Genesis 34 — Coptic (Sahidic)

1 ⲁⲇⲓⲛⲁ ⲇⲉ ⲉⲓ ⲉⲃⲟⲗ ⲧϣⲉⲉⲣⲉ ⲛⲗⲓⲁ ⲧⲁⲓ ⲛⲧⲁⲥϫⲡⲟⲥ ⲛⲓⲁⲕⲱⲃ ⲉⲛⲁⲩ ⲉⲛϣⲉⲉⲣⲉ ⲛⲛⲉⲧϩⲙ ⲡⲙⲁ ⲉⲧⲙⲙⲁⲩ

2 ⲁϥⲛⲁⲩ ⲉⲣⲟⲥ ⲛϭⲓⲥⲉⲭⲉⲙ ⲡϣⲏⲣⲉ ⲛⲉⲙⲱⲣ ⲡⲉⲭⲟⲣⲣⲁⲓⲟⲥ ⲡⲁⲣⲭⲱⲛ ⲙⲡⲕⲁϩ ⲁⲩⲱ ⲁϥϥⲓⲧⲥ ⲁϥⲛⲕⲟⲧⲕ ⲛⲙⲙⲁⲥ ⲁⲩⲱ ⲁϥⲑⲃⲃⲓⲟⲥ

3 ⲁϥⲣⲓⲕⲉ ⲛⲥⲁⲧⲉⲯⲩⲭⲏ ⲛⲇⲓⲛⲁ ⲧϣⲉⲉⲣⲉ ⲛⲓⲁⲕⲱⲃ ⲁⲩⲱ ⲁϥⲟⲩⲉϣⲧϣⲉⲉⲣⲉ ϣⲏⲙ ⲁϥϣⲁϫⲉ ⲙⲛⲧϣⲉⲉⲣⲉ ϣⲏⲙ ⲕⲁⲧⲁⲡⲉⲥϩⲏⲧ

4 ⲡⲉϫⲁϥ ⲇⲉ ⲛϭⲓⲥⲉⲭⲉⲙ ⲛⲉⲙⲱⲣ ⲡⲉϥⲉⲓⲱⲧ ⲉϥϫⲱ ⲙⲙⲟⲥ ϫⲉϫⲓ ⲛⲁⲓ ⲛϯϣⲉⲉⲣⲉ ϣⲏⲙ ⲉⲩⲥϩⲓⲙⲉ

5 ⲁⲓⲁⲕⲱⲃ ⲇⲉ ⲥⲱⲧⲙ ϫⲉⲁⲥⲩⲭⲉⲙ ⲡϣⲏⲣⲉ ⲛⲉⲙⲱⲣ ϫⲱϩⲙ ⲛⲇⲓⲛⲁ ⲧⲉϥϣⲉⲉⲣⲉ ⲛⲉϥϣⲏⲣⲉ ⲇⲉ ⲛⲉⲩϩⲛ ⲧⲥⲱϣⲉ ⲡⲉ ⲙⲛⲛⲉϥⲧⲃⲛⲟⲟⲩⲉ ⲁⲓⲁⲕⲱⲃ ⲇⲉ ⲕⲁⲣⲱϥ ϣⲁⲛⲧⲟⲩⲉⲓ ⲉϩⲣⲁⲓ

6 ⲁⲉⲙⲱⲣ ⲇⲉ ⲡⲉⲓⲱⲧ ⲛⲥⲩⲭⲉⲙ ⲉⲓ ⲉⲃⲟⲗ ϣⲁⲓⲁⲕⲱⲃ ⲉϣⲁϫⲉ ⲛⲙⲙⲁϥ

7 ⲛϣⲏⲣⲉ ⲛⲓⲁⲕⲱⲃ ⲁⲩⲉⲓ ⲉⲃⲟⲗ ϩⲛⲧⲥⲱϣⲉ ⲛⲧⲉⲣⲟⲩⲥⲱⲧⲙ ⲇⲉ ⲛϭⲓⲛⲣⲱⲙⲉ ⲁⲩⲙⲕⲁϩ ϩⲙⲡⲉⲩϩⲏⲧ ⲁⲩⲱ ⲁϥϣⲱⲡⲉ ⲛⲁⲩ ⲉⲩⲗⲩⲡⲉⲓ ⲉⲙⲁⲧⲉ ϫⲉⲟⲩϩⲱⲃ ⲛⲉϭⲱⲃ ⲡⲉⲛⲧⲁⲥⲩⲭⲉⲙ ⲁⲁϥ ϩⲙⲡⲓⲥⲣⲁⲏⲗ ⲉⲁϥⲛⲕⲟⲧⲕ ⲙⲛⲧϣⲉⲉⲣⲉ ⲛⲓⲁⲕⲱⲃ ⲛⲛⲉⲥϣⲱⲡⲉ ⲛⲧⲉⲓϩⲉ

8 ⲁϥϣⲁϫⲉ ⲛⲙⲙⲁⲩ ⲛϭⲓⲉⲙⲱⲣ ⲉϥϫⲱ ⲙⲙⲟⲥ ϫⲉⲥⲉⲭⲙ ⲡⲁϣⲏⲣⲉ ⲁϥⲥⲱⲧⲡ ⲛⲧⲉⲧⲛϣⲉⲉⲣⲉ ϩⲙⲡⲉϥϩⲏⲧ ⲧⲁⲁⲥ ⲛⲁϥ ⲛⲥϩⲓⲙⲉ

9 ⲛⲧⲉⲧⲛⲣϣⲟⲙ ⲉⲣⲟⲛ ⲛⲧⲉⲧⲛϯ ⲛⲛⲉⲧⲛϣⲉⲉⲣⲉ ⲛⲛⲉⲛϣⲏⲣⲉ ⲛⲧⲉⲧⲛϫⲓ ⲛⲛⲉⲛϣⲉⲉⲣⲉ ⲛⲛⲉⲧⲛϣⲏⲣⲉ

10 ⲛⲧⲉⲧⲛⲟⲩⲱϩ ϩⲣⲁⲓ ⲛϩⲏⲧⲛ ⲉⲓⲥ ⲡⲕⲁϩ ⲟⲩⲟϣⲥ ⲙⲡⲉⲧⲛⲙⲧⲟ ⲉⲃⲟⲗ ⲟⲩⲱϩ ϩⲣⲁⲓ ⲛϩⲏⲧϥ ⲛⲧⲉⲧⲛϫⲓ ⲛⲧⲉⲧⲛϯ ⲛⲧⲉⲧⲛϫⲡⲟ ⲛⲏⲧⲛ ϩⲣⲁⲓ ⲛϩⲏⲧϥ ⲁⲩⲱ ⲟⲛ ⲡⲉⲧⲧⲉⲧⲛⲛⲁϫⲟⲟϥ ⲧⲛⲛⲁⲧⲁⲁϥ

11 ⲡⲉϫⲁϥ ⲇⲉ ⲛϭⲓⲥⲉⲭⲙ ⲛⲛⲁϩⲣⲙⲡⲉⲥⲉⲓⲱⲧ ⲙⲛⲛⲉⲥⲥⲛⲏⲩ ϫⲉⲙⲁⲣⲓϩⲉ ⲉⲩϩⲙⲟⲧ ⲙⲡⲉⲧⲛⲙⲧⲟ ⲉⲃⲟⲗ ⲁⲩⲱ ⲡⲉⲧⲉⲧⲛⲁϫⲟⲟϥ ⲧⲛⲛⲁⲧⲁⲁϥ

12 ⲙⲁⲧⲁϣⲟ ⲛⲧⲉⲥϭⲣⲏϭⲉ ⲉⲙⲁⲧⲉ ⲁⲩⲱ ϯⲛⲁⲧⲁⲁⲥ ⲕⲁⲧⲁⲧϩⲉ ⲉⲧⲉⲧⲛⲛⲁϫⲟⲟⲥ ⲛⲁⲓ ⲛⲧⲉⲧⲛϯ ⲛⲁⲓ ⲛϯϣⲉⲉⲣⲉ ϣⲏⲙ ⲛⲥϩⲓⲙⲉ

13 ⲁⲩⲟⲩⲱϣϥ ⲛϭⲓⲛϣⲏⲣⲉ ⲛⲓⲁⲕⲱⲃ ⲉⲩϫⲱ ⲙⲙⲟⲥ ⲛⲥⲉⲭⲙ ⲙⲛⲉⲙⲱⲣ ⲡⲉϥⲉⲓⲱⲧ ϩⲛⲟⲩⲕⲣⲟϥ ⲁⲩⲱ ⲁⲩϣⲁϫⲉ ⲛⲙⲙⲁⲩ ϫⲉⲁⲩⲥⲱⲱϥ ⲛⲇⲓⲛⲁ ⲧⲉⲩⲥⲱⲛⲉ

14 ⲡⲉϫⲁⲩ ⲛⲁⲩ ⲛϭⲓⲥⲉⲙⲉⲱⲛ ⲙⲛⲗⲉⲩⲉⲓ ⲛⲥⲛⲏⲩ ⲛⲇⲓⲛⲁ ⲛϣⲏⲣⲉ ⲛⲗⲓⲁ ϫⲉⲙⲙⲛϭⲟⲙ ⲙⲙⲟⲛ ⲉⲉⲓⲣⲉ ⲙⲡⲓϣⲁϫⲉ ⲉϯ ⲛⲧⲛⲥⲱⲛⲉ ⲛⲟⲩⲣⲱⲙⲉ ⲉϥⲟ ⲛⲁⲧⲥⲃⲃⲉ ⲟⲩⲛⲟϭⲛⲉϭ ⲅⲁⲣ ⲛⲁⲛ ⲡⲉ

15 ϩⲙⲡⲁⲓ ⲧⲛⲛⲁⲉⲓⲛⲉ ⲙⲙⲱⲧⲛ ⲁⲩⲱ ⲧⲛⲛⲁⲟⲩⲱϩ ϩⲣⲁⲓ ⲛϩⲏⲧⲧⲏⲩⲧⲛ ⲉϣⲱⲡⲉ ⲉⲧⲉⲧⲛϣⲁⲛⲉⲣⲧⲛϩⲉ ϩⲙⲡⲧⲣⲉⲧⲛⲥⲃⲃⲉ ⲛϩⲟⲟⲩⲧ ⲛⲓⲙ ⲛⲧⲉⲧⲏⲩⲧⲛ

16 ⲧⲛⲛⲁϯ ⲛⲛⲛϣⲉⲉⲣⲉ ⲛⲏⲧⲛ ⲁⲩⲱ ⲧⲛⲛⲁϫⲓ ⲛϩⲛⲥϩⲓⲙⲉ ⲛⲁⲛ ⲉⲃⲟⲗ ϩⲛⲛⲉⲧⲛϣⲉⲉⲣⲉ ⲛⲧⲛⲟⲩⲱϩ ⲛⲙⲙⲏⲧⲛ ⲛⲧⲛϣⲱⲡⲉ ⲛⲧϩⲉ ⲛⲟⲩⲅⲉⲛⲟⲥ ⲛⲟⲩⲱⲧ

17 ⲉϣⲱⲡⲉ ⲇⲉ ⲉⲧⲉⲧⲛⲧⲙⲥⲱⲧⲙ ⲛⲥⲱⲛ ⲉⲥⲃⲃⲉⲧⲏⲩⲧⲛ ⲧⲛⲛⲁϫⲓ ⲛⲛⲛϣⲉⲉⲣⲉ ⲛⲧⲛⲃⲱⲕ

18 ⲁⲛϣⲁϫⲉ ⲇⲉ ⲉⲣⲉⲛⲁϥ ⲛⲉⲙⲱⲣ ⲙⲛⲥⲉⲭⲙ ⲡϣⲏⲣⲉ ⲛⲉⲙⲱⲣ

19 ⲙⲡⲉϥⲱⲥⲕ ⲛϭⲓⲡϣⲓⲣⲉ ⲉⲉⲓⲣⲉ ⲙⲡⲓϣⲁϫⲉ ⲛⲉⲣⲉⲡⲉϥϩⲏⲧ ⲅⲁⲣ ⲕⲏ ⲡⲉ ⲉϫⲛⲧϣⲉⲉⲣⲉ ⲛⲉⲓⲁⲕⲱⲃ ⲛⲧⲟϥ ⲇⲉ ⲛϥⲧⲁⲓⲏⲩ ⲡⲉ ⲛϩⲟⲩⲟ ⲉⲛⲉⲧϣⲟⲟⲡ ⲧⲏⲣⲟⲩ ϩⲙⲡⲏⲓ ⲙⲡⲉϥⲉⲓⲱⲧ

20 ⲁⲉⲙⲱⲣ ⲇⲉ ⲙⲛⲥⲉⲭⲙ ⲡⲉϥϣⲏⲣⲉ ⲉⲓ ϩⲁϩⲧⲏ ⲛⲧⲡⲏⲗⲏ ⲛⲧⲉⲩⲡⲟⲗⲓⲥ ⲁⲩϣⲁϫⲉ ⲙⲛⲛⲣⲱⲙⲉ ⲛⲧⲉⲩⲡⲟⲗⲓⲥ ⲉⲩϫⲱ ⲙⲙⲟⲥ

21 ϫⲉⲛⲓⲣⲱⲙⲉ ϩⲛⲉⲓⲣⲏⲛⲓⲕⲟⲥ ⲛⲉ ⲙⲁⲣⲟⲩⲱϩ ⲛⲙⲙⲁⲛ ⲉϩⲣⲁⲓ ⲉϫⲛⲡⲕⲁϩ ⲛⲥⲉϫⲓ ⲛⲥⲉϯ ⲛϩⲏⲧϥ ⲉⲓⲥ ⲡⲕⲁϩ ⲇⲉ ⲟⲩⲟϣⲥ ⲙⲡⲉⲩⲙⲧⲟ ⲉⲃⲟⲗ ⲧⲛⲛⲁϫⲓ ⲛⲛⲉⲩϣⲉⲉⲣⲉ ⲛⲁⲛ ⲛⲥϩⲓⲙⲉ ⲁⲩⲱ ⲛⲉⲛϣⲉⲉⲣⲉ ⲧⲛⲛⲁϯ ⲙⲙⲟⲟⲩ ⲛⲁⲩ

22 ϩⲙⲡⲁⲓ ⲙⲙⲁⲧⲉ ⲧⲛⲛⲁϣⲱⲡⲉ ⲛⲓⲛⲉ ⲙⲙⲟⲟⲩ ⲁⲩⲱ ⲛⲓⲣⲱⲙⲉ ⲛⲁⲉⲓⲛⲉ ⲙⲙⲙⲟⲛ ⲉⲧⲣⲉⲩⲟⲩⲱϩ ⲛⲙⲙⲁⲛ ϩⲱⲥⲧⲉ ⲛⲧⲛϣⲱⲡⲉ ⲛⲟⲩⲗⲁⲟⲥ ⲛⲟⲩⲱⲧ ϩⲙⲡⲧⲣⲛⲥⲃⲃⲉ ⲛⲛϩⲟⲟⲩⲧ ⲛⲧϩⲉ ϩⲱⲟⲩ ⲉⲧⲟⲩⲥⲃⲃⲏⲧⲟⲩ

23 ⲛⲉⲩⲧⲃⲛⲟⲟⲩⲉ ⲇⲉ ⲧⲏⲣⲟⲩ ⲙⲛⲛⲉⲩϩⲏⲡⲁⲣⲭⲟⲛⲧⲁ ⲧⲏⲣⲟⲩ ⲉⲩⲛⲁϣⲱⲡⲉ ⲛⲁⲩ (sic! leg ⲛⲁⲛ) ⲙⲟⲛⲟⲛ ϩⲙⲡⲁⲓ ⲉⲛⲛⲁⲉⲓⲛⲉ ⲙⲙⲟⲟⲩ ⲛⲥⲉⲟⲩⲱϩ ⲉϩⲣⲁⲓ ⲛϩⲏⲧⲛ

24 ⲁⲩⲥⲱⲧⲙ ⲇⲉ ⲛⲥⲁⲉⲙⲱⲣ ⲙⲛⲥⲉⲭⲙ ⲡⲉϥϣⲏⲣⲉ ⲛϭⲓⲟⲩⲟⲛ ⲛⲓⲙ ⲉⲧⲃⲏⲕ ⲉϩⲟⲩⲛ ⲉⲧⲡⲏⲗⲏ ⲛⲧⲉⲩⲡⲟⲗⲓⲥ ⲁⲩⲱ ⲁⲩⲥⲃⲃⲉ ⲛⲧⲥⲁⲣⲉⲝ ⲛⲧⲉⲩⲁⲕⲣⲟⲏⲥ ⲛϭⲓϩⲟⲟⲩⲧ ⲛⲓⲙ

25 ⲁⲥϣⲱⲡⲉ ⲇⲉ ϩⲙⲡⲙⲉϩϣⲟⲙⲏⲧ ⲛϩⲟⲟⲩ ⲉⲩϣⲟⲟⲡ ϩⲙⲡⲉⲧⲁⲩϫⲓ ⲛϭⲓⲛϣⲏⲣⲉ ⲥⲛⲁⲩ ⲛⲓⲁⲕⲱⲃ ⲥⲩⲙⲉⲱⲛ ⲙⲛⲗⲉⲩⲉⲓ ⲛⲉⲥⲛⲏⲩ ⲛⲇⲓⲛⲁ ⲡⲟⲩⲁ ⲡⲟⲩⲁ ⲛⲧⲉϥⲥⲏϥⲉ ⲁⲩⲃⲱⲕ ⲉϩⲟⲩⲛ ⲉⲧⲡⲟⲗⲓⲥ ϩⲛⲟⲩⲱⲣϫ ⲁⲩⲙⲟⲩⲟⲩⲧ ⲛϩⲟⲟⲩⲧ ⲛⲓⲙ

26 ⲛⲧⲁⲩⲙⲟⲩⲟⲩ ⲙⲡⲕⲉⲉⲙⲱⲣ ⲙⲛⲥⲩⲭⲉⲙ ⲡⲉϥϣⲏⲣⲉ ϩⲙⲡⲣⲟ ⲛⲧⲥⲏϥⲉ ⲁⲩϫⲓⲇⲓⲛⲁ ⲧⲉⲩⲥⲱⲛⲉ ⲉⲃⲟⲗ ϩⲙⲡⲏⲓ ⲛⲥⲩⲭⲉⲙ ...

30 ⲡⲉϫⲁϥ ⲇⲉ ⲛϭⲓⲓⲁⲕⲱⲃ ⲛⲥⲩⲙⲉⲱⲛ ⲙⲛⲗⲉⲩⲉⲓ ϫⲉⲁⲧⲉⲧⲛⲙⲙⲉⲥⲧⲉ ϩⲱ ⲉⲧⲣⲁϣⲱⲡⲉ ⲙⲡⲟⲛⲏⲣⲟⲥ ⲛⲛⲁϩⲣⲛⲛⲉⲧⲟⲩ ⲧⲏⲣⲟⲩ ϩⲣⲁⲓ ϩⲙⲡⲕⲁϩ ϩⲛⲛⲉⲭⲁⲛⲁⲛⲁⲓⲟⲥ ⲙⲛⲛⲉⲫⲉⲣⲓⲥⲥⲁⲓⲟⲥ ⲁⲛⲟⲕ ⲇⲉ ⲁⲛ ⲟⲩⲕⲟⲩⲓ ϩⲛⲧⲏⲡⲉ ⲁⲩⲱ ⲛⲥⲉⲥⲱⲟⲩϩ ⲉϩⲟⲩⲛ ⲉⲣⲟⲓ ⲛⲥⲉϭⲉϫϭⲱϫⲧ ⲛⲥⲉⲟⲩ ⲙⲙⲟⲓ ϣⲁⲃⲟⲗ ⲁⲛⲟⲕ ⲙⲛⲡⲁⲏⲓ

31 ⲛⲧⲟⲟⲩ ⲇⲉ ⲡⲉϫⲁⲩ ϫⲉ