1 ܓܥ̇ܝܬ ܠܘܬ ܡܪܝܐ ܟܕ ܐܬ̇ܐܠܨܬ ܒܐܚܪܝܬܝ ܘܠܘܬ ܐܠܗܐ ܟܕ ܣܡ̣ܘ ܥܠܝ ܚ̇ܛ̈ܝܐ
2 ܡ̣ܢ ܫ̣ܠܝܐ ܓܝܪ ܐܫܬ̣ܡܥ ܩܕܡ̇ܝ ܩܠܐ ܕܩܪܒܐ ܢܫ̣ܡܥܢܝ ܓܝܪ ܡܛܠ ܕܐܬܡ̇ܠܝܬ ܙܕܝܩܘܬܐ
3 ܘܐܬܚ̇ܫܒܬ ܒܠ̣ܒܝ ܡܛܠ ܕܐܬ̇ܡܠܝܬ ܙܕܝ̣ܩܘܬܐ ܟܕ ܥ̇ܬܪܬ ܘܗ̇ܘܝܬ ܒܣܘܓܐܐ ܕܒܢ̈ܝܐ
4 ܥܘ̣ܬܪܗܘܢ̇ ܓܝܪ ܐܬܝ̣ܗܒ ܠܟ̇ܠܗ̇ ܐܪܥܐ ܘܬܫܒܘܚܬܗܘܢ ܥܕܡܐ ܠܣܘ̈ܦܝܗ̇ ܕܐܪܥܐ
5 ܐܬܬܪܝ̣ܡܘ ܥܕܡܐ ܠܟܘ̈ܟܒܐ ܘܐܡ̣ܪܘ ܕܠܐ ܢܦܠܘܢ
6 ܘܠܛ̇ܘ ܒܛܒ̈ܬܗܘܢ ܘܠܐ ܝ̣ܕܥܘ
7 ܚܛܗ̈ܝܗܘܢ̇ ܓܝܪ ܒܟ̣ܣܝܐ ܗ̣ܘܘ ܐ̇ܢܐ ܠܐ ܝ̇ܕܥ ܗ̇ܘܝܬ
8 ܘܥܘܠܗܘܢ̇ ܝܬܝܪ ܡ̣ܢ ܥܡ̈ܡ̣ܐ ܕܩܕܡܝܗܘܢ̇ ܘܛܡܐܘ ܠܗܝܟܠܗ ܕܡܪܝܐ ܒܛܡܐܘܬܐ