ ⲛⲥⲁⲛⲉⲕⲁⲩⲗⲏ ⲡϫⲟⲉⲓⲥ ⲁⲡⲁϩⲏⲧ ⲙⲛⲧⲁⲥⲁⲣⲝ ⲧⲉⲗⲏⲗ ⲉϫⲙⲡⲛⲟⲩⲧⲉ ⲉⲧⲟⲛϩ
4 ⲕⲁⲓ ⲅⲁⲣ ⲁⲩϫⲁϫ ϭⲛⲟⲩⲏⲓ ⲛⲁϥ ⲁⲩⲱ ⲁⲩϭⲣⲙⲡϣⲁⲛ ϭⲛⲟⲩⲙⲁϩ ⲛⲁⲥ ⲡⲙⲁ ⲉⲧⲥⲛⲁⲕⲁⲛⲉⲥϣⲏⲣⲉ ⲛϩⲏⲧϥ
5 ⲛⲉⲕⲑⲩⲥⲓⲁⲥⲧⲏⲣⲓⲟⲛ ⲡϫⲟⲉⲓⲥ ⲛⲛϭⲟⲙ ⲡⲁⲣⲣⲟ ⲁⲩⲱ ⲡⲁⲛⲟⲩⲧⲉ
6 ⲛⲁⲓⲁⲧⲟⲩ ⲛⲟⲩⲟⲛ ⲛⲓⲙ ⲉⲧⲟⲩⲏϩ ϩⲙⲡⲉⲕⲏⲓ ⲥⲉⲛⲁⲥⲙⲟⲩ ⲉⲣⲟⲕ ϣⲁⲉⲛⲉϩ ⲛⲉⲛⲉϩ ⲇⲓⲁⲯⲁⲗⲙⲁ ⲛⲁⲓⲁⲧϥ ⲙⲡⲣⲱⲙⲉ ⲉⲧⲕⲛⲁϣⲟⲡϥ ⲉⲣⲟⲕ ⲡϫⲟⲉⲓⲥ
7 ⲁϥⲕⲱ ⲛϩⲉⲛⲙⲉⲉⲩⲉ ϩⲙⲡⲉϥϩⲏⲧ ⲉⲡⲉⲓⲁ ⲙⲡⲣⲓⲙⲉ ⲡⲙⲁ ⲉⲛⲧⲁϥⲥⲙⲛⲧϥ ⲕⲁⲓ ⲅⲁⲣ ⲡⲉⲧⲥⲙⲛⲛⲟⲙⲟⲥ ⲛⲁϯ ⲛϩⲉⲛⲥⲙⲟⲩ
8 ⲥⲉⲛⲁⲙⲟⲟϣⲉ ⲉⲃⲟⲗ ϩⲛⲟⲩϭⲟⲙ ⲉⲩϭⲟⲙ ⲡⲛⲟⲩⲧⲉ ⲛⲛⲛⲟⲩⲧⲉ ⲛⲁⲟⲩⲱⲛϩ ⲉⲃⲟⲗ ϩⲛⲥⲓⲱⲛ
9 ⲥⲱⲧⲙ ⲉⲡⲁϣⲗⲏⲗ ⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ϫⲓⲥⲙⲏ ⲉⲣⲟⲓ ⲡⲛⲟⲩⲧⲉ ⲛⲓⲁⲕⲱⲃ ⲇⲓⲁⲯⲁⲗⲙⲁ
10 ⲁⲛⲁⲩ ⲡⲛⲟⲩⲧⲉ ⲧⲉⲛⲛⲁϣⲧⲉ ⲛⲅϭⲱϣⲧ ⲉϫⲙⲡϩⲟ ⲙⲡⲉⲕⲭⲣⲓⲥⲧⲟⲥ
11 ϫⲉⲛⲁⲛⲟⲩⲟⲩϩⲟⲟⲩ ⲛⲟⲩⲱⲧ ϩⲛⲛⲉⲕⲁⲩⲗⲏ ⲉϩⲟⲩⲉ ϣⲟ ⲙⲡⲉⲩⲃⲟⲗ ⲁⲓⲥⲟⲧⲡⲥ ⲛⲁⲓ ⲛϩⲟⲩⲟ ⲉⲧⲣⲉⲩⲛⲟϫⲧ ϩⲙⲡⲏⲓ ⲙⲡⲛⲟⲩⲧⲉ ⲉϩⲟⲩⲉ ⲟⲩⲱϩ ϩⲛⲙⲙⲁ ⲛϣⲱⲡⲉ ⲛⲛⲣⲉϥⲣⲛⲟⲃⲉ
12 ϫⲉⲡϫⲟⲉⲓⲥ ⲡⲛⲟⲩⲧⲉ ⲙⲉ ⲙⲡⲛⲉⲩⲙⲁ ⲙⲛⲧⲙⲉ ⲁⲩⲱ ϥⲛⲁϯ ⲛⲟⲩⲭⲁⲣⲓⲥ ⲙⲛⲟⲩⲉⲟⲟⲩ ⲛⲉⲧⲙⲟⲟϣⲉ ϩⲛⲟⲩⲙⲛⲧⲃⲁⲗϩⲏⲧ ⲙⲡϫⲟⲉⲓⲥ ⲛⲁϥⲟϭⲟⲩ ⲁⲛ ⲛⲛⲁⲅⲁⲑⲟⲛ
13 ⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ⲛⲁⲓⲁⲧϥ ⲙⲡⲣⲱⲙⲉ ⲉⲧⲛⲁϩⲉⲗⲡⲓⲍⲉ ⲉⲣⲟⲕ
Psalms 82 · Psalms 84 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)