Psalms 114 — Coptic (Sahidic)

1 ⲁⲗⲗⲏⲗⲟⲩⲓⲁ ⲁⲓⲙⲉⲣⲉⲡⲁⲓ ϫⲉⲡϫⲟⲉⲓⲥ ⲛⲁⲥⲱⲧⲙ ⲉⲡⲉϩⲣⲟⲟⲩ ⲙⲡⲁⲥⲟⲡⲥ

2 ϫⲉⲁϥⲣⲉⲕⲧⲡⲉϥⲙⲁⲁϫⲉ ⲉⲣⲟⲓ ϯⲛⲁⲱϣ ⲉϩⲣⲁⲓ ⲉⲣⲟϥ ϩⲛⲛⲁϩⲟⲟⲩ

3 ⲁⲩⲁⲙⲁϩⲧⲉ ⲙⲙⲟⲓ ⲛϭⲓⲛⲛⲁⲁⲕⲉ ⲙⲡⲙⲟⲩ ⲛⲕⲓⲛⲇⲩⲛⲟⲥ ⲛⲁⲙⲛⲧⲉ ⲁⲩⲧⲁϩⲟⲓ ⲁⲓϭⲓⲛⲉ ⲛⲟⲩⲑⲗⲓⲯⲓⲥ ⲙⲛⲟⲩⲙⲟⲕϩⲥ

4 ⲁⲓⲉⲡⲓⲕⲁⲗⲉⲓ ⲙⲡⲣⲁⲛ ⲙⲡϫⲟⲉⲓⲥ ⲱ ⲡϫⲟⲉⲓⲥ ⲛⲉϩⲙⲧⲁⲯⲩⲭⲏ

5 ⲟⲩⲛⲁϩⲏⲧ ⲁⲩⲱ ⲟⲩⲇⲓⲕⲁⲓⲟⲥ ⲡⲉ ⲡϫⲟⲉⲓⲥ ⲁⲩⲱ ⲡⲉⲛⲛⲟⲩⲧⲉ ϣⲁϥⲛⲁ

6 ⲡϫⲟⲉⲓⲥ ⲡⲉⲧϩⲁⲣⲉϩ ⲉⲛϣⲏⲣⲉ ⲕⲟⲩⲓ ⲁⲓⲑⲃⲃⲓⲟ ⲁⲩⲱ ⲁⲡϫⲟⲉⲓⲥ ⲧⲟⲩϫⲟⲓ

7 ⲁⲧⲁⲯⲩⲭⲏ ⲕⲧⲟⲥ ⲉⲩⲙⲧⲟⲛ ϫⲉⲁⲡϫⲟⲉⲓⲥ ⲣⲡⲡⲉⲧⲛⲁⲛⲟⲩⲓ ⲛⲁⲓ

8 ϫⲉⲁϥⲛⲉϩⲙⲧⲁⲯⲩⲭⲏ ⲉⲃⲟⲗ ϩⲙⲡⲙⲟⲩ ⲛⲁⲃⲁⲗ ⲉⲃⲟⲗ ϩⲙⲡⲣⲓⲙⲉ ⲛⲁⲟⲩⲉⲣⲏⲧⲉ ⲉⲡⲉⲥⲗⲁⲁⲧⲉ

9 ϯⲛⲁⲣⲁⲛⲁϥ ⲙⲡϫⲟⲉⲓⲥ ϩⲛⲧⲉⲭⲱⲣⲁ ⲛⲛⲉⲧⲟⲛϩ