Read Job 23 side by side with translations · The Final Bible
1 ⲁⲓⲱⲃ ⲇⲉ ⲟⲩⲱϣⲃ ⲉϥϫⲱ ⲙⲙⲟⲥ
2 ϫⲉϯⲥⲟⲟⲩⲛ ϩⲱ ϫⲉⲉⲣⲉⲡⲁϫⲡⲓⲟ ϩⲛⲛⲁϭⲓϫ ⲁⲩⲱ ⲁⲧⲉϥϭⲓϫ ϩⲣⲟϣ ⲉϫⲙⲡⲁⲁϣⲁϩⲟⲙ
3 ⲛⲓⲙ ⲅⲁⲣ ⲡⲉⲧⲥⲟⲟⲩⲛ ϫⲉϯⲛⲁϩⲉ ⲉⲣⲟϥ ⲁⲩⲱ ϯⲛⲏⲩ ϣⲁⲃⲟⲗ
4 ⲛϥϫⲱ ⲇⲉ ⲛⲁⲓ ⲙⲡⲁϩⲁⲡ ⲉⲙⲉϩⲧⲁⲧⲁⲡⲣⲟ ⲛϫⲡⲓⲟ
5 ⲉⲓⲙⲉ ⲉⲛⲧⲁⲗϭⲟ ⲉⲧⲉϥⲛⲁϫⲟⲟⲩ ⲛⲁⲓ ⲁⲓⲁⲓⲥⲑⲁⲛⲉ ⲇⲉ ϫⲉϥⲛⲁϫⲉⲟⲩ ⲛⲁⲓ
6 ⲁⲩⲱ ⲉϥⲛⲁⲉⲓ ⲉϫⲱⲓ ϩⲛⲟⲩⲛⲟϭ ⲛϭⲟⲙ ⲉⲓⲧⲁ ⲛⲛⲉϥⲭⲣⲱ ⲛⲁⲓ ϩⲛⲟⲩⲁⲡⲉⲓⲗⲏ
7 ⲉⲣⲉⲧⲙⲉ ⲅⲁⲣ ⲙⲛⲡⲉϫⲡⲓⲟ ⲛⲧⲟⲟⲧϥ ⲉϥⲉⲉⲓⲛⲉ ⲇⲉ ⲙⲡⲁϩⲁⲡ ϣⲁⲃⲟⲗ
8 ⲉⲓϣⲁⲛⲡⲱϩ ⲅⲁⲣ ϣⲁⲛϣⲟⲣⲡ ⲛⲧⲁⲧⲙϣⲱⲡⲉ ⲟⲩ ⲇⲉ ⲡⲉⲧⲓⲥⲟⲟⲩⲛ ⲙⲙⲟϥ ϩⲛⲛϩⲁⲉⲩⲉ
10 ϥⲥⲟⲟⲩⲛ ⲅⲁⲣ ϫⲓⲛⲧⲉⲛⲟⲩ ⲛⲧⲁϩⲓⲏ ⲁϥⲇⲟⲕⲓⲙⲁⲍⲉ ⲙⲙⲟⲓ ⲛⲧϩⲉ ⲙⲡⲛⲟⲩⲃ
11 ϯⲛⲏⲩ ⲇⲉ ⲉⲃⲟⲗ ϩⲛⲛⲉϥⲟⲩⲉϩⲥⲁϩⲛⲉ ⲁⲓϩⲁⲣⲉϩ ⲅⲁⲣ ⲉⲛⲉϥϩⲓⲟⲟⲩⲉ ⲁⲩⲱ ⲛⲛⲁⲥⲁⲁⲧⲟⲩ
12 ⲁⲩⲱ ⲛⲛⲁⲕⲱ ⲛⲥⲱⲓ ⲛⲛⲉϥⲟⲩⲉϩⲥⲁϩⲛⲉ ⲁⲓϩⲱⲡ ⲇⲉ ⲛⲛⲉϥϣⲁϫⲉ ϩⲛⲕⲟⲩⲛⲧ
13 ⲉϣϫⲉ ⲛⲧⲟϥ ⲇⲉ ⲡⲉⲛⲧⲁϥⲕⲣⲓⲛⲉ ⲙⲙⲟⲓ ϩⲓⲛⲁⲓ ⲛⲓⲙ ⲡⲉⲧⲛⲁⲟⲩⲱϩⲙ ⲛⲁϥ ⲡⲉⲛⲧⲁϥⲟⲩⲁϣϥ ⲅⲁⲣ ⲡⲉⲛⲧⲁϥⲁⲁϥ
14 ⲉⲧⲃⲉⲡⲁⲓ ⲁⲓⲡⲱⲧ ⲉⲣⲁⲧϥ ⲉϥϯⲥⲃⲱ ⲇⲉ ⲛⲁⲓ ⲁⲓⲣϩⲟⲧⲉ ϩⲏⲧϥ
16 ⲁⲡϫⲟⲉⲓⲥ ⲇⲉ ⲟⲩⲉⲧⲡⲁϩⲏⲧ ⲁⲡⲡⲁⲛⲧⲟⲕⲣⲁⲧⲱⲣ ϣⲧⲏⲣⲧⲱⲣⲧ ⲛⲉⲓⲥⲟⲟⲩⲛ ⲅⲁⲣ ⲁⲛ ϫⲉⲡⲕⲁⲕⲉ ⲛⲏⲩ ⲉϫⲱⲓ
17 ⲁⲩϭⲟⲥⲙ ⲇⲉ ϩⲉⲃⲥⲡⲁϩⲟ
Job 22 · Job 24 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)