Psalms 53 — Aramaic (Peshitta)

2 ܐܡܪ ܥܘܠܐ ܒܠܒܗ ܕܠܝܬ ܐܠܗܐ ܐܬܚܒܠܘ ܘܐܬܛܢܦܘ ܒܥܘܠܗܘܢ ܘܠܝܬ ܕܥܒܕ ܛܒܬܐ

3 ܐܠܗܐ ܐܕܝܩ ܡܢ ܫܡܝܐ ܥܠ ܒܢܝܢܫ̈ܐ ܕܢܚܙܐ ܐܢ ܐܝܬ ܕܣܟܘܠܬܢ ܘܒܥܐ ܠܐܠܗܐ

4 ܟܠܗܘܢ ܣܛܘ ܐܟܚܕܐ ܘܐܬܛܢܦܘ ܘܠܝܬ ܕܥܒܕ ܛܒܬܐ ܐܦ ܠܐ ܚܕ

5 ܘܠܐ ܝܕܥܘ ܟܠ ܥܒ̈ܕܝ ܥܘܠܐ ܐܝܠܝܢ ܕܐܟܠܝܢ ܗܘܘ ܠܥܡܝ ܡܐܟܘܠܬܐ ܕܠܚܡܐ ܘܠܐܠܗܐ ܠܐ ܩܪܘ

6 ܬܡܢ ܕܚܠܘ ܕܚܠܬܐ ܐܬܪ ܕܠܝܬ ܗܘܐ ܕܚܠܬܐ ܡܛܠ ܕܐܠܗܐ ܢܒܕܪ ܓܪ̈ܡܝܗܘܢ ܕܐܝܠܝܢ ܕܫܦܪܝܢ ܠܒܢ̈ܝ ܐܢܫܐ ܒܗܬܘ ܡܛܠ ܕܐܠܗܐ ܐܣܠܝ ܐܢܘܢ

7 ܡܢ ܢܬܠ ܡܢ ܨܗܝܘܢ ܦܘܪܩܢܐ ܠܐܝܣܪܝܠ ܡܐ ܕܡܗܦܟ ܡܪܝܐ ܫܒܝܬܐ ܕܥܡܗ ܢܕܘܨ ܝܥܩܘܒ ܘܢܚܕܐ ܐܝܣܪܐܝܠ