Read 4 Maccabees 12 side by side with translations · The Final Bible
1 ܟܕ ܕܝܢ ܐܦ ܗܢܐ ܛܘܒܬܢܐܝܬ ܡܝ̣ܬ ܡܢ ܒܬܪ ܕܢܦ̣ܠ ܒܩܕܣܐ ܗ̇ܘ ܕܫܒܥܐ ܐܬ̣ܐ ܗܘܐ ܕܡܢ ܟܘܠܗܘܢ ܛܠ̣ܐ ܗܘܐ
2 ܥܠܘܗܝ ܥܠ ܗܢ̣ ܛܪܘܢܐ ܐܝܟ ܕܒܚܘܣܢܐ ܟܪܝܬ ܠܗ ܟܕ ܛܒ ܩܫܝܐܝܬ ܐܨܛܪ ܡܢ ܐܚ̈ܘܗܝ
3 ܘܟܕ ܚܙܝܗܝ ܕܡܟܝܠ ܒܐܣܘܪ̈ܐ ܐܬܐܣܪ ܫܕ̇ܪ ܒܬܪܗ ܘܡܢ ܕܘܟܬܐ ܕܒܗ̇ ܩܐ̇ܡ ܗܘܐ ܝܬܝܪܐܝܬ ܠܘܬܗ ܩܪܒܗ ܘܐܡ̣ܪ ܠܗ
4 ܫܘܠܡܐ ܕܢܣܒܬ ܚܣܝܪܘܬ ܪܥܝܢܐ ܕܐ̈ܚܝ̈ܟ ܗܐ ܚ̇ܙܐ ܐܢܬ ܡܛܠ ܓܝܪ ܠܐ ܡܬܛܦܝܣܢܘܬܗܘܢ ܡܣܡ ܒܪܫܐ ܩ̇ܒܠܘ ܘܡܝܬܘ ܐܦ ܐܢܬ ܐܢܗ̣ܘ ܕܠܐ ܬܛܦܝܣ ܐܘ ܕܘ̇ܝܐ ܠܐܘ̈ܠܨܢܐ ܥܐ̇ܠ ܐܢܬ ܘܒܗܘܢ ܡܐ̇ܬ ܐܢܬ ܩܕܡ ܙܒܢܐ
5 ܐܢ ܕܝܢ ܬܛܦܝܣ ܪܚܡ̇ܐ ܠܝܬ ܗܘܐ ܘܥܠ ܨܒܘ̈ܬܐ ܒܡ̇ܠܟܘܬܝ ܬܫܬܠܛ
6 ܘܟܕ ܗܟܢܐ ܡܢܗ ܒܥ̇ܐ ܗܘܐ̣ ܠܐܡܗ ܕܛܠܝܐ ܫ̇ܕܪ ܐܝܬܝ ܕܟܕ ܚܝ̇ܣܐ ܥܠ ܢܦܫܗ ܕܡܢ ܟܠܗܘܢ ܗܠܝܢ ܒܢ̈ܝܐ ܐܬܓܙܝܬ ܬܓܪܓܗ ܠܗ̇ܘ ܕܐܫܬܚܪ ܕܢܬܛܦܝܣ ܘܢܚܐ
7 ܗ̣ܘ ܕܝܢ ܟܕ ܐܡܗ ܒܠܫܢܐ ܥܒܪܝܐ ܓܪܓܬܗ ܐܝܟ ܡܐ ܕܒܬܪ ܩܠܝܠ ܥܬ̇ܝܕܝܢܢ ܠܡܐܡܪ
8 ܥܢ̣ܐ ܘܐܡ̣ܪ ܠܡ̇ܠܟܐ ܘܠܟܠܗܘܢ ܪ̈ܚ̇ܡܘܗܝ ܕܥܡܗ ܕܫܪܐܘܢܝ
9 ܗ̣ܢܘܢ ܕܝܢ ܒܕܚܕܝܘ ܝܬܝ̇ܪܐܝܬ ܡܛܠ ܫܘܘܕܝܗ ܕܛܠܝܐ ܒܥܓܠ ܠܗ ܫܪܘ
10 ܗ̣ܘ ܕܝܢ ܪܗ̣ܛ ܥܠ ܓܒ ܚܕ ܡܢ ܛܓ̈ܢܐ ܕܠܗ ܩܪܝܒܝܢ ܗܘܘ ܘܐܡ̣ܪ
11 ܐܘ ܛܪܘܢܐ ܪܫܝܥܐ ܕܡܢ ܟܠ ܪ̈ܫܝܥܝܢ ܪܫܝܥ ܠܐ ܬܬܟܚܕ ܕܢܣܒܬ ܡܢ ܐܠܗܐ ܛ̇ܒܬ̇ܐ ܘܡ̇ܠܟܘܬܐ ܕܠܥ̈ܒ̣ܕܘܗܝ ܬܢܟܣ ܘܬܫܬܢܕ ܒܐ̈ܬܠܝܛܐ ܕܫܪܪܐ
12 ܥܠ ܗܠܝܢ ܕܝܢ̣ܐ ܕܐܠܗܐ ܢ̇ܛܪ ܠܟ ܠܢܘܪܐ ܕܥܙܝܙܐ ܡܢ ܗܕܐ ܘܡܘܩܕܐ ܠܥܠܡ ܘܫܢ̈ܕܐ ܠܟ ܠܐ ܢܪܦܘܢ ܠܥܠܡ
13 ܠܐ ܒܗ̇ܬ ܐܢܬ ܕܟܕ ܐܝܬܝܟ ܐܦ ܐܢܬ ܒܪܢܫ̣ܐ ܐܝܟ ܚܝ̈ܘܬܐ ܠܒܢܝ̈ܢܫܐ ܚܫܘ̈ܫܐ ܕܐܟܘܬܟ ܕܡܢܗܘܢ ܟܕ ܡܢܗܘܢ ܕܐܣ̈ܛܘܟܣܐ ܗܘ̣ܘ ܡܢ ܗܠܝܢ ܕܐܦ ܐܢܬ ܕܬܦܣܩ ܠܫܢܝ̈ܗܘܢ ܘܒܐܣܟܡܐ ܗܢܐ ܬܫܬܢܕ ܘܬܘܩܕ ܐܢܘܢ
14 ܐܠܐ ܗ̣ܢܘܢ ܕܚܠܬܐ ܕܐܠܗܐ ܫܡ̇ܠܝܘ
15 ܐܢܬ ܕܝܢ ܒܬܢܚ̈ܬܐ ܒܝ̈ܫ̣ܬܐ ܬܗܘܐ ܕܠܐܬ̈ܠܝܛܘܗܝ ܕܫܪܪܐ ܕܠܐ ܥܠܐ ܩܛ̣ܠܬ
16 ܐܦ ܐܢܐ ܕܝܢ ܕܥܬܝܕ ܐܢܐ ܕܐ̇ܡܘܬ ܐܡ̇ܪ ܐܢܐ ܠܟ
17 ܕܠܐ ܥ̇ܪܩ ܐܢܐ ܡܢ ܢܚܫܝܪܬܢܘܬܐ ܕܐ̈ܚܝ
18 ܩ̇ܪܐ ܐܢܐ ܕܝܢ ܠܐܠܗܐ ܕܐܒ̈ܗܝ ܕܢܬܪܥܐ ܠܥܡܢ
19 ܠܟ ܕܝܢ ܐܦ ܒܥܠܡܐ ܗܢܐ ܘܡܢ ܒܬܪ ܡܘܬܟ ܢܫܢ̇ܩ
20 ܟܕ ܕܝܢ ܨ̇ܠܝ ܕܢܐ̈ܬܝܢ ܗܠܝܢ ܥܠ ܛܪܘܢܐ̣ ܫ̣ܕܐ ܢܦܫܗ ܥܠ ܛܓܢܐ ܘܗܟܢܐ ܪܘܚܗ ܐܫ̣ܠܡ
4 Maccabees 11 · 4 Maccabees 13 · Greek (Septuagint / SBLGNT)