Read 4 Maccabees 11 side by side with translations · The Final Bible
1 ܟܕ ܕܝܢ ܐܦ ܗܢܐ ܣܒ̣ܠ ܫܢܕܐ ܘܡ̣ܝܬ̣ ܗ̇ܘ ܕܚܡܫܐ ܫܘܪ ܠܡܨܥܬܐ̣ ܘܐܡ̣ܪ
2 ܠܐ ܡܬܡܬܢ ܐܢܐ ܐܘ ܛܪܘܢܐ ܠܡܐܬܐ ܠܐܘܠ̈ܨܢܐ ܡܛܠ ܫܪܪܐ
3 ܐܢܐ ܕܝܢ ܡܢ ܨܒܘܬ ܢܦܫܝ ܥ̇ܒܪܬ ܠܡܨܥܬܐ ܕܟܕ ܐ̇ܠܨ ܐܢܬ ܐܦ ܠܝ ܥܠ ܐ̈ܦܝ ܚܛܗ̈ܐ ܣܓܝܐ̈ܐ ܬܣܒ ܡܣܡܒܪܫܐ ܠܕܝ̣ܢܐ ܫܡܝܢܐ
4 ܐܘ ܣ̇ܢܐ ܠܡܝܬܪܘܬܐ ܘܣ̇ܢܐ ܠܒ̈ܝ ܐܢܫܐ ܡܢܐ ܣܥܪܢ ܕܡܛܠܬܗ ܒܗܢܐ ܐܣܟܡܐ ܚ̇ܪܒ ܐܢܬ ܠܢ
5 ܡܛܘܠ ܕܠܒܪܘܝܐ ܣܓܕܝܢ ܚܢܢ ܘܒܢܡܘܣܗ ܫܒܝܚܐ ܡܬܗܦܟܝܢ ܚܢܢ
6 ܐܠܐ ܗܕܐ ܠܐܝܩܪܐ ܘܠܐ ܗܘܐ ܠܫܢ̈ܕܐ ܫܘ̇ܝܐ ܗܘܬ
9 ܟܕ ܕܝܢ ܡܡܠܠ ܗܘܐ ܗܠܝ̣ܢ ܐܣܪܘܗܝ ܦܠܚ̈ܐ ܘܠܘܬ ܩܝܣܐ ܐܝܬܝܘܗܝ
10 ܘܥܠܘܗܝ ܥܠ ܩܝܣܐ ܗܢܐ ܟܘܠܗ ܡܢ ܩܕܠܗ ܡܬܟܦܦ ܗܘܐ ܒܕܡܘܬ ܥܩܪܒܐ ܘܡܬܦܪܩܝܢ ܗܘܘ ܗܕܡ̈ܘܗܝ
11 ܟܕ ܕܝܢ ܪܘܚܗ ܒܙܢܐ ܗܢܐ ܕ̈ܫܢܕܐ ܡܬܥܠܨܐ ܗܘܬ ܘܦܓܪܗ ܡܬܥܨܐ ܗܘܐ ܠܡܬܦܫܚܘ ܐܡ̣ܪ
12 ܛܝܒ̈ܘܬܐ ܫܦܝܪ̈ܬܐ ܟܕ ܠܐ ܨܒ̇ܐ ܐܢܬ ܝܗ̇ܒ ܐܢܬ ܠܢ ܐܘ ܛܪܘܢܐ ܕܒܝܕ ܟܐܒ̈ܐ ܩ̈ܫܝܐ ܥ̇ܡܕ ܐܢܬ ܠܢ ܠܡܚܘܝܘ ܚܘܡܣܢܢ ܕܡܛܠ ܢܡܘܣܐ
13 ܟܕ ܕܝܢ ܡܝ̣ܬ ܐܦ ܗܢܐ̣ ܠܛܠܝܐ ܗܘ̇ ܕܫܬܐ ܒܬܪܗ ܡܩܪܒܝܢ ܗܘܘ ܟܕ ܕܝܢ ܡܫܐܠ ܠܗ ܛܪܘܢܐ ܕܐܢ ܗ̣ܘ ܕܢܨܒܐ ܕܢܐܟܘܠ ܘܢܫܬܒܩ̣ ܥ̣ܢܐ ܗ̣ܘ ܘܐܡ̣ܪ ܠܗ
14 ܐܢܐ ܒܫܢ̈ܝܐ ܡܢ ܐܚ̈ܝ ܛܠ̣ܐ ܐܢܐ ܒܪܥܝܢܐ ܕܝܢ ܚܠܝܡܐ̣ ܒܪ ܫܢܝܗ̈ܘܢ ܐܢܐ
15 ܘܒܗܝܢ ܟܕ ܒܗܝܢ ܗܟܝܠ ܒܨܒܘ̈ܬܐ ܐܬܝܠܕܢ ܘܒܗܝܢ ܐܬܪܒܝܢ ܡܛܘܠܬܗܝܢ ܕܝܠܗܝܢ̣ ܐܦ ܕܢܡܘܬ ܙܕ̇ܩ ܠܢ ܫܘܝܐܝܬ
16 ܐܢ ܗܟܝܠ ܡܬܚܙܝܐ ܩܕܡܝܟ ܕܬܫܬܢܕ ܒܝ ܐܢܗ̣ܘ ܕܠܐ ܐܟܘܠ ܕܡܣ̇ܝܒ ܐܫܬܢܕ
17 ܟܕ ܕܝܢ ܐܡ̣ܪ ܗܠܝ̣ܢ ܗܝ̇ܕܝܢ ܐܝܬܝܘܗܝ ܥܠ ܓܝܓܠܐ
18 ܘܟܕ ܥܠܝܗ̇ ܡܬܝܚ ܗܘܐ ܗܕܡ̈ܘܗܝ ܘܚܘܡܪ̈ܘܗܝ ܡܫܬܪ̈ܝܢ ܗ̈ܘܝ ܡܫܬܓܪܐ ܕܝܢ ܬܚܘܬܘܗܝ ܢܘܪܐ
19 ܘܫܦܘ̈ܕܐ ܚܪܝ̈ܦܐ ܡܚܡܝܢ ܗܘܘ ܘܒܚܨܗ ܡܙܩܬܝܢ ܗܘܘ ܠܗ ܘܐܠܥ̈ܘܗܝ ܫ̇ܦܕܝܢ ܗܘܘ ܘܡܐ̈ܢܝ ܓܘܗ ܡܘܩܕܝܢ ܗܘܘ
20 ܗ̣ܘ ܕܝܢ ܟܕ ܐܝܬܘܗܝ ܗܘܐ ܒܐܘܠܨܢܐ ܗܢܐ̣̣ ܐܘ ܠܐܓܘܢܐ ܗܢܐ ܫܒܝܚܐ ܐܡ̇ܪ ܗܘܐ ܕܠܗ ܡܛܠ ܫܪܪܐ ܒܕܘܪܫܐ ܕܟܐ̈ܒܐ ܗܠܝܢ ܟܘܠܗܘܢ ܐܚ̈ܐ ܐܬܩܪܝܢ ܘܠܐ ܐܙܕܟܝܢ
21 ܠܐ ܡܙܕܟܝܢܐ ܗܘ ܓܝܪ ܐܘ ܛܪܘܢܐ ܐܝ̇ܢܐ ܕܐܝܬܘܗܝ ܒܡܪܕܘܬܐ ܕܝܘܠܦܢܐ ܕܫܪܪܐ
22 ܘܡܙܝܢ ܒܪܚܡܬ ܫܦܝܪ̈ܬܐ ܡܐ̇ܬ ܐܢܐ ܐܦ ܐܢܐ ܥܡ ܐܚ̈ܝ
23 ܟܕ ܡܝܬܐ ܐܢܐ ܐܦ ܐܢܐ ܐܦ ܐܢܐ ܥܠܝܟ ܚܘܒܠܐ ܪܒܐ ܐܘ ܫܐܕܐ ܚ̇ܒܠܐ ܘܡܫܟܚܢܐ ܕܫܢ̈ܕܐ ܚܕ̈ܬܐ ܘܒܥܠܕܒܒܐ ܕܣ̇ܓ̈ܘܕܐ ܫܪܝܪܐ
24 ܫܬܐ ܥܠܝܡ̈ܝܢ ܠܛܪܘܢܘܬܟ ܣ̇ܬܪܢ
25 ܕܠܐ ܓܝܪ ܐܫܟ̣ܚܬ ܕܬܦܝܣ ܠܪܥܝܢܢ ܠܐ ܗܘܐ ܕܡܘܟܟܟ ܗܝ ܗܕܐ̣
26 ܢܘܪܟ ܠܢ ܩܪܝܪܐ ܗܝ ܘܕܠܐ ܟܐܒ ܐܝܬܝܗܘܢ ܦܪ̈ܙܠܝܟ ܘܕܠܐ ܚܝܠ ܩܛܝܪ̈ܝܟ
27 ܠܐ ܗܘܐ ܓܝܪ ܐܚܝ̈ܕܝ ܪܘܡܚܐ ܕܛܪܘܢܘܬܐ ܐܠܐ ܐܚܝ̈ܕܝ ܪ̈ܘܡܚܐ ܕܢܡܘܣܐ ܐܠܗܝܐ ܚܕܝܪܝܢ ܠܢ ܘܥܠ ܗܕܐ ܪܥܝܢܐ ܠܐ ܡܙܕܟܝܢܐ ܐܝܬ ܠܢ܀
4 Maccabees 10 · 4 Maccabees 12 · Greek (Septuagint / SBLGNT)