Read Job 24 side by side with translations · The Final Bible
1 ⲉⲧⲃⲉⲟⲩ ⲇⲉ ⲁⲛⲉⲟⲩⲟⲉⲓϣ ϩⲱⲡ ⲉⲡϫⲟⲉⲓⲥ
2 ⲁⲛⲁⲥⲉⲃⲏⲥ ⲇⲉ ⲣⲡⲃⲟⲗ ⲙⲡⲧⲟϣ ⲁⲩⲧⲱⲣⲡ ⲛⲟⲩⲟϩⲉ ⲙⲛⲡⲉϥϣⲱⲥ
3 ⲁⲩϥⲓ ⲡⲉⲓⲱ ⲙⲡⲟⲣⲫⲁⲛⲟⲥ ⲁⲩϫⲓⲧⲉϩⲉ ⲛⲧⲉⲭⲏⲣⲁ ⲛⲉⲟⲩⲱ
4 ⲁⲩⲕⲧⲉⲛϭⲱⲃ ⲉⲃⲟⲗ ϩⲓⲧⲉϩⲓⲏ ⲛⲧⲇⲓⲕⲁⲓⲟⲥⲩⲛⲏ
5 ⲁⲩϣⲱⲡⲉ ⲇⲉ ⲛⲧϩⲉ ⲛϩⲉⲛⲉⲓⲁⲛⲧⲟⲟⲩ ϩⲛⲧⲥⲱϣⲉ ⲉⲁⲩⲉⲓ ⲉⲃⲟⲗ ϩⲁⲣⲟⲓ ⲙⲡⲉⲩϩⲱⲃ
6 ⲁⲩⲱ ϩⲥ ⲛⲟⲩⲥⲱϣⲉ ⲛⲧⲱⲟⲩ ⲁⲛ ⲧⲉ ϩⲁⲧϩⲏ ⲙⲡⲉⲥⲧⲏ ⲛϭⲱⲃ ⲣϩⲱⲃ ⲙⲙⲁⲛⲉⲗⲟⲟⲗⲉ ⲛⲛⲁⲥⲉⲃⲏⲥ ⲉϫⲛⲃⲉⲕⲉ ϩⲓϩⲣⲉ
7 ⲁⲩϫⲧⲟ ⲛⲟⲩⲙⲏⲏϣⲉ ⲉⲩⲕⲏⲕ ⲁϩⲏⲩ ⲉϫⲛϩⲟⲓⲧⲉ ⲁⲩϥⲓ ⲇⲉ ⲛⲧϩⲃⲥⲱ ⲛⲛⲉⲩⲯⲩⲭⲏ
8 ⲡⲁⲣⲁϫⲉⲙⲛⲧⲟⲩϩⲁⲓⲃⲉⲥ ⲙⲙⲁⲩ ⲛⲧⲁⲩϭⲟⲟⲗⲟⲩ ⲛⲟⲩⲡⲉⲧⲣⲁ
9 ⲁⲩⲧⲱⲣⲡ ⲛⲟⲩⲟⲣⲫⲁⲛⲟⲥ ⲉⲃⲟⲗ ϩⲛⲧⲉϥⲉⲕⲓⲃⲉ ⲁⲩⲑⲃⲃⲓⲟ ⲇⲉ ⲙⲡⲉⲛⲧⲁϥϩⲉ
10 ⲁⲩϫⲧⲟ ⲛⲛⲉⲧⲕⲏⲕⲁϩⲏⲩ ϩⲛⲟⲩϫⲓⲛϭⲟⲛⲥ ⲁⲩϥⲓ ⲇⲉ ⲙⲡⲟⲉⲓⲕ ⲛⲛⲉⲧϩⲕⲁⲉⲓⲧ
11 ⲁⲩϭⲱⲣϭ ϩⲛⲟⲩϫⲓⲛϭⲟⲛⲥ ⲉϩⲉⲛⲙⲁ ⲉⲩϩⲉϫϩⲱϫ ⲙⲡⲟⲩⲥⲟⲩⲛ ⲧⲉϩⲓⲏ ⲇⲉ ⲙⲙⲉ
12 ⲁⲩⲛⲉϫϩⲟⲓⲛⲉ ⲉⲃⲟⲗ ϩⲛⲛⲉⲩⲡⲟⲗⲓⲥ ⲙⲛⲛⲉⲩⲏⲓ ⲙⲙⲓⲛⲉ ⲙⲙⲟⲟⲩ ⲁⲧⲉⲯⲩⲭⲏ ⲇⲉ ⲛⲛⲕⲟⲩⲓ ⲁϣⲁϩⲟⲙ ⲉⲙⲁⲧⲉ
13 ⲛⲧⲟϥ ⲇⲉ ⲉⲧⲃⲉⲟⲩ ⲙⲡⲉϥϭⲙⲡϣⲓⲛⲉ ⲛⲛⲁⲓ ⲉⲩϣⲟⲟⲡ ⲅⲁⲣ ϩⲓϫⲙⲡⲕⲁϩ ⲁⲩⲱ ⲙⲡⲟⲩⲉⲓⲙⲉ ⲛⲉⲩⲥⲟⲟⲩⲛ ⲇⲉ ⲁⲛ ⲡⲉ ⲛⲧⲉϩⲓⲏ ⲛⲧⲇⲓⲕⲁⲓⲟⲥⲩⲛⲏ ⲟⲩⲇⲉ ⲙⲡⲟⲩⲃⲱⲕ ϩⲛⲛⲉⲥⲙⲁⲙⲙⲟⲟϣⲉ
14 ⲉⲁϥⲉⲓⲙⲉ ⲇⲉ ⲉⲛⲉϩⲃⲏⲩⲉ ⲉⲁϥⲡⲁⲣⲁⲇⲓⲇⲟⲩ ⲙⲙⲟⲟⲩ ⲉⲡⲕⲁⲕⲉ
18 ⲧⲉⲩⲙⲉⲣⲓⲥ ⲥϩⲟⲩⲟⲣⲧ ϩⲓϫⲙⲡⲕⲁϩ ⲉⲣⲉⲛⲉⲩϣⲏⲛ ⲇⲉ ⲟⲩⲱⲛϩ ⲉⲃⲟⲗ ⲉⲩϣⲟⲩⲱⲟⲩ ϩⲓϫⲙⲡⲕⲁϩ
19 ⲁⲩⲧⲱⲣⲡ ⲇⲉ ⲅⲁⲣ ⲛⲧⲉϭⲗⲱ ⲛⲛⲟⲣⲫⲁⲛⲟⲥ
20 ⲉⲓⲇⲁ ⲁⲩⲣⲡⲙⲉⲉⲩⲉ ⲙⲡⲉϥⲛⲟⲃⲉ ⲙⲡⲉϥϣⲱⲡⲉ ⲇⲉ ⲛⲧϩⲉ ⲛⲟⲩⲛⲓϥⲉ ⲛⲉⲓⲱⲧⲉ ⲉⲩⲉⲧⲱⲱⲃⲉ ⲛⲁϥ ⲛⲛⲉⲛⲧⲁϥⲁⲁⲩ ⲉⲣⲉⲣⲉϥϫⲓⲛϭⲟⲛⲥ ⲇⲉ ⲛⲓⲙ ⲧⲁⲕⲟ ⲛⲧϩⲉ ⲛⲟⲩϣⲉ ⲉϥϩⲟⲟⲩ
21 ⲙⲡⲉϥⲣⲡⲉⲧⲛⲁⲛⲟⲩϥ ⲅⲁⲣ ⲛⲟⲩⲁϭⲣⲏⲛ ⲁⲩⲱ ⲙⲡⲉϥⲛⲁ ⲙⲡⲉⲧⲉⲙⲛⲧϥⲥϩⲓⲙⲉ
22 ϩⲙⲡⲉϥϭⲱⲛⲧ ⲅⲁⲣ ⲁϥⲧⲁⲕⲉϩⲉⲛϭⲱⲃ ⲉϥⲉⲧⲱⲟⲩⲛ ⲛϥⲧⲙⲧⲁⲛϩⲉⲧⲡⲉϥⲱⲛϩ
23 ⲉϥϣⲁⲛⲗⲟϫⲗϫ ⲙⲡⲣⲧⲣⲉϥⲙⲉⲉⲩⲉ ⲉⲗⲟ ⲁⲗⲗⲁ ϥⲛⲁϩⲉ ϩⲙⲡϣⲱⲛⲉ
24 ⲁⲡⲉϥϫⲓⲥⲉ ⲅⲁⲣ ⲧⲁⲕⲉ ϩⲁϩ ⲁϥϩⲱϭⲃ ⲇⲉ ⲛⲧϩⲉ ⲛⲟⲩⲙⲟⲗⲟⲭⲏ ϩⲛⲟⲩⲕⲁⲩⲙⲁ ⲏ ⲛⲧϩⲉ ⲛⲟⲩϩⲙⲥ ⲉⲁϥϩⲉ ⲙⲁⲩⲁⲁϥ ϩⲛⲧⲉϥⲥⲃⲣⲟⲟⲩⲉ
25 ⲉϣⲱⲡⲉ ⲙⲙⲟⲛ ⲛⲓⲙ ⲡⲉⲧϫⲱ ⲙⲙⲟⲥ ϫⲉⲉⲓϫⲓϭⲟⲗ
Job 23 · Job 25 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)