Read Daniel 6 side by side with translations · The Final Bible
1 ⲁϥⲉⲣⲁⲛⲁϥ ⲇⲉ ⲙⲡⲉⲙⲧⲟ ⲉⲃⲟⲗ ⲛⲇⲁⲣⲓⲟⲥ ⲁϥⲕⲁⲑⲓⲥⲧⲁ ⲉϩⲣⲁⲓ ⲉϫⲛⲧⲉϥⲙⲛⲧⲣⲣⲟ ⲛϣⲉϫⲟⲩⲱⲧ ⲛⲥⲁⲧⲣⲁⲡⲏⲥ ⲉⲧⲣⲉⲩϣⲱⲡⲉ ⲉϩⲣⲁⲓ ⲉϫⲛⲧⲉϥⲙⲛⲧⲣⲣⲟ ⲧⲏⲣⲥ
2 ⲁⲩⲱ ϣⲟⲙⲛⲧ ⲛⲧⲁⲕⲧⲓⲕⲟⲥ ⲉϩⲣⲁⲓ ⲉϫⲱⲟⲩ ⲉⲟⲩⲁ ⲇⲉ ⲉⲃⲟⲗ ⲛϩⲏⲧⲟⲩ ⲡⲉ ⲇⲁⲛⲓⲏⲗ ⲉⲧⲣⲉⲛⲥⲁⲧⲣⲁⲡⲏⲥ ⲧⲛⲛⲉⲩⲗⲟⲅⲟⲥ ⲛⲁⲩ ϫⲉⲕⲁⲥ ⲛⲛⲉⲩⲉⲛⲱⲭⲗⲉⲓ ⲙⲡⲣⲣⲟ
3 ⲇⲁⲛⲓⲏⲗ ⲇⲉ ⲛⲉϥϫⲟⲥⲉ ⲉⲣⲟⲟⲩ ϫⲉⲟⲩⲛⲟⲩⲡⲛⲉⲩⲙⲁ ⲛϩⲟⲩⲟ ϣⲟⲟⲡ ϩⲣⲁⲓ ⲛϩⲏⲧϥ ⲁⲩⲱ ⲡⲣⲣⲟ ⲁϥⲧⲁϩⲟϥ ⲉⲣⲁⲧϥ ⲉϩⲣⲁⲓ ⲉϫⲛⲧⲉϥⲙⲛⲧⲣⲣⲟ ⲧⲏⲣⲥ
4 ⲛⲧⲁⲕⲧⲓⲕⲟⲥ ⲇⲉ ⲙⲛⲛⲥⲁⲧⲣⲁⲡⲏⲥ ⲛⲉⲩϣⲓⲛⲉ ⲛⲥⲁϩⲉ ⲉⲩⲗⲟⲓϭⲉ ⲉϩⲟⲩⲛ ⲉⲇⲁⲛⲓⲏⲗ ⲁⲩⲱ ⲙⲡⲟⲩϩⲉ ⲉⲗⲁⲁⲩ ⲛⲗⲟⲓϭⲉ ⲟⲩⲇⲉ ⲛⲟⲃⲉ ⲟⲩⲇⲉ ϫⲱⲣⲙ ⲉϩⲟⲩⲛ ⲉⲣⲟϥ ϫⲉⲛⲉⲟⲩⲡⲓⲥⲧⲟⲥ ⲡⲉ
5 ⲡⲉϫⲁⲩ ⲇⲉ ⲛϭⲓⲛⲧⲁⲕⲧⲓⲕⲟⲥ ϫⲉⲛⲧⲉⲛⲛⲁϩⲉ ⲁⲛ ⲉⲗⲟⲓϭⲉ ⲉϩⲟⲩⲛ ⲉⲇⲁⲛⲓⲏⲗ ⲉⲓⲙⲏⲧⲓ ϩⲛⲛⲥⲱⲛⲧ ⲙⲡⲉϥⲛⲟⲩⲧⲉ
6 ⲧⲟⲧⲉ ⲛⲧⲁⲕⲧⲓⲕⲟⲥ ⲙⲛⲛⲥⲁⲧⲣⲁⲡⲏⲥ ⲁⲩⲁϩⲉⲣⲁⲧⲟⲩ ⲉⲡⲣⲣⲟ ⲡⲉϫⲁⲩ ⲛⲁϥ ϫⲉⲇⲁⲣⲓⲟⲥ ⲡⲣⲣⲟ ⲱⲛϩ ϣⲁⲉⲛⲉϩ
7 ⲁⲩϫⲓ ϣⲟϫⲛⲉ ⲧⲏⲣⲟⲩ ⲛϭⲓⲛⲉⲧϣⲟⲟⲡ ϩⲛⲧⲉⲕⲙⲛⲧⲣⲣⲟ ⲛⲉⲥⲧⲣⲁⲧⲏⲅⲟⲥ ⲙⲛⲛⲥⲁⲧⲣⲁⲡⲏⲥ ⲙⲛⲛϩⲩⲡⲁⲧⲟⲥ ⲙⲛⲛⲧⲟⲡⲁⲣⲭⲏⲥ ⲉⲥⲙⲓⲛⲉ ⲛⲟⲩⲥⲙⲓⲛⲉ ⲛⲣⲣⲟ ⲁⲩⲱ ⲉϯϭⲟⲙ ⲛⲟⲩⲧⲱϣ ϫⲉⲕⲁⲥ ⲉⲣϣⲁⲛⲟⲩⲁ ⲁⲓⲧⲉⲓ ⲛⲟⲩⲁⲓⲧⲏⲙⲁ ⲉⲃⲟⲗ ϩⲓⲧⲛⲗⲁⲁⲩ ⲛⲛⲟⲩⲧⲉ ⲙⲛⲛⲣⲱⲙⲉ ϣⲁⲉϩⲣⲁⲓ ⲉⲟⲩⲉⲃⲟⲗ ⲛϩⲟⲟⲩ ⲉⲓⲙⲏⲧⲓ ⲉⲃⲟⲗ ϩⲓⲧⲟⲟⲧⲕ ⲡⲣⲣⲟ ⲛⲥⲉⲛⲟⲩϫ ⲙⲙⲟϥ ⲉϩⲣⲁⲓ ⲉⲡϣⲏⲓ ⲛⲙⲙⲟⲩⲓ
8 ⲧⲉⲛⲟⲩ ϭⲉ ⲡⲣⲣⲟ ⲥⲙⲓⲛⲉ ⲙⲡⲧⲱϣ ⲛⲅⲧⲱϣ ⲉⲃⲟⲗ ⲛⲟⲩⲥⲙⲓⲛⲉ ϫⲉⲕⲁⲥ ⲛⲛⲉϥϣⲓⲃⲉ ⲛϭⲓⲡⲇⲟⲅⲙⲁ ⲛⲙⲡⲉⲣⲥⲟⲥ ⲙⲛⲙⲙⲏⲧⲟⲥ
9 ⲧⲟⲧⲉ ⲡⲣⲣⲟ ⲇⲁⲣⲓⲟⲥ ⲁϥⲟⲩⲉϩⲥⲁϩⲛⲉ ⲉⲥϩⲁⲓ ⲙⲡⲇⲟⲅⲙⲁ
10 ⲛⲧⲉⲣⲉⲇⲁⲛⲓⲏⲗ ⲇⲉ ⲉⲓⲙⲉ ϫⲉⲁⲩⲥⲙⲓⲛⲉ ⲙⲡⲇⲟⲅⲙⲁ ⲁϥⲃⲱⲕ ⲉϩⲟⲩⲛ ⲉⲡⲉϥⲏⲓ ⲉⲣⲉⲛⲉϥϣⲟⲩϣⲧ ⲟⲩⲏⲛ ⲉⲣⲱϥ ϩⲛⲛⲉϥⲙⲁ ⲉⲧϩⲛⲧⲡⲉ ⲙⲡⲉⲙⲧⲟ ⲉⲃⲟⲗ ⲛⲧϩⲓⲉⲣⲟⲩⲥⲁⲗⲏⲙ ⲛⲉϥⲕⲱⲗϫ ⲇⲉ ⲙⲙⲟϥ ⲉϫⲛⲛⲉϥⲡⲁⲩ ⲛⲛⲁⲩ ⲛⲓⲙ ⲛϣⲟⲙⲛⲧ ⲛⲥⲟⲡ ϩⲙⲡⲉϩⲟⲟⲩ ⲉϥϣⲗⲏⲗ ⲁⲩⲱ ⲉϥⲉⲝⲟⲙⲟⲗⲟⲅⲉⲓ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲕⲁⲧⲁ...
11 ⲡⲉϥⲛⲟⲩⲧⲉ
12 ⲁⲩϯⲡⲉⲩⲟⲩⲟⲉⲓ ⲉⲩϫⲱ ⲙⲙⲟⲥ ϫⲉⲡⲣⲣⲟ ⲙⲏ ⲙⲡⲉⲕⲥⲙⲓⲛⲉ ⲛⲟⲩⲇⲟⲅⲙⲁ ϫⲉⲕⲁⲥ ⲣⲱⲙⲉ ⲛⲓⲙ ⲉⲧⲛⲁⲁⲓⲧⲉⲓ ⲉⲃⲟⲗ ϩⲓⲧⲛⲗⲁⲁⲩ ⲛⲛⲟⲩⲧⲉ ⲙⲛⲛⲣⲱⲙⲉ ⲙⲟⲩⲁⲓⲧⲏⲙⲁ ⲛⲟⲩⲉⲃⲟⲧ ⲛϩⲟⲟⲩ ⲉⲓⲙⲏⲧⲓ ⲉⲃⲟⲗ ϩⲓⲧⲟⲟⲧⲕ ⲡⲣⲣⲟ ⲉⲩⲉⲛⲟⲩϫⲉ ⲙⲙⲟϥ ⲉϩⲣⲁⲓ ⲉⲡϣⲏⲓ ⲛⲙⲙⲟⲩⲓ ⲡⲉϫⲁϥ ⲛϭⲓⲡⲣⲣⲟ ϫⲉⲟⲩⲙⲉ
Daniel 5 · Daniel 7 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)