Read Job 28 side by side with translations · The Final Bible
1 ⲡⲙⲁ ⲅⲁⲣ ⲙⲡϩⲁⲧ ϣⲟⲟⲡ ⲉϣⲁⲩⲧⲁⲙⲓⲟϥ ⲛϩⲏⲧϥ ⲁⲩⲱ ⲡⲙⲁ ⲙⲡⲛⲟⲩⲃ ⲉϣⲁⲩⲟⲧϩϥ ⲙⲙⲁⲩ
2 ⲉϣⲁⲩⲧⲁⲙⲓⲉⲡⲡⲉⲛⲓⲡⲉ ⲅⲁⲣ ⲉⲃⲟⲗ ϩⲙⲡⲕⲁϩ ⲉϣⲁⲩϣⲉⲧⲡϩⲟⲙⲛⲧ ⲇⲉ ⲛⲧϩⲉ ⲙⲡⲟⲱⲛⲉ
3 ⲁϥⲕⲱ ⲇⲉ ⲛⲟⲩⲧⲁⲝⲓⲥ ⲙⲡⲕⲁⲕⲉ
4 ⲛⲉⲧⲣⲡⲱⲃϣ ⲇⲉ ⲛⲧⲉϩⲓⲏ ⲙⲙⲉ ⲁⲩⲣϭⲱⲃ ϩⲛⲛⲣⲱⲙⲉ
9 ⲁϥϣⲟⲣϣⲣ ⲇⲉ ⲛⲛⲧⲟⲩⲉⲓⲏ ϩⲛⲛⲉⲩⲥⲛⲧⲉ ⲁϥⲡⲱϩ ⲛⲛⲃⲉⲣⲱ ⲙⲙⲟⲟⲩ ⲁⲡⲁⲃⲁⲗ ⲛⲁⲩ ⲉⲛⲉⲧⲧⲁⲓⲏⲩ ⲧⲏⲣⲟⲩ
11 ⲁϥϭⲱⲗⲡ ⲇⲉ ⲉⲃⲟⲗ ⲛⲛϣⲓⲕ ⲛⲙⲙⲟⲟⲩ ⲁϥⲟⲩⲱⲛϩ ⲉⲃⲟⲗ ⲛⲧⲉϥϭⲟⲙ ⲉⲡⲟⲩⲟⲉⲓⲛ
12 ⲛⲧⲁⲩϩⲉ ⲇⲉ ⲉⲧⲉϥⲥⲱⲫⲓⲁ ⲧⲱⲛ ⲁϣ ⲇⲉ ⲡⲉ ⲡⲙⲁ ⲛⲧⲉⲥⲃⲱ
13 ⲙⲛⲣⲱⲙⲉ ⲥⲟⲟⲩⲛ ⲛⲧⲉⲥϩⲓⲏ ⲁⲩⲱ ⲛⲛⲉⲩϩⲉ ⲉⲣⲟⲥ ϩⲛⲛⲣⲱⲙⲉ
20 ⲁϣ ⲇⲉ ⲡⲉ ⲡⲙⲁ ⲛⲧⲙⲛⲧⲣⲙⲛϩⲏⲧ ⲛⲧⲁⲩϩⲉ ⲇⲉ ⲉⲧⲥⲱⲫⲓⲁ ⲧⲱⲛ
21 ⲥϩⲏⲡ ⲉⲣⲱⲙⲉ ⲛⲓⲙ
22 ⲁⲛⲥⲱⲧⲙ ⲉⲡⲉⲥⲉⲟⲟⲩ
23 ⲡϫⲟⲉⲓⲥ ⲡⲉⲛⲧⲁϥⲧⲁϩⲟ ⲉⲣⲁⲧⲥ ⲛⲧⲉⲥϩⲓⲏ ⲕⲁⲗⲱⲥ ⲛⲧⲟϥ ⲡⲉⲧⲥⲟⲟⲩⲛ ⲛⲧⲉⲥⲙⲛⲧⲣⲙⲙⲁⲟ
24 ⲛⲧⲟϥ ⲅⲁⲣ ⲡⲉⲧⲛⲁⲩ ⲉⲡⲕⲁϩ ⲧⲏⲣϥ ⲉϥⲥⲟⲟⲩⲛ ⲛⲛⲉⲧϩⲙ ⲡⲕⲁϩ ⲧⲏⲣⲟⲩ ⲛⲧⲁϥⲧⲁⲙⲓⲟⲟⲩ
25 ⲡϣⲓ ⲛⲛⲧⲏⲩ ⲙⲛⲧⲏⲡⲉ ⲛⲙⲙⲟⲟⲩ
26 ⲛⲧⲉⲣⲉϥⲧⲁⲙⲓⲟⲟⲩ ϩⲓⲛⲁⲓ ⲁϥⲛⲁⲩ ⲉⲣⲟⲟⲩ ⲁϥⲟⲡⲟⲩ
27 ⲁϥⲥⲃⲧⲱⲧⲟⲩ ⲇⲉ ⲁϥϩⲉⲧϩⲱⲧⲟⲩ
28 ⲁϥϫⲟⲟⲥ ⲇⲉ ⲙⲡⲣⲱⲙⲉ ϫⲉⲉⲓⲥϩⲏⲏⲧⲉ ⲧⲙⲛⲧⲣⲉϥϣⲙϣⲉⲛⲟⲩⲧⲉ ⲧⲉ ⲧⲥⲟⲫⲓⲁ ⲡⲥⲁϩⲱⲕ ⲇⲉ ⲉⲃⲟⲗ ⲙⲡⲡⲉⲧϩⲟⲟⲩ ⲧⲉ ⲧⲉⲥⲃⲱ
Job 27 · Job 29 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)