Psalms of Solomon 14 — Aramaic (Peshitta)

1 ܡܗܝܡ̣ܢ ܡܪܝܐ ܠܐܝܠܝܢ ܕܡ̣̇ܚܒܝܢ ܠܗ ܒܫܪܪܐ ܠܗ̇ܢܘܢ̇ ܕܡܣ̣ܝܒܪܝܢ ܡ̣̇ܪܕܘܬܗ ܠܗ̇ܢܘܢ̇ ܕܡܗܠܟܝܢ ܒܙܕܝܩܘܬܐ ܒܦܘ̣ܩ̈ܕܢܘܗܝ ܢ̇ܡܘ̇ܣܐ ܝܗ̣ܒ ܠܢ ܠܚ̈ܝܝܢ

2 ܘܚܣ̈ܝܘܗܝ ܕܡܪܝܐ ܢܐܚܘܢ ܒܗ ܠܥ̇ܠܡ ܦܪܕܝܣܗ ܕܡܪܝܐ ܐܝ̈ܠܢܐ̣ ܕܚ̈ܝܐ ܕܐܝ̣ܬܝܗܘܢ̇ ܚܣ̈ܝܘܗܝ

3 ܘܢ̣ܨܒܬܗܘܢ ܡܫܪܪܐ ܠܥ̇ܠܡ ܘܠܐ ܢܬ̣ܥܩܪܘܢ ܟ̇ܠܗܘܢ̇ ܝܘܡ̈ܬܐ ܕܫܡ̇ܝܐ ܡܛܠ ܕܡܢ̇ܬܗ ܕܡܪܝܐ ܘܝ̇ܪܬܘܬܗ ܝܣܪܐܝܠ

4 ܘܠܐ ܗܟܢܐ ܚ̈ܛܝܐ ܘܥ̈ܘ̇ܠܐ ܗ̇ܢܘܢ̇ ܕܐܚ̣ܒܘ ܝ̣̇ܘܡܐ ܒܩܘܒܠܐ ܕܚܛܗܐ ܒܙܥܘܪܘܬܗ̇ ܓܝܪ ܕܒܝܫܬܐ ܪܓܬܗܘܢ

5 ܘܠܐ ܐܬܕܟܪܘ ܠܐܠܗܐ ܕܐܘܪ̈ܚܬܗܘܢ ܕܒܢ̈ܝ ܐܢܫܐ ܓ̈ܠܝܢ ܐܢܝܢ ܩܕܡ̇ܘܗܝ ܒܟ̇ܠܙܒܢ ܘܬܘ̈ܘܢܐ ܕܠܒ̣ܐ ܝ̇ܕܥ ܡ̣ܢ ܩܕܡ ܕܢܗ̣ܘܘܢ

6 ܡܛܠܗܢܐ ܝܘܪܬܢܗܘܢ̇ ܫܝܘ̇ܠ ܘܐܒܕܢܐ ܘܚܫܘ̣ܟܐ ܘܒܝܘܡܐ ܕܚܢ̣ܢܐ ܕܙܕܝ̈ܩܐ ܠܐ ܢܫ̣ܬܟܚܘܢ ܚܣܝ̈ܘܗܝ ܓܝܪ ܕܡܪܝܐ ܢܐܪܬܘܢ ܚ̈ܝܐ ܒܒܘ̣ܣܡܐ