Job 25 — Coptic (Sahidic)

1 ⲁⲃⲁⲗⲗⲁⲗ ⲇⲉ ⲟⲩⲱϣⲃ ⲡⲥⲁⲩⲭⲓⲧⲏⲥ ⲡⲉϫⲁϥ

2 ϫⲉⲟⲩ ⲅⲁⲣ ⲡⲉ ⲡⲉⲡⲣⲟϩⲟⲙⲓⲟⲛ ⲛⲥⲁⲧϩⲟⲧⲉ ⲉⲃⲟⲗ ϩⲓⲧⲟⲟⲧϥ ⲡⲉⲧⲧⲁⲙⲓⲟ ⲙⲡⲧⲏⲣϥ ϩⲙⲡϫⲓⲥⲉ

3 ⲙⲡⲣⲧⲣⲉⲗⲁⲁⲩ ⲅⲁⲣ ⲙⲉⲉⲩⲉ ϫⲉⲟⲩⲛⲧϩⲉ ⲉⲧⲣⲉⲥⲟⲟⲛⲉ ⲣⲃⲟⲗ ⲉⲧⲉⲙⲛϭⲱⲣϭ ⲇⲉ ⲛⲏⲩ ⲉϫⲛⲛⲓⲙ ⲉⲃⲟⲗ ϩⲓⲧⲟⲟⲧϥ

4 ⲛⲁϣ ⲅⲁⲣ ⲛϩⲉ ⲉⲣⲉⲡⲣⲱⲙⲉ ⲛⲁϣⲣⲇⲓⲕⲁⲓⲟⲥ ⲙⲡⲙⲧⲟ ⲉⲃⲟⲗ ⲙⲡϫⲟⲉⲓⲥ ⲏ ⲛⲓⲙ ⲡⲉⲧⲛⲁϣⲧⲃⲃⲟϥ ⲛϣⲏⲣⲉ ⲛⲥϩⲓⲙⲉ

5 ⲉϣϫⲉ ϣⲁϥϩⲱⲱⲛ ⲙⲡⲟⲟϩ ⲁⲩⲱ ⲛⲉϥⲣⲟⲩⲟⲉⲓⲛ ⲛⲥⲓⲟⲩ ⲇⲉ ⲟⲩⲁⲁⲃ ⲁⲛ ⲙⲡⲉϥⲙⲧⲟ ⲉⲃⲟⲗ

6 ⲕⲁⲁⲥ ⲇⲉ ϫⲉⲡⲣⲱⲙⲉ ϩⲟⲟⲩ ⲁⲩⲱ ⲟⲩⲃⲛⲧ ⲡⲉ ⲛϣⲏⲣⲉ ⲛⲡⲣⲱⲙⲉ