Read Psalms 64 side by side with translations · The Final Bible
1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲧⲱⲇⲏ ⲉⲇⲁⲩⲉⲓⲇ ⲛⲓⲉⲣⲏⲙⲓⲁⲥ ⲙⲛⲓⲉⲍⲉⲕⲓⲏⲗ ⲉⲃⲟⲗ ϩⲙⲡϣⲁϫⲉ ⲙⲡⲙⲁ ⲛϭⲟⲓⲗⲉ ⲉⲩⲛⲏⲩ ⲉⲃⲟⲗ
2 ⲉⲣⲉⲡⲥⲙⲟⲩ ⲡⲣⲉⲡⲉⲓ ⲛⲁⲕ ⲡⲛⲟⲩⲧⲉ ϩⲛⲥⲓⲱⲛ ⲁⲩⲱ ⲉⲩⲛⲁϯ ⲛⲁⲕ ⲛⲛⲉⲩⲉⲣⲏⲧ ϩⲛⲧϩⲓⲉⲣⲟⲩⲥⲁⲗⲏⲙ
3 ⲥⲱⲧⲙ ⲉⲡⲉⲛϣⲗⲏⲗ ⲉⲣⲉⲟⲩoⲛ ⲛⲓⲙ ⲛⲏⲩ ⲉⲣⲁⲧⲕ
4 ⲁⲛϣⲁϫⲉ ⲛⲛⲁⲛⲟⲙⲟⲥ ϭⲙϭⲟⲙ ⲉⲣⲟⲛ ⲁⲩⲱ ⲛⲧⲟⲕ ⲉⲧⲛⲁⲕⲱ ⲉⲃⲟⲗ ⲛⲛⲉⲛⲙⲛⲧϣⲁϥⲧⲉ
5 ⲛⲁⲓⲁⲧϥ ⲙⲡⲉⲛⲧⲁⲕⲥⲟⲧⲡϥ ⲁⲕϣⲟⲡϥ ⲉⲣⲟⲕ ϥⲛⲁⲟⲩⲱϩ ϩⲛⲛⲉⲕⲁⲩⲗⲏ ⲧⲛⲛⲁⲥⲉⲓ ⲉⲃⲟⲗ ϩⲛⲛⲁⲅⲁⲑⲟⲛ ⲙⲡⲉⲕⲏⲓ ⲡⲉⲕⲣⲡⲉ ⲟⲩⲁⲁⲃ ⲟⲩϣⲡⲏⲣⲉ ⲡⲉ ϩⲛⲧⲇⲓⲕⲁⲓⲟⲥⲩⲛⲏ
6 ⲥⲱⲧⲙ ⲉⲣⲟⲛ ⲡⲛⲟⲩⲧⲉ ⲡⲉⲛⲥⲱⲧⲏⲣ ⲧϩⲉⲗⲡⲓⲥ ⲛⲛⲉⲕⲣⲣⲱⲟⲩ ⲧⲏⲣⲟⲩ ⲙⲡⲕⲁϩ
7 ⲁⲩⲱ ⲛⲉⲧϩⲛⲑⲁⲗⲁⲥⲥⲁ ⲉⲧⲟⲩⲏⲩ ⲡⲉⲧⲥⲟⲃⲧⲉ ⲛⲛⲧⲟⲟⲩ ϩⲛⲧⲉϥϭⲟⲙ ⲉⲧⲙⲏⲣ ϩⲛⲟⲩϭⲟⲙ
8 ⲡⲉⲧϣⲧⲟⲣⲧⲣ ⲙⲡⲟⲩⲱϣⲥ ⲛⲧⲑⲁⲗⲁⲥⲥⲁ ⲉⲧⲁϣⲏ ⲙⲡⲉϩⲣⲟⲟⲩ ⲛⲛⲉⲥϩⲟⲉⲓⲙ
9 ⲥⲉⲛⲁϣⲧⲟⲣⲧⲣ ⲛϭⲓⲛϩⲉⲑⲛⲟⲥ ⲛⲥⲉⲣϩⲟⲧⲉ ⲛϭⲓⲛⲉⲧⲟⲩⲏϩ ϩⲛⲛⲉⲕⲣⲣⲱⲟⲩ ϩⲏⲧⲟⲩ ⲛⲛⲉⲕⲙⲁⲉⲓⲛ ⲕⲛⲁϯⲟⲩⲛⲟϥ ⲛⲛⲉϩⲓⲟⲟⲩⲉ ⲉϩⲧⲟⲟⲩⲉ ⲙⲛⲣⲟⲩϩⲉ
10 ⲁⲕϭⲙⲡϣⲓⲛⲉ ⲙⲡⲕⲁϩ ⲁⲕⲧⲣⲉϥϯϩⲉ ⲁⲕⲧⲁϣⲉⲁⲁϥ ⲛⲣⲙⲙⲁⲟ ⲁⲡⲉⲓⲉⲣⲟ ⲙⲡⲛⲟⲩⲧⲉ ⲙⲟⲩϩ ⲙⲙⲟⲟⲩ ⲁⲕⲥⲟⲃⲧⲉ ⲛⲧⲉⲩϩⲣⲉ ϫⲉⲡⲁⲓ ⲡⲉ ⲡⲉⲩⲥⲟⲃⲧⲉ
11 ⲙⲁⲣⲉⲛⲉϥⲧⲗⲟⲙ ϯϩⲉ ⲙⲁⲧⲁϣⲉⲛⲉϥϭⲣⲱⲱϭ ϥⲛⲁⲉⲩⲫⲣⲁⲛⲉ ϩⲛⲛⲧⲉⲗϯⲗⲉ ⲉϥϯⲟⲩⲱ
12 ⲕⲛⲁⲥⲙⲟⲩ ⲉⲡⲉⲕⲗⲟⲙ ⲛⲧⲉⲣⲟⲙⲡⲉ ⲛⲧⲉⲕⲙⲛⲧⲭⲣⲏⲥⲧⲟⲥ ⲛⲥⲱϣⲉ ⲛⲁⲟⲩⲱⲱⲗⲉ
13 ⲛⲧⲟⲟⲩ ⲛⲧⲉⲣⲏⲙⲟⲥ ⲛⲁⲟⲩⲣⲟⲧ ⲛⲧⲉⲛⲥⲓⲃⲧ ⲙⲟⲣⲟⲩ ⲙⲡⲧⲉⲗⲏⲗ
14 ⲛⲧⲉⲛⲉⲓⲁ ⲧⲁϣⲉⲡⲉⲩⲥⲟⲩⲟ ⲁⲛⲟⲉⲓⲗⲉ ⲛⲉⲥⲟⲟⲩ ⲣⲱⲧ ⲥⲉⲛⲁϫⲓϣⲕⲁⲕ ⲉⲃⲟⲗ ⲕⲁⲓ ⲅⲁⲣ ⲥⲉⲛⲁⲥⲙⲟⲩ
Psalms 63 · Psalms 65 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)