Genesis 30 — Coptic (Sahidic)

1 ⲁϩⲣⲁⲭⲏⲗ ⲇⲉ ⲛⲁⲩ ϫⲉⲙⲡⲉⲥϫⲡⲉϣⲏⲣⲉ ⲛⲓⲁⲕⲱⲃ ⲁϩⲣⲁⲭⲏⲗ ⲕⲱϩ ⲉⲗⲉⲓⲁ ⲧⲉⲥⲥⲱⲛⲉ ⲡⲉϫⲁⲥ ⲛⲓⲁⲕⲱⲃ ϫⲉⲙⲁ ⲛⲁⲓ ⲛϩⲛϣⲏⲣⲉ ⲉϣⲱⲡⲉ ⲙⲙⲟⲛ ϯⲛⲁⲙⲟⲩ

2 ⲁⲓⲁⲕⲱⲃ ⲇⲉ ϭⲱⲛⲧ ⲉϩⲣⲁⲭⲏⲗ ⲡⲉϫⲁϥ ⲛⲁⲥ ϫⲉⲙⲏ ⲁⲛⲅ ⲡⲛⲟⲩⲧⲉ ⲁⲛⲟⲕ ⲡⲁⲓ ⲛⲧⲁϥϥⲟϭⲉ ⲙⲡⲕⲁⲣⲡⲟⲥ ⲛϩⲏⲧⲉ

3 ⲡⲉϫⲉϩⲣⲁⲭⲏⲗ ⲛⲓⲁⲕⲱⲃ ϫⲉⲉⲓⲥⲧⲁϩⲙϩⲁⲗ ⲃⲁⲗⲗⲁ ⲃⲱⲕ ⲉϩⲟⲩⲛ ϣⲁⲣⲟⲥ ⲁⲩⲱ ⲥⲛⲁⲙⲓⲥⲉ ϩⲓϫⲛⲛⲁⲡⲉⲓⲁⲧ ⲧⲁⲕⲁⲟⲩϣⲏⲣⲉ ⲛⲁⲓ ϩⲱ ⲉⲃⲟⲗ ⲛϩⲏⲧⲥ

4 ⲁⲥϯ ⲛⲁϥ ⲛⲃⲁⲗⲗⲁ ⲧⲉⲥϩⲙϩⲁⲗ ⲛⲥϩⲓⲙⲉ ⲁⲓⲁⲕⲱⲃ ⲃⲱⲕ ⲉϩⲟⲩⲛ ϣⲁⲣⲟⲥ

5 ⲁⲥⲱ ⲛϭⲓⲃⲁⲗⲗⲁ ⲧϩⲙϩⲁⲗ ⲛϩⲣⲁⲭⲏⲗ ⲁⲥϫⲡⲟ ⲛⲟⲩϣⲏⲣⲉ ⲛⲓⲁⲕⲱⲃ

6 ⲡⲉϫⲁⲥ ⲛϭⲓϩⲣⲁⲭⲏⲗ ϫⲉⲁⲡϫⲟⲉⲓⲥ ⲡⲛⲟⲩⲧⲉ ⲕⲣⲓⲛⲉ ⲙⲙⲟⲓ ⲁⲩⲱ ⲁϥⲥⲱⲧⲙ ⲉⲧⲁⲥⲙⲏ ⲁϥϯ ⲛⲁⲓ ⲛⲟⲩϣⲏⲣⲉ ⲉⲧⲃⲉⲡⲁⲓ ⲁⲥⲙⲟⲩⲧⲉ ⲉⲡⲉϥⲣⲁⲛ ϫⲉⲇⲁⲛ

7 ⲁⲥⲱ ⲟⲛ ⲛϭⲓⲃⲁⲗⲗⲁ ⲧϩⲙϩⲁⲗ ⲛϩⲣⲁⲭⲏⲗ ⲁⲥϫⲡⲟ ⲙⲡⲙⲉϩⲥⲛⲁⲩ ⲛⲓⲁⲕⲱⲃ

8 ⲡⲉϫⲁⲥ ϫⲉⲁⲡϫⲟⲉⲓⲥ ⲡⲛⲟⲩⲧⲉ ϣⲟⲡⲧ ⲉⲣⲟϥ ⲁⲓϣⲱϣ ⲙⲛⲧⲁⲥⲱⲛⲉ ⲁⲩⲱ ⲁⲓϭⲙϭⲟⲙ ⲁⲥⲙⲟⲩⲧⲉ ⲉⲡⲉϥⲣⲁⲛ ϫⲉⲛⲉⲫⲑⲁⲗⲉⲓⲙ

9 ⲁⲗⲉⲓⲁ ⲇⲉ ⲛⲁⲩ ϫⲉⲁⲥⲗⲟ ⲉⲥⲙⲓⲥⲉ ⲁⲥϫⲓ ⲛⲍⲉⲗⲫⲁ ⲧⲉⲥϩⲙϩⲁⲗ ⲁⲥⲧⲁⲁⲥ ⲛⲓⲁⲕⲱⲃ ⲛⲥϩⲓⲙⲉ

10 ⲁⲍⲉⲗⲫⲁ ⲇⲉ ⲱ ⲧϩⲙϩⲁⲗ ⲛⲗⲉⲓⲁ ⲁⲥϫⲡⲟ ⲛⲟⲩϣⲏⲣⲉ ⲛⲓⲁⲕⲱⲃ

11 ⲡⲉϫⲁⲥ ⲛϭⲓⲗⲉⲓⲁ ϫⲉϩⲛⲟⲩⲙⲁⲧⲉ ⲁⲓϯⲙⲁⲧⲉ ⲁⲥⲙⲟⲩⲧⲉ ⲉⲡⲉϥⲣⲁⲛ ϫⲉⲅⲁⲇ

12 ⲁⲥⲱ ⲟⲛ ⲛϭⲓⲍⲉⲗⲫⲁ ⲧϩⲙϩⲁⲗ ⲛⲗⲓⲁ ⲁⲥϫⲡⲟ ⲙⲡⲛϣⲏⲣⲉ ⲛⲓⲁ

13 ⲡⲉϫⲉⲗⲓⲁ ⲇⲉ ϫⲉⲛⲁⲉⲓⲁⲧ ⲁⲛⲟⲕ ϫⲉⲥⲉⲟⲩⲟⲓ ⲛϭⲓⲛⲉⲥϩⲓ ⲁⲥⲙⲟⲩⲧⲉ ⲉⲡⲉϥϫⲉⲁⲥⲏⲣ ⲉⲧⲉⲡⲉ ⲧⲙⲛⲧⲣⲙⲙⲁⲟ

14 ⲁϩⲣⲟⲩⲃⲏⲛ ⲇⲉ ⲃⲱⲕ ⲉⲃⲟⲗ ϩⲛⲛⲉϩⲟⲟⲩ ⲙⲡⲱϩⲥ ⲙⲡⲉⲥⲟⲩⲟ ⲁϥϩⲉ ⲉϩⲉⲛϫⲙⲡⲉϩ ⲙⲙⲁⲛⲇⲣⲁⲅⲟⲣⲟⲥ ϩⲛⲧⲥⲱϣⲉ ⲁϥⲉⲓⲛⲉ ⲙⲙⲟⲟⲩ ⲛⲗⲉⲓⲁ ⲧⲉϥⲙⲁⲁⲩ ⲡⲉϫⲁⲥ ⲇⲉ ⲛϭⲓϩⲣⲁⲭⲏⲗ ⲛⲗⲉⲓⲁ ⲧⲉⲥⲥⲱⲛⲉ ϫⲉⲙⲁ ⲛⲁⲓ ⲉⲃⲟⲗ ϩⲛⲙⲙⲁⲛⲇⲣⲁⲅⲟⲣⲟⲥ ⲙⲡⲟⲩϣⲏⲣⲉ

15 ⲡⲉϫⲁⲥ ⲇⲉ ⲛϭⲓⲗⲉⲓⲁ ϫⲉⲛϩⲟ ⲉⲣⲟⲁⲛ ϫⲉⲁϫⲓⲡⲁϩⲁⲓ ⲙⲏ ⲛⲙⲙⲁⲛⲇⲣⲁⲅⲟⲣⲟⲥ ⲙⲡⲁϣⲏⲣⲉ ... ⲉ ⲛⲙⲙⲁⲛⲇⲣⲁⲅⲟⲣⲟⲥ ⲙⲡⲟⲩϣⲏⲣⲉ

16 ⲁⲓⲁⲕⲱⲃ ⲇⲉ ⲉⲓ ⲉϩⲣⲁⲓ ϩⲛⲧⲥⲱϣⲉ ⲙⲡⲛⲁⲩ ⲛⲣⲟⲩϩⲉ ⲁⲛⲉⲓⲁ ⲉⲓ ⲉⲃⲟⲗ ⲉⲧⲱⲙⲛⲧ ⲉⲣⲟϥ ⲡⲉϫⲁⲥ ⲛⲁϥ ϫⲉⲉⲕⲛⲏⲩ ⲉϩⲟⲩⲛ ϣⲁⲣⲟⲓ ⲙⲡϩⲟⲟⲩ ⲁⲓⲙⲓⲥⲑⲟⲩ ⲅⲁⲣ ⲙⲙⲟⲕ ⲉⲡⲙⲁ ⲛⲙⲙⲁⲛⲇⲣⲁⲅⲟⲣⲟⲥ ⲙⲡⲁϣⲏⲣⲉ ⲁϥϣⲱⲡⲉ ⲛⲙⲙⲁⲥ ⲛⲧⲉⲩϣⲏ ⲉⲧⲙⲙⲁⲩ

17 ⲁⲡϫⲟⲉⲓⲥ ⲡⲛⲟⲩⲧⲉ ⲥⲱⲧⲙ ⲉⲗⲉⲓⲁ ⲁ ⲁⲥϫⲡⲟ ⲙⲡⲙⲉϩϯⲟⲩ ⲛϣⲏⲣⲉ ...

20 ... ⲙⲟⲉⲓϣ ϥⲛⲁⲟⲩⲁϣⲧ ⲛ ⲡⲁϩⲁⲓ ⲁⲓϫⲡⲟ ⲅⲁⲣ ⲛⲁϥ ⲛⲥⲟⲩ ⲛϣⲏⲣⲉ ⲁⲥⲟⲩⲧⲉ ⲉⲡⲉϥⲁⲛ ϫⲉⲍⲁⲃⲟⲩⲗⲱⲛ

26 ... ⲛⲧⲙⲛⲧ ⲉⲛⲧⲁⲓⲁⲁⲥ ⲛⲁⲕ

27 ⲡⲉϫⲁϥ ⲇⲉ ⲛⲁϥ ⲛϭⲓⲗⲁⲃⲁⲛ ϫⲉⲉⲛⲉⲛⲧⲁⲓϩⲉ ⲉⲩϩⲙⲟⲧ ⲙⲡⲉⲕⲙⲧⲟ ⲉⲃⲟⲗ ⲛⲉⲓⲛⲁϫⲓⲙⲁⲓⲛ ⲉⲣⲟϥ ⲡⲉ ⲁⲡⲛⲟⲩⲧⲉ ⲅⲁⲣ ⲥⲙⲟⲩ ⲉⲣⲟⲓ ϩⲙⲡⲧⲣⲉⲕⲉⲓ ⲉϩⲟⲩⲛ ϣⲁⲣⲟⲓ

28 ⲁⲩⲱ ⲡⲉϫⲁϥ ⲛⲁϥ ϫⲉⲡⲱⲣϫ ⲛⲁⲓ ⲉⲃⲟⲗ ⲛⲙⲙⲁⲓ ⲙⲡⲉⲕⲃⲉⲕⲉ ⲧⲁⲧⲁⲁϥ ⲛⲁⲕ

29 ⲡⲉϫⲁϥ ⲇⲉ ⲛⲁϥ ⲛϭⲓⲓⲁⲕⲱⲃ ϫⲉⲛⲧⲟⲕ ⲡⲉⲧⲥⲟⲟⲩⲛ ⲛⲧⲙⲛⲧϩⲙϩⲁⲗ ⲛⲧⲁⲓⲁⲁⲥ ⲛⲁⲕ ⲁⲩⲱ ⲧⲁⲡⲥ ⲛⲛⲉⲕⲧⲃⲛⲟⲟⲩⲉ ⲉⲧⲛⲙⲙⲁⲓ

30 ϩⲉⲛⲕⲟⲩⲓ ⲅⲁⲣ ⲛⲉ ⲉⲛⲉⲩⲛⲁⲕ ⲙⲡⲁⲙⲧⲟ ⲉⲃⲟⲗ ⲁⲩⲱ ⲁⲩⲁϣⲁⲓ ⲉⲡⲉϩⲟⲩⲟ ⲁⲡⲛⲟⲩⲧⲉ ⲥⲙⲟⲩ ⲉⲣⲟⲕ ϩⲙⲡⲧⲣⲁⲉⲓ ⲉϩⲟⲩⲛ ϣⲁⲣⲟⲕ ⲧⲉⲛⲟⲩ ϭⲉ ϩⲱ ⲉⲓⲛⲁⲧⲁⲙⲓⲉⲟⲩⲏⲓ ⲛⲁⲓ ⲛⲧⲛⲁⲩ

31 ⲡⲉϫⲉⲗⲁⲃⲁⲛ ⲛⲁϥ ϫⲉⲉⲓⲛⲁϯⲟⲩ ⲛⲁⲕ ⲡⲉϫⲁϥ ⲇⲉ ⲛⲁϥ ⲛϭⲓⲓⲁⲕⲱⲃ ϫⲉⲛⲛⲉⲕϯⲗⲁⲁⲩ ⲛⲁⲓ ⲉϣⲱⲡⲉ ⲉⲕϣⲁⲛⲉⲓⲣⲉ ⲙⲡⲉⲓϣⲁϫⲉ ϯⲛⲁⲙⲟⲟⲛⲉ ⲟⲛ ⲛⲛⲉⲕⲉⲥⲟⲟⲩ ⲁⲩⲱ ϯⲛⲁϩⲁⲣⲉϩ ⲉⲣⲟⲟⲩ

32 ⲙⲁⲣⲉⲛⲉⲥⲟⲟⲩ ⲧⲏⲣⲟⲩ ⲉⲓ ⲉⲃⲟⲗ ϩⲓⲧⲟⲟⲧⲕ ⲙⲡϩⲟⲟⲩ ⲛⲅⲡⲱⲣϫ ⲉⲃⲟⲗ ⲛϩⲏⲧⲟⲩ ⲛⲉⲥⲟⲟⲩ ⲛⲓⲙ ⲉⲧⲟ ⲛⲁⲩⲁⲛ ϩⲛⲛⲉϩⲓⲉⲓⲃ ⲁⲩⲱ ϩⲟ ⲛⲟⲩⲟⲃϣ ⲛⲓⲙ ⲙⲛⲛⲥⲓⲟⲩⲥⲓⲟⲩ ϩⲛⲛⲃⲁⲁⲙⲡⲉ ⲉⲩⲉϣⲱⲡⲉ ⲛⲁⲓ ⲛⲃⲉⲕⲉ

33 ⲛⲧⲉⲧⲁⲇⲓⲕⲁⲓⲟⲥⲩⲛⲏ ⲥⲉⲧⲙⲛⲁⲓ ϩⲣⲁⲓ ϩⲛⲣⲁⲥⲧⲉ ⲛϩⲟⲟⲩ ϫⲉⲡⲁⲃⲉⲕⲉ ⲡⲉ ⲡⲁⲓ ⲙⲡⲉⲕⲙⲧⲟ ⲉⲃⲟⲗ ⲟⲩⲟⲛ ⲛⲓⲙ ⲉⲧⲉⲛⲟⲩⲥⲓⲟⲩⲥⲓⲟⲩ ⲁⲛ ⲡⲉ ⲁⲩⲱ ⲛϥⲱ ⲁⲛ ⲛϩⲟ ⲛⲟⲩⲟⲃϣ ϩⲛⲛⲃⲁⲁⲙⲡⲉ ⲙⲛⲡⲉⲧⲉⲛϥⲟ ⲁⲛ ⲛⲁⲩⲁⲛ ϩⲛⲛⲉϩⲓⲉⲓⲃ ⲉⲓⲉ ⲛⲧⲁⲓϥⲓⲧϥ ⲛϫⲓⲟⲩⲉ

34 ⲡⲉϫⲉⲗⲁⲃⲁⲛ ⲛⲁϥ ϫⲉⲉⲥⲉϣⲱⲡⲉ ⲕⲁⲧⲁⲡⲉⲕϣⲁϫⲉ

35 ⲁⲩⲱ ⲁⲩⲡⲱⲣϫ ⲉⲃⲟⲗ ⲙⲡⲉϩⲟⲟⲩ ⲉⲧⲙⲙⲁⲩ ⲛⲛϭⲓⲉ ⲛⲥⲓⲟⲩⲥⲓⲟⲩ ⲙⲛⲛϩⲟ ⲛⲟⲩⲟⲃϣ ⲙⲛⲛⲃⲁⲁⲙⲡⲉ ⲉⲧⲟ ⲛⲧⲟⲧⲟ ⲙⲛⲟⲩⲟⲃϣ ⲛⲓⲙ ⲉⲧⲛϩⲏⲧⲟⲩ ⲙⲛⲛⲉⲧⲟ ⲛⲁⲩⲁⲛ ϩⲛⲛⲉϩⲓⲉⲓⲃ ⲁϥϯ ⲙⲙⲟⲟⲩ ⲉⲧⲟⲟⲧⲟⲩ ⲛⲛⲉϥϣⲏⲣⲉ

36 ⲁϥⲧⲣⲉⲩⲟⲩⲉ ⲛⲟⲩϩⲓⲏ ⲛϣⲟⲙⲛⲧ ⲛϩⲟⲟⲩ ⲙⲙⲟⲟϣⲉ ⲛⲧⲉⲩⲙⲏⲧⲉ ⲁⲩⲱ ⲛⲧⲙⲏⲧⲉ ⲛⲓⲁⲕⲱⲃ ⲓⲁⲕⲱⲃ ⲇⲉ ⲛⲉϥⲙⲟⲟⲛⲉ ⲛⲛⲉⲥⲟⲟⲩ ⲛⲗⲁⲃⲁⲛ ⲛⲧⲁⲩϣⲱϫⲡ

37 ⲁⲓⲁⲕⲱⲃ ⲇⲉ ϫⲓ ⲛⲟⲩϣⲉ ⲛⲥⲧⲩⲣⲁⲝ ⲉϥⲟⲩⲉⲧⲟⲩⲱⲧ ⲁⲩⲱ ⲕⲉⲟⲩⲁ ⲛϣⲉ ⲛⲕⲁⲣⲟⲓⲁ ⲙⲛⲕⲉⲟⲩⲁ ⲛϣⲉ ⲙⲡⲗⲁⲧⲁⲛⲟⲥ ⲁϥⲕⲱⲕ ⲙⲙⲟⲟⲩ ⲛϭⲓⲓⲁⲕⲱⲃ ⲛϩⲛⲧⲟ ⲉⲩⲟⲩⲟⲃϣ ⲉⲩⲥⲱⲕ ⲉⲡⲉⲧⲟⲩⲉⲧⲟⲩⲱⲧ ⲁⲡⲉⲧⲟⲩⲟⲃϣ ⲇⲉ ⲛⲧⲁϥⲕⲟⲕϥ ⲟⲩⲱⲛϩ ⲉⲃⲟⲗ ϩⲛⲛϭⲉⲣⲱⲃ ⲛⲧⲟⲧⲟ

38 ⲁϥⲕⲱ ⲇⲉ ⲛⲛϭⲉⲣⲱⲃ ⲉⲛⲧⲁϥⲕⲟⲕⲟⲩ ϩⲛⲛϭⲱⲧ ⲙⲙⲟⲟⲩ ⲛⲙⲙⲁⲛⲧⲥⲟ ϫⲉⲕⲁⲥ ⲉⲩϣⲁⲛⲉⲓ ⲛϭⲓⲛⲉⲥⲟⲟⲩ ⲉⲥⲱ ⲙⲡⲉⲙⲧⲟ ⲉⲃⲟⲗ ⲛⲛϭⲉⲣⲱⲃ ⲛⲥⲉϫⲓⲟⲩⲱ ⲛϭⲓⲛⲉⲥⲟⲟⲩ ⲉⲛϭⲉⲣⲱⲃ

39 ⲁⲩⲱ ⲛⲧⲉⲣⲟⲩⲉⲓ ⲛϭⲓⲛⲉⲥⲟⲟⲩ ⲉⲥⲱ ⲁⲩϫⲓⲟⲩⲱ ⲉⲛϭⲉⲣⲱⲃ ⲁⲩⲱ ⲛⲉⲩⲙⲓⲥⲉ ⲛϭⲓⲛⲉⲥⲟⲟⲩ ⲛϩⲉⲛϩⲟ ⲛⲟⲩⲟⲃϣ ⲙⲛϩⲛⲁⲩⲉⲓⲁⲩⲁⲛ ⲙⲛϩⲉⲛⲁⲩⲁⲛ ⲛⲕⲣⲙⲉⲥ ⲛⲥⲓⲟⲩⲥⲓⲟⲩ

40 ⲛⲉⲣⲉⲓⲁⲕⲱⲃ ⲇⲉ ⲡⲱⲣϫ ⲉⲃⲟⲗ ⲛⲛⲉϩⲓⲉⲓⲃ ⲁⲩⲱ ⲁϥⲧⲁϩⲟ ⲉⲣⲁⲧϥ ⲛⲟⲩⲟⲉⲓⲗⲉ ⲛϩⲟ ⲛⲟⲩⲟⲃϣ ⲙⲡⲙⲧⲟ ⲉⲃⲟⲗ ⲛⲛⲉⲥⲟⲟⲩ ⲙⲛⲛⲉⲧⲟ ⲛⲁⲩⲉⲓⲁⲩⲁⲛ ⲧⲏⲣⲟⲩ ϩⲛⲛⲉϩⲓⲉⲓⲃ ⲁϥⲡⲟⲣϫⲟⲩ ⲛⲁϥ ⲉⲃⲟⲗ ⲛϩⲉⲛⲟϩⲉ ⲛⲥⲁⲟⲩⲥⲁ ⲁⲩⲱ ⲙⲡⲉϥⲧⲁϩⲟⲩ ⲙⲛⲛⲉⲥⲟⲟⲩ ⲛⲗⲁⲃⲁⲛ

41 ⲁⲥϣⲱⲡⲉ ⲇⲉ ϩⲙⲡⲉⲟⲩⲟⲉⲓϣ ⲉⲧⲟⲩϫⲓⲟⲩⲱ ⲛϩⲏⲧϥ ⲛϭⲓⲛⲉⲥⲟⲟⲩ ⲁⲩⲱ ⲛⲉϣⲁⲣⲉⲓⲁⲕⲱⲃ ⲕⲱ ⲛⲛϭⲉⲣⲟⲟⲃ ⲙⲡⲙⲧⲟ ⲉⲃⲟⲗ ⲛⲛⲉⲥⲟⲟⲩ ϩⲛⲛϭⲱⲧ ⲉⲧⲣⲉⲩϫⲓⲟⲩⲱ ⲕⲁⲧⲁⲛϭⲉⲣⲟⲟⲃ

42 ⲉⲩϣⲁⲛⲙⲓⲥⲉ ⲇⲉ ⲛϭⲓⲛⲉⲥⲟⲟⲩ ⲙⲉϥⲕⲁⲁⲩ ⲁⲛⲟⲩⲟⲃϣ ⲇⲉ ϣⲱⲡⲉ ⲛⲗⲁⲃⲁⲛ ⲁⲩⲱ ⲛⲉⲧⲟ ⲛⲁⲩⲁⲛ ⲛⲓⲁⲕⲱⲃ

43 ⲁⲡⲣⲱⲙⲉ ⲣⲣⲙⲙⲁⲟ ⲉⲙⲁⲧⲉ ⲁⲩⲱ ⲁⲩϣⲱⲡⲉ ⲛⲁϥ ⲛϭⲓϩⲉⲛⲧⲃⲛⲟⲟⲩⲉ ⲉⲛⲁϣⲱⲟⲩ ⲙⲛϩⲉⲛⲉϩⲟⲟⲩ ⲙⲛϩⲉⲛϩⲙϩⲁⲗ ⲛϩⲟⲟⲩⲧ ⲙⲛϩⲉⲛϩⲙϩⲁⲗ ⲛⲥϩⲓⲙⲉ ⲙⲛϩⲉⲛϭⲁⲙⲟⲩⲗ ⲙⲛϩⲉⲛⲉⲓⲱ