Read Psalms 61 side by side with translations · The Final Bible
1 ⲉⲡϫⲱⲕ ⲉⲃⲟⲗ ϩⲁⲓⲇⲓⲑⲟⲩⲛ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ
2 ⲙⲏ ⲉⲣⲉⲧⲁⲯⲩⲭⲏ ⲛⲁϩⲩⲡⲟⲧⲁⲥⲥⲉ ⲁⲛ ⲙⲡⲛⲟⲩⲧⲉ ⲉⲣⲉⲡⲁⲟⲩϫⲁⲓ ⲅⲁⲣ ϩⲁⲧⲏϥ
3 ⲕⲁⲓ ⲅⲁⲣ ⲛⲧⲟϥ ⲡⲉ ⲡⲛⲟⲩⲧⲉ ⲡⲁⲥⲱⲧⲏⲣ ⲡⲁⲣⲉϥϣⲟⲡⲧ ⲉⲣⲟϥ ⲛϯⲛⲁⲕⲓⲙ ⲁⲛ ⲉⲡⲉϩⲟⲩⲟ
4 ϣⲁⲧⲛⲁⲩ ⲧⲉⲧⲛⲧⲱⲟⲩⲛ ⲉϫⲙⲡⲣⲱⲙⲉ ⲧⲉⲧⲛϩⲱⲧⲃ ⲧⲏⲣⲧⲛ ⲛⲧϩⲉ ⲛⲟⲩϫⲟ ⲉⲁⲥⲣⲓⲕⲉ ⲁⲩⲱ ⲟⲩϫⲟⲗϫⲗ ⲉⲁϥⲟⲩⲱⲗⲥ
5 ⲡⲗⲏⲛ ⲁⲩϫⲓϣⲟϫⲛⲉ ⲉⲕⲱ ⲛⲥⲱⲟⲩ ⲛⲧⲁⲧⲓⲙⲏ ⲁⲩⲡⲱⲧ ϩⲓⲟⲩⲥⲟⲡ ϩⲙⲡϭⲟⲗ ⲛⲉⲩⲥⲙⲟⲩ ⲡⲉ ϩⲛⲧⲉⲩⲧⲁⲡⲣⲟ ⲉⲩⲥⲁϩⲟⲩ ϩⲙⲡⲉⲩϩⲏⲧ ⲇⲓⲁⲯⲁⲗⲙⲁ
6 ⲡⲗⲏⲛ ⲧⲁⲯⲩⲭⲏ ϩⲩⲡⲟⲧⲁⲥⲥⲉ ⲙⲡϫⲟⲉⲓⲥ ⲉⲣⲉⲧⲁϩⲩⲡⲟⲙⲟⲛⲏ ⲅⲁⲣ ϩⲁⲧⲏϥ
7 ϫⲉⲛⲧⲟϥ ⲡⲉ ⲡⲛⲟⲩⲧⲉ ⲡⲁⲥⲱⲧⲏⲣ ⲡⲁⲣⲉϥϣⲟⲡⲧ ⲉⲣⲟϥ ⲛϯⲛⲁⲕⲓⲙ ⲁⲛ
8 ⲉⲣⲉⲡⲁⲟⲩϫⲁⲓ ϩⲓⲡⲁⲛⲟⲩⲧⲉ ⲁⲩⲱ ⲡⲁⲉⲟⲟⲩ ⲡⲉ ⲡⲛⲟⲩⲧⲉ ⲛⲧⲁⲃⲟⲏⲑⲓⲁ ⲧⲁϩⲉⲗⲡⲓⲥ ⲡⲉ ⲡⲛⲟⲩⲧⲉ
9 ⲛⲁϩⲧⲉ ⲉⲣⲟϥ ⲥⲩⲛⲁⲅⲱⲅⲏ ⲛⲓⲙ ⲛⲗⲁⲟⲥ ⲡⲱϩⲧ ⲛⲛⲉⲧⲛϩⲏⲧ ⲙⲡⲉϥⲙⲧⲟ ⲉⲃⲟⲗ ⲇⲓⲁⲯⲁⲗⲙⲁ ⲡⲛⲟⲩⲧⲉ ⲡⲉ ⲡⲉⲛⲃⲟⲏⲑⲟⲥ
10 ⲡⲗⲏⲛ ⲛϣⲏⲣⲉ ⲛⲛⲣⲱⲙⲉ ϣⲟⲩⲉⲓⲧ ϩⲉⲛⲛⲟⲩϫ ⲛⲉ ⲛϣⲏⲣⲉ ⲛⲛⲣⲱⲙⲉ ϩⲛⲛⲛⲁϩⲃⲉϥ ⲛϫⲓⲛϭⲟⲛⲥ ⲛⲧⲟⲟⲩ ⲉⲩϩⲓⲛⲉⲩⲉⲣⲏⲩ ⲉⲃⲟⲗ ϩⲛⲧⲙⲛⲧⲉⲡⲣⲁ
11 ⲙⲡⲣⲛⲁϩⲧⲉ ⲉϫⲓⲛϭⲟⲛⲥ ⲙⲡⲣⲕⲁϩⲧⲏⲧⲛ ⲉⲧⲱⲣⲡ ⲟⲩⲙⲛⲧⲣⲙⲙⲁⲟ ⲉⲥϣⲁⲛⲉⲓ ⲙⲡⲣⲕⲁϩⲧⲏⲧⲛ ⲉⲣⲟⲥ
12 ⲡⲛⲟⲩⲧⲉ ⲁϥϣⲁϫⲉ ⲛⲟⲩⲥⲟⲡ ⲁⲓⲥⲉⲧⲙⲛⲁⲓ ⲛⲥⲉⲡⲥⲛⲁⲩ ϫⲉⲡⲁⲙⲁϩⲧⲉ ⲡⲁⲡⲛⲟⲩⲧⲉ ⲡⲉ
13 ⲁⲩⲱ ⲡⲱⲕ ⲡϫⲟⲉⲓⲥ ⲡⲉ ⲡⲛⲉⲩⲙⲁ ϫⲉⲛⲧⲟⲕ ⲡⲉⲧⲛⲁϯ ⲙⲡⲟⲩⲁ ⲡⲟⲩⲁ ⲕⲁⲧⲁⲛⲉϥϩⲃⲏⲩⲉ
Psalms 60 · Psalms 62 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)