Genesis 43 — Coptic (Sahidic)

1 ⲡϩⲉⲃⲱⲱⲛ ⲇⲉ ⲁϥϭⲙϭⲟⲙ ⲉϩⲣⲁⲓ ⲉϫⲙⲡⲕⲁϩ

2 ⲁⲥϣⲱⲡⲉ ⲇⲉ ⲉⲩⲛⲁⲟⲩⲱ ⲉⲩⲟⲩⲱⲙ ⲙⲡⲉⲥⲟⲩⲟ ⲡⲁⲓ ⲛⲧⲁⲩⲛⲧϥ ⲉⲃⲟⲗ ϩⲙⲡⲕⲁϩ ⲛⲕⲏⲙⲉ ⲡⲉϫⲁϥ ⲛⲁⲩ ⲛϭⲓⲡⲉⲩⲉⲓⲱⲧ ϫⲉⲃⲱⲕ ⲟⲛ ⲛⲧⲉⲧⲛϣⲱⲡ ⲛⲁⲛ ⲛϩⲉⲛⲕⲟⲩⲓ ⲛⲥⲟⲩⲟ

3 ⲡⲉϫⲁϥ ⲇⲉ ⲛⲁϥ ⲛϭⲓⲓⲟⲩⲇⲁⲥ ⲉϥϫⲱ ⲙⲙⲟⲥ ϫⲉϩⲛⲟⲩⲙⲛⲧⲙⲛⲧⲣⲉ ⲁϥⲣⲙⲛⲧⲣⲉ ⲛⲁⲛ ⲛϭⲓⲡⲣⲱⲙⲉ ⲉϥϫⲱ ⲙⲙⲟⲥ ϫⲉⲛⲛⲉⲧⲛⲛⲁⲩ ⲉⲡⲁϩⲟ ⲉⲙⲡⲉⲧⲛⲉⲛⲡⲉⲧⲛⲥⲟⲛ ⲕⲟⲩⲓ ⲛⲙⲙⲏⲧⲛ

4 ⲉϣⲱⲡⲉ ϭⲉ ⲕⲛⲁⲧⲛⲛⲟⲟⲩ ⲛⲙⲙⲁⲛ ⲙⲡⲉⲛⲥⲟⲛ ⲉⲓⲉ ⲧⲛⲛⲁⲃⲱⲕ ⲉϩⲣⲁⲓ ⲛⲧⲛϣⲱⲡ ⲛⲁⲕ ⲛϩⲉⲛⲥⲟⲩⲟ

5 ⲉϣⲱⲡⲉ ⲇⲉ ⲛⲅⲛⲁⲧⲛⲛⲟⲟⲩ ⲙⲡⲉⲛⲥⲟⲛ ⲛⲙⲙⲁⲛ ⲁⲛ ⲉⲓⲉ ⲛⲧⲛⲛⲁⲃⲱⲕ ⲁⲛ ⲡⲉϫⲉⲡⲣⲱⲙⲉ ⲅⲁⲣ ⲛⲁⲛ ⲉϥϫⲱ ⲙⲙⲟⲥ ϫⲉⲛⲛⲉⲧⲛⲛⲁⲩ ⲉⲡⲁϩⲟ ⲉⲓⲙⲏⲧⲓ ⲉⲣⲉⲡⲉⲧⲛⲥⲟⲛ ⲕⲟⲩⲓ ⲛⲙⲙⲏⲧⲛ

6 ⲡⲉϫⲁϥ ⲇⲉ ⲛϭⲓⲡⲓⲥⲣⲁⲏⲗ ϫⲉⲟⲩ ⲡⲉ ⲡⲉⲓⲡⲉⲧϩⲟⲟⲩ ⲛⲧⲁⲧⲉⲧⲛⲁⲁϥ ⲛⲁⲓ ⲉⲁⲧⲉⲧⲛϫⲟⲟⲥ ⲙⲡⲣⲱⲙⲉ ϫⲉⲟⲩⲛⲧⲏⲧⲛⲥⲟⲛ

7 ⲛⲧⲟⲟⲩ ⲇⲉ ⲡⲉϫⲁⲩ ϫⲉϩⲛⲟⲩϣⲓⲛⲉ ⲛⲧⲁϥϫⲛⲟⲩⲛ ⲛϭⲓⲡⲣⲱⲙⲉ ⲁⲩⲱ ⲁϥϣⲓⲛⲉ ⲛⲥⲁⲧⲉⲛⲅⲉⲛⲉⲁ ⲉϥϫⲱ ⲙⲙⲟⲥ ϫⲉⲉⲛⲉ ⲡⲉⲧⲛⲉⲓⲱⲧ ⲟⲛϩ ⲁⲩⲱ ϫⲉⲉⲛⲉⲩⲛⲧⲏⲧⲛⲥⲟⲛ ⲙⲙⲁⲩ ⲁⲛϣⲁϫⲉ ⲛⲙⲙⲁϥ ⲕⲁⲧⲁⲡⲉⲛⲧⲁϥϫⲛⲟⲩⲛ ⲉⲣⲟϥ ⲙⲏ ⲉⲛⲥⲟⲟⲩⲛ ϫⲉⲉϥⲛⲁϫⲟⲟⲥ ⲛⲁⲛ ϫⲉⲁⲛⲓⲛⲉ ⲙⲡⲉⲧⲛⲥⲟⲛ

8 ⲡⲉϫⲁϥ ⲇⲉ ⲛϭⲓⲓⲟⲩⲇⲁⲥ ⲛⲁϩⲣⲙ ⲡⲓⲥⲣⲁⲏⲗ ⲡⲉϥⲉⲓⲱⲧ ϫⲉⲧⲛⲛⲟⲟⲩ ⲙⲡϣⲏⲣⲉ ϣⲏⲙ ⲛⲙⲙⲁⲓ ⲛⲧⲛⲧⲱⲟⲩⲛ ⲛⲧⲛⲃⲱⲕ ϫⲉⲕⲁⲥ ⲉⲛⲛⲁⲱⲛϩ ⲁⲩⲱ ⲛⲧⲛⲧⲙⲙⲟⲩ ⲁⲛⲟⲛ ⲛⲙⲙⲁⲕ ⲙⲛⲡⲉⲧϣⲟⲟⲡ ⲛⲁⲛ

9 ⲁⲛⲟⲕ ⲇⲉ ϯⲛⲁϣⲡⲧⲱⲣⲉⲓ ⲙⲙⲟϥ ϣⲓⲛⲉ ⲛⲥⲱϥ ⲉⲃⲟⲗ ϩⲛⲛⲁϭⲓϫ ⲉϣⲱⲡⲉ ⲉⲓϣⲁⲛⲧⲙⲛⲧϥ ϣⲁⲣⲟⲕ ⲧⲁⲧⲁϩⲟϥ ⲉⲣⲁⲧϥ ⲙⲡⲉⲕⲙⲧⲟ ⲉⲃⲟⲗ ϯⲛⲁϣⲱⲡⲉ ⲉⲁⲓⲣⲛⲟⲃⲉ ⲉⲣⲟⲕ ⲛⲛⲉϩⲟⲟⲩ ⲧⲏⲣⲟⲩ ⲙⲡⲁⲱⲛϩ

10 ⲛⲥⲁⲃⲏⲗ ⲅⲁⲣ ϫⲉⲁⲛⲱⲥⲕ ⲉϣϫⲡⲉ ⲁⲛⲕⲟⲧⲛ ⲙⲡⲙⲉϩⲥⲡⲥⲛⲁⲩ

11 ⲡⲉϫⲁϥ ⲇⲉ ⲛⲁⲩ ⲛϭⲓⲡⲓⲥⲣⲁⲏⲗ ⲡⲉⲩⲉⲓⲱⲧ ϫⲉⲉϣϫⲉ ⲧⲁⲓ ⲧⲉ ⲧϩⲉ ⲁⲣⲓⲡⲁⲓ ϫⲓ ⲉⲃⲟⲗ ϩⲙⲡⲕⲁⲣⲡⲟⲥ ⲙⲡⲕⲁϩ ϩⲣⲁⲓ ϩⲛⲛⲉⲧⲛϩⲛⲁⲁⲩ ⲛⲧⲉⲧⲛϫⲓ ⲛϩⲛⲇⲱⲣⲟⲛ ⲉⲡⲉⲥⲏⲧ ⲙⲡⲣⲱⲙⲉ ⲡⲥⲟⲛⲧⲉ ⲙⲛⲡⲉⲃⲓⲱ ⲙⲛⲡϣⲟⲩϩⲏⲛⲉ ⲁⲩⲱ ⲧⲉⲥⲧⲁⲕⲧⲏ ⲙⲛⲧⲧⲉⲣⲉⲙⲓⲛⲑⲟⲥ ⲙⲛϩⲉⲛⲕⲁⲣⲟⲓⲁ

12 ⲁⲩⲱ ⲡϩⲁⲧ ⲛⲧⲉⲧⲛϫⲓ ⲙⲙⲟϥ ϩⲛⲛⲉⲧⲛϭⲓϫ ⲉϥⲕⲏⲃ ⲡϩⲁⲧ ⲛⲧⲁⲧⲉⲧⲛⲕⲧⲟϥ ϩⲛⲛⲉⲧⲛϭⲟⲟⲩⲛⲉ ⲛⲧⲉⲧⲛϫⲓⲧϥ ⲛⲙⲙⲏⲧⲛ ⲙⲏϣⲁⲕ ⲅⲁⲣ ⲟⲩⲟⲃϣ ⲧⲛⲧⲁⲥϣⲱⲡⲉ

13 ⲛⲧⲉⲧⲛϫⲓ ⲙⲡⲉⲧⲛⲥⲟⲛ ⲛⲧⲉⲧⲛⲧⲱⲟⲩⲛ ⲛⲧⲉⲧⲛⲃⲱⲕ ⲉⲡⲉⲥⲏⲧ ⲉⲣⲁⲧϥ ⲙⲡⲣⲱⲙⲉ

14 ⲡⲁⲛⲟⲩⲧⲉ ⲇⲉ ⲉϥⲉϯ ⲛⲏⲧⲛ ⲛⲟⲩϩⲙⲟⲧ ⲙⲡⲙⲧⲟ ⲉⲃⲟⲗ ⲙⲡⲣⲱⲙⲉ ⲛϥⲧⲛⲛⲟⲟⲩ ⲙⲡⲉⲧⲛⲥⲟⲛ ⲙⲛⲡⲕⲉⲃⲉⲛⲓⲁⲙⲓⲛ ⲁⲛⲟⲕ ⲙⲉⲛ ⲅⲁⲣ ⲁⲓⲣⲁⲧϣⲏⲣⲉ

15 ⲁⲛⲣⲱⲙⲉ ⲇⲉ ϫⲓ ⲛⲛⲇⲱⲣⲟⲛ ⲁⲩⲱ ⲁⲩϫⲓ ⲙⲡϩⲁⲧ ⲉϥⲕⲏⲃ ϩⲛⲛⲉⲩϭⲓϫ ⲙⲛⲡⲕⲉⲃⲉⲛⲓⲁⲙⲓⲛ ⲁⲩⲧⲱⲟⲩⲛ ⲁⲩⲃⲱⲕ ⲉⲡⲉⲥⲏⲧ ⲉⲕⲏⲙⲉ ⲁⲩⲁϩⲉⲣⲁⲧⲟⲩ ⲙⲡⲙⲧⲟ ⲉⲃⲟⲗ ⲛⲓⲱⲥⲏⲫ

16 ⲁⲓⲱⲥⲏⲫ ⲇⲉ ⲛⲁⲩ ⲉⲣⲟⲟⲩ ⲁⲩⲱ ⲃⲉⲛⲓⲁⲙⲓⲛ ⲡⲉϥⲥⲟⲛ ⲛϣⲏⲛⲙⲁⲁⲩ ⲡⲉϫⲁϥ ⲙⲡⲉⲧϣⲟⲟⲡ ϩⲓϫⲙⲡⲉϥⲏⲓ ϫⲉϫⲓ ⲛⲛⲉⲓⲣⲱⲙⲉ ⲉϩⲟⲩⲛ ⲉⲡⲏⲓ ⲛⲅϣⲱⲱⲧ ⲛϩⲉⲛϣⲱⲱⲧ ⲛⲅⲥⲃⲧⲱⲧⲟⲩ ϫⲉⲉⲣⲉⲛⲉⲓⲣⲱⲙⲉ ⲅⲁⲣ ⲛⲁⲟⲩⲉⲙⲟⲉⲓⲕ ⲛⲙⲙⲁⲓ ⲙⲡⲛⲁⲩ ⲙⲙⲉⲉⲣⲉ

17 ⲁⲡⲣⲱⲙⲉ ⲇⲉ ⲉⲓⲣⲉ ϩⲓⲛⲁⲓ ⲕⲁⲧⲁⲧϩⲉ ⲛⲧⲁϥϫⲟⲟⲥ ⲛⲁϥ ⲛϭⲓⲓⲱⲥⲏⲫ ⲁϥϫⲓ ⲛⲛⲣⲱⲙⲉ ⲉϩⲟⲩⲛ ⲉⲡⲏⲓ ⲛⲓⲱⲥⲏⲫ

18 ⲁⲛⲣⲱⲙⲉ ⲇⲉ ⲛⲁⲩ ϫⲉⲁⲩϫⲓⲧⲟⲩ ⲉϩⲟⲩⲛ ⲉⲡⲏⲓ ⲛⲓⲱⲥⲏⲫ ⲡⲉϫⲁⲩ ϫⲉⲉⲧⲃⲉⲡϩⲁⲧ ⲉⲛⲧⲁⲛⲕⲧⲟϥ ϩⲣⲁⲓ ϩⲛⲛⲉⲛϭⲟⲟⲩⲛⲉ ⲛϣⲟⲣⲡ ⲉⲩⲛⲁϫⲓⲧⲛ ⲉϩⲟⲩⲛ ⲉϩⲓⲗⲁ ⲉⲣⲟⲛ ⲁⲩⲱ ⲉⲧⲱⲟⲩⲛ ⲉϫⲱⲛ ⲉϫⲓ ⲙⲙⲟⲛ ⲛϩⲙϩⲁⲗ ⲙⲛⲛⲉⲛⲧⲃⲛⲟⲟⲩⲉ

19 ⲁⲩϯⲡⲉⲩⲟⲩⲟⲓ ⲇⲉ ⲉⲡⲣⲱⲙⲉ ⲡⲁⲓ ⲉⲧϣⲟⲟⲡ ⲉϩⲣⲁⲓ ϩⲓϫⲙⲡⲏⲓ ⲛⲓⲱⲥⲏⲫ ⲁⲩⲱ ⲁⲩϣⲁϫⲉ ⲛⲙⲙⲁϥ ϩⲣⲁⲓ ϩⲛⲧϩⲁⲉⲓⲧ ⲙⲡⲏⲓ

20 ⲉⲩϫⲱ ⲙⲙⲟⲥ ϫⲉⲧⲛⲥⲟⲡⲥ ⲙⲙⲟⲕ ⲡϫⲟⲉⲓⲥ ⲁⲛⲉⲓ ⲉⲡⲉⲥⲏⲧ ⲛϣⲟⲣⲡ ⲉϣⲉⲡⲥⲟⲩⲟ

21 ⲁⲥϣⲱⲡⲉ ⲇⲉ ⲛⲧⲉⲣⲉⲛⲉⲓ ⲉⲛⲛⲁⲟⲩⲉϩⲛⲁⲛ ⲁⲛⲟⲩⲱⲛ ⲛⲛⲉⲛϭⲟⲟⲩⲛⲉ ⲁⲩⲱ ⲡϩⲁⲧ ⲙⲡⲟⲩⲁ ⲡⲟⲩⲁ ⲛⲉϥϩⲛ ⲧⲉϥϭⲟⲟⲩⲛⲉ ⲡⲉⲛϩⲁⲧ ϭⲉ ⲧⲉⲛⲟⲩ ⲁⲛⲕⲧⲟϥ ϩⲛⲟⲩϣⲓ ϩⲣⲁⲓ ϩⲛⲛⲉⲛϭⲓϫ

22 ⲁⲩⲱ ⲁⲛⲉⲓⲛⲉ ⲛⲕⲉϩⲁⲧ ⲛⲙⲙⲁⲛ ⲉϣⲉⲡⲥⲟⲩⲟ ⲛⲧⲛⲥⲟⲟⲩⲛ ϭⲉ ⲁⲛ ϫⲉⲛⲓⲙ ⲡⲉⲛⲧⲁϥⲛⲟⲩϫⲉ ⲙⲡϩⲁⲧ ⲉϩⲣⲁⲓ ⲉⲛⲉⲛϭⲟⲟⲩⲛⲉ

23 ⲡⲉϫⲁϥ ⲇⲉ ⲛⲁⲩ ⲛϭⲓⲡⲣⲱⲙⲉ ϫⲉⲧⲉⲧⲛⲟⲩⲟϫ ⲛⲧⲱⲧⲛ ⲙⲡⲣⲣϩⲟⲧⲉ ⲡⲉⲧⲛⲛⲟⲩⲧⲉ ⲁⲩⲱ ⲡⲛⲟⲩⲧⲉ ⲛⲛⲉⲧⲛⲉⲓⲟⲧⲉ ⲡⲉⲛⲧⲁϥϯ ⲛⲏⲧⲛ ⲛϩⲉⲛⲁϩⲱⲱⲣ ϩⲛⲛⲉⲧⲛϭⲟⲟⲩⲛⲉ ⲡⲉⲧⲛϩⲁⲧ ⲁⲓϫⲓⲧϥ ⲉϥⲥⲟⲧⲡ ⲁϥⲉⲓⲛⲉ ⲇⲉ ⲉⲃⲟⲗ ⲛⲥⲩⲙⲉⲱⲛ ϣⲁⲣⲟⲟⲩ

24 ⲁⲩⲱ ⲁϥⲉⲓⲛⲉ ⲛⲟⲩⲙⲟⲟⲩ ⲉⲉⲓⲱ ⲛⲛⲉⲩⲟⲩⲉⲣⲏⲧⲉ ⲁⲩⲱ ⲁϥϯϩⲣⲉ ⲛⲛⲉⲩⲉⲟⲟⲩ

25 ⲁⲩⲥⲟⲃⲧⲉ ⲇⲉ ⲛⲛⲇⲱⲣⲟⲛ ϣⲁⲛⲧⲉⲓⲱⲥⲏⲫ ⲉⲓ ⲉϩⲟⲩⲛ ⲙⲡⲛⲁⲩ ⲙⲙⲉⲉⲣⲉ ⲁⲩⲥⲱⲧⲙ ⲅⲁⲣ ϫⲉⲉϥⲛⲁⲟⲩⲱⲙ ϩⲙⲡⲙⲁ ⲉⲧⲙⲙⲁⲩ

26 ⲁⲓⲱⲥⲏⲫ ⲇⲉ ⲃⲱⲕ ⲉϩⲟⲩⲛ ⲉⲡⲏⲓ ⲁⲩ ⲛⲁϥ ⲉϩⲟⲩⲛ ⲉⲡⲏⲓ ⲛⲛⲇⲱⲣⲟⲛ ⲉⲧϣⲟⲟⲡ ϩⲛⲛⲉⲩϭⲓϫ ⲁⲩⲟⲩⲱϣⲧ ⲛⲁϥ ⲙⲡⲉⲩϩⲟ ⲉϩⲣⲁⲓ ⲉϫⲙⲡⲕⲁϩ

27 ⲁϥϫⲛⲟⲩⲟⲩ ⲇⲉ ϫⲉⲧⲉⲧⲛⲣⲟⲩ ⲁⲩⲱ ⲡⲉϫⲁϥ ⲛⲁⲩ ϫⲉⲛⲉⲡⲉⲧⲛⲉⲓⲱⲧ ⲛϩⲗⲗⲟ ⲟⲩⲟϫ ⲡⲁⲓ ⲉⲛⲧⲁⲧⲛϫⲟⲟⲥ ϫⲉⲉⲧⲓ ϥⲟⲛϩ

28 ...

29 ...

30 ...

31 ...

32 ...

33 ...