Read Genesis 11 side by side with translations · The Final Bible
9 ⲉⲧⲃⲉⲡⲁⲓ ⲁⲩⲙⲟⲩⲧⲉ ⲉⲡⲉⲥⲣⲁⲛ ϫⲉⲡϫⲱⲱⲣⲉ ⲉⲃⲟⲗ ϫⲉϩⲙⲡⲙⲁ ⲉⲧⲙⲙⲁⲩ ⲁⲡϫⲟⲉⲓⲥ ⲡⲛⲟⲩⲧⲉ ϫⲱⲱⲣⲉ ⲉⲃⲟⲗ ⲛⲧϭⲓⲛϣⲁϫⲉ ⲙⲡⲕⲁϩ ⲧⲏⲣϥ ⲁⲩⲱ ϩⲙⲡⲙⲁ ⲉⲧⲙⲙⲁⲩ ⲁⲡϫⲟⲉⲓⲥ ⲡⲛⲟⲩⲧⲉ ϫⲟⲟⲣⲟⲩ ⲉⲃⲟⲗ ϩⲓϫⲙⲡϩⲟ ⲙⲡⲕⲁϩ ⲧⲏⲣϥ
10 ⲛⲁⲓ ⲇⲉ ⲛⲉϫⲡⲟ ⲛⲥⲏⲙ ⲥⲏⲙ ⲛⲉⲩϣⲏⲣⲉ ⲡⲉ ⲉϥϩⲛ ϣⲉ ⲛⲣⲟⲙⲡⲉ ⲛⲧⲉⲣⲉϥϫⲡⲟ ⲛⲁⲣⲫⲁⲝⲁⲇ ϩⲛⲧⲙⲉϩⲣⲙⲡⲉ ⲥⲛⲧⲉ ⲙⲛⲛⲥⲁⲡⲕⲁⲧⲁⲕⲗⲩⲥⲙⲟⲥ
11 ⲁⲥⲏⲙ ⲱⲛϩ ⲙⲛⲛⲥⲁⲉⲧⲣⲉϥϫⲡⲟ ⲛⲁⲣⲫⲁⲝⲁⲇ ⲛϯⲟⲩ ⲛϣⲉ ⲛⲣⲟⲙⲡⲉ ⲁϥⲙⲟⲩ
12 ⲁⲁⲣⲫⲁⲝⲁⲇ ⲇⲉ ⲱⲛϩ ⲛϣⲉ ⲙⲁⲁⲃⲉ ⲛⲣⲟⲙⲡⲉ ⲁϥϫⲡⲟ ⲛⲕⲁⲓⲛⲁⲛ
13 ⲁϥⲱⲛϩ ⲛϭⲓⲁⲣⲫⲁⲝⲁⲇ ⲙⲛⲛⲥⲁⲧⲣⲉϥϫⲡⲟ ⲛⲕⲁⲓⲛⲁⲛ ⲛϥⲧⲉⲩϣⲉ ⲙⲁⲁⲃⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ ⲁϥⲙⲟⲩ ⲁϥⲱⲛϩ ⲛϭⲓⲕⲁⲓⲛⲁⲛ ⲛϣⲉ ⲙⲁⲁⲃⲉ ⲛⲣⲟⲙⲡⲉ ⲁϥϫⲡⲟ ⲛⲥⲁⲗⲁ ⲁϥⲱⲛϩ ⲛϭⲓⲕⲁⲓⲛⲁⲛ ⲙⲛⲛⲥⲁⲧⲣⲉϥϫⲡⲟ ⲛⲥⲁⲗⲁ ⲛϥⲧⲉⲩϣⲉ ⲙⲁⲁⲃⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ ⲁϥⲙⲟⲩ
14 ⲁϥⲱⲛϩ ⲛϭⲓⲥⲁⲗⲁ ⲛϣⲉ ⲙⲁⲁⲃⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲃⲉⲣ
15 ⲁⲥⲁⲗⲁ ⲱⲛϩ ⲙⲛⲛⲥⲁⲧⲣⲉϥϫⲡⲟ ⲛϩⲉⲃⲉⲣ ⲛϣⲙⲧϣⲉ ϣⲟⲙⲧⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ ⲁϥⲙⲟⲩ
16 ⲁϥⲱⲛϩ ⲛϭⲓϩⲉⲃⲉⲣ ⲛϣⲉ ⲙⲁⲃⲧⲁϥⲧⲉ ⲛⲣⲟⲙⲡⲉ ⲁϥϫⲡⲟ ⲙⲫⲁⲗⲉⲕ
17 ⲁϥⲱⲛϩ ⲛϭⲓϩⲉⲃⲉⲣ ⲙⲛⲛⲥⲁⲧⲣⲉϥϫⲡⲟ ⲙⲫⲁⲗⲉⲕ ⲛϣⲏⲧ ϣⲃⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ ⲁϥⲙⲟⲩ
18 ⲁϥⲱⲛϩ ⲛϭⲓⲫⲁⲗⲉⲕ ⲛϣⲉ ⲙⲁⲃⲧⲁϥⲧⲉ ⲛⲣⲟⲙⲡⲉ ⲁϥϫⲡⲟ ⲛϩⲣⲁⲕⲁⲩ
19 ⲁϥⲱⲛϩ ⲛϭⲓⲫⲁⲗⲉⲕ ⲙⲛⲛⲥⲁⲧⲣⲉϥϫⲡⲟ ⲛϩⲣⲁⲅⲁⲩ ⲛϣⲏⲧ ⲯⲓⲧⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ ⲁϥⲙⲟⲩ
20 ⲁϥⲱⲛϩ ⲛϭⲓϩⲣⲁⲅⲁⲩ ⲛϣⲉ ⲙⲁⲁⲃ ⲥⲛⲟⲟⲩⲥⲉ ⲛⲣⲟⲙⲡⲉ ⲁϥϫⲡⲟ ⲛⲥⲉⲣⲟⲩⲭ
21 ⲁϥⲱⲛϩ ⲛϭⲓϩⲣⲁⲅⲁⲩ ⲙⲛⲛⲥⲁⲧⲣⲉϥϫⲡⲟ ⲛⲥⲉⲣⲟⲩⲭ ⲛϣⲏⲧ ⲥⲁϣϥⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ ⲁϥⲙⲟⲩ
22 ⲁϥⲱⲛϩ ⲛϭⲓⲥⲉⲣⲟⲩⲭ ⲛϣⲉ ⲙⲁⲁⲃ ⲛⲣⲟⲙⲡⲉ ⲁϥϫⲡⲟ ⲛⲛⲁⲭⲱⲣ
23 ⲁϥⲱⲛϩ ⲛϭⲓⲥⲉⲣⲟⲩⲭ ⲙⲛⲛⲥⲁⲧⲣⲉϥϫⲡⲟ ⲛⲛⲁⲭⲱⲣ ⲛϣⲏⲧ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ ⲁϥⲙⲟⲩ
24 ⲁϥⲱⲛϩ ⲛϭⲓⲛⲁⲭⲱⲣ ⲛϣⲃⲉ ⲯⲓⲧⲉ ⲛⲣⲟⲙⲡⲉ ⲁϥϫⲡⲟ ⲛⲧϩⲁⲣⲁ
25 ⲁϥⲱⲛϩ ⲛϭⲓⲛⲁⲭⲱⲣ ⲙⲛⲛⲥⲁⲧⲣⲉϥϫⲡⲟ ⲛⲧϩⲁⲣⲁ ⲛϣⲉ ϫⲟⲩⲧⲯⲓⲧⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ ⲁϥⲙⲟⲩ
26 ⲁϥⲱⲛϩ ⲛϭⲓⲑⲁⲣⲁ ⲛϣⲃⲉ ⲛⲣⲟⲙⲡⲉ ⲁϥϫⲡⲟ ⲛⲁⲃⲣⲁⲙ ⲙⲛⲛⲁⲭⲱⲣ ⲙⲛⲁⲣⲣⲁⲛ
27 ⲛⲁⲓ ⲇⲉ ⲛⲉ ⲛⲉϫⲡⲟ ⲛⲧϩⲁⲣⲁ ⲧϩⲁⲣⲁ ⲇⲉ ⲁϥϫⲡⲟ ⲛⲁⲃⲣⲁⲙ ⲙⲛⲛⲁⲭⲱⲣ ⲙⲛⲁⲣⲣⲁⲛ ⲁⲣⲣⲁⲛ ⲇⲉ ⲁϥϫⲡⲟ ⲛⲗⲱⲧ
28 ⲁⲁⲣⲣⲁⲛ ⲙⲟⲩ ⲙⲡⲙⲧⲟ ⲉⲃⲟⲗ ⲛⲧϩⲁⲣⲁ ⲡⲉϥⲉⲓⲱⲧ ϩⲣⲁⲓ ϩⲙⲡⲕⲁϩ ⲛⲧⲁⲩϫⲡⲟϥ ϩⲣⲁⲓ ⲛϩⲏⲧϥ ϩⲛⲧⲉⲭⲱⲣⲁ ⲛⲛⲉⲭⲁⲗⲇⲁⲓⲟⲥ
29 ⲁⲁⲃⲣⲁⲙ ⲙⲛⲛⲁⲭⲱⲣ ϫⲓ ⲛⲁⲩ ⲛϩⲛϩⲓⲟⲙⲉ ⲡⲣⲁⲛ ⲛⲧⲉⲥϩⲓⲙⲉ ⲛⲁⲃⲣⲁⲙ ⲡⲉ ⲥⲁⲣⲁ ⲁⲩⲱ ⲡⲣⲁⲛ ⲛⲧⲉⲥϩⲓⲙⲉ ⲛⲛⲁⲭⲱⲣ ⲡⲉ ⲙⲉⲗⲭⲁ ⲧϣⲉⲉⲣⲉ ⲛⲁⲣⲣⲁⲛ ⲉⲧⲉⲡⲁⲓ ⲡⲉ ⲡⲉⲓⲱⲧ ⲙⲙⲉⲗⲭⲁ ⲁⲩⲱ ⲡⲉⲓⲱⲧ ⲛⲓⲉⲥⲭⲁ
30 ⲥⲁⲣⲁ ⲇⲉ ⲛⲉⲩⲁϭⲣⲏⲛ ⲧⲉ ⲉⲙⲡⲉⲥϫⲡⲉϣⲏⲣⲉ
31 ⲁⲑⲁⲣⲁ ϫⲓ ⲛⲁⲃⲣⲁⲙ ⲡⲉϥϣⲏⲣⲉ ⲙⲛⲥⲁⲣⲁ ⲧⲉϥϣⲉⲗⲉⲉⲧ ⲧⲉⲥϩⲓⲙⲉ ⲛⲁⲃⲣⲁⲙ ⲡⲉϥϣⲏⲣⲉ ⲁⲩⲱ ⲗⲱⲧ ⲡϣⲏⲣⲉ ⲛⲁⲣⲣⲁⲛ ⲡϣⲏⲣⲉ ⲙⲡⲉϥϣⲏⲣⲉ ⲁϥⲛⲧⲟⲩ ⲉⲃⲟⲗ ϩⲛⲧⲉⲭⲱⲣⲁ ⲛⲛⲉⲭⲁⲗⲇⲁⲓⲟⲥ ⲉⲃⲱⲕ ⲉϩⲣⲁⲓ ⲉⲡⲕⲁϩ ⲛⲛⲉⲭⲁⲛⲁⲛⲁⲓⲟⲥ ⲁϥⲡⲱϩ ϣⲁⲭⲁⲣⲣⲁⲛ ⲁϥⲟⲩⲱϩ ϩⲙⲡⲙⲁ ⲉⲧⲙⲙⲁⲩ
32 ⲁⲩϣⲱⲡⲉ ⲛϭⲓⲛⲉϩⲟⲟⲩ ⲧⲏⲣⲟⲩ ⲛⲧϩⲁⲣⲁ ϩⲣⲁⲓ ϩⲛⲭⲁⲣⲁⲛ ϣⲏⲧϯ ⲛⲣⲟⲙⲡⲉ ⲁϥⲙⲟⲩ ⲛϭⲓⲑⲁⲣⲁ ϩⲛⲭⲁⲣⲁⲛ
Genesis 10 · Genesis 12 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)