Read Ezekiel 21 side by side with translations · The Final Bible
1 ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁⲣⲟⲓ ⲉϥϫⲱ ⲙⲙⲟⲥ
2 ϫⲉⲡϣⲏⲣⲉ ⲙⲡⲣⲱⲙⲉ ⲙⲁⲧⲁϫⲣⲉⲡⲉⲕϩⲟ ⲉϫⲛⲑⲁⲓⲙⲁⲛ ⲁⲩⲱ ⲛⲅϭⲱϣⲧ ⲉϩⲣⲁⲓ ⲉϫⲛⲇⲁⲅⲱⲛ ⲛⲕⲡⲣⲟⲫⲏⲧⲉⲩⲉ ⲉϫⲛⲛⲁⲅⲉⲃ ⲡⲛⲟϭ ⲙⲙⲁ ⲛϣⲏⲛ
3 ⲁⲩⲱ ⲉⲕⲉϫⲟⲟⲥ ⲙⲡⲙⲁ ⲛϣⲏⲛ ⲙⲙⲁⲣⲉⲃ ϫⲉⲥⲱⲧⲙ ⲉⲡϣⲁϫⲉ ⲙⲡϫⲟⲉⲓⲥ ⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉⲉⲓⲥϩⲏⲏⲧⲉ ⲁⲛⲟⲕ ϯⲛⲁϫⲉⲣⲉⲟⲩⲥⲁⲧⲉ ϩⲣⲁⲓ ⲛϩⲏⲧⲕ ⲛⲥⲟⲩⲱⲙ ⲛϣⲏⲛ ⲛⲓⲙ ⲉⲧⲟⲩⲉⲧⲟⲩⲱⲧ ϩⲣⲁⲓ ⲛϩⲏⲧⲕ ⲙⲛϣⲏⲛ ⲛⲓⲙ ⲉⲧϣⲟⲩϣⲟⲩ ⲛϥⲛⲁⲱϣⲙ ⲁⲛ ⲛϭⲓⲡϣⲁϩ ⲛⲧⲁϥϫⲉⲣⲟ ⲛⲧⲉϩⲟ ⲛⲓⲙ ⲣⲱⲕϩ ϩⲣⲁⲓ ⲛϩⲏⲧϥ ϫⲓⲛⲡⲉⲓⲉⲃⲧ ϣⲁⲡⲉⲙϩⲓⲧ
4 ⲛⲧⲉⲥⲁⲣⲝ ⲛⲓⲙ ⲉⲓⲙⲉ ϫⲉⲁⲛⲟⲕ ⲡⲉ ⲡϫⲟⲉⲓⲥ ⲁⲓϫⲉⲣⲱϥ ⲛϥⲛⲁⲱϣⲙ ⲁⲛ
5 ⲁⲩⲱ ⲡⲉϫⲁⲓ ϫⲉⲙⲡⲱⲣ ⲡϫⲟⲉⲓⲥ ⲛⲧⲟⲟⲩ ⲥⲉϫⲱ ⲙⲙⲟⲥ ⲛⲁⲓ ϫⲉⲙⲏ ⲟⲩⲡⲁⲣⲁⲃⲟⲗⲏ ⲁⲛ ⲧⲉ ⲧⲁⲓ ⲉⲧⲟⲩϫⲱ ⲙⲙⲟⲥ
6 ⲁⲩⲱ ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁⲣⲟⲓ ⲉϥϫⲱ ⲙⲙⲟⲥ
7 ϫⲉⲉⲧⲃⲉⲡⲁⲓ ⲡⲣⲟⲫⲏⲧⲉⲩⲉ ⲡϣⲏⲣⲉ ⲙⲡⲣⲱⲙⲉ ⲁⲩⲱ ⲛⲕⲧⲁϫⲣⲉⲡⲉⲕϩⲟ ⲉϫⲛⲧϩⲓⲉⲣⲟⲩⲥⲁⲗⲏⲙ ⲛⲕϭⲱϣⲧ ⲉϩⲟⲩⲛ ⲉϫⲛⲛⲉⲩⲙⲁ ⲉⲧⲟⲩⲁⲁⲃ ⲁⲩⲱ ⲛⲕⲡⲣⲟⲫⲏⲧⲉⲩⲉ ⲉϫⲙⲡⲕⲁϩ ⲙⲡⲓⲥⲣⲁⲏⲗ
8 ϫⲉⲛⲁⲓ ⲛⲉⲧϥϫⲱ ⲙⲙⲟⲟⲩ ⲛϭⲓⲡϫⲟⲉⲓⲥ ⲡϫⲟⲉⲓⲥ ϫⲉⲉⲓⲥϩⲏⲏⲧⲉ ⲁⲛⲟⲕ ϯⲛⲁⲉⲓ ⲉϩⲣⲁⲓ ⲉϫⲱⲕ ⲁⲩⲱ ϯⲛⲁⲧⲱⲕⲙ ⲛⲧⲁⲥⲏϥⲉ ⲉϩⲣⲁⲓ ϩⲙⲡⲉⲥⲕⲟⲉⲓϩ ⲛⲧⲁϥⲱⲧⲉ ⲉⲃⲟⲗ ⲛϩⲏⲧⲕ ⲛⲟⲩⲣⲉϥϫⲓⲛϭⲟⲛⲥ ⲙⲛⲟⲩⲁⲛⲟⲙⲟⲥ
9 ⲧⲁⲓ ⲧⲉ ⲧϩⲉ ⲉⲧⲉⲣⲉⲧⲁⲥⲏϥⲉ ⲛⲏⲩ ⲉϩⲣⲁⲓ ϩⲙⲡⲉⲥⲕⲟⲉⲓϩ ⲉϫⲛⲥⲁⲣⲝ ⲛⲓⲙ ϫⲓⲛⲡⲉⲓⲉⲃⲧ ϣⲁⲡⲉⲙϩⲓⲧ
10 ⲛⲧⲉⲥⲁⲣⲝ ⲛⲓⲙ ⲉⲓⲙⲉ ϫⲉⲁⲛⲟⲕ ⲡⲉ ⲡϫⲟⲉⲓⲥ ⲁⲓⲧⲱⲕⲙ ⲛⲧⲁⲥⲏϥⲉ ⲉⲃⲟⲗ ϩⲙⲡⲉⲥⲕⲟⲉⲓϩ ⲛⲥⲛⲁⲕⲟⲧⲥ ⲉⲣⲟϥ ⲁⲛ ϫⲓⲛⲧⲉⲛⲟⲩ
11 ⲛⲧⲟⲕ ϩⲱⲱⲕ ⲡϣⲏⲣⲉ ⲙⲡⲣⲱⲙⲉ ⲁϣⲁϩⲟⲙ ϩⲙⲡⲟⲩⲱϣϥ ⲛⲧⲉⲕϯⲡⲉ ⲁⲩⲱ ⲛⲕⲁϣⲁϩⲟⲙ ϩⲛⲛⲙⲕⲁϩ ⲛϩⲏⲧ ⲙⲡⲉⲩⲙⲧⲟ ⲉⲃⲟⲗ
12 ⲁⲥϣⲱⲡⲉ ⲉⲩϣⲁⲛϫⲛⲟⲩⲕ ϫⲉⲉⲧⲃⲉⲟⲩ ⲕⲁϣⲁϩⲟⲙ ⲛⲧⲟⲕ ⲉⲕⲉϫⲟⲟⲥ ⲛⲁⲩ ϫⲉⲉⲧⲃⲉⲡⲟⲩⲱ ⲛⲧⲁⲓⲥⲟⲧⲙⲉϥ ϫⲉϥⲛⲏⲩ ⲁⲩⲱ ϩⲏⲧ ⲛⲓⲙ ⲛⲁⲟⲩⲱϣϥ ⲛⲧⲉϭⲓϫ ⲛⲓⲙ ⲃⲱⲗ ⲉⲃⲟⲗ ⲛⲧⲉⲥⲁⲣⲝ ⲛⲓⲙ ϩⲱϭⲃ ⲙⲛⲡⲛⲉⲩⲙⲁ ⲛⲓⲙ ⲛⲧⲉⲙⲉⲗⲟⲥ ⲛⲓⲙ ⲧⲱⲗⲙ ϩⲛⲧⲱⲗⲙ ⲛⲓⲙ ⲉⲓⲥ ϩⲏⲏⲧⲉ ϥⲛⲏⲩ ⲁⲩⲱ ϥⲛⲁϣⲱⲡⲉ ⲡⲉϫⲉⲡϫⲟⲉⲓⲥ ⲡϫⲟⲉⲓⲥ
13 ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁⲣⲟⲓ ⲉϥϫⲱ ⲙⲙⲟⲥ
14 ϫⲉⲡϣⲏⲣⲉ ⲙⲡⲣⲱⲙⲉ ⲡⲣⲟⲫⲏⲧⲉⲩⲉ ⲛⲕϫⲟⲟⲥ ϫⲉⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉⲁϫⲓⲥ ϫⲉⲧⲥⲏϥⲉ ⲧⲥⲏϥⲉ ⲧⲱⲙ ⲛⲧⲉϭⲱⲛⲧ
15 ϫⲉⲕⲁⲥ ⲉⲣⲉϣⲱⲱⲧ ⲛϩⲉⲛϣⲱⲱⲧ ⲧⲱⲙ ϫⲉⲕⲁⲥ ⲉⲣⲉⲧⲁⲁⲧⲉ ⲥⲃⲧⲱⲧⲉ ⲉⲃⲟⲗⲟⲩ ⲉⲃⲟⲗ ⲥⲱϣϥ ⲛⲧⲉⲛⲟⲩϫⲉ ⲉⲃⲟⲗ ⲛϣⲉ ⲛⲓⲙ
16 ⲁⲩⲱ ⲁϥⲧⲁⲁⲥ ⲉⲥⲥⲃⲧⲱⲧ ⲉⲧⲣⲉⲧⲉϥϭⲓϫ ⲁⲙⲁϩⲧⲉ ⲧⲥⲏⲃⲉ ⲁⲩⲧⲟⲙⲥ ⲉⲥⲥⲃⲧⲱⲧ ⲉⲧⲁⲁⲥ ⲉⲧϭⲓϫ ⲙⲡⲉⲧⲛⲁⲕⲱⲛⲥ
17 ⲱϣ ⲉⲃⲟⲗ ⲁⲩⲱ ⲛⲕⲛⲉϫⲗⲟⲩⲗⲁⲓ ⲉⲃⲟⲗ ⲡϣⲏⲣⲉ ⲙⲡⲣⲱⲙⲉ ϫⲉⲁⲧⲁⲓ ϣⲱⲡⲉ ϩⲙⲡⲁⲗⲁⲟⲥ ⲁⲥϣⲱⲡⲉ ϩⲛⲛϩⲩⲅⲟⲩⲙⲉⲛⲟⲥ ⲧⲏⲣⲟⲩ ⲙⲡⲓⲥⲣⲁⲏⲗ ⲁⲩⲱ ⲉⲃⲟⲗ ϫⲉⲧⲥⲏϥⲉ ⲁⲥϣⲱⲡⲉ ⲙⲡⲁⲗⲁⲟⲥ ⲉⲧⲃⲉⲡⲁⲓ ϫⲁⲕ ⲛⲛⲉⲕϭⲓϫ
18 ⲉⲃⲟⲗ ϫⲉⲁⲥⲧⲙⲁⲉⲓⲟ ⲁⲩⲱ ⲟⲩ ⲡⲉ ⲡϩⲱⲃ ⲉϣϫⲉ ⲁⲩⲛⲟⲩϫⲉ ⲉⲃⲟⲗ ⲛⲟⲩⲫⲩⲗⲏ ⲛϥⲛⲁϣⲱⲡⲉ ⲁⲛ ⲡⲉϫⲉⲡϫⲟⲉⲓⲥ
19 ⲛⲧⲟⲕ ϩⲱⲱⲕ ⲡϣⲏⲣⲉ ⲙⲡⲣⲱⲙⲉ ⲡⲣⲟⲫⲏⲧⲉⲩⲉ ⲛⲕϫⲁⲕ ⲛⲧⲉⲕϭⲓϫ ⲛⲕⲟⲩⲉϩⲙ ⲕⲉⲥⲏϥⲉ ⲧⲙⲉϩϣⲟⲙⲧⲉ ⲛⲥⲏϥⲉ ⲉⲧⲟ ⲛϩⲁⲧⲃⲉⲥ ⲧⲉ ⲧⲛⲟϭ ⲛⲥⲏϥⲉ ⲛⲛϩⲁⲧⲃⲉⲥ ⲁⲩⲱ ⲉⲕⲉϣⲧⲣⲧⲱⲣⲟⲩ
20 ϫⲉⲕⲁⲥ ⲉⲣⲉⲡⲉⲩϩⲏⲧ ⲟⲩⲱϣϥ ⲛⲥⲉⲁϣⲁⲓ ⲛϭⲓⲛⲉⲧϣⲱⲛⲉ ⲁⲩⲡⲁⲣⲁⲇⲓⲇⲟⲩ ⲙⲙⲟⲟⲩ ⲉϩⲣⲁⲓ ⲉⲧⲟⲟⲧⲥ ⲛⲧⲥⲏϥⲉ ⲉⲕⲟⲛⲥⲟⲩ ϩⲓⲣⲙⲡⲩⲗⲏ ⲛⲓⲙ ⲁⲥⲥⲟⲃⲧⲉ ⲕⲁⲗⲱⲥ ⲉⲥⲕⲱⲛⲥ ⲁⲥϣⲱⲡⲉ ⲕⲁⲗⲱⲥ ⲉⲧⲣⲉⲥⲧⲁⲁⲧⲉ
21 ⲧⲥⲏϥⲉ ⲙⲟⲟϣⲉ ⲛⲧⲉⲧⲟⲩⲱⲙ ⲛⲥⲁⲟⲩⲛⲁⲙ ⲁⲩⲱ ⲛⲥⲁϩⲃⲟⲩⲣ ⲉⲡⲙⲁ ⲉⲧⲉⲣⲉⲡⲟⲩϩⲟ ⲛⲁϭⲱϣⲧ ⲉⲣⲟϥ
22 ⲁⲛⲟⲕ ϩⲱ ϯⲛⲁⲣⲉϩⲧ ⲧⲟⲟⲧⲉϫⲛⲧⲟⲟⲧⲁⲩⲱ ⲛⲧⲁϫⲟⲟⲩ ⲙⲡⲁϭⲱⲛⲧ ⲁⲛⲟⲕ ⲡϫⲟⲉⲓⲥ ⲁⲓϣⲁϫⲉ
23 ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁⲣⲟⲓ ⲉϥϫⲱ ⲙⲙⲟⲥ
24 ϫⲉⲛⲧⲟⲕ ϩⲱⲱⲕ ⲡϣⲏⲣⲉ ⲙⲡⲣⲱⲙⲉ ⲧⲱϣ ⲛⲁⲕ ⲛϩⲓⲏ ⲥⲛⲧⲉ ⲉⲧⲣⲉⲧⲥⲏϥⲉ ⲙⲡⲣⲣⲟ ⲛⲧⲃⲁⲃⲩⲗⲱⲛ ⲉⲓ ⲉϩⲟⲩⲛ
33 ⲉⲥⲧⲟⲕⲙ ⲉϩⲉⲛⲕⲱⲛⲥ ⲉⲥⲧⲟⲕⲙ ⲉⲩⲥⲩⲛⲧⲉⲗⲉⲓⲁ
35 ⲕⲧⲟ ⲉⲃⲟⲗ ⲙⲡⲣϭⲱ ϩⲙⲡⲙⲁ ⲉⲛⲧⲁⲩϫⲡⲟ ⲛϩⲏⲧϥ ⲉⲓⲛⲁϯϩⲁⲡ ⲉⲣⲟϩⲣⲁⲓ ϩⲙⲡⲟⲩⲕⲁϩ
36 ϯⲛⲁⲡⲱϩⲧ ⲙⲡⲁϭⲱⲛⲧ ⲉϩⲣⲁⲓ ⲉϫⲱ ⲛⲧⲁⲧⲙϩⲉ ⲟⲩⲥⲁⲧⲉ ⲉϩⲣⲁⲓ ⲉϫⲱ ϩⲛⲧⲁⲟⲣⲅⲏ ⲛⲧⲁⲡⲁⲣⲁⲇⲓⲇⲟⲩ ⲙⲙⲟⲉⲧϭⲓϫ ⲛϩⲉⲛⲣⲱⲙⲉ ⲛⲃⲁⲣⲃⲁⲣⲟⲥ ⲉⲩϫⲡⲟ ⲛⲟⲩⲧⲁⲕⲟ
37 ⲛⲧⲉϣⲱⲡⲉ ⲛϩⲣⲉ ⲛⲧⲥⲁⲧⲉ ⲛⲧⲉⲡⲟⲩⲥⲛⲟϥ ϣⲱⲡⲉ ϩⲛⲧⲙⲏⲧⲉ ⲙⲡⲟⲩⲕⲁϩ ⲛⲛⲉⲣⲡⲙⲉⲉⲩⲉ ϣⲱⲡⲉ ⲛⲉ ⲉⲃⲟⲗ ϫⲉⲁⲛⲟⲕ ⲡⲉ ⲡϫⲟⲉⲓⲥ ⲁⲓϣⲁϫⲉ
Ezekiel 20 · Ezekiel 22 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)