Read Job 17 side by side with translations · The Final Bible
1 ϯⲛⲁⲧⲁⲕⲟ ⲉⲣⲉⲟⲩⲡⲛⲉⲩⲙⲁ ϥⲓ ⲙⲙⲟⲓ ϯϣⲁⲁⲧ ⲇⲉ ⲙⲡⲉⲧⲛⲁⲕⲟⲟⲥⲧ ⲁⲩⲱ ⲙⲡⲓϭⲛⲧϥ
2 ϯⲥⲟⲡⲥ ⲉⲓϣⲡϩⲓⲥⲉ ⲉϩⲉ ⲛⲧⲁⲓⲣⲟⲩ ϩⲱⲱϥ
3 ⲁϩⲉⲛϣⲙⲙⲟ ϩⲉⲃⲧ ⲛⲁϩⲩⲡⲁⲣⲭⲱⲛⲧⲁ
5 ⲛⲁⲃⲁⲗ ⲃⲟⲗ ⲉⲃⲟⲗ ⲉϫⲛⲛⲁϣⲏⲣⲉ
6 ⲁⲩⲕⲁⲁⲧ ⲇⲉ ⲛϣⲁϫⲉ ϩⲛⲛϩⲉⲑⲛⲟⲥ ⲁⲓϣⲱⲡⲉ ⲛⲁⲩ ⲛⲥⲱⲃⲉ
7 ⲁⲛⲁⲃⲁⲗ ⲅⲁⲣ ⲧⲱⲙ ⲉⲃⲟⲗ ϩⲛⲧⲁⲟⲣⲅⲏ ⲁⲩⲕⲱⲧⲉ ⲉⲣⲟⲓ ⲧⲏⲣⲟⲩ ⲉⲙⲁⲧⲉ
8 ⲁⲛⲣⲙⲙⲙⲉ ⲣϣⲡⲏⲣⲉ ϩⲙⲡⲁⲓ ⲉⲣⲉⲡⲇⲓⲕⲁⲓⲟⲥ ⲇⲉ ⲧⲱⲟⲩⲛ ⲉϫⲙⲡⲣⲉϥⲣⲛⲟⲃⲉ
9 ⲉⲣⲉⲡⲡⲓⲥⲧⲟⲥ ⲇⲉ ϫⲓ ⲛⲧⲉϥϩⲓⲏ ⲛⲧⲉⲡⲉⲧⲟⲩⲁⲁⲃ ϩⲛⲛⲉϥϭⲓϫ ϫⲓ ⲛⲟⲩⲧⲱⲕ
10 ⲙⲙⲟⲛ ⲇⲉ ⲁⲗⲗⲁ ⲉⲧⲉⲧⲛϯⲧⲱⲛ ⲧⲏⲣⲧⲛ ⲛϯϭⲛ ⲙⲉ ⲅⲁⲣ ⲁⲛ ⲛϩⲏⲧⲧⲏⲩⲧⲛ
11 ⲁⲛⲁϩⲟⲟⲩ ⲟⲩⲉⲓⲛⲉ ϩⲛⲟⲩϣⲛⲟϣ ⲁⲩⲱ ⲁⲙⲙⲣⲣⲉ ⲙⲡⲁϩⲏⲧ ⲡⲱϩ
13 ⲉⲓϣⲁⲛϩⲩⲡⲟⲙⲓⲛⲏ ⲅⲁⲣ ⲁⲙⲉⲛⲧⲉ ⲡⲉ ⲡⲁⲏⲓ ⲁⲩⲱ ⲁⲩⲡⲱⲣϣ ⲙⲡⲁⲡⲣⲏϣ ϩⲛⲟⲩϭⲟⲥⲙ
14 ⲁⲓⲙⲟⲩⲧⲉ ⲉⲡⲙⲟⲩ ⲛⲁⲓ ⲛⲉⲓⲱⲧ ⲡⲧⲁⲕⲟ ⲇⲉ ⲙⲙⲁⲁⲩ ϩⲓⲥⲱⲛⲉ
15 ⲉⲥⲧⲱⲛ ϭⲉ ⲧⲁϩⲉⲗⲡⲓⲥ ϫⲓⲛⲧⲉⲛⲟⲩ ⲏ ϯⲛⲁⲛⲁⲩ ⲉⲛⲁⲅⲁⲑⲟⲛ
16 ⲏ ⲥⲉⲛⲏⲩ ⲉⲡⲉⲥⲏⲧ ⲛⲙⲙⲁⲓ ⲉⲁⲙⲛⲧⲉ ⲏ ⲛⲛⲁⲃⲱⲕ ⲉⲡⲉⲥⲏⲧ ⲉⲡⲕⲁϩ ϩⲓⲟⲩⲥⲟⲡ
Job 16 · Job 18 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)