Psalms 112 — Coptic (Sahidic)

1 ⲁⲗⲗⲏⲗⲟⲩⲓⲁ ⲧⲉⲭⲟⲣⲉⲓⲁ ⲛϩⲙϩⲁⲗ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲡⲣⲁⲛ ⲙⲡϫⲟⲉⲓⲥ

2 ⲉⲣⲉⲡⲣⲁⲛ ⲙⲡϫⲟⲉⲓⲥ ϣⲱⲡⲉ ⲉϥⲥⲙⲁⲙⲁⲁⲧ ϫⲓⲛⲧⲉⲛⲟⲩ ϣⲁⲉⲛⲉϩ

3 ⲁⲩⲱ ϫⲓⲛⲉⲛⲉϩ ϣⲁⲉⲛⲉϩ ϫⲓⲛⲡⲉⲉⲓⲃⲧ ϣⲁⲡⲉⲙⲛⲧ ⲥⲙⲟⲩ ⲉⲡⲣⲁⲛ ⲙⲡϫⲟⲉⲓⲥ

4 ⲡϫⲟⲉⲓⲥ ϫⲟⲥⲉ ⲉϫⲛⲛϩⲉⲑⲛⲟⲥ ⲧⲏⲣⲟⲩ ⲉⲣⲉⲡⲉϥⲉⲟⲟⲩ ϩⲛⲙⲡⲏⲩⲉ

5 ⲛⲓⲙ ⲡⲉⲧⲟ ⲛⲧϩⲉ ⲙⲡϫⲟⲉⲓⲥ ⲡⲉⲛⲛⲟⲩⲧⲉ

6 ⲡⲉⲧⲟⲩⲏϩ ϩⲛⲛⲉⲧϫⲟⲥⲉ ⲉⲧϭⲱϣⲧ ⲉϫⲛⲛⲉⲧⲑⲃⲃⲓⲏⲩ ϩⲛⲧⲡⲉ ⲁⲩⲱ ϩⲓϫⲙⲡⲕⲁϩ

7 ⲡⲉⲧⲧⲟⲩⲛⲟⲥ ⲙⲡϩⲏⲕⲉ ϩⲓϫⲙⲡⲕⲁϩ ⲉⲧϫⲓⲥⲉ ⲟⲩⲉⲃⲓⲏⲛ ⲉⲃⲟⲗ ϩⲛⲧⲕⲟⲡⲣⲓⲁ

8 ⲉⲑⲙⲥⲟϥ ⲙⲛⲛⲁⲣⲭⲱⲛ ⲙⲡⲉϥⲗⲁⲟⲥ

9 ⲡⲉⲧⲧⲣⲉⲟⲩⲁϭⲣⲏⲛ ⲟⲩⲱϩ ϩⲙⲡⲉⲥⲏⲓ ⲉⲥⲟ ⲙⲙⲁⲁⲩ ⲛϣⲏⲣⲉ ⲉⲥⲉⲩⲫⲣⲁⲛⲉ