1 ܛܘ̣ܒܘܗܝ ܠܒܪܢܫܐ ܕܡܥܬܕ ܠܒ̣ܗ ܠܡ̣ܩܪܐ ܒܫܡܗ ܕܡܪܝܐ
2 ܘܟܕ ܢܬܕܟܪ ܫܡܗ ܕܡܪܝܐ ܢܬܦ̣ܪܩ
3 ܘܐܘܪ̈ܚܬܗ ܡܬܪ̈ܨܢ ܡ̣ܢ ܩܕܡ ܡܪܝܐ ܘܡܢܛܪܝܢ ܥܒ̇ܕܐ ܕܐܝ̈ܕܘܗܝ ܡ̣ܢ ܐܠܗܗ
4 ܘܚܙܬܗ ܒܝ̣ܫܬܐ ܕܒܠܠܝܐ ܠܐ ܬܬܙܝ̣ܥܝ ܡܛܠ ܕܕܝ̣ܠܗ ܗ̣ܘ
5 ܘܢܦܫܗ ܒܥܒܪܐ ܕܢܗܪ̈ܘܬܐ̇ ܘܒܫܓܘ̣ܫܝܐ ܕܝܡ̈ܡܐ ܠܐ ܬܬܪܗܒ
6 ܩ̣ܡ ܓܝܪ ܡ̣ܢ ܫ̣ܢܬܗ ܘܫܒܚ ܠܫܡܗ ܕܡܪܝܐ
7 ܘܒܢܝ̇ܚܬܐ ܕܠܒܗ ܙܡܪ ܠܫܡܗ ܕܡܪܝܐ ܘܒܥ̣ܐ ܡ̣ܢ ܩܕܡ ܐܦ̈ܘܗܝ ܕܡܪܝܐ ܥܠ ܟ̇ܠܗ ܒ̣̇ܝܬܗ
8 ܘܡܪܝܐ ܫ̇ܡܥ ܒ̇ܥܘܬܐ ܕܟ̇ܠ ܕܒܕܚ̣ܠܬܗ ܗ̣ܘ ܘܟ̇ܠ ܫ̣ܠܐܬܐ ܕܢ̣̇ܦܫܐ ܕܡܣܒܪܐ ܒܗ ܘܡܫ̣̇ܡܠܐ ܡܪܝܐ
9 ܒܪܝ̣ܟ ܗ̣ܘ ܕܥ̇ܒܕ ܪ̈ܚ̣ܡܐ ܥܠ ܐܝܠܝܢ ܕܡ̣̇ܚܒܝܢ ܠܗ ܒܫܪܪܐ
Psalms of Solomon 5 · Psalms of Solomon 7 · Greek (Septuagint / SBLGNT)