Psalms 52 — Aramaic (Peshitta)

3 ܠܡܢܐ ܡܫܬܒܗܪ ܐܢܬ ܒܒܝܫܬܐ ܓܢܒܪܐ ܘܥܠ ܡܚܣܝܐ ܟܠܝܘܡ

4 ܥܘܠܐ ܡܬܚܫܒ ܠܫܢܟ ܘܐܝܟ ܡܕܟܝܐ ܕܠܛܝܫ ܥܒܕܬ ܢܟܠܐ

5 ܪܚܡܬ ܒܝ̈ܫܬܐ ܡܢ ܛܒ̈ܬܐ ܘܕܓܠܘܬܐ ܡܢ ܡܡܠܠܐ ܕܙܕܝܩܘܬܐ

6 ܪܚܡܬ ܠܟܠ ܕܡܡܠܠܝܢ ܥܘܠܐ ܘܠܠܫ̈ܢܐ ܢܟܘ̈ܠܬܢܐ

7 ܡܛܘܠ ܗܢܐ ܐܠܗܐ ܢܥܩܪܝܘܗܝ ܘܢܣܚܦܝܘܗܝ ܠܥܠܡ ܡܢ ܡܫܟܢܗ ܘܥܩܪܗ ܡܢ ܐܪܥܐ ܕܚ̈ܝܐ

8 ܕܢܚܙܘܢ ܙܕܝܩ̈ܐ ܘܢܚܕܘܢ ܘܢܣܒܪܘܢ ܒܡܪܝܐ

9 ܘܢܐܡܪܘܢ ܕܗܢܘ ܓܒܪܐ ܕܠܐ ܥܒܕ ܠܐܠܗܐ ܬܘܟܠܢܗ ܐܠܐ ܐܬܬܟܠ ܥܠ ܣܘܓܐܐ ܕܥܘܬܪܗ ܘܐܬܬܪܝܡ ܒܩܢܝܢܗ

10 ܘܐܢܐ ܐܝܟ ܙܝܬܐ ܡܫܒܚܐ ܒܒܝܬܗ ܕܐܠܗܐ ܣܒܪܬ ܒܛܝܒܘܬܗ ܕܐܠܗܐ ܠܥܠܡ ܘܠܥܠܡ ܥܠܡܝܢ

11 ܐܘܕܐ ܠܟ ܠܥܠܡ ܕܥܒܕܬ ܘܐܣܒܪ ܫܡܟ ܠܕܪܕܪܝܢ ܠܘܩܒܠ ܙܕܝܩ̈ܝܟ