Read Job 22 side by side with translations · The Final Bible
1 ⲁⲉⲗⲓⲫⲁⲥ ⲇⲉ ⲟⲩⲱϣⲃ ⲡⲉⲑⲁⲓⲙⲁⲛⲓⲧⲏⲥ ⲡⲉϫⲁϥ
2 ϫⲉⲙⲏ ⲡϫⲟⲉⲓⲥ ⲁⲛ ⲡⲉⲧϯⲥⲃⲱ ⲛⲟⲩⲙⲛⲧⲣⲙⲛϩⲏⲧ ⲙⲛⲟⲩⲙⲛⲧⲥⲁⲃⲉ
3 ⲟⲩ ⲅⲁⲣ ⲡⲉ ⲡⲣⲟⲟⲩϣ ⲙⲡϫⲟⲉⲓⲥ ⲉϣⲱⲡⲉ ⲛⲧⲕ ⲟⲩⲥⲱⲧⲡ ϩⲛⲛⲉⲕϩⲃⲏⲩⲉ
4 ⲏ ϥⲛⲁϫⲡⲓⲟⲕ ⲉϥϥⲓ ⲙⲡⲉⲕⲣⲟⲟⲩϣ ⲏ ϥⲛⲏⲩ ⲛⲙⲙⲁⲕ ⲉϩⲟⲩⲛ ⲉⲩϩⲁⲡ
5 ⲙⲏ ⲛⲧⲉⲕⲕⲁⲕⲓⲁ ⲟϣ ⲁⲛ ϩⲉⲛⲁⲧⲏⲡⲉ ⲇⲉ ⲛⲉ ⲛⲉⲕⲛⲟⲃⲉ
6 ⲁⲕϫⲓⲧ ⲛⲉⲟⲩⲱ ⲛⲛⲉⲕⲥⲛⲏⲩ ⲉⲡϫⲓⲛϫⲏ ⲁⲕϥⲓ ⲇⲉ ⲛⲧϩⲃⲥⲱ ⲛⲛⲉⲧⲕⲏⲕ ⲁϩⲏⲩ
7 ⲟⲩⲇⲉ ⲙⲡⲉⲕⲧⲥⲉ ⲛⲉⲧⲟⲃⲉ ⲛⲟⲩⲙⲟⲟⲩ ⲁⲗⲗⲁ ⲁⲕϥⲉϭⲛⲉⲧϩⲕⲁⲉⲓⲧ ⲙⲡⲉⲩⲟⲉⲓⲕ
8 ⲁⲕϫⲓⲡϩⲟ ⲇⲉ ⲛϩⲟⲓⲛⲉ ⲁⲕⲡⲱⲱⲛⲉ ⲉⲃⲟⲗ ⲛⲛⲉⲧϩⲓϫⲙ ⲡⲕⲁϩ
9 ⲁⲕϫⲟⲟⲩ ⲇⲉ ⲛⲛⲉⲭⲏⲣⲁ ⲉⲩϣⲟⲩⲉⲓⲧ ⲁⲕⲙⲟⲩⲕϩ ⲇⲉ ⲛⲛⲟⲣⲫⲁⲛⲟⲥ
10 ⲉⲧⲃⲉⲡⲁⲓ ⲁⲛϭⲟⲣϭⲥ ⲕⲱⲧⲉ ⲉⲣⲟⲕ ⲁⲩⲱ ⲁⲩⲡⲟⲗⲉⲙⲟⲥ ⲛϣⲡⲏⲣⲉ ϣⲧⲣⲧⲱⲣⲕ
11 ⲁⲡⲉⲕⲟⲩⲟⲉⲓⲛ ⲣⲕⲁⲕⲉ ⲉⲣⲟⲕ ⲛⲧⲉⲣⲉⲕⲛⲕⲟⲧⲕ ⲇⲉ ⲁⲩⲙⲟⲟⲩ ϩⲟⲃⲥⲕ
12 ⲙⲏ ⲙⲡⲉⲧϭⲱϣⲧ ⲁⲛ ⲉⲛⲉⲧϫⲟⲥⲉ ⲛⲁⲩ ⲁϥⲑⲃⲃⲓⲟ ⲇⲉ ⲛⲛⲣⲉϥⲥⲱϣ
17 ⲛⲉⲧϫⲱ ⲙⲙⲟⲥ ϫⲉⲉⲣⲉⲡϫⲟⲉⲓⲥ ⲛⲁⲣⲟⲩ ⲛⲁⲛ ⲏ ⲉⲣⲉⲡⲡⲁⲛⲧⲟⲕⲣⲁⲧⲱⲣ ⲛⲁⲛ ⲟⲩ ⲉϫⲱⲛ
18 ⲛⲧⲟϥ ⲇⲉ ⲁϥⲙⲉϩⲛⲉⲩⲏⲓ ⲛⲁⲅⲁⲑⲟⲛ ⲡϣⲟϫⲛⲉ ⲇⲉ ⲛⲛⲁⲥⲉⲃⲏⲥ ⲟⲩⲏⲩ ⲙⲙⲟϥ
19 ⲁⲛⲇⲓⲕⲁⲓⲟⲥ ⲛⲁⲩ ⲁⲩⲥⲱⲃⲉ ⲁⲡⲥⲱⲧⲡ ⲇⲉ ⲕⲟⲙϣⲟⲩ
21 ϣⲱⲡⲉ ⲇⲉ ⲉⲕⲛⲁϣⲧ ⲉⲕϣⲁⲛϩⲩⲡⲟⲙⲓⲛⲏ ⲉⲓⲧⲁ ⲛⲧⲉⲡⲉⲕⲕⲁⲣⲡⲟⲥ ϣⲱⲡⲉ ϩⲛϩⲉⲛⲁⲅⲁⲑⲟⲛ
22 ϫⲓ ⲇⲉ ⲛⲟⲩⲥⲟⲗⲥⲗ ⲉⲃⲟⲗ ϩⲛⲣⲱϥ ⲁⲩⲱ ⲛⲅϫⲓ ⲙⲡⲉϥϣⲟϫⲛⲉ ϩⲙⲡⲉⲕϩⲏⲧ
23 ⲉϣⲱⲡⲉ ⲇⲉ ⲉⲕϣⲁⲛⲕⲟⲧⲕ ⲛⲅⲑⲃⲃⲓⲟⲕ ⲙⲡⲙⲧⲟ ⲉⲃⲟⲗ ⲙⲡϫⲟⲉⲓⲥ ⲁⲕⲧⲣⲉⲡϫⲓⲛϭⲟⲛⲥ ⲟⲩⲉ ⲙⲡⲉⲕⲏⲓ
25 ⲡⲡⲁⲛⲧⲟⲕⲣⲁⲧⲱⲣ ϭⲉ ⲛⲁϣⲱⲡⲉ ⲛⲁⲕ ⲛⲃⲟⲏⲧⲟⲥ ⲉⲃⲟⲗ ϩⲛⲛⲉⲕϫⲁϫⲉ ϥⲛⲁⲧⲁⲁⲕ ⲇⲉ ⲉⲕⲟⲩⲁⲁⲃ ⲛⲧϩⲉ ⲛⲟⲩϩⲁⲧ ⲉϥⲡⲟⲥⲉ
26 ⲉⲓⲧⲁ ⲕⲛⲁⲡⲁⲣⲣⲏⲍⲓⲁⲍⲉ ⲙⲙⲟⲕ ⲙⲡⲙⲧⲟ ⲉⲃⲟⲗ ⲙⲡϫⲟⲉⲓⲥ ⲛⲅϭⲱϣⲧ ⲉⲧⲡⲉ ϩⲛⲟⲩⲟⲩⲣⲟⲧ
27 ⲉⲕϣⲁⲛϣⲗⲏⲗ ⲇⲉ ⲉⲣⲟϥ ϥⲛⲁⲥⲱⲧⲙ ⲉⲣⲟⲕ ϥⲛⲁⲧⲁⲁⲥ ⲇⲉ ⲛⲁⲕ ⲉϯ ⲛⲛⲉⲕϣⲗⲏⲗ
28 ϥⲛⲁⲥⲙⲓⲛⲉ ⲇⲉ ⲛⲁⲕ ⲛⲟⲩⲙⲁⲛϣⲱⲡⲉ ⲛⲇⲓⲕⲁⲓⲟ ⲥⲩⲛⲏ ⲛⲧⲉⲟⲩⲟⲉⲓⲛ ϣⲱⲡⲉ ϩⲓⲛⲉⲕϩⲓⲟⲟⲩⲉ
Job 21 · Job 23 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)