Read Psalms 51 side by side with translations · The Final Bible
1 ⲉⲡϫⲱⲕ ⲉⲃⲟⲗ ⲛⲧⲙⲛⲧⲣⲙⲛϩⲏⲧ ⲛⲇⲁⲩⲉⲓⲇ
2 ϩⲙⲡⲧⲣⲉⲇⲱⲏⲕ ⲡⲓⲇⲟⲩⲙⲁⲓⲟⲥ ⲉⲓ ⲛϥϫⲟⲟⲥ ⲛⲥⲁⲟⲩⲗ ϫⲉⲁⲇⲁⲩⲉⲓⲇ ⲉⲓ ⲉⲡⲏⲓ ⲛⲁⲭⲓⲙⲉⲗⲉⲭ
3 ⲁϩⲣⲟϥ ϥϣⲟⲩϣⲟⲩ ⲙⲙⲟϥ ⲛϭⲓⲡⲇⲩⲛⲁⲧⲟⲥ ϩⲛⲧⲕⲁⲕⲓⲁ ⲙⲡⲉϩⲟⲟⲩ ⲧⲏⲣϥ
4 ⲁⲡⲉⲕⲗⲁⲥ ⲙⲉⲗⲉⲧⲁ ⲛⲟⲩϫⲓⲛϭⲟⲛⲥ ⲛⲧϩⲉ ⲛⲟⲩⲧⲟⲕ ⲉϥⲧⲏⲙ ⲁⲕⲉⲓⲣⲉ ⲛⲟⲩⲕⲣⲟϥ
5 ⲁⲕⲙⲉⲣⲉⲡⲡⲉⲧϩⲟⲟⲩ ⲉϩⲟⲩⲉ ⲡⲡⲉⲧⲛⲁⲛⲟⲩϥ ⲡϫⲓⲛϭⲟⲛⲥ ⲉϩⲟⲩⲉ ⲛϣⲁϫⲉ ⲛⲧⲇⲓⲕⲁⲓⲟⲥⲩⲛⲏ
6 ⲁⲕⲙⲉⲣⲉⲛϣⲁϫⲉ ⲧⲏⲣⲟⲩ ⲙⲡⲱⲙⲥ ⲛⲟⲩⲗⲁⲥ ⲛⲕⲣⲟϥ
7 ⲉⲧⲃⲉⲡⲁⲓ ⲁⲡⲛⲟⲩⲧⲉ ϣⲣϣⲱⲣⲕ ϣⲁⲃⲟⲗ ⲉϥⲉϥⲟϭⲕ ⲁⲩⲱ ⲛϥⲡⲟⲟⲛⲉⲕ ⲉⲃⲟⲗ ϩⲙⲡⲉⲕⲙⲁ ⲛϣⲱⲡⲉ ⲁⲩⲱ ⲧⲉⲕⲛⲟⲩⲛⲉ ⲉⲃⲟⲗ ϩⲙⲡⲕⲁϩ ⲛⲛⲉⲧⲟⲛϩ ⲇⲓⲁⲯⲁⲗⲙⲁ
8 ⲥⲉⲛⲁⲛⲁⲩ ⲛϭⲓⲛⲇⲓⲕⲁⲓⲟⲥ ⲛⲥⲉⲣϩⲟⲧⲉ ⲛⲥⲉⲥⲱⲃⲉ ⲉϩⲣⲁⲓ ⲉϫⲱϥ ⲛⲥⲉϫⲟⲟⲥ
9 ϫⲉⲉⲓⲥⲟⲩⲣⲱⲙⲉ ⲉⲙⲡϥⲕⲁ ⲡⲛⲟⲩⲧⲉ ⲛⲁϥ ⲛⲃⲟⲏⲑⲟⲥ ⲁⲗⲗⲁ ⲁϥϩⲉⲗⲡⲓⲍⲉ ⲉϫⲙⲡⲁϣⲁⲓ ⲛⲧⲉϥⲙⲛⲧⲣⲙⲙⲁⲟ ⲁⲩⲱ ⲁϥϭⲙϭⲟⲙ ⲉϩⲣⲁⲓ ⲉϫⲙⲡⲉϥⲡⲉⲧϣⲟⲩⲉⲓⲧ
10 ⲁⲛⲟⲕ ⲇⲉ ⲉⲓⲟ ⲛⲧϩⲉ ⲛⲟⲩⲃⲱ ⲛϫⲟⲉⲓⲧ ϩⲁⲡⲉⲥⲟⲩⲧⲁϩ ϩⲙⲡⲏⲓ ⲙⲡⲛⲟⲩⲧⲉ ⲁⲓϩⲉⲗⲡⲓⲍⲉ ⲉⲡⲛⲉⲩⲙⲁ ⲙⲡⲛⲟⲩⲧⲉ ϣⲁⲉⲛⲉϩ ⲁⲩⲱ ϣⲁⲉⲛⲉϩ ⲛⲉⲛⲉϩ
11 ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ϣⲁⲉⲛⲉϩ ϫⲉⲁⲕⲉⲓⲣⲉ ⲛⲁⲓ ⲁⲩⲱ ϯⲛⲁϩⲩⲡⲟⲙⲉⲓⲛⲉ ⲉⲡⲉⲕⲛⲁ ϫⲉⲟⲩⲭⲣⲏⲥⲧⲟⲥ ⲡⲉ ⲙⲡⲉⲙⲧⲟ ⲉⲃⲟⲗ ⲛⲛⲉⲕⲡⲉⲧⲟⲩⲁⲁⲃ
Psalms 50 · Psalms 52 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)